رواية زواج اطفال الجزء الثالث3
الفصل الثاني عشر 12
بقلم الكاتبة الصغيرة
رحيم عقد حواجبه وقرب من الباب ليسمعها وهي بتقول
وانت كمان وحشتني اوي
ووسط ضحكاتها والابتسامه مرسومه علي وشها تلاقي الباب اتفتح مره واحده
رحيم.. بتكلمي مين؟
رهف.. انت مش بتخبط ليه مش الباب ده عشان تخبط عليه ولا احنا عاملينه طبله ولا ايه
رحيم بنفس الصوت.. بتكلمي مين قولت
ايان كان لسه علي الخط.. في حاجه يا رهف
رهف.. لأ مفيش اقفل دلوقتي وهكلمك كمان شويه وبصت لرحيم
كان منتظر جوابها وواقف على الباب
رهف.. اتفضل روح اوضتك مينفعش تبقي هنا في وقت زي ده
رحيم نفخ بضيق.. هتستفيدي ايه لما تنرفزيني كل شويه هاا بسالك بتكلمي مين تردي متخرجيش من الموضوع
رهف.. وانت مالك
هنا كان نفذ صبره دخل عندها وقفل الباب جامد هي خافت
رهف.. انت مجنو. ن بتعمل ايه انت اطلع برا قولتلك وملكش دعوه اكلم اللي اكلمه قولت بدل المره الف انا حره انت مالك ومالي
راح قعد علي الكرسي.. مهو مش طبيعي ابقي ماشي في الطرقه الاقيكي بتكلمي حد وبتضحكي وتقوليله وحشتني اضايق ولا ما اتضايقش
رهف عقدت ايدها وحركت رقبتها.. بصفتك ايه
رحيم قام من مكانه حط ايده في جيبه ومشي ناحيتها شويه.. جوزك
رهف.. وانا قولتلك دي مجرد كلمه بسبب غلطه انا مش مسؤله عنها وكمان انت قولت انك مجبر زيي زيك وكمان قولت إني مش نوعك وانك مستحيل تبصلي هه وقولت محدش ليه علاقه بالتاني صح؟ ولسه مفكراك بالكلام ده الصبح اعملك تسجيل وكل شويه تسمعه ولا ايه بالظبط
هو كان بيبصلها وبيبتسم علي عفويتها وهي بتتكلم وبتعد علي ايدها وشكلها وهي متعصبه
رهف.. آه وحاجه كمان الاوضه دي مش هتدخلها تاني فاهم عشان مقولش لجدو وهو يتصرف معاك
مشي كام خطوه ناحيتها .. وانا غيرت رأيي
رهف.. يعني؟
رحيم وهو بيعدل خصلات شعرها .. يعني انا هتدخل في حياتك عادي وانتي من نوعي المفضل والاوضه كل ما احب ادخلها هدخل
هي اتوترت منه وحست باحراج هما لوحدهم في الاوضه وهو قريب منها حست ضربات قلبها سريعه
رحيم ضحك وبعد عنها.. مكنتش اعرف ان ليا تأثير كدا
رهف.. هو ايه البرود اللي انت فيه دا
لسه هيرد تليفونها رن رحيم بص علي الشاشه لاقها كاتبة برووو وجمبه قلب
رحيم باستغراب.. اخوكي؟
رهف.. ايوا ارتحت
رحيم.. ومتقولتيش ليه من الاول
رهف.. قولت ملكش دعوه
رحيم.. خلاص حقك عليا تعالي اصالحك لقته رايح عند خدها
رهف بعدت.. انت بتعمل ايه
رحيم.. هصالحك تعالي وراح وراها هي جرت.. لا مش عاايزهه
راحت عند الكرسي.. اوعي بقولك
رحيم بضحك.. بوسه صغيره
جرت وهو وراها فضلوا يلفوا حواليه هي زقته وطلعت جري علي السرير وكانت بتنهج وشعرها عالي وشها
هو راح جري وراها على السرير كان ضهرها للحيطه وهو قدامها
