Ads by Google X

القائمة الرئيسية

الصفحات

رواية نفوس مريضه الفصل الثالث3بقلم تسنيم حمدي



رواية نفوس مريضه
 الفصل الثالث3
بقلم تسنيم حمدي

 

بارك الله لكما وبارك عليكما وجمع بينكما في خير 
انهي المأذون جملته واعلان جوزهم والاتنين بيبصوه لبعض بتحدي  
معتز : مبروك يا جعفر جوزه سو. ده عليكي 

نور بتهكم : اجري يا. ض من هنا 

ياسين ضحك بسخريه :اضرب 

معتز ل ياسين بغيظ : لا رقيقه اوي يا ياسين 

ياسين ضحك وهو حاضن مراته : مبروك عليك يا وحش.. اروح انا 

قالها ياسين وهو ببلوح باديه لمعتز ومحاوط كتف هنا بدارعه وخرج من الشقه  

قرب  ادم من نور وحضنها وهو بيهمس لها  : مش هوصيكي عليه  يومين وتخليه يطلقك فاهمه وهبعتلك جاك هو معايا في العربيه اول ما ينزل المحامي 

نور بصتله واتنهدت بصمت  وهي شايفه معتز اللي مركز معاها وأمه حضانه بعكس امها اللي وقف مع ابوها وكل تفكرهم..... 

ناديه وهي حاضنه معتز  : خالي بالك من نفسك يا حبيبي واوعى تاكل حاجه من اديها هات من بره.. دي ناس بتكر هنا منعرفش ممكن تحطلك ايه في الأكل 

صلاح شد معتز من حضن امه : بص يا معتز انا عايزك كل يوم ١تصبحها بعلقه وتمسيه باختها عايزك تخليها تكره حياتها
 ووعد مني هسيبك تعمل كل اللي عايزه وهسيبك تسافر المهم تخليهم يقولوه حقي برقبتي فاهم

معتز :ماتخفش يا حج دا انا هبهرك 

المحامي بيتفرج على الطرفين وبعدين اتكلم : اظن نسيب العرسان لوحدهم ومن النهارده ممنوع حد منكم سواء اهل نور او معتز  يجي عندهم لحد السنه دي ماتخلص وكل واحد ياخد حقه وبعدها ابقوا اعملوا اللي عايزينه 

سبوهم وخرجوا كلهم من الشقه مع المحامي وفضل نور ومعتز مع بعض لوحدهم 
معتز قرب من نور  وهو بيبصلها  : هو انتي مبسوطه  بجوزنا دا 
 هي الفلوس بالنسبالكم مهمه اوي كده 
لدرجه انك تتجوزي واحد مش طايقك
 عشان طمعنين في حق مش ليكم  
ليه الطمع دا 

نور عينيها دمعت ومن غير متبصله بختصار  : على فكره ابويا مالوش دعوه دي وصيت جدي
وبعدين انت كمان اتجوزت عشان الفلوس احنا زي بعض

معتز :لا مش زي بعض  احنا مش عايزين غير حقنا وبس احنا مابنطمعش زيكم

نور بتنهيده :انا داخله انام

معتز شدها من درعها وفع دقنها بايده عشان تقابل عينها عين معتز الخضراء وهو بيبصلها بحده :مافيش نوم.. ياعروسه دا النهارده ليله العمر  يعني تدخلي  تلبسي حاجه حلوه كده يمكن اشوفك حلوه و اقدر أقرب منك 

نور بصتلوه بتحدي وقربت منه اكتر وهي بتهمسله : انا مش عايزك تشوفني اصلا.. لأنك مش هتقرب مني.. خلينا نعيش حلوين مع بعض احسن كل واحد في حالوه بدل مانزعل من بعض مني.. 

وشدت ايدها منه بقوه بس هو شدها لي وقبلها  بتحدي 
فتحت نور عينها بصدمه وماحستش بنفسها غير وهي بتخبطه بركبتها بقوه علي بطنه
وقع معتز على الأرض وهي سابته ودخلت الاوضه بسرعه..... 
قام معتز وقف ودخل الاوضه ورها زق الباب قبل ما تقفله جريت هي بعيد عنه لما شافته جي بغضب عليها وقفت من جانب السرير وقف معتز قصدها وهو بيحاول يمسكها... انا تعملي فيا كده والله لا ر. بيكي

نور بغضب وهي يتهرب منه :انت اللي قليل الادب وانا هرفع عليك قضيه تحر، ش

معتز  :انتي عبيطه يا بت.. انا جوزك.. تحر. ش  ايه

قالها معتز وهم بيجري حولين السرير ونور بتجري النحيه التانيه

نور : هو انا اعرفك اصلا دا انا شوفتك من يومين بس وتعمل معايا كده يا اخي دا انا بنت عمك 

معتز :انا عملت معاكي حاجه.. انا قولت انك مجنونه محدش صدق 

نور  :. مش هرد عليك على فكره.. ربنا يسمحك
ممكن تخرج بقى عشان انام 

معتز : اخرج.. اخرج اروح فين دا الشقه كلها مافهاش غير الاوضه دي وهنام فين ان شاء الله  

