رواية حدوتة عشق
الفصل الخامس والسادس5و6
بقلم سهيله سعيد ومريم نبيل
شهد ب قرف : هه هه .. بقولك ايه .. الجو دة مبيسلكش معايا 🙅🏻♀️
اسلام : طب متقوليلي ايه الي بيسلك معاكي 💁🏻♂️
شهد : اتكل ع الله طيب
اسلام : م كنتي كويسة ايه الي جرالك 🙄
شهد : شوفت اتحسدت 😌
اسلام : اه فعلاً هبقا ابخرك 🧿
شهد : كفي نفسك 😊
اسلام ب ابتسامة : ماشي 🙂
( يمشي اسلام )
نغم : يخربيتك ي شيخة غسلتي الولا !!!!!
شهد : يقربلك دة ؟
نغم : لأ
شهد : يبقا خليكي ف حالك ☝️
نغم : طيب 🙄
ريناد : بس شكله معجب بيكي ع فكرة
شهد : لا مظنش 😒
نغم : مش قلتيلي انكوا صحاب ع النت
شهد : قبلته عشان يبطل زن بس
نغم : متأكدة ؟
( تبصلها وتضير وشها )
ريناد : يبقا مش صحاب بس 😉
شهد : عشان احنا مش صحاب اصلاً 🤷🏻♀️
نغم ب تريقة : اها اكيد ايوة
ريناد : اكتر من صحاب 😌
البنات : هههههه 🤭
شهد : ايه دة هما الحلوين فاضيين ع امي انهاردة ؟
نغم : بنهزر 🙄
شهد : م انا ممكن اهزر انا كمان 💁🏻♀️
نغم وريناد : لأ ✋✋
شهد : يبقا اتعدلوا بقا
( ييجي وقت البوفيه الكل قاعد ، العريس والعروسة قاعدين ع ترابيزة بياكلوا ، اسلام يقرب عليهم )
اسلام : بطلوا حشر غلط كدة وانتوا لسة خطوبة !
نادر : انت هتؤر علينا ي عم 🤷🏻♂️
اسلام : دة مال اموات
( يشرق نادر )
ياسمين : يخربيتك ي اسلام هتموتنا 😮
اسلام : هههههه اشرب ماية 😂🥤
( يشرب نادر )
اسلام : بقولك ايه ي ياسمينا
ياسمين : اها ؟
اسلام : هي صاحبتك شهد دي ايه نظامها ؟
ياسمين ب استغراب : شهد !!!
اسلام : اه
ياسمين : ملكش دعوة ب شهد ي اسلام احسن ✋
اسلام ب احباط : ليه سددان النفس دة 🙄
ياسمين : محدش يعرفها ادي دي صاحبتي وانا ادرى بيها ف نصيحة مني فكك منها
اسلام ب استغراب : كل المحاضرة دى ليه اصلاً مالها يعني ؟!!
ياسمين : بيئة ولسانها طويل
اسلام : هي اه لسانها طويل بس مش بيئة
ياسمين : لا بيئة ي بابا دي من **** وابوها يبقا المعلم بتاع المنطقة واخواتها كمان من اصغرهم ل اكبرهم بيتعملهم حساب ف منطقتهم .. اغنية اه لكن ناس بيئة اوي .. وهي مبتقولش كلمتين ع بعض تحسسك بيهم انها بنت .. ف شيل اي تفكير من ناحيتها من دماغك احسن عشان هتتعب بجد معاها
اسلام : هي فعلاً دبش ولسانها طويل .. لكن طيبة ع فكرة 😕
ياسمين : ماشي بس دي يعني حالتها بالنسبالك زفت خالص م الفرح مليان بنات من عائلات وجمال انت لزقت ف دي خلاص !!!
اسلام : انا عارفها من قبل الفرح ع فكرة .. واه لزقت ف دي خلاص انا كنت مفكرك هتتكلمي عليها كلمتين حلوين 🤷🏻♂️
ياسمين : اكدب عليك يعني ي اسلام ؟!
