رواية حدوتة عشق
الفصل الاول والثاني1و2
بقلم سهيله سعيد ومريم نبيل
( ف منطقة شعبية ، بيت كبير ف اخر الشارع ليه بوابة حديد شبه الڤيلا بس ع شعبي ، جوة اوضة ف البيت ، نايمة بنت وبتشخر ، تدخل واحدة ست )
الام : بت ي شهد .. اصحي ي بت يلا
شهد ب نعاس : اييييه ع الصبح بقا 😞
*( ملحوظة .. شهد بنت جميلة ، بشرتها بيضة ، عيونها عسلي واسعين ، ملامحها رقيقة ، محجبة بتلبس تربون ، عندهها ٢٠ سنة ، بتدرس ف كلية اداب ، بباها تاجر كبير وصاحب ورش ل قطع غيار العربيات وليه مقامه ف منطقتهم وهي البنت الوحيدة ع ٦ ولاد )*
الام : قومي وراكي زفت كلية هو كل يوم ع الحال الاسود دة 🤷🏻♀️
شهد : مش رايحة انهاردة
الام : طبعاً هو انتي فالحة غير ف النوم والسرمحة مع العرر صحابك ي أما وقفالي ف الورش زي الرجالة !!
شهد : خلصتي ي حجة ؟
الام : قومي خلصت روحك انا عارفة هتبلطيلي السنة دي اكيد .. ي شماتة خالتك سميرة وبناتها فيا .. مفيش مرة ابداً تنصفيني ي بنت الجزمة انتي قومي ي بااااات 😡
شهد وهي بتقوم : وزغرتي ي انشراح ع تعبي الي راح .. مقولتيهاش دي انهاردة 🙄
( تقلع الشبشب وتحدفها بيه ، تجري ع برة تخبط ف اخوها )
هيما : حاسبي ياما مش نقصاقي ع الصبح 🤷🏻♂️
شهد : مالك ي عم انت ؟!
هيما : خليكي ف حالك
شهد : غلطانة اولع
هيما : يا بنت ال ......... 😠
الاب : هيماااا
هيما ب خضة : جااااي جاي اهو 😬
( يجري ع ابوه ، تدخل شهد التويليت تغسل وشها وترجع الاوضة تلبس ، تقف قدام المراية بتظبط نفسها ، تخلص وتطلع برة ، بباها قاعد )
شهد : صباح الفل ي حج
الاب : صباح النور .. رايحة الكلية ؟
شهد : اه .. صحيح العربية كذة مرة تعطل معرفش مالها بقا 🤷🏻♀️
الاب : هبقا اخلى سيد يوديها للميكانيكي
سيد : لأ انا مش فاضي انهاردة
شهد : خلاص انا هبقا اتصرف .. يلا سلام
زكريا : استني خوديني ع سكتك ل امدرسة
شهد : هو البعيد احول مبيسمعش بقول العربية بتعطل يعني مش ماشية بيها هاخد تاكس
زكريا : وانا هفضل اتزل لكل واحد فيكوا شوية انا عاوز عربية 🤷🏻♂️
الاب : قولتلك لما تنجح ف الثانوي هجيبلك ع دخولك الكلية كدة ان شاء ربنا
شهد : يبقا هيروح ب توكتوك ههههه 🤭
زكريا ب غيظ : ماشي ي شهد 😐
الام : متغيبيش عشان رايحين عند خالتك بالليل عيد ميلاد عبير انهاردة
شهد ب تنهيدة : ماشي .. سلام
( تطلع شهد م البيت ، تمشي ف الشارع )
ست : صباح النور ي شوشو
شهد : صباحك فل ي ام ادم
( تمشي شباب المنطقة عينهم مش متشالة من عليها بس ولا واحد يقدر ينطق ب كلمة وهي معدية ، تطلع ع الشارع العمومي ، تمسك الفون )
شهد : فينك .. طب يلا انا ع الشارع .. سلام
( تقفل شهد وتقف مستنية ، تعدي عربية من جنبها فيها ٣ شباب )
مراد : لا جامد 😃
حازم : م تقف ي اسلام ثانية
اسلام وهو بيسوق : اصطبحوا ع الصبح 😑
*( ملحوظة .. اسلام شاب وسيم ، عنده ٢١ سنة ، جسمه رياضي طويل وعريض ، بشرته قمحاوية ، عيونه خضرا مايلة للصفار ، لبس شيك ، عربية اخر موديل ، ليه اختين بنات ، من عيلة راقية جداً )*
مراد : الواحد شايف مناظر عدلة ع الصبح 😉
اسلام : انت قايم تتاوب ع بنات م تهدى ي عم 🤷🏻♂️
مراد : انا لا اقاوم 😂
( عند شهد ، تقرب عليها بنت ب عربية )
نغم : يلا اركبي
( تركب شهد ويمشوا )
نغم : عطلت تاني العربية ؟
شهد : لا هي شغالة بس عطلت مني كذة مرة امبارح ف خايفة تعمل كدة تاني عاوزة ابقا اوديها ل أي ميكانيكي الأول
نغم : مش انتوا بتصلحوا ي بنتي !!
