رواية احببت حبك لي
الفصل الجزء الثاني2 الفصل الثالث3
بقلم ريهام رفاعي
ف اليوم التالي
فيه حد رن علي زياد
زياد : الو
..... : ايه يا زياد عملت الي قولتلك عليه
زياد : بصراحه لا
..... : نعم ده الي هو ازاي ده انت بتهزر معايا
زياد : مردتش اعمل حاجه دلوقتي احنا لسه يدوب جايين العماره
..... : لا هو محدش خد رايك ف حاجه انا الي اقوله يتنفز تمام زياد انت عارف انا ممكن اعمل ايه
زياد : حاضر انا اسف والله بس لو سمحت متخليش حد يجي جنب اخواتي وانا هعمل كل الي انتي عايزاه
....... : تمام خالد مش موجود دلوقتي ف البيت
زياد : معرفش
..... : انا مش بسالك انا بقولك
زياد : تمام تمام فهمت هو مش ف البيت دلوقتي
.....: اه
زياد : تمام المفروض اعمل ايه بقي
...... : زيااااااد متستغباش احنا مش متفقين علي كل حاجه
زياد : خلاص خلاص افتكرت انا اسف جدا
زياد جيه يفتح الباب لقي نور كانت واقفه ورا الباب وبتتصنط عليه
زياد بعصبيه : انتي بتعملي ايه هنا يانور
نور : كنت جايه اشوفك جعت ولا ايه جعت صح
زياد بزعيق :نور قولي سمعتي ايه
نور بخوف : مسمعتش حاجه
زياد: نور قولي سمعتي ايه دلوقتي
نور بعياط : والله العظيم ملحقتش اسمع حاجه انا كنت لسه جايه اسمع انت فتحت الباب علي طول
زياد : يعني مكنتيش جايه تسالني جعت ولا لا زي ما قولتي
نور : انا عايزه اعرف انت عايز ايه من ريم وليه اتجوزتني
زياد :سؤال عايز ايه من ريم مش هينفع اجاوبك عليه انما اتجوزتني ليه ف ده سؤال مش لازم اجاوب عليه ادينا اتجوزنا وخلاص وبعدين انتي مسالتنيش السؤال ده من قبل ما نتجوز جايه تساليني دلوقتي
نور بدموع : انا مقدرتش اسالك عشان فيه حد اتصل عليا وهددني انه هيقتل*ني انا وعيلتي عشان كده متكلمتش و اهلي كلهم خاصموني بسببك
زياد : اتهددتي يعني ايه ايه الهبل ده وازاي متقوليليش حاجه زي ديه
نور : قالي اياكي تقولي كلمه لحد حتي زياد
زياد : انا اسف علي الي حصل معاكي ده بس والله مش بايدي انا متهدد زي زيك
نور : طب وانت المفروض تعمل ايه دلوقتي
زياد : هكمل الخطه الي بدانا فيها اهم حاجه انك عرفتي ان انا مش وحش انا اه جر*حت ريم ومشيت مع بنات كتير بعدها بس مش لدرجة اني افرق بينها وبين جوزها
نور : كنت حاسه من الاول ان فيه حاجه غلط المهم انت كمل الخطه الي اتفاقتوا عليها لحد ما نشوف ايه الي هيحصل وان شاء الله ربنا هيحلها متقلقش
زياد : هنكمل الخطه
نور : نعم !!!!
زياد : ايوه هو انتي متعرفيش انك موجوده ف الخطه
نور : لا مقليش قالولي اتجوزك بس ومقولكش حتي ان حد كلمني
زياد : وانا قالتلي مقولكيش علي حاجه واخليكي تنفزي الي عايزه وخلاص
نور : ايوه هي مين بقي الي قالتلك
زياد : معرفش يعني هو انتي تعرفي مين الي كلمك
نور : بصراحه لا
زياد : خلاص احنا هننفز الخطه وبس عشان محدش مننا ولا من اهلنا يتأ*ذي
نور : طب فهمني طب هعمل ايه
زياد : بوصي ياستي
نروح لريم
نور رنت جرس الباب وريم فتحت واول ما شافتها قلبت وشها وكانت لسه هتقفل الباب ف نور لحقتها
نور : استني استني لوسمحت
ريم بعصبيه : عايزه ايه
نور : مش عايزه حاجه غير انك تسامحيني
ريم :اسامحك علشان ايه علشان اتجوزتي الراجل الي كان بيضحك عليا ومفهمني انه بيحبني و في الاخر جرح*ني و سابني كده ولا كاني كنت ف حياته
نور : لا عايزاكي تسامحيني عشان حاجه تانيه
ريم : عشان ا.....
نور كتمت مناخيرها ب منديل عليه مخ*در و اغمي عليها وزياد ونور نقلوها
خالد رجع البيت
خالد : ريم رييييم ياسطاااا انت فين ياعم
خالد عمال يدور عليها ف البيت كله مش لاقيها وعمال يرن تليفونها مقفول وبعدين اتصل علي مامتها
خالد: الو ازي حضرتك يا طنط
مامتها : انا تمام يا حبيبي انت عامل ايه وريم عامله ايه
خالد : معرفش هي فين انا اتصلت علي حضرتك قولت يمكن تكون عندك
مامتها : لا ياحبيبي مش عندي
خالد : طب هي ممكن تكون حد من اخواتها
مامتها : مش عارفه والله انا تتصل عليهم دلوقتي وهكلمك تاني متقلقش
خالد :تمام تمام يا طنط شكرا جدا
خالد قاعد متوتر وعمال يهز ف رجله مستني تكلمه تقوله انها لاقتها او يلاقيها داخله من الباب