اسلام : لا متكدبيش ي ياسمين خلصنا ✋
ياسمين : دي بيئة ي اسلام وطريقة كلامها واسلوبها اسلوب ولاد ومش من مستوانا لو بتفكر فيها دي متنفعناش
اسلام : متنفعناش .. انتي جمعتي ليه هو كلنا هنتجوزها ؟
نادر : اوباااا 😃
ياسمين ب خضة وانفعال : انت عاوز تتجوزهااااا 😯
اسلام : كنت بفكر وسديتي نفسي
ياسمين : احيه عليك ي اسلام دي لو ماما عرفت الي ف دماغك دة هتبهدلنا 🤦🏻♀️
اسلام : ماما اه .. طيب كملوا اكل 😒
( يمشي اسلام )
نادر ب استغراب : انتي مالك مش طيقاها ليه الي بيتكلم عليها ؟!!
ياسمين : مش حكاية كدة .. هي طيبة وكل حاجة بس مينفعش اقول قدامه لان زي م انت شايف اسلام بيلزق ف الكلام .. بس هي بيئة اوي واحدة زي دي لو ارتبط بيها وناسب اهلها هيبوظوا سمعة العيلة ي نادر بجد .. ازاي اسلام ابن الناس المتعلم ف مدارس اجنبية الي البنات هتموت عليه الولد الوحيد ع بنتين الي الكل مستني يشوفوا عروسته هتبقا شكلها ايه الي مبيعجبهوش العجب يرتبط ب دي !!!!!!
نارد : بس ع فكرة هي شكلها من كلامه داخلة دماغه اوي لدرجة انه يقول بيفكر يتجوزها يعني الحوار جد وانتي عارفة اسلام عندي يعنى كلامك مش هيأثر فيه لو هو مقرر حاجة 💁🏻♂️
ياسمين ب قلق : ربنا يستر .. مهو لازم يقتنع انها زفت 🤷🏻♀️
( البنات قاعدين ، تشتغل الاغاني )
ريناد : قوموا نرقص مع ياسمين
( العروسة والعريس بيرقصوا وشباب وبنات كتير ، يقوموا البنات واقفين بيسقفوا ، ياسمين تكلم واحدة صاحبتها ف ودنها ، تمشي صاحبتها تقرب ع ال dg تكلمه ، تشتغل اغنية *اعملك ايه ل حسن الاسمر* تقرب ياسمين تشد ايد شهد )
ياسمين : ارقصي معايا
شهد ب احراج : لا بلاش ✋
ياسمين : لا يلا هزعل منك 🥺
( تبدأ شهد ترقص ، وطبعاً متتوصاش ف الرقص ، تلفت نظر الكل وأولهم اسلام واقف متنح ، يعدي اليوم ، ف بيت اسلام ، اخواته قاعدين بيتكلموا معاه )
ياسمين : قوليلوا والنبي شوفتيها وهي بترقص ؟؟
روان : اه حاجة بيئة خالص ي اسلام 😕
اسلام وهو ماسك الفون : اممممم 🤳
( اسلام مش معاهم قاعد بيكلم شهد ع الفيس )
اسلام : والله كنتي قمر رقصك يجنن ♥️
شهد : لا والله !!
اسلام : اه والله .. بس ممكن اطلب منك طلب ؟
شهد : اه
اسلام : بلاش ترقصي تاني قدام حد .. يعني عشان بصراحة اضايقت والشباب كانوا عمالين يتفرجوا عليكي
شهد : انا مكنتش هرقص بس ياسمين الي طلبت ودي العروسة يعني 🤷🏻♀️
اسلام : ايوة فاهم تمام .. انا ماليش اني اتحكم فيكي بس والله دة مش تحكم انا بس غيرت عليكي
شهد : غيرت !!!!
اسلام : خفت عليكي اقصد 😐
شهد : امممم 😏
اسلام : او غيرت يعنى .. اه غيرت بصراحة غيرت اكدب ليه 🤷🏻♂️
شهد : وانت تغير ليه بقا ؟!!
