رواية سر الملبوسه
الفصل الاول1
بقلم اسراء ابرهيم
دياب بصدمة / كيف يعني ولد العمدة متجدملك ،، طيب واني ،، انتي اصلا چاية دلوك بتجوليلي ليه يا نوارة
نوارة بحيرة / يوووه يا دياب ،، بجي چاية اجولك عشان نشوف حل ،،تجوم تجولي الحديت الماسخ ده ،، وبعدين استني اهنه ،، انت جصدك ايه بحديتك ده عاد
دياب بضيق/ مخبرش يا بت عم مسعود ،، اللي خابره اننا عاشجين بعض ،، من وجت ما اعترفتلك بعشجي وطلبت منك تستنيني اچوز بدرية خيتي واتجدملك علطول لاني ممعيش اللي يخليني اتچوز دلوك
نوارة بزهق / وانا وافجت يا دياب ،، بس اكده كتير احنا بجالنا تلات سنين عالحال ده وخيتك اتچوزت ،، مستني ايه عاد تاني
دياب بضيق / ماهو انتي السبب ولا نسيتي عاد ،، مش انتي اللي جولتيلي انا رايدة دار لحالي ومش رايدة اجعد مع امك ،، مش انتي اللي جولتيلي انا رايدة ابصر ايه من الغالي ونجيتي كل حاچة غالية جوي ومع ذلك انا وافجت ،، رغم اني هضطر اتمرمط واشتغل اكتر بس وافجت عشانك ،، يا نوارة ده انا كنت هجولك انهاردة اني خلاص هجبض الچمعية اللي امي عاملهالي كمان ست شهور وهچيب كل حاچة كان نفسك فيها ونتچوز
نوارة بتردد / وه بالسرعة دي ،، كيف بس
دياب باستغراب/ هو ايه ده اللي بالسرعة دي ،، انتي مش كنتي لسة بتجولي ان احنا بجالنا كتير ،، وادينا خلاص هنتچوز ،، فينها بجي الفرحة اللي كنت مستني اشوفها في عيونك
نوارة بتوتر / ماهو يا دياب ابوي ادي للعمدة منصور كلمة ،، وهو ميجدرش يصغر نفسه جدام العمدة برضك
دياب بسخرية / دلوك فهمت يا نوارة ،، انتي كنتي چاية تنهي كل حاچة ،، چاية تبلغيني انك هتتچوزي ابن العمدة ،، الفلوس والصيت اغروكي مش اكده ،، وعنديكي حج ،، بجي في حد يرفض چابر ولد العمدة بفلوسه وصيته
نوارة بحد*ة / وه ،، جصدك ايه يا دياب ،، جصدك تجول اني طماعة ،، واني هتچوز ولد العمدة عشان الفلوس ،، ولما انت شايفني اكده ،، عشجتني ليه عاد من الاول ،، ولا انت ما صدجت
دياب بندم / منا مكنتش خابر انك اكده ،، عشجك عماني عن حجيجتك ،، الحديت خولص يا نوراة ،، بلاش تجلبي الترابيزة عليا ،، وانا اللي بجولهالك يا نوارة ،، انتي من انهاردة معدتيش تلزميني
نوارة بغضب / وانت مفكر حالك مين عشان تجولي اكده ،، واصلا العشج مش هينفعني لما اچوع وياك يا دياب ،، وصدجني لو مكاني وبيدك انك تتچوز بت العمدة كنت هتوافج برضك وتبيعني
دياب بجمود/ عمري ما كنت هعمل اكده ،، لاني مكنتش شايف غيرك ،، بس اوعدك انه يحصل وجريب جوي يا نوارة
قال دياب كلامه وسابها ومشي وهو مكرر يكس*رها زي ما كسر*ته ،، مكرر يخليها تندم وتترجاه عشان ترجعله،، بس عشان يشوف الندم في عيونها اللي كان بيموت فيها
..........................
