رواية احببت حبك لي
الفصل الجزء الثاني2 الفصل الاول1
بقلم ريهام رفاعي
خالد : وانت سبت كل العماير الي ف الدنيا وجيت تسكن ف نفس عمارتنا
زياد بخبث :لا انا مكنتش اعرف انكوا ساكنين هنا بس اظاهر بقي ان القدر عايز يجمعنا انا وريم تاني
خالد بعصبية : ااه تصدق ممكن
خالد ضرب زياد بالبوكس بقوه لدرجه ان مناخيره بدات تنزف
ريم : خالد خالد خلاص سيبك منه وتعالا نخش لوسمحت
زياد : انا مش هرده لك عشان انت بس كنت الدكتور بتاعي وكمان عشان مش عايز ريم تتخض وتخاف
خالد كان لسه هيمسكه ويضربه تاني ريم لحقته ومسكته علي طول
ريم :خلاص خلاص هو بيعمل كده عشان يستفزك، وانت لوسمحت امشي بقي ممكن
زياد بابتسامة خبيثه: تمام انا تحت لو احتاجتي حاجه
ريم لحقت خالد قبل ما ينقد عليه ودخلته الشقه و قعدته وقعدت جنبه وهو قاعد عمال يهز ف رجله ويضم ف ايده من كتر العصبيه مسكت ايده عشان تهديه
ريم: خالد خالد حبيبي اهدي خلاص مفيش حاجه
نروح لزياد بقي
زياد اول ما نزل مسك التليفون ورن علي حد
زياد :الو
.... :عملت ايه الخطه مشيت تمام زي ما احنا عايزين
زياد : تمام اوي ده طلع عصبي اكتر من ما كنت متوقع بصراحه
...... :انا عارفه عشان كده اختارتك عشان انت اكتر حد هيخليه ميشوفش الي قدامه و ميخدش باله من الي بيعمله زياد :ازاي يعني مش فاهم
..... :متقلقش هتفهم كل الي اقصده لما يحصل واحده واحده متستعجلش
زياد دخل شقته ونور كانت قاعده
نور : عملت ايه اكيد مكلمتكش اكيد وايه الي يخليها تكلم واحد قذر زيك اصلا
زياد مسكها من شعرها
زياد : انا مش عايز اسمع صوتك تمام طول ما احنا هنا انا مش جوزك وانتي مش مراتي اتفقنا
نور بعياط :خلاص طب سيب شعري لوسمحت وجعنيي
زياد ساب شعرها
زياد : طبعا مش محتاج افكرك لو نطقتي بحرف واحد بس قدام اي حد انتي عارفه هيحصل فيكي ايه فااهمه
نور وهي دموعها مش عايزه تقف : فاهمه
نور سابته ودخلت علي اوضتها وقعدت تعيط
زياد : طب هتاكلي ولا هتفضلي تعيطي
نور مردتش عليه
زياد : ياست احسن عنك ما كلتي انا مش هتحايل عليكي
نرجع لريم وخالد
خالد : انتي تعرفي حاجه عن الحوار ده
ريم : لا معرفش انا اتفاجئت زي زيك
خالد : اخر مره اتكلمتي مع الواد ده كانت امتي
ريم : من كام شهر لما انت زعلت وكده
خالد : ياسلااام اومال هو جايب العشم ده اوي منين
ريم : خالد اكون حاسه صح
خالد : ايه يعني مش فاهم
ريم : انت شاكك فيا
خالد بزعيق : مش حوار شاكك بس ايه الي يخليه يجي لحد بيتنا ويعمل الحوار ده جاب الجرئه ديه منين اصلا
ريم بصتله بحزن وعنيها هتبدا تدمع ومشيت وسابته ودخلت اوضتها