رواية لثام الخلود الفصل الاول1بقلم نسرين خالد
لثام الخلود
بين ماضينا وحاضرنا كثير من الاسرار بعضها نخفيه وبعضها يخفى فينا وداخلنا حروب وصراعات لا احد يعلم ماهيتهاومن سيفوز في النهايه....
ولكن ماذا اذا وجد من يفهم حروبناومعاركنا الخاصه؟
بل ماذا اذا وجد من يستطيع ان يقرا افكارنا وما تختلج به نفوسنا، وماذا لو كان اضعفنا؟
هل سنتقبل الامر ام سيتغلب علينا خوفنا مما نجهله ونصبح مسيرين نحو الهروب من الليل الكحيل
لثام الخلود
نبدا بسم الله
مع اذان الفجر تصحى خلود بطلتنا من نومها تستعد لصلاه الفجر وبعد انتهاء الصلاه تبدا بروتينها من تجهيز الفطار وتحضير الغداء وتطبيق الهدوم عشان يسمح لها روح الجامعه بتاعتها
ندى الام: انت يا بنت انت فين يا زفته يا خلود انت فين نهارك مش فايت معايا
خلود: ايوه يا ماما حاضر انا اهو صباح الخير يا ماما
ندى: الهي لا تصبحي يا شيخه كل ده بانادي عليك ومش بتردي كنت فين كل ده خلصتى اللي وراكى ولا مستنيه لما نخدمك
خلود: خلصت كل حاجه الحمد لله الغسيل نشف وطبقته وجهزت الفطار وحضرت الغداء البيض علشان عمي بيحبه سخن
ندى: ماشي يا اختي روحي يلا صحي عمك و الباقي بسرعه
خلود: ماما بعد اذنك هصحى عمى والبنات بس وهاخلي سما تصحي اولاد عمي
ندى: ليه يا اختي ان شاء الله
خلود: يا ماما اولاد عمى كبار وحرام ادخل عليهم لانها ساعتها هتكون خلوه
ندى: لا انتى اللي هتصحيهم والا ما فيش جامعه لك النهارده وهاجوزك لاول واحد عمك يوافق عليه
خلود: يا ماما مش بيصحوا بالخبط على الباب بالله عليك خلي سما تصحيهم هي اختهم اما انا لا
ندى: انت هتتسيرى معي يا بنت وتقولى اه و لا
وكالعاده تشد ندى خلود من حجابها ويصحى البيت كله على صوت زعيق ندى
وبعد شويه على الفطار
احمد( عم خلود وجوز امها): خلود الغى كل حاجه النهارده عشان عايزك معي مشوار للبنك
خلود: ليه يا عم في حاجه
احمد: اه عايزك تسحبي 500,000 جنيه محتاجينهم النهارده في الشركه
خلود: حاضر يا عمي بس حضرتك عارف اني ما اقدرش اسحب مبلغ زي ده الا لما ارجع لعم يحيى
(يحيى عم خلود الثاني و الواصى عليها وهو رتبه في الجيش)
احمد: يووه يا ندى شوفي بنتك محسساني اني هاكلها مش كفايه اني شايل حمل كل حاجه وساكت
ندى: شكلك عايزه تتربي من الاول لاني مربتكيش
خلود: لو مش مصدقني يا عمي اسال عم يحيى او اسال ابيه حسام لانه محاسب في الشركه وعارف النظام عارف بنود الوصيه
( حسام ابن احمد عم خلود الكبير ومسؤول عن الحسابات في شركه ابو خلود)
احمد: بقى كده...... طيب يا ست خلود
حسام: يا بابا للاسف خلود مش بتكذب لازم عم يحيى هو اللي ياذن لها بالسحب لو المبلغ كبير وده حسب وصيه عم خالد الله يرحمه
احمد: طيب تمام انا هاكلم يحيى واخليه يتصرف
( سما: اخت خلود من امها وبنت عمها احمد)
سما: خلود عايزاكى
توصليني معكى في طريقك