في بيت العمدة منصور
شادية بصدمة / يا مري يا منصور ،، كيف توافج ابنك علي اللي هو رايده ده ،، كيف توافج انه يتچوز بت من اهل البلد يعني هو من جلة البنتة ،، ما ياما اتحايلت عليه وجولته يتچوز بت عمه بس هو مرايدهاش ،
منصور بتنهيدة / منا جولتلك يا شادية عاد ،، هو رايد البنتة دي وعاشجها ،، هنكس*رو جلبو يعني اياك ،، وبعدين من ميتي واحنا بيفرج معانا فجير ولا غني ،، المهم ان البنتة زينة واهلها طيبين وخلاص
شادية بضيق / والله انا مش مرتاحة للچوازة دي من اساسه ،، وحاسة اكده ان البنتة دي مهياش اللي تستاهل ولدي ،، وبكرة تجولي كان عنديكي حج يا شادية
منصور بهدوء / ادعي ربنا يخيب ظنك يا شادية ،، عشان خاطر ولدك يبجي مرتاح ،، لانه هو اللي هيتچوزها مش احنا ،، ولا ايه قولك انتي
شادية بتردد / عنديك حج يا منصور ،، ربنا يسترها ويهديها علي ولدي
منصور بتنهيدة / فينها فرحة ،، منزلتش انهاردة ليه عاد
شادية بحزن /والله انا غلوبت وياها يا منصور ،، من امبارح وانا وهي بنتناجر
منصور باستغراب/ وه ،، بتتناجرو ليه كفا الله الش*ر
شادية بحزن / من ساعت ما عرفت ان اخوها هيتچوز وهي عمالة تجولي انها مش هتحضر حاچة وهتفضل في اوضتها مش هتنزل منها خالص
منصور بضيق / خبر ايه ده عاد ،، لحد ميتي هتفضل تعمل عمايلها دي اكده ،، ده الناس بجت تتحدت علينا وحتي العرسان مفيش حد بيتجدملها وكله بسبب عمايلها دي
شادية بعتاب/ متلومش عليها يا منصور ،، انت خابر ان مش بخوطرها انها تبجي اكده ،، ياما جولتلك نچيبلها حكيمة ،، بس مكنتش بترضي
منصور بحد*ة / انتي اتخبل*تي يا ولية ،، رايداني اچيب لبتي حكيمة نفسية عشان البلد يجوله انها مچنونة وتطلع عليها سمعة اكتر من اكده ،، انتي خابرة هما دلوك بيجوله عليها ايه
شادية بغضب / خابرة يا منصور ،، بيجوله ان بتي ملبوسة وان اللي عليها چامد وعشان اكده بيخافو منيها ،، بس اجول ايه كله بسبب اليوم المشئوم ده ،، مخبراش انا كيف الناس منسيتش لحد دلوك
منصور بحزن / انتي خابرة ان الناس في البلد اهنه ما بيصدجو يمسكو في سيرة حد وبتك عطتهم الفرصة وخليتهم يمسكو سيرتها وميسيبوهاش واصل ،، من ساعت ما خرچت في الشارع تچري كيف المجنونة وهي شعرها منكوش و حالتها مهببة ووالناس خافت منيها وطلعو عليها السمعة العفشة دي
شادية بدموع / بتي مهياش عفشة يا منصور ،، بتي مريضة ،، وانا مخبراش فيها ايه ،، اديك شوفت لما حد بيلمسها بتبجي عاملة ازاي ،، ده حتي انا من وجتها لحد دلوك معارفاش احضنها واطيب خوطرها زي اي ام ،، بتي انا مش خابرة مالها ولا خابرة اعالچها كيف
منصور بتنهيدة / صلي عالنبي يا شادية اومال ،، ده جدر ربنا واحنا راضين ،، وان شاء الله بكرة تخف وتبجي زينة
شادية بحزن وهي بتمسح دموعها / يارب يا حج يارب
.....................................
في بيت دياب
زبيدة ام دياب بحد*ة / انت اتچننت يا دياب ،، فرحة مين دي اللي رايد تتچوزها ،، اتخبلت اياك ،، انت خابر البلد كلياتها بتتحدت عليها كيف
دياب بلا مبالاه / خابر ياما ،،ومش فارج معايا ،، انا رايد اتچوزها وخلاص
زبيدة بشك / كيف يعني تتچوزها وانت حتي مشوفتهاش يا دياب ،، هتضحك علي امك عاد
دياب بتنهيدة/ ياما افهميني ،، فرحة انا اه مشوفتهاش بس انا حاسس اكده انها بنته زينة ،، واكيد موضوع الحديت اللي الناس بتجوله ده مهواش حجيجي
زبيدة بصدمة / وانت ايش دراك يا دياب ،، ده البلد كلياتها بتجول ان البنتة ملبوسة ومحدش شافها من يوميها برة الدار عشان يجوله غير اكده ،، ثم تعالي اهنه ،، انت مش كنت مكلمني عشان اخطبلك بس مسعود اللي ساكنين جدامنا ،، ايه اللي غير رأيك بجي
دياب بغضب وهو بيقوم / بجولك ايه ياما جفلي عالحديت ده ،، انا خلاص صرفت نظر عن البت دي ومبجتش رايدها ،، انا هتجدم لفرحة بت العمدة عشية ،، وده اخر حديت عندي
قط*ع كلامهم دخول بدرية اخت دياب اللي سلمت عليهم بحرارة
بدرية بابتسامة / كيفك ياما ،، اتوحشتك جوي
زبيدة بفرحة / زينة يا بتي ،،انا كمان اتوحشتك جوي ،، چوزك عامل ايه وحماتك
بدرية براحة / زين ياما ،، والله ام بكر بتعاملني كاني بتها وانا كمان بحبها جوي
دياب بابتسامة / ربنا يهدي سرك يا خيتي
بدرية كانت متوترة وهي باصة لدياب اخوها ومش عارفة تتكلم ازاي في موضوع نوارة لانها عارفة ان اخوها بيحبها
بدرية بتردد / هو انتو مدرتوش باللي حوصل في بيت عم مسعود چارنا
زبيدة بفضول / خير يا بتي ،، چرا ايه هناك ؟
بدرية بتردد/ اصل وانا چاية سمعت زغاريط والناس بيجوله ان نوارة بت مسعود هتتچوز ولد العمدة
دياب قام بضيق وسابهم وطلع من غير ما يرد او يعلق علي اي حاجة من اللي قالتها اخته وهنا فهمت زبيدة الموضوع وعرفت سبب ان دياب صمم يتجوز اخت العمدة
بدري بحزن / دياب حزين ياما وانا مكنتش رايدة اجول
زبيدة بتنهيدة / اخوكي رايد يرمي نفسه في النا*ر يا بتي عشان جلبه مچر*وح من بت مسعود
بدري بخضة/ وه ،، ن*ار ايه دي اللي اخوي هيرمي نفسه فيها كفا الله الش*ر
زبيدة بتفكير / رايد يتچوز بت العمدة
بدري بصدمة / يا مري ،، بت العمدة المبلبوسة
.......................................
