Ads by Google X

القائمة الرئيسية

الصفحات

رواية حدوتة عشق الفصل الخامس عشر السادس عشر 15و16 بقلم سهيله سعيد ومريم نبيل

رواية حدوتة عشق

 الفصل الخامس عشر السادس عشر 15و16 

بقلم سهيله سعيد ومريم نبيل


الام : انتي اتهبلتي هتخبي عليه حاجة زي كدة ازاي !!! 

شهد : زي الناس .. هو خلاص سابني .. سابني لوحدي 💔

الام : ولما تولدي ؟!!!

شهد : لما ابقا 

( تدخل شهد اوضتها )

الام : ربنا يهديكي ي بنتي 😑


*( بعد ٩ شهور )*


( ف بيت اسلام ، اسلام ف اوضته نايم ع سريره بس صاحي ، يخبط الباب وتدخل ياسمين )

ياسمين : صاحي ؟

( ميردش عليها ، تقرب تقعد جنبه )

ياسمين : انت هتفضل كدة حابس نفسك ف اوضتك ع طول م الشغل للاوضة وم الاوضة للشغل ؟!! 

( ميردش )

ياسمين : لما انت بتحبها اوي كدة طلقتها ليه ؟! 

( يبصلها ويبتسم )

اسلام : انتي الي بتسألي 🙂

ياسمين : انا عارفة اني مكنتش الاخت الي انت تستاهلها واني كنت انانية معاك وكان المفروض اقف جنبك 😐

اسلام : كان 💔

( تسكت ياسمين وتقوم تمشي ، تدخل اوضة مامتها )

ياسمين : ماما 

الام : تعالي 

( تقعد معاها )

ياسمين : هو احنا مش المفروض نتصرف ف حوار اسلام دة 

الام : حوار ايه ؟

ياسمين : حوار مراته ي ماما 

الام : مش هو الي طلقها 

ياسمين : نكلمه انه يرجعها 

الام ب استغراب : انتي الي بتقولي كدة !!!!

ياسمين : ايوة انا .. حرام الي بيحصل دة اسلام من غيرها ضايع زي م انتي شايفة .. لازم نتصرف 

الام : هنعمل ايه يعني 🤷🏻‍♀️

ياسمين : هقولك بس قبل اي حاجة لو رجعت منفضلش ندققلها ع كل حاجة كدة ونحاول نحبها وانا والله هنفذ الي انا بقوله دة مش كلام وخلاص .. بس انتي كمان تنفذيه .. لو حتى عشان خاطر اسلام ⁦☝️⁩

الام : ماشي ي ياسمين عشان خاطر اخوكي 😕

( ييجي الليل ، ف بيت شهد ، يخبط الباب ، يفتح اخو شهد ويقرب اخوها التاني )

رمضان : المزز دول مش غراب عليا 🤔

هيما : دي حمات اختك يلا اتفضلوا تعالوا .. يماااااااا 😃

( يدخلوا ويقرب ابو اسلام كمان ، تقرب ام شهد تشوفهم تستغرب وتفرح ف نفس الوقت )

ام شهد : ي اهلاً وسهلاً 😃

( تسلم عليهم )

ام شهد : نورتونا 

ابو اسلام : الله يخليكي 

( يسكتوا )

ام شهد : اااا تشربوا ايه ؟

ابو اسلام : لا احنا مش جايين نشرب احنا جايين نتكلم معاكم كلمتين ياريت لو ابو شهد موجود يحضرنا فيهم 

ام شهد : اه يخويا هندهولك .. انده ابوك ي رمضان 

رمضان : حاضر 🏃🏻‍♂️

( ينده بباه ، يقرب عليهم )

ابو شهد : سلاموا عليكم 

الكل : وعليكم السلام 

ابو شهد : ازيك ي ابو اسلام ؟

ام اسلام : الحمدلله ي حج 

ابو شهد : منورينا 

الكل : تسلم

ابو اسلام : بص ي ابو شهد .. احنا غلطنا ف حق بنتك وجايين نتأسف ع الغلط دة 

ابو شهد : معاش ولا كان الي يغلطتك ي ابو اسلام

ابو اسلام : الله يخليك .. هي بردوا ليها حق علينا انها مكانتش متفاهمة مع اهل بيتي ولا هما كمان كانوا متفاهمين معاها 

