رواية نفوس مريضه
الفصل الاول1
بقلم تسنيم حمدي
احنا هتتجوز أمته بقى يابيبي
انتي تاني يا بنتي قولتلك مية مره انا مش بتاع جواز افهمي بقي
اومال انت مصاحبني كل دا ايه بتتسله
اهو انتي قولتيها بنفسك مصاحبك انا قولتلك في مره بحبك او حتي لمحت اني عايز اتجوزك
يبقى بتحب واحدة تانيه صح و هتتجوزها
ولا تانيه ولا تالته.. هو حد قالك اني عليا ذنب وعايز اكفر عنه قال اتجوز قال
.. انا هفضل كده طول عمري
سنجل بائس عايش برحتي
مالقيش انا في جو الخنقه دا
.. يعني انت مش هتتجوز خالص يامعتز
.. هو انتي بتفهمي اواي يا بنتي
.. اه انا مهاجر غابات أفريقيا
.. غابات أفريقيا!! تعمل فيها ايه
معتز:.. هستقر هناك
لولا هو انتي ايه اللي جابك ورايا
لولا بدلع: اصلي خوفت عليك يا بيب
لما سمعتك بتتخانق مع باباك
وشوفتك بعدها خرجت متنرفز قولت اجي اونسك. عشان متبقاش لوحدك.. اعمل ايه في قلبي اللي بيحبك
معتز بسخريه: عقليه ياختي
لاني مش شايفك غير زي عادل صاحبي كده.. نصيحه مني شوفي نفسك بعيد عني يا لولا
َ
لولا بصت ل نفسها : زي عادل صاحبك.. هو عادل حلو كده زي
... عموما انت الخسران دا انا كنت هدلعك
معتز: عارف ياختي اني خسران..
فقري انا.. ماليش في الطيب نصيب
واوعي كده من قدامي
قالها وهو بيدفعها بخفه علي جانب الطريق
و رفع الكاميرا علي عنيه
وبداء يصور بعشوائيه
صور للبحر والموج القوي وهو بتتخبط في بعض مع شكل القمر المكتمل
وفجاءه ثبت الكاميرا لما ظهر فيها ضوء انعكاس علي بنت صغيره قاعده بظهرها علي صخره في وسط البحر
ثواني اتأملها و بعد الكاميرا عن عنيه
عشان يتاكد انها حقيقه.. وشافها قدامه
بنت لبسه فستان اسود وشعرها بني طويل
وضوء القمر منعكس علي نص وشها بخفه
رفع الكاميرا تاني وبداء يصورها اكتر من صوره
ماكنتش واضحه فيها ملامحها. بس شكل المجمل للصور كان ساحر
معتز.. معتز... انت يابني
نادت عليه لولا بنزعاج
وهي بتقف قدامه وحطت ايدها علي عدسة الكاميرا
بصلها معتز بغضب: عايزه ايه..وبعدي ايدك عن العدسه
لولا بملل: زهقت بقالك ساعه سرحان و بتبص ل نفس الجهه وبتصور.. تعالي نروح ل باقي الشله
معتز : اصلي شوفت حورية البحر كانت هنا ..قالها وهو بيشاور علي مكان
لولا بضيق: حورية بحر ايه دي يامعتز.. انت خنقتك مع ابوك قصرت علي دماغك
معتز رفع عينه للصخره اللي شاف عليه البنت بس كانت اختفت
معتز بنزعاج :شكلها مشيت
قالها وهو بيتفرج علي صورها بالكاميرا
لولا: بقولك ايه سيبك وتعالي نروح النادي الشله كلها هناك ومستنينا
معتز برفض : لا مش هينفع انا هروح بدري النهارده عشان ابويا مصر اني احضر معاهم بكره فتح وصيه جدي ولازم اكون فايق
لولا :عشان خطري يا معتز عشان خطري اقعد معايا شويه صغيرين بس وامشي
معتز:قولت لاء يعني لاء يا لولا ماتعصبنيش
...........