تاني يوم كان منصور داخل البيت وهو فرحان وفرحته كانت باينة اوي عليه لدرجة ان شادية استغربت وبصت لفرحة اللي كانت قاعدة جمبها
منصور بفرحة / زغرطي يا ام چابر ،، انا چايبلك خبر هيفرح جلبك ويخليكي تملي البيت زغاريط
شادية بابتسامة / خير يا منصور ،، فرحني معاك يا ابو العيال
منصور بفرحة وهو بشاور علي فرحة / فرحة چايلها عريس ،، وايه راچل محترم جوي
شادية بفرحة / بچد يا منصور ،، عريس متجدم لفرحة بتي ،، يا حلاوة يا ولاد ،، طيب وعملت ايه
منصور بابتسامة / خلاص طبعا وافجت واتفجت معاه ان دخلته تبجي مع دخلة چابر اخوها ،، ايه جولك بجي
زغرطت شادية من فرحتها ان اخيرا بنتها هتتجوز وتطمن عليها بس فرحة كانت عكسها خالص كانت مصدومة وفجأة دموعها خا*نتها وبقت تحرك راسها يمين وشمال بعن*ف وهي بتبص لابوها وبضم نفسها بايديها
فرحة بهيستريا/ لا يا ابوي،، ابوس يدك ،، انا مرايداش اتچوز ،، والنبي يا بوي هملني اكده ،، صدجني مش هجدر
منصور ابتسامته اختفت وبقي باين علي ملامحه الغضب
منصور بحد*ة / اخرسي ،، انتي مفكرة ان الموضوع بيدك ،، ده احنا ما صدجنا چالك عريس بعد عملتك المه*ببة لما نزلتي الشارع بهدوم البيت وبشعرك وصريخك وخليتي سيرتك علي كل لسان والناس بجت خايفة منيكي ،، ودلوك ليكي عين ترفضي اياك
شادي بقلق / براحة عليها يا منصور ،، خلينا نفهم منها
منصور بغضب / لا ،، انا مهسمعش حديت ماسخ ملوش عاذة ،، ايه رايداني ارفض انتي كمان اياك ،، رايدة الناس تجول ان بتي معيو*بة واننا خايفين من الفضي*حة ،، فرحها علي دياب يوم الخميس الچاي ،، جهزي بتك ومفيش حديت تاني بعد اكده
چابر بغضب / لا فيه يا ابوي
منصور بصدمة / هو ايه اللي فيه يا ولدي ،، ايه هتجف جصادي اياك
چابر بحد*ة / انا مش موافج علي دياب ده ،، انت متعرفش هو بيشتغل ايه ،، بيشتغل مهندس زراعة في اراضي غيره لانه محلتهوش اراضي من اساسه ،، كيف رايد تچوزه فرحة خيتي ،، انت خابر الناس هتجول ايه علينا ،
منصور بهدوء / هيجولو ايه علينا يا ولدي ؟ فهمني چايز انا مش واخد بالي
چابر بجدية / هيجوله ان بتنا معي*وبة واننا ماصدجنا اننا لجينا حد اتجدملها ووافجنا عشان نستر عليها ،،عشان كدة وافجنا علي دياب الكحيان اللي محلتوش اللضا
شادية بخضة / يا مري ،، جط*ع لسان اللي يجول علي بتي اكده
منصور بسخرية وهو بيقعد / طيب بص يا چابر ،، عشان الحديت اللي هجوله ده مهكرروش تاني ابدا ،، خيتك هتتچوز دياب غصب عن اي حد ،، ثانيا بجي ،،لو الناس هتتحدت وتجول ان كيف نوافج علي دياب الكحيان كيف ما يتجول ،، يبجي اكيد هيتحدتو علي چوازتك من بت مسعود اللي برضك محلتهوش اللضا ،، واللي اكيد وافجو عليك عشان انت ولد العمدة ،، فعشان اكده احنا مهنمشيش ورا حديت الناس احنا نعمل الصوح والباجي علي ربنا
دياب بتوتر / يا بوي انا يعني اجصد
منصور بحسم / تحصد ولا متجصدش يا چابر ،، اللي عندي جولته ،، فرح خيتك علي دياب في نفس يوم فرحك علي نوارة بت مسعود ....