رهف بصوت متقطع.. خلاص بقي
حط ايده ورا ظهرها ورجع خصلات شعرها ورا ودانها
رحيم بصوت هادي.. كده كده هاخدها بتجري وتتعبي نفسك ليه
رهف مردتش عليه كانت بتبصله بس
رحيم حط ايده علي شفايفه. يلا
رهف.. يلا ايه لا طبعاً ابعد
رحيم.. لا مفيش مفر خلاص هبوسك انا
رهف.. لا لا خلاص
هو غمض عينه ومنتظرها راحت طبعت قبله علي خده ونزلت جري وهي بتضحك
فتح عينه وحط ايده مكان البوسه وضحك وقام نايم علي السرير.. يااااه احلي حاجه حصلت النهارده
رهف ضحكت غصب عنها ولفت وشها
رحيم.. بتضحكي؟ شوفتك
رهف.. طب قوم يلا عشان انام الوقت اتاخر
رحيم وهو بيعدل المخده.. لا انا هنام هنا
رهف بصدمه.. لا يا رحيم مش عايزه مشاكل عشان خاطري
رحيم رفع راسه من علي المخده.. لا طالما قولتي عشان خاطري يبقي أنام تاني بقي وحط راسه
رهف بضحك راحت شدته من ايده.. قوم بقي بالله عليك مش هينفع كدا
رحيم.. طب كمان واحده وهقوم
رهف.. انت شارب ايه ومجنون كدا انت مش طبيعي
رحيم قام وهي بتشده وراحه تفتح الباب .. يلا تصبح على خير بقا يلااا
رحيم.. لحظه بس كدا
رهف.. ايه؟؟
رحيم مال علي خدها وباسها وغمزلها .. وانتي من اهلي 😉
قفلت الباب بسرعه وهي بتضحك وحاطه ايدها علي قلبها
رحيم بيلف وشه لقي جده 🙂🙂🙂
عمران.. عيني عينك كدا مفيش كسوف حتي طب افرض حد تاني شافكم
رحيم حط ايده في شعره باحراج
عمران.. ومبحبهاش ياجدي ومعرفش ايه ياجدي امال لو بتحبها
رحيم.. خلاص يا جدو بقي مش هتتكرر
عمران.. مقولتش حاجه دي مراتك بس خف شويه يلا تصبح على خير
رحيم.. وانت من اهله
عمران ابتسم علي حركات حفيده ودخل ينام
***********""""""""""""""************
مازن.. قولت عايزني ياعمو
سليم.. النهارده في رقم اتصل عليا صوت بنت بس قريب اوي من صوت ايلين
مازن بانتباه.. وبعدين
سليم.. قالت ايوا يا با وسكتت والخط فصل كانت هتقول ايوا يا بابا تقريبا بس مش عارف احدد الصوت اذا كانت هي ولا لا محتار
مازن.. طيب محاولتش تتصل تاني بالرقم
سليم.. اتصلت بس مش بيجمع خالص
مازن.. طيب والعمل ايه
سليم.. مش عارف انا جبتك نشوف حل سوا كدا كتير اسبوع منعرفش عنهم حاجه ازاي لارا مبتنمش ولا انا
مازن.. حتي ماما وتيته برضو والله لو مكنتش تيته موجوده بتهون عليها مش عارف كان حصل ايه وجدو حالته زي ماهي
سليم.. طيب نحاول تاني نتصل
مازن.. ماشي
سليم فضل يرن واخيرا فتح
مازن بأمل.. اخيرا
سليم.. السلام عليكم
$.. وعليكم السلام مين معايا
سليم.. لو سمحت الرقم ده رن عليا النهارده بس حابب اعرف مين يعني
$.. امتي بالظبط
سليم.. العصر كده تقريبا
$.. ااه كان في بنت طلبت مني تعمل مكالمه
مازن.. مقالتش اسمها ايه او اي حاجه