اسلام : مش عارف عشان شكلي بحبك يمكن 🤔
( تتخض شهد )
شهد : تحبني !!!!!
اسلام : اه بحبك .. انا اول مرة حد يدخل قلبي ودماغي بالسرعة دي .. انا يمكن بالنسبالك واحد رخم غلس عليكي وبتكلميه عشان يبطل زن .. بس انا بجد حبيتك ي شهد ♥️
( تفرح شهد ب كلامه )
شهد : انت مش رخم ع فكرة 😊
اسلام : بجد مش رخم ؟
شهد : لأ
اسلام : يعني مش مغلس عليكي وبتكلميني غصب عنك ؟
شهد : لا ي حبيبي انا محدش يقدر يغصبني ع حاجة ي بابا 🤷🏻♀️
اسلام : طيب انا هعتبر نفسي مسمعتش غير كلمة حبيبي بس 🤦🏻♂️
شهد : ههههههه 🤭
اسلام : تدوم الضحكة ي قلبي 💜
شهد : بقيت قلبك حتة واحدة !!
اسلام : دة لسة كدة بنستفتح 😂
شهد : ههههه ماشي 😂
ياسمين : ي اسلام مش بكلمك !!!
اسلام : بقولك ايه متفصلنيش حلي عن نافوخي بقا 🙄
( يقوم اسلام يطلع اوضته )
ياسمين ب استغراب : احل عن نافوخوا 😳 شوفتى لسة مجراش حاجة وبقا بيتكلم زيها 🤷🏻♀️
روان : بوظت الواد 🌚
*( بعد 3 شهور )*
( شهد واقفة مع صحابها ف الكلية بتتكلم ف الفون )
شهد : اوك .. وصلت .. طب ماشي .. م انا قيلالك لأ .. طيب لما تدخل .. ماشي سلام
( تقفل شهد )
ريناد : في ايه ؟!
شهد ب ضيق : مفيش 😒
( يقرب عليهم اسلام )
اسلام : هتدوخيني معاكي كتير 🤷🏻♂️
الحلقة السادسة { ٦ } 🙊
شهد : قولتلك مش هينفع خلصنا بقا 😒
اسلام : ومش هينفع ليه ؟!
شهد : كدة مينفعش اقابلك برة انا اهلي لو عرفوا يطينوا عيشتي
اسلام : وهما هيعرفوا منين بس دي ساعة 😑
شهد : لا مش هينفع بردوا
اسلام : ماشي خلاص ي شهد مش عاوز
( تمشي شهد )
اسلام : رايحة فين ؟!
شهد وهي ماشية : فكك مني 🚶🏻♀️
اسلام : شايفين اسلوبها 😐
نغم : معلش هي بس اهلها جامدين شوية
اسلام : دي ساعة ي نغم مش حكاية يعني انا مش هخطفها 🤷🏻♂️
نغم : معلش
اسلام : متمعلشنييييش 🙄
نغم : اقولك ايه طيب !
اسلام ب ضيق : ولا تقولي ولا تعيدي 😒
( يمشي اسلام )
ريناد : مش هتسكت غير لما يطهق منها ويسيبها 🤷🏻♀️
نغم : لا اسلام بيحبها
ريناد : طب كلميها عشان شكله زعل منها
نغم : اوك
( شهد ف المدرج ، مافيش حد غيرها ، تدخل نغم )
نغم : قاعدة كدة ليه ؟!
شهد ب ضيق : قاعدة 😒
( تقعد جنبها )
نغم : ليه مش عاوزة تقابلي اسلام برة ؟
شهد : م انتي عارفة ليه !
نغم : ي شهد متعقديش الموضوع انتى عارفة ان اسلام انسان محترم وبيحبك يعني مش خارج يتسلى ب البت بتاعته
شهد : انا مقلتش بيتسلى انا قلت مش هينفع انا نص عيلتي سواقين وانتي عارفة مقدرش امشي معاه حد يشوفني ساعتها هيطينوا عيشتوا هو وهبقا اذيتوا وبوظت سُمعتي !!