نور  : انا مالي  تنام فين انت بتشيلني همك ليه.. عندك الكنبه بره ممكن تنام عليها او على الأرض نام في اي حته 

معتز : الكنبه والأرض.. بصي يا حلوه  انا هنام هنا في الاوضه دي وعلي السرير دا وانتي هتنامي جانبي  او نامي على الأرض برحتك

نور :مش عيب عليك تبقي راجل وتنيم بنت زي كده علي الارض فين رجولتك 

معتز : بنت هي فين البنت دي.. دا انتي  ارجل مني يا جعفر

نور بغضب :.. كويس علي الاقل يبقي في راجل في الشقه

معتز :.. احترمي نفسك يابت وعدي ايامك معايا علي خير

نور :.وان ماعددتهاش هتعمل ايه . هااا
قالتها و بعدها صوت جرس الباب رن
 و جريت وهي بتصرخ
 جااااك وصل
 قالتها وفتحت الباب 

معتز :جاك مين يا بت انت جايبه راجل الشقه.. كمان بتهددني بيه .. تعالي هنا 

جري ورها على باب الشقه كانت هي دخلت وقفلت الباب

معتز بعد  عنها بقلق  وهو يبتلع ريقه وشاور على اللي وراها .. ايه دا 

نور بسخافه :.. دا جاك.. ها كنت بتقول هنام فين
 
معتز شاف الكائن اللي وراها وكانه بيتحفزله ونور مسكه السلسله بتاعته معتز بتوتر :.. عندك السرير ولاوضه كلها  اشبعي بيهم  بس خرجي البتاع دا بره 

نور :توتو دا هيعيش معايا هنا ياحلو اومال مين اللي هيحميني منك.. انا اخاف على نفسي من متحر.ش زيك





معتز :تخافي علي نفسك من ايه ياجعفر انت مابتبصيش في المرايه ولا ايه.. 
انتي مش نوعي المفضل 

نور :مش عايزه اكون نوعك يا فاشل يابتاع البنات 

معتز :بتاع بنات.. دا انتي بقى متبعاني وشاغل تفكيرك 

نور : انت تشغل تفكيري.. دا انت واخد مقلب في نفسك اوي 

معتز :يمكن.. المهم البتاع دا مش  هيعيش معانا هنا.. سربيه وانا اصلا مش هقرب منك.. 

نور ابتسمت وتحدي  : لا

معتز :هزعلك 

نور بتحدي :وريني.. جاك 
قالتها وهي بتاشر على معتز بعنيها وسابت السلسله 
معتز طلع يجري ووراه جاك 
قام نط معتز على السفره 
نور بتضحك عليه
وجاك عمال يزوم عليه

معتز :.. ابعديه عني يابنت المجانين انت 

نور :كنت بتقول مين يطلع بره

معتز :خلاص خليه  يفضل 
 بس بشرط مش عايز اشوفه ولا يقرب من حاجاتي 

نور : هو اصلا هيقعد في اوضتي 

معتز : .. احسن بردو.. ماهو شبهك
نور :مش هرد عليك قلتها وهي بتشاور ل جاك يرجع عندها 

معتز من مكانه : نور 

نور :نعم 

معتز :هو ممكن افهم نوع الكائن  دا ايه 
..

نور بستغرب :.. دا كلب 
معتز بص ل جاك  اللي لونه اسود فحمي وعينه كلها غضب وكان ضخم جدا : هو دا كلب اومال الغول شكله  ايه 

نور بطمنه :.. ماتخفش هو واخد كل التطعمات بتاعه يعني لو عضك مش هاتتصعر ولا حاجه 

معتز اقعد على السفره مربع :.. عضك قرد احول يابعيده 

نور.. يلا ياجبان 

معتز :..على فكره انا مش جبان انا مابحبش الكلاب بس
 




نور:.. اه ماهو واضح. انت هتبات عندك على السفره.. كويس لقتليك مكان مناسب تنام فيه
. يلا يا جاك عشان عندي شغل الصبح 

معتز بعتراض وهو بينزل من مكانه وبيقرب من نور :   شغل مين انا ماعنديش ستات تشتغل  من بكره تقعدي في البيت وتبقى ست بيت شاطره 

زمجر جاك بغضب 
معتز :.. هتنزلي الساعه كام لو حبه اوصلك.. منك لله يا بعيده جيبالي غول وتقولي عليه كلب 
يعني مجوزني جعفر وقولت ماشي
 بتاعت مجانين وقولت  مايضرش
  انما طلعت كمان بتروض اسود.. 
وانا اقول جدي مجوزهاني ليه.
.اكيد بيربيني.. ماشي يا صلاح 
..... 
بداخل غرفة العزل في  المصحه النفسيه

اخذت تتعالى صرخا.. ت انثويه بقوه ...


                               الفصل الرابع من هنا


تعليقات