رواية القلاده السحريه
الفصل الثامن8
بقلم منه محمد
بتستغل " عايده " الفرصه وتجرى ع الحمام
علياء : هووووه
اعمل ايه انا دلوقتى اتصرف ازاى ف المصيبه دى انا كده نجحت ف الاول خطوت
..........................................................................................
فلاش باك :-
المدير بتاع الكافيه : يعنى حضرتك عايزانا نطفى النور مرتين
علياء : اه مره لما تيجى عايده عشان المفجأه وكده ومره تانيه لما مازن يطلع الخاتم لعايده
المدير : طب اول مره مفهومه تانى مره ليه بقى ؟
علياء: عشان فى مفجأه تانيه هتحصل ف عايزين نطفئ النور عشان السسبنس يعنى وكده
المدير: تمام اللى تحبيه
.........................................................................................
نكمل :-
علياء : اعمل ايه ؟ اعمل ايه ؟ اه لاقيتها
بعدها بيجى النور وبيفضل "مازن" يدور على "عايده" اللى اختفت فجأه ، بعدها موباليه بيرن
مازن : الو يا عايده انت فين ؟
عايده : انا اسفه يا مازن بس ماما علياء تعبت فجأه واضطرينا ان احنا نمشى انا اسفه بجد
مازن : ولا يهمك طب انت اجى اوصلك
عايده : لا مفيش داعى انا خلاص مفيت
بيقفل " مازن" الموبايل وهو حزين عشان " عايده" مشيت ، بيضطر ينهى الحفله واثناء ما هى بيلم الحاجه بتفأجى
مازن : علياء!!
وبيطلع عشان يشوفها لكن بيلاقيها اختفت وبيلاقى السلسله اللى دايما بتلبسها " عايده"
وف البيت
علياء بتنهيده : الحمد لله هربت منه ، انا لازم اتعرف واخلص نفسى ومش مهم اللى يحصل بعد كده
وهى بتغير هدومها وبتشيليها ف الدولاب بتلاحظ حاجه غريبه
علياء : ايه ده هى راحت فين ؟
وبتفضل تدور عليها لكن مبتلاقيهاش
علياء: لا السلسله ، مستحيل شكلها وقعت منى وانا بجرى انا كده روحت ف داهيه لا لا لا
فجأه بتدخل مامتها
الام: مالك يا علياء وسلسله ايه اللى ضيعتيها
_______________________________________________________________
بيفضل "مازن" باصص لسلسله
مازن : السلسله دى شكلها غريب اوى ومبتفارقش عايده اكيد مهمه بالنسبالها ان شاء الله ابقى ارجعهلها لما ابقى اروح الكليه
واثناء ما هو بفتكر ف كل اللحظات اللى قابل فيها عايده بيبلاحظ حاجه غريبه
مازن : ازاى عايده وعلياء قرايب وعمرى ما شوفتهم مع بعض ولا مره لازم واحده تظهر التانيه تختفى فيه حاجه غريبه ف الموضوع ده و بيبص لسلسله وبيكمل : معقول !!
________________________________________________________________
بتحكى "علياء" لمامتها كل حاجه من اول ما لاقيت السلسله دى
علياء : بس وهو ده كل اللى حصل ودلوقتى السلسله ضاعت منى وانا مش عارفه اعمل ايه ؟
الام :وليه خابتى عليا كل ده ليه محكتليش ، احنا مش متفقين ان اى حاجه تحصل تقوليلى عليها
علياء : حصل ، بس انا كنت مشتته و تحت تأثير السلسله ودلوقتى مش عارفه اعمل ؟
الام : تعملى الصح تروحى تقوليله الحقيقه ، اى كانت العواقب
علياء: هو فعلا ده اللى لازم يحصل انا مبقتش قادره اخبى اكتر من كده ، طب والسلسله ؟
الام : مش مهم السلسله دلوقتى
علياء: ازاى دى كانت بتاعت تيته الله يرحمها
الام : ايوه كانت بتاعت جدتك اشتريتها مره وهى مسافره بره وكانت معموله من حجر كريم نادر بعدها جدتك عرفت انه حجر سحرى وبيحقق الامنيات بس امنيه واحده بس اللى ممكن يحققها ساعتها ستك انتمت ترجع بالزمن عشان تصحح اخطاءها لكن مع كل مره كانت بتلبس السلسله كانت بتزداد تعلق بيها وبدل ما تحقق هدفها من الامنيه اتجرت لحاجات تانيه خاليتها تنسى هى كانت عايزه ايه وفضلت قاعده ف الماضى رافضه ترجع للحاضر لحد اما فاقت على كارثه
علياء: ايه اللى حصل ؟
الام : اكتشفت ان العليه اللى كونتها ف الحاضر هتختفى لانها لما رجعت بالزمن رجعت لقبل ما تتجوز وبسسب تأثير السلسله رفضت الجواز وكانت عايزه تعيش لوحدها لكن لما اكتشفت الموضوع افتكرت ان ده مكنش هدفها الاساسى من الامنيه وانا
السلسله نقمه اكتر ما هى نعمه فقررت تخفيها ، لكن انا لاقيتها وخبيتها عندى مكنتش اعرف قصتها ساعتها ومكنتش اعرف انها هاتوقفع ف ايدك
علياء : بس انا مكنتش عايزه غير ان يبقى شكلى حلو عشان الناس تحبنى
الام وهى بتطبط عليها : مش لازم يبقى شكلك مثالى عشان الناس تحبك كافيه تبقى انت
علياء : انا مش هممنى الناس انا كان هممنى حد واحد بس واظن هو كمان زيهم بيفكر ف الشكل
الام : مشكلتك يا علياء انك معندكيش ثقه ف نفسك وانا السبب ف ده خليتك ضعيفه وانطوائيه ف اصبح معندكيش صحاب
علياء حبى نفسك زى ما انت عليه متغيرش ف نفسك عشان حد طالما انت واثقه من نفسك ومبتعمليش حاجه غلط
علياء : صح يا ماما انت عندك ، بعدها بتحضنها وبتكمل : ربنا يخليكى ليا ماما انا بحبك اوى
الام بحب :وانا كمان بحبك
_____________________________________________________________________
بتنزل "علياء" الكليه عشان عندها امتحان و اول ما بتوصل بيبدأ الولاد يترقيوا عليها كاعاده بس هى مبتردش
احد الطلاب : ايه يا تختخ حمد ع السلامه بقالك مده غايبه
زميله : يا عم سيبها لاحسن تبلعك
وبيضحك كل اللى هناك
الولد الاول : ايه مبترديش ليه ، ولا هتروحى الحمام تعيطى زى كل مره يغتى يغتى
بتفضل " علياء" ماسكه نفسها عشان متنهرش قدامهم
الولد التانى : اهى هتعيط اهى
مازن: فى حاجه يا شبح
علياء: مازن!!