$.. لا معرفش بصراحه ومعرفش هي منين ولا راحت فين احنا اتلقينا في صيدليه
سليم.. طيب حد كان معاها
$.. كان معاها جوزها تقريبا بس هو في ايه حضرتك ايه الاستجواب دا
مازن اخد الفون.. بصي حضرتك اختي متغيبه من كام يوم والرقم دا لما رن ف صوتها هو اللي كان بيتكلم لو تعرفي تفيدينا بأي حاجه يعني مكان الصيدلية وكدا
$.. معرفش بصراحه لما جوزي يكون موجود هخليه يكلمكم ويقولكم العنوان ربنا يطمنكم عليها يارب
مازن.. شكرا اسفين علي الازعاج وقفل الخط
سليم.. وبعدين
مازن.. هنضطر نستني الراجل دا يقولنا العنوان بقي
سليم.. يا مسهل ياارب
******"""""""""""""""**********
ايلين.. الهودي دا كبير اوي
لين.. يعني اللي عليا حلو اوي يختي نامى واسكتي
ايلين.. محصلش حاجه واحنا برا
لين.. لا
ايلين.. امم مانتي كنتي هنا ايه اللي خرجك بقي واتزحلقتي في الحمام وكمان انس خد دش وانتي رجلك متعوره وبرا طبق وفوطه للكمادات والكلام دا كله هااا قولي هااا
لين.. ايييه كل ده هو استجواب قولت مفيش وبعدين سرحت لما افتكرت انس لما كانت هتقع ومسكها وشها احمر
ايلين.. مفيش؟ امال وشك احمر ليه والله العظيم في حاجه انا عارفه ما تحكي يا ليلو هو انا غريبه 🥹
لين حطت ايدها علي وشها.. هووووف خلاص هحكي هحكي دا انتي رخمه
لين حكت لها كل حاجه
ايلين بصراخ.. اووووووه بيجااااااد بتهزرييي
لين.. ششش يخربيتك اسكتي هتفضحينا
ايلين .. أنا مش مصدقه بجد
لين.. ولا انا مش عارفه هبص في وشه ازاي انا محرجه اوي
في نفس الوقت كان يوسف قاعد جمب انس علي الكنبة
يوسف.. مش طبيعي يعني حاسس ان في حاجه حصلت وانا برا
انس كان سرحان
يوسف.. وسرحان كمان كدا في حاجه بقي
انس.. قولت مفيش يابني حل عن دماغي بقي
يوسف.. هحاول اصدقك بس شايفك بقيت كويس اهو يعني قبل ما امشي كنت تعبان اووي
انس.. عشان خدت دش فوقت شويه
يوسف اتعدل في قعدته.. ايوااا هو الدش ده بقي اللي مش مطمني
انس.. اسلك
يوسف.. انا سالك انت اللي مش سالك ومخبي عليا ماتقولي يعم في ايه 😉
انس.. انت فاضي وبص الناحية التانيه وفضل سرحان
سمع صوت ايلين وهي بتصرخ.. اووووه بيجااااااد بتهزرييي
يوسف ضحك
انس بصله بصخريه.. انا برضو اللي مالي
يوسف.. بس والله حبيتها
انس.. نعم؟
يوسف.. لالا مش حب من التاني يعني حب اخوي كدا خدت عليهم يعني
انس.. انا مخنوق بجد وعايز دا كله يبقي حلم مينفعش اللي بيحصل دا
يوسف.. يوووه رجعنا للموضوع دا تاني انا قايم انام ظهرياااااي مش قادر يجدع البت دي تقيله
انس.. وانت عرفت ازاي🤨
يوسف.. شيلتها والله المسافه دي كلها
انس.. يارب صبرني
يوسف.. انت محبط يلا
يوسف دخل وانس لسه بيفكر مسك تليفونه وكان متردد قفله ونفخ بضيق
عند ايلين ولين