شهد : لا احنا ل تركيب قطع الغيار وحاجات تانية مش ل التصليح
نغم : اهااا .. صحيح عوزاكي بعد الكلية تيجي معايا المول هجيب فستان ل فرح ياسمين
شهد ب تذكير : ايووو تصدقي نسيتها خالص مقولتيش ليه انا كمان عاوزة اجيب
نغم : طب تمام م انا بقولك اهو بعد الكلية نروح بقا نظبط الدنيا
شهد : لا مش هينفع ماما عوزاني ارجع بدري عشان عيد ميلاد بنت خالتي 🙄
نغم : عادي نطلع بدري م الكلية ونخلص الي ورانا وتروحي العيد ميلاد
شهد : خلاص ماشي
( يوصلوا البنات الكلية ويقضوا يومهم ويخلصوا )
نغم : يلا بينا ؟
شهد : يلا
ريناد : رايحين فين ؟!
نغم : المول تيجي معانا ؟
ريناد : اوك
( يطلعوا البنات م الكلية يعدوا ع اسلام وصحابه )
مراد : ايه دة البت اهي !!!
اسلام ب استغراب : بت مين ؟!!!
مراد : البت دي 👉
( يشاورله عليها )
اسلام ب تذكير : اااه
حازم : دي طلعت معانا هنا ف الكلية !
مراد : دي اكيد اشارة عشان اتعرف عليها 😌
اسلام : لا ي راااجل !!
مراد : تعالوا تعالوا 😃
اسلام : ي بني اهمد ورانا محاضرات
مراد : بالله عليك ي اسلام البت دي هتجنني تعالى 🥺
اسلام : شافها مرتين هتجنوا سبحان الله 🤷🏻♂️
مراد وهو بيشد ايد اسلام : يلا بس 👋
( يطلعوا ورا البنات ، يركبوا البنات العربية ويمشوا )
حازم : اهم مشيوا
مراد ل اسلام : هات مفاتيحك بسرعة 👋
( يحدفله اسلام المفاتيح ويركبوا ويمشوا وراهم ، يوصلوا البنات المول ويدخلوا ووراهم الشباب ، يدخلوا البنات محل ، يقفوا الشباب برة )
ريناد ب استغراب : ع فكرة الولاد الي واقفين قدام المحل دول شكلهم مراقبينا !!
( يبصوا عليهم )
نغم ب قلق : مراقبينا ازاي يعني !!
