رواية القلاده السحريه
الفصل الخامس5
بقلم منه محمد
بتروح "عايده " عشان تقابل "مازن"
مازن بستغراب : مالك ؟
عايده : لا مفيش حاجه
مازن: ازاى مفيكيش حاجه انت شكلك معيط جامد فى حد ضايقك
حد عاكسك قوليلى وانا وحياه امه م هارحم
اللى عمل كده فيكى
عايده: صدقنى مفيش حاجه انا كويسه ، هو بسسسس كنت زعلانه عشان ضفرى اتكسر
مازن: ايه !!
عايده : اه انا تعبت اوى وانا بربيه (يانوحى يانوحى 😂)
مازن: لا ملوش حق الصراحه ، اييي تعالى نقعد ف اى كافيه بره الكليه بدل ما احنا واقفين كده
وبيرحوا كافيه ع النيل وبيقعدوا هناك شويه وطول القعده بيمدح "مازن" ف "عايده"
بتقول علياء فنفسها: هييييح بردو كل كلامه عن عايده انا اتخنقت
ف بتحاول انها تلفت انتباه ل "علياء"
عايده :حلو اوى المكان ده خرجت فيه انا وعلياء قبل كده
مازن : بجد !!
عايده بكذب : اه احنا بنخرج مع بعض كتير اوى
مازن : غريبه انا مشفتكوش مع بعض من ساعه ما جيتى الكليه
عايده : ابببببب (احسن ادى اخره التحوير 😂)
عايده تانى : اصلللل ف الكليه علياء بتنشغل بالدراسه جامد لدرجه انها بتنسى اى حاجه تانيه
مازن : ده حقيقى علياء من اشطر الطلابه ف الدفعه بتاعتنا
بتفرح "علياء" بالمدح ده
عايده بفرح :بجد بجد انت شايفها كده
مازن : هو مش انا بس اللى شايفها الدفعه كلها شايفها كده
عايده بفرح اكبر :بجد !!😃
مازن بضحك: ايوا مالك يابنتى فيه ايه ؟
عايده :اصللللل ، علياء دايما تحكيلى ان زميالها ف الجامعه بيضيقوها انت عارف بسسب وزنها وهى حاولت تتجاهل الموضوع اكتر من مره بس علياء حد حساس جدا بتأثر باقل حاجه غير انها كتومه ومتبينش انها زعلانه وان الموضوععععع مش فارق معاها
وتبدأ "علياء" عينها تدمع وبيلاحظ "مازن" ده
مازن : مالك يا عايده
عايده : لا لا مفيش حاجه ، ممكن نروح
مازن: اه طبعا ممكن ، تحبى اوصلك
عايده : لا مفيش داعى متتعبش نفسك
مازن : لا مفيش تعب ولا حاجه
عايده : لا خاليك مش عايزه اشغلك بيا
مازن : خلاص كلمنى لما توصلى
عايده : حاضر
وبتفرح "علياء" بالاهتمام ده حتى لو كان مزيف او مش ليها
وبعد ما بتروح بيتها بتفضل تفكر ف كل اللحظات اللى قضيتها مع "مازن" وهى
فرحانه لكن ف نفس الوقت بتضايق لان كل الاهتمام ده مكنش موجه ليها وانما كان موجه ل"عايده"
علياء لنفسها : وبعدين هو هافضل لامتى كده مازن منجذب لعايده مش ليا انا لازم اخلى علياء هى اللى تظهر ف الصوره
بيقرب معاد الميد ترم وكل الطلابه بتبدا تجهزله بيما فيهم "علياء" اللى بدأت تحضر جدول عشان تبدا تذاكر
واثناء ما هى قاعده ف ساحه الكليه ع الكتاب بتاعها
مازن : علياء علياء
علياء: خير يا مازن فى ايه ؟
مازن : كنت عايزه اطلب منك طلب
علياء: اتفصل
مازن: انت عارفه ان الميد ترم قرب ، ف انا كنت محتاج مساعدتك
علياء : مش ده كان اتفاق انت وصحابك كنتوا عملينه عليا
مازن : ايدا انت عرفتى !! ، اااصدقى لا لا والله انا كنت نسيت حوار الرهان ده من زمان
علياء بستنكار وهى بترفع حاجبها : والله ونسيته من امتى ؟
مازن وهو ولهان :من ساعه ما ظهرت عايده
علياء: مييين!!
مازن :اااا المهم ان انا فعلا المره دى محتاج مساعدك بجد صديقنى
بتفرح "علياء" لما بتسمع كلمه (محتاجك) حتى لو انها مجرد
كلمه عفويه "مازن" قالها الا انها بتعنى ل"علياء" حاجه كبيره اوى
علياء: تمام هساعدك
، بس لازم تمشى ع اللى بقولك ومن غير نقاش او اسئله
مازن ب استسلام : حاضر