بداخل النادي الليلي
عادل :اهلا اهلا بمعتز باشا مش قولت هتروح عشان عندك مشوار الصبح
... حكم القوي
:قالها معتز وهو بيبص على لولا بنزعاج
لولا:هلو عادل
عادل: منوره يا لولا
لولا :ميرسي .. انا عاوزه ارقص ترقص معايا يا معتز
معتز : يلا ياختي
........
رجع معتز البيت بعد الفجر ولقي ابوه وامه قاعدين قدمه
معتز تمتم بسره:الحافله هتبداء
ابوه: اخيرا شرفت يا بيه. ما لسه بدري
دا الفجر يدوب لسه مأذن
كنت اتأخر شويه كمان.. شايفه تربيتك يا هانم
معتز ببتسامه: وحشتك اوي كده يا بابا.. وانت كمان يا حبيبي
صلاح بجديه: كنت فين يا معتز
معتز: كنت في الشغل هكون فين يعني
صلاح: شغل!! شغل ايه يا معتز
هو الصياعه والسهر كل يوم واللف في الشوارع باللعبه اللي في ايدك دي اسمها شغل
معتز بعناد: اه شغل..دا شغلي يا بابا اللي بحبه..وبصرف بيه علي نفسي بقالي سنين والتصوير مش لعبه..دا فن
صلاح: فن ايه وزفت ايه اللي يخليك تدخل كل يوم وش الصبح
معتز: يا بابا قولتلك ميت مره ان التصوير دا بيحب الليل الهدوء والجمال..التصوير في الليل لي سحر خاص.. فن بقي
صلاح بغضب: فن يا فاشل هتفضل كده لحد أمته فاشل
.. مش قد المسؤولية.. مش قولتلك رجع بدري البيت عشان هنروح للمحامي .. الساعه تسعه الصبح عشان فتح الوصيه ..بس انا بقول لمين بكلم نفسي
معتز: الساعه تامنه ونص .. في حاجه تاني يا بابا
صلاح:..اه.. نخلص من المحامي وتطلع معايا علي الشركه تستلم شغلك هناك زيك زي اخوك
واهو تتعلم حاجه تنفعك
.. وتقف جابني وجانب اخوك بدل ما عمك ياخد مننا كل حاجه هو وبنته بعد ما يجوزها واحد غريب يستولي على تعبنا وشقانا
معتز بملل:بابا انا تعبت من كتر الخناق في الموضوع دا
..انا ماليش في جو الشركه
ومشاكلك انت وعمي ومين فيكم هياخد الشركه من التاني
.. انا بحب اعيش حر من غير قيود او موعيد بتخنق
.. وشغلكم والتجار بتاعتكم انا مافهمش فيها
صلاح بعناد :يبقى تتعلم
معتز : معرفش اتعلم ولا انت ايه رائيك يا مرفت انا ليا في الشغل دا وبدل وجرفته ومتنج والخنقه دي قوليلوا حاجه يا نانا بقا
مرفت: في ايه يا صلاح ماتسيب الواد يعمل الحاجه اللي بيحبها..هو مالوش في الجو دا وكفايه عليك ياسين بيشتغل معاك
وبصت ل معتز ببتسامه حنينه: قولي يا حبييي جعان اجهزلك العشاء
معتز: واقع من الجوع يا نانا والله.. عامله اكل ايه
مرفت ببتسامه: عملاك محشي وملخيه تجنن
صلاح بغيظ: محشي ايه وجعان ايه
.. انت يا فاشل عارف لو ماعقلتش وبطلت الهبل دا هطردك من البيت واسترح منك.. وانت ماتدخليش يا مرفت دي حاجه بينه وبين ابني
مرفت بصتله بحزن
معتز بتجاهل: قوليلي يا نانا عملتي ورق عنب
مرفت ببتسامه: طبعا يا روحي .. عملولك مخصوص