ريناد : والله
شهد : انا بردوا ملاحظة كدة 😒
نغم ب اعجاب : بس جامدين اوي 😍
شهد : خلصي عشان نمشي يختي
نغم : مش عجباني حاجة هنا 🤷🏻♀️
شهد : طب يلا
( يطلعوا م المحل ، يفضلوا الشباب وراهم )
اسلام ب زهق : انت هتفضل ممشينا وراهم 🙄
مراد : لا هكلمها
( يمشوا جنبهم )
مراد : وربنا حرام الي زيك تمشي ع الارض 😉
( ميردوش البنات )
حازم ب ضحك : ولا هتعبرك 😂
مراد : نتعرف طيب .. قولي اي حاجة
( اسلام وحازم فطسانين م الضحك ع منظره )
حازم : حلقالك ع الاخر 🤭
مراد : ي عم اهدى بس .. انا مش بعاكس والله انا ........
( لسة ايده هتطول ناحية دراعها ، تقف شهد )
شهد ب انفعال : جرى ايه ي روح امك منك لييييه 😡
( يقفوا الشباب و يتخضوا لان بيئتهم الراقية ميتوقعوش ان دة كلام يطلع من بنت ابداً ولا يبان ع شكلها كدة )
اسلام ب صدمة : جرى ايه ي ايييه 😳
شهد : ي روح امك 💁🏻♀️
اسلام : لا وبتعديها كمان !!!
شهد : اذا كان عاجبك ي ضنايا 🤷🏻♀️
اسلام ب اندهاش : ضناياااا 😃
( يضحكوا الشباب )
مراد : ليه العنف دة ي مزة م كنا حلوين 🤷🏻♂️
شهد : مين دول الي حلوين يلا !
مراد : يلا !!!
حازم : شكلنا كدة وقعنا ف ابيئ بنت ف العالم 😐
شهد : مين دة الي بيئة ي مصدي انت !!
حازم : الكلام دة ليا ؟؟
شهد : والي يتشددلك ويلا ي عبدالله اتكل ع الله 👏
الشباب : ههههههه 😂
مراد : طب والمصحف عسل 😉
نغم ب قلق : شهد خلاص يلا بقا 😬
مراد : شهد والله اسمك عسل زيك ي شهد
الحلقة الثانية { ٢ } 🙊
شهد : خلاص ي بابا مش لبانة هي متندهش اسمي تاني ☝️
مراد ب استفزاز : لا مقدرش ي شهد 😃
مراد : وادينا اتعرفنا انا مراد 👋
شهد ب انفعال : اتعرفنا ايه يلا انت صدقت نفسك 😠
مراد : انا .......
اسلام : مراد فكك منها يلا كفاية قرف 😒
شهد ب عصبية : مين دي الي قرف 😡
( توطي تقلع الشوز بتاعها ولسة هترفعه ع اسلام ، يمسك ايدها )
اسلام : لا كدة عيب هو مش سكتناله دخل ب حماره 🤷🏻♂️
شهد : ي بن ال .......
اسلام وهو بيحط ايده ع بؤها : لا لا بلاش احسنلك تشتمي عشان هتزعلي من رد الفعل اوي وانا لحد دلوقتي مش عاوز ازعلك .. ي شهد 🙂
( تزق ايده من ع بؤها ، ياخد الشوز من ايدها )
شهد : هات 👋
اسلام : مقاس ٣٧ .. صغيرة اوي بالنسبة ل طولة لسانك ي شوشو !!
( يحدفهالها من فوق )
شهد ب خضة : انت متخلف 😮
اسلام : تاني الشتيمة 🙄
شهد ب غيظ : انت متعرفش انا بنت مين وربي ل اوريك 😡
( يبتسم اسلام ف يستفزها )
شهد : انزل هاتلي الجزمة 👇
اسلام : ليه اتشليتي 🤔
شهد : انت الي رميتها يبقا انت الي تجيبها
اسلام : دي نتيجة افعالك عشان انتي لسانك طويل وبنت قليلة الادب ☝️
شهد ب صدمة : انا قليلة الادب 😦
اسلام : اه ومش من الاحترام اصلاً ان بنت تتعاكس وتقف ترد ع الي عاكسها الا لو عوزاه يطول ف الكلام بقا 🤷🏻♂️
مراد : اه بتجر كلام 😉
اسلام : اسكت انت السبب اصلاً ف اننا نتهزق من واحدة زيها 😒
( يحرق دمها وتحس ب احراج ومتعرفش ترد )
ريناد : ولا من الأدب ان انتوا اصلاً تعاكسونا 🤷🏻♀️
اسلام : انا موجهتلكيش كلام متدخليش ☝️
( يبص ل شهد الي عينها دمعت )
شهد : هاتلي الجزمة 😐
اسلام : جزمة ايه هي لسة هتستناكي لحد دلوقتي تحت !
