رواية تزوجت ارمل
الفصل الرابع4
بقلم مني محمد
مراد والله لو موافقتيش هروح اعرف مروان السر ان اخت مراته هيا الل قتلتها
وفجأة سمعوا صوت حاجة وقعت فتحوا الباب أنصدموا لما شافوا شمس
بيسان بصدمة شمسسس
شمس مدام شريهان بتقولك انها مستنياكى عشان تروحوا الشركة
مراد انا كنت هنا بسأل بيسان عن حاجة فى الشغل
بصتله شمس وهى مش مصدقة بس حاولت تبين العكس
شمس تمام عن اذنكم
بعد ما مشيت شمس
بيسان انت غبى يامراد كنت هتفضحنا اكيد سمعتنا
مراد اهدى يابيسان مكنش باين على وشها وبعدين ياقلبى انا مستحيل اخلى اى حد فى الدنيا يأذيكى لو اتأكدت انها عرفت حاجة هنتخلص منها سهلة يعنى
بيسان انت بتقول ايه عايزنا نقتلها؟
ضحك مراد بخبث
ايه ياحبيبتى اوعى تقوليلى انها صعبانة عليكى ده اختك نفسها ماصعبتش عليكى يبقى هتزعلى على الغريبة
بيسان بقرف انا رايحة على الشركة عشان متأخرش وياريت تنسى كل الكلام التافه الل انتو قولتوا وبالنسبة لعرضك انا رافضاه ومش انا الل اتهدد يامراد
قرب منها مراد وحب ايديها هنشوف ياقلبى
___________
نزلت شمس وكانت بتعرق وعينيها مدمعة متعرفش ازاى قدرت تتحكم فى نفسها عشان متبينش أنها عرفت
شمس فى نفسها معقول الل سمعته صح بيسان هيا الل قتلت اختها وايه الل يخليها تعمل كدة ؟ انا لازم اعرف مروان بس لا مش هيصدقنى يارب ساعدنى
زياد بصوت طفولى هيا ابلة شمس مالها؟
ملك باين عليها زعلانة
مليكة واحنا مالنا المهم انها جاية تحلنا المشكلة عشان المس تدخلنى الفصل تانى
لاحظت شمس نظرات العيال ليها حاولت تخفى توترها
شمس يلااا ياحبايبى الصغيرين
زياد انا مش صغير حتى بصى عضلاتى
شمس بضحك أيوة انت بطلى يازيزو ويلا عشان منتأخرش اكتر من كدة
__________________
وليد بوسى انتى اتهبلتى جاية هنا تعملى ايه ؟
بوسى بمحن وحشتنى ياروح قلبى وجيت اطمن عليك
وليد وهو بيبص حواليه قولتك اكتر من مرة متجليش الشغل انا بجيلك اول ماخلص ممكن تكون زينة جاية افرضى شافتنا مع بعض ؟
بوسى انا مراتك زيى زيها لحد امتى هنفضل مع بعض فى السر
وليد فترة مؤقتة ياحبيبتى وانا اوعدك انى هجيبك القصر
بوسى وهى تقبل خده ماشى يابيبي هستناك فى الشقة متتأخرش عليا
__________________
بنت حضرتك مشاغبة اوى يامدام وزمايلها واساتذتها بيشتكوا منها
شمس انا بعتذر لحضرتك عن الل حصل واوعدك انه مش هيتكرر تانى
المديرة لو حصل حاجة تانية انا هضطر اديها فصل من المدرسة
شمس لا مش هتعمل حاجة دى والله محترمة وغلبانة ومكنتش تقصد دى اغلب وأهدى واحدة فى البيت مش كدة يامليكة
مليكة وهى بتبصلهم ببراءة مصطنعة أيوة
المديرة تمام عشان خاطر حضرتك بس انا مش هعملها حاجة المرة دى بس عايزة انصحك تهتمى ببنتك اكتر من كدة وفى حفلة فى المدرسة ومفروض أولياء الأمور يحضروا اتمنى حضرتك تيجى
شمس حاضر وشكرا لحضرتك
_____________
بعد ساعات
زينة باين عليكى طباخة شاطرة
شمس بخجل مش للدرجادى وبعدين انتى مساعدانى فى نص الاكل بس تفتكرى هيعجب مروان؟
زينة ايوة اومال
شمس ممكن اسألك سؤال ؟
زينة طبعا اتفضلى ياشمس
شمس هيا ملاك ماتت ازاى
افتكرت زينة صاحبتها وعينيها دمعت
شمس بااحراج انا آسفة انى سألتك خلاص متقوليش
مسحت زينة دموعها
ملاك حبيبتى الله يرحمها كانت مريضة ب كا*نسر فى الدم ومقدرتش تتحمل المرض انتحرت
شهقت شمس بصدمة معقول بس مظنش أنها ممكن تعمل حاجة زيى دى ايه الل يخليها تنتحر وهيا عندها جوز بيحبها وواقف جمبها وكمان بناتها وكمان كانت ماشاء الله دكتورة مشهورة
زينة بعدم فهم تقصدى ايه؟
شمس مايمكن يكون حد جبرها تعمل كدة
زينة لا طبعا مظنش
شمس فى سرها هكتشف الحقيقة وان كان لل فى بالى صح هجبلك حقك من الل عمل فيكى كدة ياملاك
شمس هروح انا اروق الاوضة واظبطها قبل مامروان ييجى
زينة مخلتيش ليه الداده تروقها؟
شمس بحب اروق انا اوضتى
زينة باابتسامة تمام
وصلت رسالة لزينة على الماسنجر بتقراها انصدمت كان مكتوب فيها جوزك بيخونك تعالى على العنوان ده وانتى تتأكدى بنفسك
____________
روقت شمس الاوضة وخدت اللاب بتاع مروان تحطه فى مكتبه
شمس باابتسامة شكله نسى ياخد اللاب معاه
وجت تشيله بس وقع منها
شمس برعب يانهر اسو**د ده مروان هينكد عليا ده انكسر يارب هعمل ايه دلوقتى يااارب
بعد شوية جه مروان
مروان بصوت عالى شممس
شمس بتوتر نعم
مروان بهدوء اللاب بتاعى كان هنا الصبح راح فين
شمس ثانية واحدة
جابت شمس اللاب لمروان
مروان وهو بياخده منها وبص بصدمة ايه ده؟
______________
راحت زينة على العنوان ورنت الجرس
وليد ايه يابوسى انتى مستنية حد ؟
بوسى ابدا ياحبيبى هشوف كدة مين
فتحت بوسى الباب انصدموا لما شافوا بعض وفجأة طلع وليد
مين ياحبيتى الل ج...
وليد بصدمة زينة