رواية اختي جوزت جوزي
الفصل الثاني2
بقلم هويدا زغلول
وفي الوقت ده إنا دخلت وقولت ليه
نورهان
معقول يا احمد انت اللي بتقول كده انا
عمري ما كنت اتخيل انك تعمل معايا كده
، وفي الوقت ده حماتي قربت مني وقالت
حماتي
يا نورهان هو مش يقصد يا حبيبتي هو بس
وقبل ما تخلص كلامها قولت ليها
نورهان
ملوش لازمه الكلام يا حماتي احنا خلاص لحد
كده
حماتي
لو بتعزني اطلعي شقتك وبلاش كلام في
اي حاجه دلوقتي
نورهان
حاضر يا ماما وبعدها طلعت شقتي وحماتي
قالت
الحما
اي انت ازاي تقول كلام زي ده يا احمد عجبك
اللي حصل دلوقتي ده
احمد
خلاص بقي يا امي أنا مش قادر لاي
كلام ارجوكي دلوقتي من ساعت ما
عرفت أن سميره حامل وانا مش عارف اتلم
علي بعضي وبصراحه كده انا من حقي اتجوز ،
وفي الوقت ده حماتي قالت
الحما
الله الله يا ست سميره سرك باتع ياختي جيتي
البيت وقلبتي الواد علي مراته
احمد
وهي سميره مالها يا امي أنا اللي زهقت ونفسي
اخلف ولا ده مش من حقي يعني ، حماتي
قربت منه وقالت
حماتي
يا حبيبي مراتك طيبه افرض ربنا كان
كرمك بالعيال بس كان معاك زوجه مش
بتتقي الله فيك احمد ربنا يا حبيبي ربنا بيدي
كلنا زي بعض في الستر والصحه والفلوس والعيال
احمد
عندك حق يا امي بس انا بشر ومن حقي
برضه أطمع في حته عيل
الام
بس يكون من مراتك يا حبيبي اطلع بالله
عليك رضيها والنبي ما تخليها زعلانه اطلع
يا حبيبي ربنا يهدي ليكم الحال ، وبعدها طلع
وفي شقه سميره كانت قاعده وعامله تقول
سميره
اه ياني ياللي مليش حظ في اي جوازه ياني
مش فاهمه اي اللي بيحصل
ليا ده ، وعادل اقعد جمبها وقالها
عادل
والله لجيب ليكي حقك وبكره تشوفي
يا حبيبتي بس والنبي ما تزعلي نفسك
سميره
انت فاهم هي ممكن تعمل فيا اي أنا
خايفه علي اللي بطني بصراحه
عادل
لا لا يا سميره الواحد يقول اللي ليه واللي
عليه هي برضه اختك وبتحبك ومتقدرش تعمل
معاكي حاجة
سميره
الغيره يا حبيبي تعمل اكتر من كده اسالني
انا المهم عايزك تكون دائما جنبي اوعي
تسبني ابدا أنا بحس ب امان طول ما انت جمبي
عادل
اكيد يا حبيبتي حاضر وفي شقتي كنت قاعده
عامله اعيط ودخل احمد وقال
احمد
متزعلش مني يا نورهان انا مش عارف قولت
كده ازاي
نورهان
احمد هو حقك لو عايز تسبني معنديش مشكله
بس انا مش هاقدر اسمع الكلام اللي انت قولته ده ثاني
احمد
اوعدك يا حبيبتي اني مش هحط الموضوع ده في دماغي ثاني والله انتي عندي اغلى ما في الدنيا بس الشيطان اللي كان بيلعب في دماغي من شويه
نورهان
حصل خير يا حبيبي ما فيش حاجه خالص والله مش زعلانه
احمد
طيب ماشي علشان اتاكد قومي اعملي ليا صنيه كيكه من ايدك الحلوه دي
نورهان
حاضر وعدا شهور الحمل وبعدين اختي خلفت
وأنا والله كنت فرحانه ليها اوي وكنت في شقتها
وماما وحماتي قاعدين جنبها علي السرير ودخلت
قولت
نورهان
الاكل قدامه نص ساعه بالظبط حمدالله علي
السلامه يا قلبي والف مبروك
سميره
الله يبارك فيكي يا حبيبتي معلش
تعبتك معايا اليومين دول
نورهان
انتي ازاي تقولي كده احنا اخوات امال
فين البيبي أنا عايزه اشوفه
سميره
لا بلاش اقصد يعني هو نايم دلوقتي بلاش
تصحي ارجوكي
نورهان
اه تمام مافيش مشكله طيب بعد اذنكم
انا رايحه شقتي وفي الوقت ده حماتي
قامت وقالت لماما
حماتي
انا اسفه يا ام نورهان بس للاسف انتي معرفتيش تربي مبروك ياختي علي المولد أنا
نازله شقتي
سميره
هو انتي ليه بتعملي كده هو مش ده حفيدك