( تبص نغم متلاقيش حاجة لان الناس رايحة جاية ، يمشي اسلام وصحابه وشهد واقفة مصدومة مش عارفة ترد )
نغم : احيه حدف الجزمة ومش موجودة 😬
( الشباب قاعدين ف الكافيه الي تحت )
حازم : هزقتها اوي انت ي اسلام !
اسلام : عارف وندمت .. بس هي الي لسانها طويل دي رفعت عليا الشوز بتاعها كنت اسكتلها تضربني بيه 🤷🏻♂️
مراد : حيوانة اوي !
اسلام : والله انت الحيوان عشان ممشينا وراك وخلاص 🙄
مراد : وانا ايش عرفني ان لسانها طويل كدة !!
اسلام : خلصنا .. بس عجبتني مبتسيبش حقها 😒
مراد وحازم : ي راجل !!!
مراد : عجبتك ازاي يعني !
اسلام : اه فيها ايه ؟!
مراد : لا مفيهاش 😒
( يلمح اسلام الشوز بتاعها ، عند البنات )
نغم : شهد
شهد : ايه ؟
نغم : مالك انتي زعلتي ؟
ريناد : متزعليش دول حيوانات
شهد ب ضيق : مش زعلانة 😒
نغم : يلا نروح نبقا نجيب يوم تاني
شهد : لا خلصوا نفسيكوا انتوا هستناكوا ف الكافيه الي تحت يمكن الاقي الجزمة
ريناد : اوك
( تقلع الفردة التانية وتنزل تقعد ف الكافيه .. تحط رجل ع رجل وهي حافية اصلاً والناس تبصلها وتحط فردة الجزمة ع الترابيزة )
مراد : لا دي مستقصداني بقا 🤷🏻♂️
حازم : في ايه ؟!!
مراد : اهي قاعدة
( يشوفوها ، لسة مراد هيقوم )
اسلام : اهدى بقا شوية واترزع ✋
( يقعد مراد )
حازم ب ضحك : منظرها تحفة وهي حافية 😆
( يقرب الويتر )
الويتر : أأمري ؟
شهد : هات شاي
الويتر : لا مافيش شاي للاسف
شهد : ازاي مافيش شاي !!
الويتر : اسف جداً 😐
شهد : هاتلي نيسكافيه ولا قهوة اي حاجة تظبط نافوخي 🤦🏻♀️
الويتر : اوك
( يمشي الجرسون ، يقوم اسلام )
حازم : رايح فين ؟
اسلام : هديها جزمتها
( يمشي اسلام )
مراد : هو يقعدني ويقوم هو 🤷🏻♂️
حازم : شكلها دخلت دماغه !
( يقرب ع شهد )
اسلام : لقيتي الي ضايع منك ؟
( متردش )
اسلام : هااا ؟
شهد : عاوز ايه ؟
اسلام : بسأل سؤال ردي
شهد : ارد ليه ي برنس .. هي مش البنت الي ترد ع شاب بيعاكس تبقا مش مؤدبة 🤔
اسلام : بس انا مبعاكسش
( تسكت شهد وتضير وشها )
اسلام : متزعليش اني قلت كدة بس انتي كنتي مزوداها اوي 🤷🏻♂️
شهد : والله انا ابويا علمني الي يدوسلي ع طرف ادوس ع رقبته .. ولو ع ردي ف انا مكنتش هستنى لما صاحبك يمسك دراعي وبعدين اتكلم عشان ابقا مؤدبة ي نجم 💁🏻♀️
اسلام : هو كان هيمسك دراعك ؟!!!
