CMP: AIE: رواية زواج اطفال الجزء الثالث3 الفصل الثامن عشر 18بقلم الكاتبة الصغيرة
أخر الاخبار

رواية زواج اطفال الجزء الثالث3 الفصل الثامن عشر 18بقلم الكاتبة الصغيرة

رواية زواج اطفال

 الجزء الثالث3 الفصل الثامن عشر 18

بقلم الكاتبة الصغيرة

انس وهو يضع يده علي عينه لتفادي ضوء الشمس.. امشي يا يوسف  مش عايز اتكلم مع حد 


لين.. كنت متأكده اني هلاقيك هنا 

قربت من الكنبه اللي نايم عليها  كان لابس تيشرت كحلي مع بنطول رصاصي شعره مش متسرح  ولحيته طويله بعض الشئ 


انس شال ايده من علي وشه وقعد بكسل.. يوسف قالك اني هنا 


لين.. انا فضلت اسبوع كامل ارن عليك وانت مش معبرني وهو قالي انه ميعرفش لغاية ما قولتله اني عارفه انك هنا بس عايزه وصف الطريق  


انس.. وانتي جايه ليه 


لين قعدت جمبه على الكنبه.. تعالي ارجع البيت يا انس مينفعش كدا  


انس لف وشه الناحية التانيه.. انا مرتاح كدا 


لين حطت ايدها علي وشه ولفته ناحيتها.. لا مش مرتاح  بطل عناد انت شايف حالتك عامله ازاي  والكل في البيت قلقان عليك  ارجع لحياتك يا انس وانجح في كليتك في كلامك ليا لما كنا علي البحر ها  


انس.. أنا محدش حاسس بيا ولا حد طايقني هرجع تاني عشان جدي يكمل تهزيق واهانه فيا  


لين شالت ايدها من على وشه  وقامت  .. مفيش هنا فوطه  نظيفه 


انس باستغراب.. ليه؟ 


لين.. فيين بقي اخلص 


انس شاورلها على الشنطه اللي فيها هدومه  طلعت فوطه  وبعدين دخلت الحمام جابت صابون حلاقه وشفره  وراحت قعدت جمبه تاني  .. يلا 


انس.. يلا ايه 


لين.. عشان تحلق دقنك دي وتقوم تاخد دش 


انس.. دش تاني 


لين  افتكرت الموقف واتحرجت عدلت شعرها ورا ودنها بكسوف.. احمم ال.. الحاجه اهي احلق بقي لما الم الحاجه اللي علي الارض دي  


انس وهو بيرجع راسه ع الكنبه بملل.. مبعرفش 


لين بصتله باستفهام 


انس.. مبعرفش احلق لنفسي  


لين.. انت بتتلكك علي فكره  هات البتاع ده   بدأت تحط صابون الحلاقة على وشه وبعدين تعمل بالشفره بس هو اطول منها للأسف 😂 


لين.. تؤ مش عارفه اتحكم 


انس.. اااه عورتيني 


لين.. اسفه اسفه والله 


انس خلاص اقعدي كدا  قعدت علي الكنبه وهو نام علي رجليها  بصت حواليها بتوتر 


انس بابتسامة علي توترها.. يلا 


كان مركز معاها وهي بتحاول تاخد حذرها وكل شويه تعدل شعرها  قلبه بيدق 


انس لنفسه.. اهدي في ايه كده كده هتطلقها مينفعش تعلق قلبك بيها 


لين خلصت وهو قام قعد بس كان قريب منها وهي بتمسح وشه بالفوطه  مسك ايديها وهي علي وشه 


لين كانت بتبص في عيونه  


انس.. انا مش عارف ايه الشعور ده بصراحه 


لين.. شعور ايه 


انس قرب منها اكتر.. طيب ممكن حضن اخير 


لين اتوترت اكتر ماهي وهزت راسها بموافقه 


حضنها جامد وكانها اخر مره هيشوفها فيها  حطت ايد علي ظهره وايد في خصلات شعره وشددت علي حضنه هي كمان 