نغم ب فهم : ايوة اه .. طب جربوا تقعدوا ف حتة قريبة م الكلية وبعدين مهو معاه عربية يعني مظنش حد هيشوفك
شهد : نغم .. فكك مني والنبي انا مش فايقة خلاص 🤦🏻♀️
نغم : طيب
( يرن فون شهد )
شهد : الو
اسلام : بتسيبيني وتمشي ؟
شهد : استغفر الله العظيم .. اسلام ممكن منتكلمش دلوقتي ؟
اسلام : ماشي .. انتي فين ؟
شهد : قاعدة ف المدرج
اسلام : طب اطلعي عاوزك
شهد : م انا بقولك ........
اسلام : قلتلك اطلعي
شهد : طيب
( تقفل شهد وتقوم )
نغم : رايحة فين ؟
شهد : هشوفه عاوز ايه 😒
( تطلع شهد تدور ع اسلام مش لقياه ، تلف وراها تلاقيه ف وشها )
شهد ب خضة : خضتني بدور عليك !!!
اسلام : كنت واقف هناك
شهد : اه
اسلام : مكشرة ليه ؟
شهد : مش مكشرة
اسلام : لا مكشرة خلصنا مش عاوز اخرج معاكي خلاص
شهد : ماشي
اسلام : من بكرة اصلاً هخرج واروح واجي معاكي ولا حد هيقدر يحاسبني
شهد : ليه ان شاء الله جوزي 🤷🏻♀️
اسلام : لأ .. خطيبك 💍
( يركع اسلام ف الارض ويفتح علبه فيها خاتم ، الكل يبصولهم )
شهد ب خضة : انت بتعمل ايه 😳
اسلام : بتقدملك
شهد : اسلام قوم الناس بتبصلنا !!!
اسلام : تتجوزيني ؟
( تتخض شهد )
شهد : انت بتهزر ؟!!!!
اسلام : لأ
( شهد محروجة ومخصوضة ، تبدأ الناس تتلم حواليهم ، يذيد توتر شهد )
شهد : يلهوي عليك 🤦🏻♀️
اسلام : موافقة ؟
( تتحرج شهد وتمشي )
اسلام : بت .. شهد استنى يخربيتك !!
( يجري وراها يمسك دراعها يوقفها )
اسلام : استني
شهد : انت بتحرجني ي اسلام 😐
اسلام : لا والله انا كنت عاملهالك مفاجأة 😕
شهد : انا بتوتر م المفاجأت ومبحبهاش 🙅🏻♀️
اسلام : معلش مكنتش اعرف م انا طلبت منك نقعد ف مكان مرضتيش
شهد : تقوم تعمل كدة قدام الكلية كلها !!!
اسلام : وقدام العالم كله .. انا بحبك ومش مكسوف من كدة 💜
( شهد مش عارفة تقول ايه )
اسلام : بس للاسف حبيت واحدة مبتحبنيش 💔
( تتخض شهد )
شهد : انت متخلف يلا 🤷🏻♀️
اسلام ب صدمة : انا 😳
شهد : اومال امي انا مبحبكش دة انا بعشق امك ♥️
اسلام : وحيات امك 😃
شهد : ايوة
اسلام : اومال مكتومة ليه ولا حتى كلمة حلوة 🤷🏻♂️
شهد : انا فكرتك ذكي وهتعرف من غير م اقول !!
اسلام ب ضحك : دة انا غبي غباء 😂
( تاخد من ايده العلبة تفتحها )
شهد : ايه دة ان شاء الله ؟!