صلاح بزعيق: انت يا زفت رد عليا
معتز: عايز ايه ياحج مش بتكلم مع المدام.. انتي مستحمله الراجل دا ازاي يا مرفت قوليلي هو كده من زمان
صلاح بحده: هتروح من بكره الشغل معايا ولا لاء
معتز: ما انا بروح كل يوم الشغل لوحدي ياحج انت شايفني عيل هتوصلني شغلي يعني
جز صلاح علي سنانه بغيظ: معتز
معتز: بص يا بابا انا عايز اعتمد علي نفسي سبني... واول ماحس اني فشلت هعمل كل اللي يريحك
صلاح رفع حاجبه بسخريه : هو انت لسه مافشلتش .. غور من وشي يا معتز عشان هزعلك
معتز: بقي كده يا ابو صلاح ماشي
.. بقولك ايه يا مرفت صنيه محترمه كده
حطي اي حاجه عايزه تحطيها
وطلعهالي علي فوق
لو مش هتعبك معايا ياقمر
مرفت ببتسامه:.. حاضر ياروح قلب مرفت.. من عنيا
معتز:.. تسلملي عيونك يا جميل
سابهم وطلع اوضته وصلاح بيبصلهم بضيق وبيتخيل لو مسك الاتنين من قفاهم وطردهم بره البيت اكيد هيرتاح
صلاح بتافف وضيق بصل مرفت: هتفضلي لامته تدلعي في كده ..
ولا عاجبك الضياع اللي عايشه دا يامرفت .. ولا كان ياسين مكانه كنتي هبقي مبسوطه باحاله
مش عارفه امته هيبقي راجل و يعتمد عليه
مرفت بتحدي : الاتنين ولادي يا صلاح..وبحبهم زي بعض..ومعتز ابني راجل وسيد الرجاله وبيعتمد علي نفسه.. انا مش فاهمه مش عجبك في ايه .. دا زي القمر ربنا يحمي
صلاح بقرف : عشان تافه وصايع وفاشل وبتاع بنات.. اعدلك مميزات اكتر للباشا
مرفت: لا ماتعدش و سيبه انت في حاله هو لسه صغير سيبه يعيش حياته بالطريقه اللي تريحه
وبكره هيكون احسن واحد في الدنيا وربنا يخليلك ياسين اهو نسختك ومعاك في الشركه
صلاح: يارب هتـ.شل
.. عارفه.. انا داخل انام يا مرفت ..منك لله يا مرفت
اطلعي اعلفي في الفاشل بتاعك يا ناديه
... ..
في مكتب مكرم المحامي
..... معتز معتز.. اصحي ..يابني انت جي تنام هنا
معتز بخمول: عايز ايه يا ياسين انا صاحي اهو
.. قالها هو بيتاوب ورفع دماغه من علي المكتب قدمه بصعوبه
ياسين:طيب فوق و تعدل.. ابوك لو دخل مع المحامي وعمك وشافك نايم كده مش هيسكت
اتعدل معتز علي الكرسي ومسح وشه بكسل: اهو ياعم ياسين لما اشوف اخرت حورك دا انت وابوك ايه
ياسين بستنكار من منظر معتز: وقلع نضارة الشمس دي
هو انت لبسها جوه المكتب ليه !!
معتز رفع النضاره من علي عنيه وبصله بقرف ورجعها تاني علي وشه:
روح ربي عيالك يا ياسين.. وخليك في حالك
ياسين بغيظ: غب. ي
دخل المحامي مع ابوهم المكتب ووراهم عمهم ادم وبنت عمهم نورهان
معتز شاف نورهان واتجمد مكانه
وشد كتف ياسين وهمس لي
:واد يا ياسين .. هو عمك خلف واد أمته
ياسين خبطه في على ايده وبعدها عنه: سيب القميص و دي تبقي الدكتوره نور بنتك عمك.....
معتز بصراخ :دكتورة المجانين......