( شهد قاعدة جوة متوترة وعمالة رايحة جاية ف الاوضة سمعاهم وع ايدها بنتها ولدت )

ابو شهد : انا عارف ان بنتي لسانها طويل حبتين ودة سبب رئيسي ف المشاكل الي حصلت 

ابو اسلام : ع العموم الطرفين غلطوا وانا جاي انهاردة اقولك اني عاوز شهد ترجع ل ابني 

ابو شهد : دي بنتكوا ي ابو اسلام وكان المفروض لما تغلط كانت تتحاسب او تتجاب هنا وانا احاسبها لكن الي ابنك عمله دة اكبر غلط وزعلنا كلنا منه 😒

ام اسلام : اسمحلي ي سليم 😐

ابو اسلام : اتفضلي 

ام اسلام : اكيد اسلام غلط لما طلق شهد بس صدقني من كتر الضغط الي كان عليه انا امه اهو وبقولك اني اكتر واحدة كنت ضاغطة ع اسلام ان الجوازة مكانتش عجباني مش عشان حاجة شهد بنت زي الفل والف واحد يتمناها بس عشان حياتها غير حياتنا مش اكتر .. ف ضغط مننا وضغط من شهد انها مش مرتاحة معانا واخر مشكلة دي لما شهد وقعتني من ع السلم اسلام مستحملش .. م انا بردوا امه ي ابو شهد ! 

ابو شهد : ايوة طبعاً وانا لما عرفت لومت بنتي ع الي حصل دة وغلطها من ساسها ل راسها ⁦☝️⁩

ام اسلام : يبقا تسامح بقا اسلام ع الي عمله وانه كان غصب عنه واحنا الي كنا السبب 💁🏻‍♀️

ابو شهد : مش عارف اقولك ايه صراحة 😕

ابو اسلام : قول المسامح كريم بقا ي حج 

ابو شهد : حصل خير 

ياسمين : اومال فين شهد ؟

ام شهد : ف اوضتها هندها 

( تدخلها امها )

الام : بت

( تقوم شهد من مكانها )

شهد : نعم ي ماما ؟؟

الام : حماكي وحماتك برة وعاوزين يرجعوكي

شهد ب فرحة : بجد هرجع انا قايمة الم حاجتي 😃

الام : اهدي بس ي كسفتنا لما تطلعلهم ب بنتك دي 😬

شهد ب خضة : يلهوي ده انا نسيت ... احنا ممكن نقولهم اخويا

الام : طب اطلعي ي بنت الهبلة اطلعي 🤦🏻‍♀️

( تطلع شهد ب بنتها ، يشوفوها يستغربوا )

ياسمين ب صوت واطي : ماما هي اتجوزت ولا ايه 😕

الام : هو انتى اتجوزتي ي شهد ؟!!!

( تتوتر شهد )

شهد : ااا .........

ابو شهد : شهد كانت حامل ي ام اسلام لما ابنكوا طلقها ولسة والدة من اسبوعين بس مرضتش تقول خافت لترجعوها عشان السبب دة ويبقا غصب عنكم عشان حملها

ابو اسلام : بس غلطانة ي شهد كان المفروض تعرفينا حاجة زي كدة متستخباش !! 

شهد : معلش ي عمي .. مكنتش عاوزة اسلام يرجعلي مغصوب .. بس كنت هعرفكوا طبعاً عشان شهادة ميلادها 😒

ابو شهد : اومال فينوا اسلام صحيح ؟؟

ام اسلام : ف الشغل 

ابو شهد : ربنا يقويه 

ام شهد : طب هو عارف انكم هترجعوا شهد ؟

ام اسلام : اااااا ........ 

ابو اسلام : الحقيقة اسلام ميعرفش حاجة 

ابو شهد : ازاي يعني ؟!!!

