رواية احببت قاصرا
الفصل الرابع والخمسون54
بقلم شيماء الديب
احيانا تأتي الرياح بما لا تشتهي السفن 👌
الدكتوره // للاسف ملك نزفت كتير ولازم ندخلها عمليات ادعولها
سيف بحزن // اهم حاجه ملك مش مهم اي حاجه تانيه انا راضي بس ملك ميجرلهاش حاجه ونبي يادكتوره
الدكتوره // ربنا يقدم اللي فيه الخير وسابتهم ومشيت
مني واحمد واقفين جمب سيف والكل علي ملامحه الحزن
بعد شوية وقت وكلهم واقفين قدام العمليات وسيف بيبص لقي يوسف واميره جايين جري
يوسف // اول ماعرفنا جينا جري مالها ملك ياسيف
سيف // ملك يايوسف هتضيع مني بسب بنت الكلب اللي اسمها منه خربت بيتي يايوسف
يوسف // اهدا ياسيف وتعالي فهمني ايه اللي حصل وانا هتصرف
اميره راحت علي مني وحضنتها // قلبي معاكي ياطنط
مني ببكاء // والله بنتي طيبه وغلبانه ومتستاهلش كلي اللي بيجرالها يااميره
اميره // اتطمني ياطنط هتقوم بالسلامه هي واولادها والله بس ادعيلها
احمد // انا رايح الحسابات يامني وراجع
خالد طلع تليفونه واتصل علي اسعد // انت نايم يااسعد واحنا في المستشفي بملك
اسعد بيمسح عيونه // خير ياحاج مالها ملك
خالد // اهي دخلت العمليات وربنا يسترها عليها وعلي اللي في بطنها
اسعد // ربنا يستر ياحاج انا هلبس وجاي بسرعه
هاله // مين اللي في المستشفي ياسيف
اسعد // مرات ابنك تعبانه
هاله // ليه سقطت يلا مش مهم المهم ان ابني بخير
اسعد // كلامك زي السم ومش فاضي ارد عليكي
هاله // الله هو انا كلمتي دايما واقفه في زورك استني هلبس وهروح معاك
اسعد بسرعه لبس ونزل وهي نزلت وراه وراحو علي المستشفي
هاله بحزن مصطنع // ياحبيبي ياسيف ربنا يعوض عليك المهم انت ياحبيبي صحتك بالدنيا
سيف بغضب // كل شئ يهون بس ملك تخرج بالسلامه وبصلها بغيظ ولف وشه
اسعد // اي الاخبار ياحاج ولسه خالد هيحكي لاسعد وخرجت الدكتوره من العمليات
سيف راح جري عليها // ها طمنيني ملك فين
الدكتوره // محتاجين دم ضروري هي نزفت كتير
سيف // انا فصيلتي نفس فصيلتها خدو دمي كله المهم ملك المهم مراتي
هاله // لا ياحبيبي بعد الشر عنك بنك الدم مليان يررحو يجيبو اللي عاوزينه
سيف بغضب وصوت عالي // اسككككتي بقي انتي ايه انتي لايمكن تكوني ام ياشيخه ابعدي عني بقي وسبيني في حالي
انا جاهز يادكتوره ودخل معاها
اسعد // انتي ايه مفيش فايده فيكي هو انا قبل كده طلقتك كام مره ??