ايلين.. وخليته يشيلني بقي كل ده
لين.. يا مفتريه حرام عليكي
ايلين.. يستاهل بس انا كافئته 🫣
لين.. لا شيلي ايدك من علي وشك كدااا كافئتيه ازاي
ايلين.. بعتله بوسه في الهوا
لين.. يابنت ال وعملالي فيها محترمه
ايلين.. اسم الله عليكي يختي
لين.. نامي يابت ناامي
كل واحده فيهم اتقلبت علي جمب وهي مبتسمه وبتفتكر الموقف بتاعها
******************""""""""""""""""""""**********
عند ريناد كانت مخنوقه ومش قادره تنام قامت تقعد في الجنينه في نفس الوقت اللي عز واقف في البلكونه فيه
شافها وهي قاعده علي الكرسي وسرحانه وبتمسح دموعها
بعد شويه لقت حد بيقعد جمبها
عز.. لسه صاحيه ليه مش عندك كليه
ريناد.. مش هروح
عز.. ليه
ريناد.. مفيش مش عايزه اروح
عز.. مش بتبصيلي ليه انتي قلبك اسود كدا للدرجادي
ريناد.. مفيش حاجه تصبح على خير
عز مسك ايدها.. اقعدي يا ريناد
قعدت تاني وبدأت تدمع
عز.. خلاص بقي مش عايز اشوفك زعلانه انا عارف اني اتعصبت عليكي بس الموقف صعب وكنت متضايق مش شايف قدامي وانا لو مش خايف عليكي مكنتش عملت كده
ريناد.. صح لازم تخاف علينا كلنا
عز.. كلكم
ريناد.. آه ما كلنا اخواتك
عز ضحك.. بس انتي مش اختي
ريناد.. امال ايه
عز بتسليه.. انتي عايزه تبقي ايه
ريناد.. مش عايزه حاجه
عز.. يعني هو انتي مش اختي انتي بنت عمي بس المهم دلوقتي انتي لسه زعلانه منى
ريناد.. لأ مش زعلانه
عز.. وهتيجي الشركه تاني
ريناد.. هشوف
عز.. يبقي زعلانه أنا عارف حورات البنات دي مفيش وهشوف ومعرفش وماشي ومش زعلانه ومش عايزة
ريناد ضحكت.. مش زعلانه والله خلاص هاجي
عز.. كدا اتطمنت وهعرف انام
ريناد.. اشمعنا
عز .. انتي عارفه تصبحي على خير وقام دخل
هي فضلت تفكر في الكلمه وبعدين ضحكت ودخلت
رهف كانت شايفاهم ومبتسمه.. عشان كده كنتي زعلانه انه قالك اختي يا ريناد
**************""""""""""**********
تاني يوم في الشركه تليفون رحيم رن
رحيم.. ايه يا انس اسبوع بحاله برا البيت جدي زعلان منك والكل قلقان كدا مينفعش بطل هبل وارجع
انس.. رحيم انا عايزه اقولك حاجه وخايف
رحيم بقلق.. في ايه انت كويس؟
انس.. رحيم انا ويوسف خطفنا بنتين
رحيم بسخريه.. خطفتوا بنتين آه
انس.. واتجوزناهم
رحيم بنفس النبره.. واتجوزتوهم ازاي يعني
انس .. رحيم اقسم بالله العظيم ما بهزر والله بطل اسلوبك دا
رحيم بصدمه... يعني ايه مبتهزرش انت بتقول ايه يلااا
انس.. والله بكلمك بجد افهم بقي
رحيم.. نهار ابوك اسووود دا جدي هيدفنك مكانك
انس.. والله انا مش عارف اعمل ايه
رحيم.. هتعمل ايه انت نيلت ام الدنيا وبتقولي هعمل ايه اقفل انا في الشركه دلوقتي لما اروح هكلمك
ولكن لسوء الحظ كل اللي المكالمه دي كان في حد سامعها 🙂