ياسمين : عمو اسلام من بعد م طلق شهد وهو حالته وحشة اوي لانه يعتبر طلقها غصب عنه عشان يريحنا كلنا مش اكتر لكن هو ميقدرش يستغنى عنها وعشان كدة احنا جينا نصلح الموضوع لان اسلام ميقدرش يعيش من غير شهد وكمان شهد بتحبه .. ودلوقتي بينهم بيبي ومينفعش البعد دة 😕

ابو شهد ب فهم : ايوة ايوة 😑

ابو اسلام : احنا هنمشي دلوقتي و ان شاء الله نكون عندكم ب اسلام بكرة 

ابو شهد : ان شاء الله 

( يمشوا اهل اسلام ، تدخل شهد اوضتها هتموت م الفرحة ، تدخل امها ) 

الام : فرحانة ع ايه ي موكوسة الولا شكله مش عاوز يرجع 🤷🏻‍♀️

شهد : لا ي ماما انتي مش شايفة قالوا ايه قالوا انه متبهدل ع الاخر من ساعة م سابني يبقا اكيد متأثر 😕

الام : ولما هو متأثر مجاش معاهم ليه ي عنيا ؟؟

شهد : ايه ياما مهو قالوا انه ميعرفش فكك مني بقا متنكديش عليا 🙄

الام : والله الولا شكل غاصبينه وخلاص وإلا كان زمانه رجع من زمان اولعي 😑

( تمشي الام ، تقعد شهد ب قلق ، يعدي الوقت ، ف بيت اسلام ، يوصل اسلام م الشغل )

الاب : اسلام تعالى عاوزك 

( يقرب اسلام يقعد معاه ) 

اسلام : نعم ؟

الاب : اعمل حسابك انت جاي معانا بيت شهد بكرة

اسلام ب استغراب : ليه ؟!!

الاب : عشان هتردها 

اسلام ب خضة : اردها .. اردها ازاي ؟!!

الاب : احنا كنا عندهم النهاردة وكلمناهم ف موضوع الرجوع انا وامك 

اسلام ب فرحة : يعني بجد واقفت اني ارجعلها 😃

الاب : معرفش ي بني بكرة انت تشوف بنفسك 🤷🏻‍♂️

اسلام وهو بيقف : طب يلا نروح دلوقتي 

الاب : اهدى بس وبكرة يحلها الف حلال قوم جهز نفسك لبكرة وانا هقوم اخلص شوية شغل وانام يلا

اسلام : لا مش هستنى ل بكرة قوم معايا يلا 👋

الاب : استنى طيب هفهمك 

اسلام : ايه ؟؟

الاب : وانا نازل من عندهم .........


*( فلاش باااااااااك 👉 )*


ابو شهد : استنوا هاجي اوصلكوا


الحلقة السادسة عشر { ١٦ } 🙊


ابو اسلام : مالوش لزوم ي ابو شهد ده العربية برة

ابو شهد : والله ابداً هاجي اوصلكوا

( يطلع ابو شهد يوصلهم )

ابو اسلام : بقولك ي ابو شهد المفروض كده يبقا فيه محلل صح لانه مطلقها ب التلاتة 🤷🏻‍♂️

ابو شهد : بايني اه ي ابو اسلام هشوف حد من قرايبنا واهو مننا وعلينا 

ابو اسلام : خلاص هستنى ردك 

ابو شهد : ماشي مع السلامة

ابو اسلام : سلام


*( بااااااااااك 👉 )*


اسلام : محلل ايه لا خلاص مش عاوز ارجعلها ✋

الاب : ليه بس ي بني احنا مصدقنا الدنيا اتصلحت 🤷🏻‍♂️

اسلام : ي بابا انت عارف يعني ايه محلل يعني تتجوز واحد تاني وتبقا ف حضنه وانا مستحيل اوافق ع كدة 😕

الاب : طب هنعمل ايه هتفضلوا متعذبين بعيد عن بعض كده انت مش شايف شكلك ؟

( يسكت اسلام )

اسلام : اهون عليا انها تبقا مع حد تاني 😒

الاب : طب لو قولتلك انها كانت حامل منك 

اسلام ب خضة : شهد حامل 😮

الاب : و لسة والدة من اسبوعين

( يقف اسلام ويقعد يلف حوالين نفسه )

اسلام : انا بقالي اكتر من ٨ شهور سايبها ازاي متقوليش !!!