اسلام : خاتم
شهد : لا رجعه ي حبيبي انا عاوزة دبلة وتلبسهالي ف بيتنا قدام اهلي
اسلام : بس كدة تؤمري .. اديني نمرة الحج بسرعة 😃
( يعدي الوقت ، اسلام ف بيته )
اسلام ب انفعال : انتوا بتعقدولي ام الموضوع ليه 🤷🏻♂️
الام ب حدة : اسلااام اتأدب واتكلم كويس ف وجودي ☝️
( يسكت اسلام )
ياسمين : ادب ايه ي ماما دي علمته طولة اللسان والعصبية 🙄
اسلام : اتلمي انتى ي حقنة ومتدخليش ☝️
ياسمين : انا حقنة سامعة ي ماما بيقولي ايه 😯
الام : اسلام ل تانى برة اقولك اتكلم ب أدب !!
اسلام : بصوا م الاخر دلوقتي انا قلت هتقدملها
الام : وانا قلت لأ اختك قالت البنت دي بيئة ومش من مستوانا
اسلام : بس انا بحبها 💔
ياسمين : حبيتها من انهي اتجاه دى لسانها واصل ل رجليها 🤷🏻♀️
اسلام : قلتلك متدخليش انتيييي 😑
الام : لا تدخل ولا انت عاوز تفضحنا مع نسايب اختك !!
اسلام : وايه علاقة نسايبها ب شهد ؟!!!
الام : هما مش هيحضروا فرحك ويعرفوا انت واخد بنت مين ؟
اسلام : محدش ليه دعوة حياتي وانا حر فيها 😒
روان : مش حياتك لوحدك ي اسلام فكر فينا وف منظرنا قدام الناس
اسلام ب استغراب : حتى انتي ي روان !!!
( تضير وشها )
الام : شيل البنت دى من دماغك 💁🏻♀️
( يقوم يقف اسلام )
اسلام : بس كدة تؤمري هشيلها من دماغي .. بس مش هشيلها من قلبي وبردوا هتجوزها 😐
( تقف قصاده امه )
الام : يعني انت بتتحداني ي اسلام 😐
( يدخل الاب )
الاب ب استغراب : في ايه صوتكم عالي ليه كدة !!!
الام ب انفعال : تعالى شوف ابنك وعمايله السودة 🤷🏻♀️
الاب : اقعدى طيب ووطي صوتك !!
( تتنهد الام وتقعد )
الاب ل اسلام : اقعد وقولي في ايه ي اسلام
( يقعدوا ويحكيله اسلام )
الاب : طب وايه المشكلة ؟!
ياسمين : المشكلة ان البنت دي بيئة اوي ي بابا
الاب : بيئة ازاي يعنى .. فقيرة مش مهم هو الراجل مش هي 🤷🏻♂️
ياسمين : لا بالعكس دول اغنية جداً بس بباها معلم والحوارات دي
الاب ب فهم : ااااه فهمت
اسلام : ع فكرة هما لا بيئة ولا حاجة هي منطقتهم الي عشوائية شوية وابوها مش معلم الناس مستكبراه وعملاه كبير منطقتهم عشان بيحل مشاكلهم وخيروا عليهم مش اكتر
الاب : يعني ناس طيبين
اسلام : جداً والله
الاب : طب خلاص ع خيرة الله 🤷🏻♂️
الام ب خضة : ايه الي بتقوله دة ي سليم !!
الاب : بقول ايه يعني ابنك بيحبها وبيقول اهلها طيبين وهي كويسة يبقا ايه الازمة ؟
ياسمين : الازمة انا قلتلك ي بابا انهم بيئتهم وحشة واحنا مش كدة ابداً !!!
الاب : ياسمين ي قلبي مفيش حاجة اسمها بيئة حلوة وبيئة وحشة .. الناس طبقات ي ماما وكل واحد وماشي ب عقله .. ممكن يكونوا اغنى مننا بس نشأتهم ف مكان شعبي وخلصنا م احنا كان ممكن نكون مكانهم واحنا الي بيئة زي م قولتى .. يبقا ساعتها عمرك م هتتجوزي نادر ابن الناس 💁🏻♂️
( تسكت ياسمين )
الاب : هتروحلهم امتى ؟