شهد : ايوة لولا اني رديت قبل م يعمل كدة
اسلام : والله م اعرف انا مختش بالي 😕
شهد : مش فارقة 🙄
اسلام : متزعليش بس انا قلت كدة لما رفعتي عليا الشوز بتاعك ومش هيبقا لطيف ابداً اني اضرب بيه يعني .. لكن مقصدتش كلامي دة عشان بس اتعصبت من الحركة دي .. انا اسف 😐
شهد : حصل خير
اسلام : مش عاوزة بردوا الي ضاع منك
شهد : لا خليهولك
اسلام ب ابتسامة : بردوا .. ماشي 😄
( يوطي عند رجليها ويجيب الشوز من ورا ضهروا ويمسك رجليها ، لسة هتتكلم تلاقيه لبسهولها ، تستغرب شهد وتتحرج )
اسلام : متقلعهوش تاني .. حرام الرجل دي تدوس ع الارض 🙂
( تلم شهد رجليها وتتحرج متردش ، يقوم اسلام يرجع يقعد )
حازم : ايه ي عم الرومانسي 🤷🏻♂️
مراد : هو انا جاي عشان انت تشؤطها 💁🏻♂️
اسلام : اشؤط مين .. انا غلطت وكنت بعتذرلها
مراد : اه وماله طيب 😒
( يفضل اسلام قاعد مش شايل عينه من عليها وشهد قاعدة مكسوفة كل م عنيها تيجي ناحيته تضير وشها ، يرجعوا البنات )
نغم : ايه دة لقيتي الجزمة !
شهد : اه يلا بينا
( تقوم شهد وتمشي هي والبنات ، بعد شوية ، توصل شهد البيت )
الام : ايه الي اخرك كدة ب بت مش قيلالك متتأخريش 🤷🏻♀️
شهد : مواصلات يا لوزة العربية خربانة 🙄
الام : طب يلا خشي غيري هدومك والبسي حاجة مدلعة كدة خلينا نمشي
شهد : حاضر دقيقتين واكون ع المسرح 💃
الام ب عصبية : ي بنت ال ***** 😡
( تحدفها بالشبشب تطلع تجري ، تدخل اوضتها تغير وتمشي هي ومامتها ، يوصلوا بيت خالتها )
الخالة : اهلاً اهلاً ب حبيبة خالتها 👋
شهد : ازيك ي خالتي 👋
الخالة : كويسة ي حبيبتي ازيك ي زينب 👋
ام شهد : نحمده يختي 👋
الخالة : اتفضلوا
( يدخلوا البيت ، ف اوضة قاعدة شاب بيشرب مخدرات ، يتفتح الباب مرة واحدة يتخض ويرمي السجاير )
هيثم ب ارتياح : الله يحرقك خضتيني 😑
*( ملحوظة .. هيثم شاب وسيم ، عنده ٢٥ سنة ، يبقا ابن خالة شهد )*
عبير : شهد جت
هيثم : لا ي شيخة !!
عبير : ايوة برة هي وخالتك
هيثم : ماشي جاي غوري
عبير : طيب 🙄
( تمشي عبير ، بعد دقايق ، يطلع هيثم )
هيثم : خالتي عاملة ايه ؟
ام شهد : الحمد لله ي حبيبي
هيثم وهو بيمدلها ايده : ازيك اشهد 👋
شهد : الحمدلله 👋
نها ل عبير : يلا قومي نطلع التورتة ونظبط السفرة الناس بدأت تيجي
عبير : تعالي معانا ي شهد
شهد : اوك
( يدخلوا البنات المطبخ يحضروا حاجات العيد ميلاد ويحطوا الحاجة ع السفرة ، شهد ف المطبخ ، تلف تخبط ف هيثم )
شهد ب ضيق : اوعى ي بني اقعد ف حتة !!