والمفروض تكوني خايفه عليه من العين برضه
حماتي
تخافي من مين اختك انتي عبيطه يابت ده الواحد
اوي لما يتخبط بيقول اخ مش زوج ولا ام
اخ فاهمه معنها أنا نازله مش ناقصه ، وبعدها
حماتي نزلت والام قالت
الام
هو انتي ازاي تقولي لاختك الكلام ده معقول اختك هتحسد ابنك برده
سميره
انا مكنش قصدي حاجه بس برده هو ابني وانا خائفه عليه وبعدين بقى حرام عليكم وانتو على طول كده مضيعين فرحتي في كل حاجه
الام
خذي بالك حماتك كلها فاهماكي قوي بلاش اللي بتعمليه ده يا سميره والف مبروك يا اختي انا ماشيه
سميره
ماشيه راحه فين يا ماما هي لو كانت نورهان هي اللي ولدت كنت هتسيبيها وتمشي برده
الام
هروح اقفل شقتي يا اختي وارجع اقعد عندك يومين حاجه ثانيه وانا اقول لازم اروح اراضي اختك على الكلام اللي انتي قولتيه
سميره
طيب ايه يا ماما هي كانت بتقول عامله زي الاكل بالله عليكي حطي اكل قبل ما تمشي
الام
ماشي يا سميره حاضر وفعلا ماما حطت ليها
الاكل وعدا كام يوم وأحمد خبط علي شقه
سميره وهي فتحت وقالت
سميره
مين احمد خير في حاجه ولا ايه
احمد
اه كنت عايزه اعرف هو عادل هنا ولا ايه كنت عايزه اقعد مع حسن شويه هو صاحي ولا نائم
سميره
تعالي ادخل هو انت غريب هو حسن صاحي بس عادل مش هنا ادخل ما فيش حاجه
احمد
طيب انا هبوسه واطمئن عليه وهامشي على طول وفعلا دخل قعد وهي جابت ليه حسن
سميره
امسك يا احمد عقبال ما تشيل يا رب
احمد
الله امور اوي يا سميره ربنا يخليهلكم ويتربى في عزكم يا رب ، وفي الوقت ده سميره قعدت وقالت
سميره
هو انت ليه يا احمد ما فكرتش تتجوز طالما عارف ان المشكله من عند نورهان
احمد
بحب نورهان ولا يمكن اعمل فيها كده
سميره
وهو انا قولتلك طلقها يعني خليها على ذمتك بس اتجوز وهات لك حته العيل اللي
نفسك فيه
احمد
والله ساعه بفكر في كده بس برده هي بتصعب علي هي ذنبها ايه يعني
سميره
والله انا بعزك بس خليك عارف ان بكره لما تكبر مش هتلاقي حد يشيلك وحسن اللي انت شايله ده هيبقى كل تفكيره ابوه وامه مش هيفكر في عمه يعني
احمد
عندك حق والله يا سميره بس ماما عرفنا الموضوع خالص لانها بتحب نورهان
سميره
والله انت حر بقى دي حياتك وانت حر فيها لو قادر تستحمل كده خلاص
خليك كده بس لو وافقت أنا عندي عروسه ليك كويسه اوي
احمد
هو انتي ازاي بتفكري كده وانتي اخت نورهان المفروض يكون قلبك عليها يعني
سميره
يعني هو انا غلطانه ان بفكر في مصلحتك على العموم انت حر اعمل اللي انت عايزه وبعدها
دخل الشقه وفضل يفكر في كلامها وعدا
كام يوم وكل ما يسأل علي حسن تقولوا أن هو
نايم وبعدين راح ليها وقالها
احمد
عايزه اتكلم معاكي شويه يا سميره هو عادل
موجود
سميره
اه تعالي احمد هو موجود جوه خير
في ايه وبعدها دخل وقالها
احمد
هي عروسه اللي انت قلت عليها دي ممكن توافق نكون متجوز لان انا مش عايزه اطلق نورهان
سميره
ايوه طبعا هتكون موافقه هي تطول يا احمد اللي انت تتجوزها وانت مش عارف انت مين يا احمد ولا ايه
احمد
وعايزه اطلب منك طلب ثاني ينفع ما تقوليش لنورهان لحد ما الجوزه ما تتم
سميره
ايوه طبعا ده لازم يحصل عشان ما تقفلكش في الموضوع بس امل
للعروسه الجديده مش هتوافق تقعد مع مامتك انت فاهم ايه طبعا
احمد
لا اللي هتقعد مع ماما نورهان والعروسه الجديده تقعد في شقتي اتكلمي
معها بس وشوفي احنا نقدر نقعد معها امتى وفي الوقت ده خرج عادل وقال