الاب : مكانتش عيزاك ترجعلها عشان سبب معين كانت عايزاك ترجعلها عشانها هي واظن ده حقها 🤷🏻‍♂️

اسلام ب قلة حيلة : وانا اعمل ايه دلوقتي طيب 😟

( يقوم الاب يقف )

الاب : معاك لحد بكرة تفكر اذا كنت عايزها او لأ .. انا داخل اخلص شغلي وانام وهستني ردك بكرة .. تصبح ع خير

( يمشي الاب واسلام واقف مش عارف يعمل ايه ، يمشي م البيت ، ف بيت شهد ، شهد ف اوضتها ابوها قاعد معاها ) 

الاب : ايوة محلل اومال رجوعكم ب الساهل كدة 🤷🏻‍♂️

شهد : ايوة ي بابا بس مين هيوافق ع وضع زي ده ؟

الاب : المهم انتي موافقة ع كدة ؟

شهد : الي تشوفوا ي بابا انا معاك المهم ارجع بيتي 😟

الاب : ماشي 

( بعد شوية ، يخبط باب البيت ، يفتح عز )

عز : اسلام !!!! 

اسلام : ازيك ي عز 👋

عز : تعالى ي بني عامل ايه 👋

اسلام : الحمدلله 

( يسلم عليه ويدخل ) 

عز : مجتش مع اهلك الصبح ليه ؟! 

اسلام : مكنتش اعرف انهم جايين ولما عرفت جيت 

عز : ليك وحشة والله 

اسلام : وانت كملن والله 

( شهد طالعة من اوضتها ، يشوفها اسلام يفضل باصصلها وهي مش شيفاه داخلة المطبخ ) 

عز : شهد 

شهد : ايوة ي ......... 

( تشوف اسلام تتخض ويفضلوا باصين ل بعض ، تاخد شهد نفس عميق وتدخل المطبخ )

عز : بت ي شهد !!! 

( متردش )

اسلام : عز انا عاوز اتكلم معاها بعد اذنك 😐

عز : اه اتفضل 

( يقوم اسلام يدخلها المطبخ )

اسلام : شهد

( متردش شهد وتفضل مندمجة ف الي بتعمله وعينيها مدمعة م الفرحة وبتحاول تداري ابتسامتها )

اسلام : مش هتردي عليا .. طب لوميني طيب .. انا اسف 😕

شهد : ..........

اسلام : طب انا همشي ي شهد 😒

( يخرج اسلام م المطبخ ، تبص شهد متلاقيهوش ، تجري ع الصالة عشان تشوفوا تلاقي الي شدها ليه )

شهد ب خضة : عااااااااا 😨

اسلام : هشششش يخربيتك وداني باظت !! 

شهد : سيبني 

اسلام : تؤ انا كدة مبسوط 🙂

شهد : انا معدتش مراتك عشان تقرب مني كدة 😐

اسلام : هترجعيلي وساعتها مش هسيبك تضيعي مني تاني .. انا كنت غبي لما ضيعتك من ايديا مرة ومش هفلتك من ايدي تاني 🧡

( تنزل دموعها ) 

شهد : ولسة فاكرني دلوقتي 😥

اسلام : انا اسف ع كل لحظة بعدت فيها عنك انا غبي وحمار 

شهد : لا متقولش كدة .. انت متخلف عشان لاطعني هنا ٩ شهور زي الحمارة ولا عبرت اهلي ب كلمة ولا رنة تليفون ولا سؤال ع الحيوانة الي طلقتها ورميتها كلبة ولا تسوااااا 😡

اسلام : اعوذ بالله ايه ماسورة المجاري اللى فتحت ف وشي دي 😬

شهد : اسكت دة انا معبية منك وع اخري متفتحنيش احسن ⁦☝️⁩

اسلام : بت اهدي .. ووسعي من قدامي كده كتك القرف وانتي بتحلوي 🙄

شهد : طول عمري ي عنيا حلوة 😌

اسلام : ي واد ي واثق انت 😉 

( تبتسم ب كسوف )

اسلام : شهد فين بنتي ولا ابني وبعدين مش شايف بطنك ٢ متر قدام ليه انتي مش لسة والدة ؟!!!!