انس.. ممكن متمشيش 


لين.. امشي فين 


انس.. ق قصدي النهارده خليكي معايا 


لين.. يعني انت مش هترجع 


انس بعد عنها ومسك ايدها.. مش عارف بس هفكر 


لين اومأت بإيجاب  .. طيب قوم بقي لما ننضف المكان ده عشان ناكل انا جوعت في هنا حاجات تتاكل 


انس.. ايوه  هاخد دش خمس دقايق وهاجي 


لين.. تمام 

*****♡♡♡♡*****♡♡♡♡*****


يوسف كان قاعد علي الانستا وبيقلب فيها بملل لقي صوره في الاكسبلور  ل ايلين  ومعاها مازن متصورين سيلفي في العربيه  وهي بتضحك وهو علي وشه ابتسامه  


فتح الصفحه  وفضل يقلب في صورها وعلي وشه ابتسامه 


كان متردد يبعتلها رساله ولا لأ  فضل فاتح الشات وسرحان  بعت نقطه وقفل  


في نفس الوقت كانت ايلين  قاعده تتصور في الاسناب شات وجالها اشعار طلب مراسله 


فتحت لقت الاسم يوسف بس صورته مش واضحة  فتحت الصفحه لتجده يوسف نفسه لا احد غيره 


قعدت تتجول في صفحته  كلها صور جميلة جدا ليه  معقول طلع وسيم كده حدثت نفسها بالجمله دي  ولكن سرعان ما تعقدت حواجبها  الله الله كل دي بنات عنده  وعاملين لاف وكومنتات  دخلت الشات 


وردت ب «..» 


يوسف فتح الاشعار بسرعه  وابتسم  رد ب «...» 

فضلت تزود هي تبعت اربع نقط وهو يبعت خمسه  وهكذا لغاية م الشات اتملي نقط 😂


يوسف..«هنفضل نعلي علي بعض كتير» 


ايلين..«أنت اللي بدأت» 


يوسف..«فكرتك عاقله  » 


ابتسمت ايلين مم خلف الشاشه  ومكنتش عارفه ترد ب ايه  فضلت فاتحه الشات وساكته 


يوسف..«طب ايه» 


ايلين..«ايه!» 


يوسف..«عامله ايه  » 


ايلين..«الحمدلله وانت اخبارك ايه» 


يوسف..«يعني الحمدلله  بابا وماما مش موجودين وانس زي مانتي عارفه يعني وحيد خالث🥹» 


ايلين ردت عليه ب «🥹🥹وحيد خالث» 


يوسف ضحك عليها  وبعت..«ايوه» 


ايلين ابتسمت..«معلش بكرا يرجعوا انا هنام عندي كليه تصبح علي خير» 


يوسف..«وانتي من اهلي» 


ايلين ضحكت علي الكلمه وهي قفلت الشات 


♡♡♡♡♡♡*******♡♡♡♡♡♡♡♡♡ 


عز.. ايوا ياجدي انا طالب ايد ريناد 


عمران.. وانا مش هلاقي احسن منك ليها نشوف رأيها بكرا 


عز.. ان شاءلله  تصبح علي خير 


عمران.. وانت من اهله  


خرج من اوضته في الوقت اللي لمار طالعه فيه 


لمار.. مبتسم ليه خير 


عز.. طلبت ريناد من جدو ووافق 


لمار.. لولولوي  مبروك مبروك مبروك 


عز.. بس يا فضيحه 


لمار.. واخيرا بقي خدت خطوه دا انت بقالك سنين بتحبها 


عز.. تفتكري هتوافق 


لمار.. اكيد دي هي كمان بتح ااقصد اه يعني هي هتلاقي حد جميل وشياكه كده ومحترم زيك 


عز.. طيب يختي روحي شوفي وراكي ايه يلا  


لمار دخلت اوضتها.. الكل قاعد يحب ويرتبط وانا زي البطيخه القرعه معقول محدش معجب بيا حتي عمر مش شايفني خالص  


