رواية احببت حبك لي
الفصل الرابع عشر14والاخير
بقلم ريهام رفاعي
خالد : وأنا كمان بحبك اوي والله العظيم
ريم اتفاجئت من الي عمله و قامت من علي الكرسي وعماله تبصله وتبص لصحابها و سابتهم و جريت علي بره وخالد جري وراها ومسكها من ايدها و حضنها وهي عماله تزقه
خالد : خلاص بقي أهدي يا ست انتي مراتي وربنا
ريم هديت شويه بس محضنتهوش
ريم : طب ممكن تسيبني بقي
خالد : ياستي سيبيني أتمتع بالحظه الحلوه ديه شوية يعني انا واحد متجوز بقاله شهرين ولا حاجه وده أول حضن بيني وبين مراتي وحبيبتي وروح قلبي
ريم : طب ممكن نروح شقتنا الأول طيب
خالد : حاضر ياستي
خالد مسك ايدها ومشيوا وركبوا العربيه و وهما ماشين علي الطريق خالد وقف العربيه ونزل
ريم : رايح فين ؟؟
خالد : خمس دقايق هجيب حاجه بسرعه و جاي
خالد رجع و ماسك بوكيه ورد ومخبيه ورا ضهره
ريم : ايه الي ورا ضهرك ده
خالد : احلي بوكيه ورد لاحلي ورده ف حياتي
ريم اتكسفت وضحكت ودورت وشها
خالد : ايه مش عاجبك البوكيه ولا ايه
ريم خادته منه بسرعه
ريم : لا عاجبني جدا طبعا جميل اوي والله شكرا
خالد : وربنا ما فيه حد جميل غيرك ياعسل انت
ريم : ممكن نرجع لكلامنا الطبيعي عشان انا حاسه اني مش عارفه اتكلم
خالد : ههههه عنينا ياسطا
ريم بضحك : أيوه كده تمام
خالد : متجوز بلط*جيه
ريم : احذر مني بقي
خالد : هيهون عليك برضه تأذي خلوده حبيبك
ريم دورت وشها برضه و ابتسمت
خالد : أنا أول مره اشوف كسوف القمر
ريم : يا عم بطل بقييي
خالد : سيبيني براحتي أنا النهارده عيد بالنسبه لي
ريم : طب يا سيدي براحتك بس متخنوقنيش بالله عليك
خالد و هو متضايق: حاضر يا عم الحج مش هخنقك
ريم بتحاول تظبط الموقف: طب ياخلوده تيجي نروح ناكل
خالد بابتسامه : هو أنا مش عايز بس هوافق لاجل خلوده ديه بس
ريم : حبيب قلبي وربنا هناكل ايه بقي
خالد : بص يا عمنا احنا نطلع علي ماك ومعاكي شيك مفتوح النهارده اطلبي الي نفسك فيه وف الآخر هناكل ايس كريم كمان لو قدرنا يعني
ريم : طب وربنا بقي ،هقولك حاجه أول مره اقولها ، وربنا الحمد لله ان ابويا موافقش علي قراري
خالد بضحك : كل ده عشان الاكل
ريم : لا يا عم والله مش عشان كده
خالد : اومال عشان ايه
ريم بكسوف : لا خلاص هقولك بعدين بقي
خالد : وحيات النبي تقوليلي دلوقتي بالله
ريم : لا خلاص بقي متضايقنيش
خالد : طب يا عم ولا يهمك نخليها وقت تاني
ريم : اهي ديه من ضمن الحاجات الي بحبها فيك
خالد : هيا ايه ديه ؟
ريم : انك مش بتجبرني علي حاجه وسايبني براحتي يعني مش بتجبرني اعمل حاجه انا مش عايزه اعملها فاهمني بس بصراحه فيه حاجه واحده بس اجبرتني عليها
خالد : عشان اجبرتك انك تتجوزيني وكده
ريم : يعني كانت بس انا تخطيتها خلاص فيه حاجه تانيه
خالد : ايه هي مش عارف
ريم : اجبرتني أحبك وأنا مكنتش عايزه أحبك
خالد : يالهوي علي الجمااال كان فين الكلام ده من بدري استني وربنا لاشغل اغاني
شغل اغنيه ايه اليوم الحلو ده بتاعت احمد سعد و قعدوا يغنوا معاها
وبعد شهر وعلاقتهم ماشيه تمام علي الآخر وبقوا عايشين قصة حب احلي من قصص المسلسلات التركي
جرس الباب رن
وخالد راح فتح الباب
ريم : مين يا خالد
ريم راحت تشوفه واتفاجئت ب زياد
زياد : ازيك ياريم ازيك يادكتور أنا عرفت أنكوا ساكنين ف نفس العماره الي سكنت فيها انا ونور مراتي فجيت أسلم عليكوا
تعليقات
إرسال تعليق