شهد : دة عشان لابسة جلابية واسعة

اسلام : طب   تلبسي الفستان اللى جبتهولك ف عيد ميلادك الي فات عشان بتبقى رهيبة فيه 🧡

شهد : هعهع بعنيك دة تلبسه امك 💁🏻‍♀️

اسلام : يابت لمي لسانك ل اقطعهولك 😐

شهد : اااا انت جاي ليه احنا مش مطلقين ؟؟

اسلام : لا مهو انا جاي عشان ارجعك بيتنا 

شهد : اه م انا عارفة بس بستهبل .. هنعمل ايه ف حوار المحلل دة ؟

اسلام : متفكرنيش عشان بتخنق كل اما بفتكر انك هتبقا ف حضن واحد غيري 😕

شهد : انا خايفة اوي م الحوار دة ومستغرباه اصلاً .. مافيش حل تاني ؟؟

( تقعد شهد )

اسلام : م انتي لو مكنتيش مديتي ايدك ع امي واختي كان زمانا كويسين 🤷🏻‍♂️

شهد : يوووه بقااا بتفكرني ليه 🙄

اسلام : عشان بيبقا شكلك حلو وانتي غضبانة 😉

شهد : ماشي 😌

( ييجي ابو شهد يقعد معاهم )

شهد : خلينا ف المهم هنجيب محلل منين ؟

الاب : انا وامك فكرنا ف ابن خالتك هيثم 

شهد ب خضة : هيثم .. ملقتوش الا دة !!!

الاب : مهو ده الوحيد اللى ينفع لانه مننا وهيسمع كلامنا

الام : هنعملكوا ايه حد قالكوا تطلقوا ياط بنتي 🤷🏻‍♀️

( شهد تبص ل اسلام ) 

اسلام ب استغراب : هو ماله هيثم دة ؟!

الام : مفيش حاجة ي بني عادي 

( ييجي الليل ، شهد قاعدة مع اهلها )

شهد : انا مرضتش اتكلم واسلام قاعد هيثم ايه الي اتجوزه !!!! 

الاب : ي بنتي شباب العيلة متجوزين مين هيرضى يتجوزك ع مراته ؟؟

شهد : وهو لازم م العيلة ؟

عز : اومال يبقا حد غريب وييجي يستهبل بعد كدة ويقرفنا 

شهد : ومين قالك ان هيثم مش هيستهبل ؟؟

عز : ميقدرش .. هيثم عارفنا كويس وميقدرش يلعب ب ديله معانا 

( تسكت شهد )

الام : وانت قلتله ي حج ؟

الاب : اه كلمته 

الام : وقالك ايه ؟

الاب : معارضش الولا 🤷🏻‍♂️

شهد ف سرها : طبعاً مصدق 🙄

( تانى يوم ، شهد ف المطبخ بغسل المواعين ، يرن جرس باب البيت )

شهد : وده مين اللي جاي ع الصبح ده !!! 

( تغسل وايدها وتطلع م المطبخ تفتح الباب ) 

هيثم ب انشكاح : حبيبتي 🤗

( تقفل ف وشه )

شهد : ابو شكلك 😑

( يخبط الباب تاني )

الام : مين ي بنتي اللي بيخبط ؟

شهد : ده الزبال ي ماما 🙄

الام : وبيرزع ع الباب كدة ليه .. اوعي اما افتح

( تفتح الام الباب ) 

الام : يوه !! ازيك ي هيثم عامل ايه ؟

هيثم : الحمدلله ي خالتي يرضيكي شوشو تقفل ف وشي الباب 😕

شهد ب انفعال : شوشو ف عينك ي بعيد اسمي شهد ياض ولا اديك علقة من علقات زمان عشان تفتكر شهد 😡

الام : ي بت عيب كده ده ابن خالتك 😬

شهد : انا داخلة اتخمد 

( تدخل اوضتها )

الام : اقعد ي بني هعملك شاي 

هيثم : ماشي ي خالتي 

( تدخل الام المطبخ ، يقوم هيثم يقرب ع اوضة شهد ، يفتح ويدخل )

شهد ب خضة : انت اهبل داخل فين !!!!

هيثم : عاوز اتكلم معاكي 

شهد : تستأذن قبل م تدخل مش اوضة امك هي 🤷🏻‍♀️

هيثم : ممكن تبطلي طولة لسان واتنيل اتكلم 😒 

                    الفصل السابع عشر من هنا 

لقراءة باقي الفصول اضغط هنا 

تعليقات