رحمه دخلت عند رحيم 


رحيم بملل وهو قاعد علي السرير.. خير يا رحمه 


رحمه.. جايه اقعد معاك شويه 


رحيم.. مش مطمن اليومين دول لزياراتك دي 


رحمه.. هو انا يعني كذا مره كده شوفتك خارج من اوضة رهف هو في بينكم حاجه  


رحيم.. لا بيتهيألك مبروحش اوضتها 


رحمه.. والله هو انا عاميه 


رحيم.. يعني يخصك في ايه 


رحمه قربت منه.. رحيم انا لسه بحبك 


رحيم.. طب وعز 


رحمه.. عشان انساك والله كنت بقرب منه  


رحيم.. مفيش حاجه من ناحيتي تجاهك انتي بنت عمتي وبس  


راحت عند السرير وقربت منه حطت ايدها على وشه وكانت شبه لازقه فيه.. طيب اديني فرصه واحده 


الباب اتفتح كانت رهف 🙂


رهف انصدمت من المنظر وخرجت جري  


عز.. ايه يا رهف 


رهف بتوتر.. كنت راحه اقول لرحيم علي الموضوع زي ما قولتلي يعني اقنعه لان هو مش بيتفاهم معاك 


عز.. طب وفيها ايه مال وشك كده  هو زعقلك الواد دا 


رهف.. لالالا خالص بس  اا يعني  


عز.. في ايه اتكلمي 


رهف.. فتحت الباب وهو بيلبس التيشرت يعني واتحرجت 


عز.. خلاص حصل خير  روحي نامى وانا هتكلم معاه بكرا بقي ربنا يسهل 


رهف.. ماشي  والف مبروك تاني 


عز.. الله يبارك فيكي ياحبيبتي تصبحي على خير 


دخلت اوضتها وهي مصدومه  قعدت علي السرير وكل شويه تفتكر اللي حصل   


رحمه.. انااا 


رحيم  بعدها.. رحمه الأوضة دي لو دخلتيها تاني متلوميش غير نفسك فاااهمه 


رحمه خرجت ومرتش عليه هو فضل متضايق يا تري هيصلح الموقف دا ازاي  


رحمه عند عمر 


عمر.. اوووه يعني شافتكم؟ 


رحمه.. ايوه بس انا حاسه في حاجه بينهم متشوفش هما الاتنين كانوا عاملين ازاي 


عمر.. يعني ايه حاجه بينهم 


رحمه.. يعني بشوفه في اوضتها كتيرر في وقت متأخر 


عمر.. دي فرصه والله نمسك عليهم ذله واقول لجدي قدام العيله كلها  وكدا رحيم هيحصل انس 


رحمه.. اشطا  ع العموم الورق انا اتسحبت الصبح وخدته بكرا اديه للزفت معتز بقي 


عمر.. ماشي  


♡♡♡♡♡♡♡♡*******♡♡♡♡♡♡♡♡♡ 


لين نامت على السرير في الاوضه وانس في الصاله  


وعدي الليل عادي  


عند مازن كان سهران  بيخلص ورق تبع الشركه ونام على المكتب  


اروى في اوضتها ماسكه صورة مالك وبتعيط  .. وحشتني اووي يا مالك نفسي ترجع دقيقة واحده احضنك فيها انا مكنتش اتخيل اني هعيش في يوم من غيرك  انا بحبك اوي 


الباب اتفتح.. وانا كمان بحبك  


يا لاهووووويييي اغمي عليها 😂😂😂😂

               الفصل التاسع عشر من هنا 

لقراءة باقي الفصول اضغط هنا 

لقراة الثاني الفصول من هنا

لقراة الجزء الاول كامله جميع الفصول من هنا

تعليقات



حجم الخط
+
16
-
تباعد السطور
+
2
-