هاله بسذاجه // مرتين
اسعد // طب خدي مني التالته ياهاله انتي طاااااااالق طاااااااالق سبينا في حالنا بقي ياشيخه
خالد // اهدا ياخالد يابني هتفرجو الناس علينا
هاله بتمثيل // ماشي يااسعد انا هخليك تندم علي اللي عملته فيا قدام الكل وسابتهم ومشيت
يوسف // اميره انا عندي مشوار ضروري لازم اعمله هتيجي اوصلك للبيت بالمره
اميره // لا طبعا يايوسف هستني لحد مااتطمن علي ملك
خالد // طول عمري بنت اصول وتعرفي في الواجب يابنتي
يوسف // لو في اي حاجه ياجدي كلمني وسابهم ومشي
سمر في بيتها ولسه بتحضر العشا سمعت صوت الباب
سمر // شوف مين ياعلي
قام علي وفتح لقاها حماته سمر سمعت صوت امها طلعت بسرعه من المطبخ // اهلا ياماما اي ده مالك
هاله // ابوكي طلقني ياسمر بسبب مرات اخوكي الحربايه
سمر // ايه اللي حصل بس فهميني
هاله حكتلها كل اللي حصل معاها
علي // بس انتي غلطانه ياطنط هاله
هاله بغضب // شوفتي جوزك ياست سمر يعني انا جيالكم وبدل مايجبر بخاطري بيقولي غلطانه
سمر // لا ياماما هو ميقصدش والله دا علي بيحبك
هاله // انا هروح الم هدومها واروح اعيش عند اهلي وانتي ياسمر وقت ماتحبي تشوفيني انتي عارفه الطريق سلام ومشيت
علي // نفسي افهم هو اللي يقول الحقيق يبقي مكروه ليه
سمر // بس كنت راضيها بكلمتين ياعلي وخلاص
علي // بصراحه بقي ياسمر امك عليها عمايل تخلي الواحد يكفر وكتر خير خالي انه مستحملها السنين دي كلها
سمر // علي لاحظ انك بتتكلم علي امي
علي // خلاص خلاص وانا مالي حضري العشا خليني اكل وانام 😏
الدكتوره // اتطمن ياسيف جالك ولد وبنت زي القمر
سيف // المهم ملك يادكتوره
الدكتوره // هتبقي كويسه اتطمن بعد ماتخد الدم هتسترد صحتها وهتبقي زي الفل الف مبروك ياسيف
الكل فرح لملك وان ربنا جبر بخاطرها وولادها وصلو للدنيا سالمين
سيف دخل علي ملك وهي لسه في البنج // سامحيني ياملك بس والله انا مظلوم
مني دخلت عليه // اهدي ياسيف وروح دلوقتي اتطمن علي ولادك في الحضانه
سيف بحزن // لا يامرات عمي والله ماهروح غير وايدي في ايد ملك
يلا ياملك قومي بقي عشان نربي ولادنا سوا
بعد دقايق ملك فاقت واول مافتحت عيونها لقت كل العيله متجمعه وسيف قاعد جمبها وماسك ايديها وبيبكي
ملك بعصبيه // ابعد عني مش طايقه اشوفك
سيف // والله انا مظلوم وبحبك ياملك
وفحأه دخل يوسف وماسك منه من هدومه // سيف مظلوم ياملك والكلبه دي كانت بتكذب عليكم عشان تفرق بينكم
منه // انا انا اسفه انا كذبت عليكي عشان سيف يرجعلي
سيف لسه هيقوم يضربها راحو عليه احمد واسعد وبعدوه عنها
سيف بغضب //اقسم بالله لو تقربي علي بيتي ومراتي وولادي لانسفك من علي وش الارض
منه بخوف // حاضر حاضر انا همشي نهائي واسيب البلد وسابتهم وطلعت تجري
مني // سمعتي ياملك اللي قالته الزفته دي
احمد // استهدي بالله يابنتي وسامحي جوزك هو ملوش ذنب
خالد // بت ياملك بالنسبه للمناسبه السعيده دي ف انا جهزتلك العربيه اللي وعدتك بيها لا ومش كده وبس لا حجزتلك شهر عسل ف تركيا لاني عارفك طول عمرك ونفسك تزوريها
ملك بفرحه // ربنا يخليك ليا ياجدو وميحرمنيش منك
خالد // لا وحياة ابوكي متاكليش عقلي بالكلمتين دول لازم الاول تصالحي جوزك
سيف بمسكنه // اه ونبي ياجدي وصيها عليا شويه دا انا غلبان
خالد بضحك // لا والله مانت مسكين دا انت مايه من تحت تبن يابن السيوفي
احمد واسعد دخلو عليهم وكل واحد شايل طفل
احمد // انا سميت البنت ياملك خلاص يارا
اسعد // وانا سميت الولد يزن
سيف باندهاش // اي ده وانا هسمي مين
خالد بضحكه عاليه // انت تسمي الله وتراضي مراتك
سيف بضحك // ونبي صدقت ياجدي وراح عليها وباس راسها سامحيني ياام العيال وارضي عني
اميره // يلا بقي ياملك ميبقاش قلبك اسود
ملك بحب // خلاص انا مش زعلانه ياسيف
وعدت الايام وملك شدت حيلها واخدو ولادهم وسافرو علي تركيا
وهما في المطار سيف شاف بنت حلوووه اوي وفضل يبص عليها وملك انتبهت
ملك بغيظ // خير اجبلك رقمها
سيف بيغظها // ياريت ونبي ياملك اصل البت دي وتكه اووووي
ملك بغيظ // اووووف هو انت مفيش فايده فيك
سيف بضحكه رجوليه عاليه // ههههههههههه بهز الورد ياام العيال دا انتي الحب كله وراح حضنها وباسها بوسه عميقه 😉
ملك // ياقليل الادب احنا قدام العالم
سيف // حد له شوق في حاجه 😋😉
ووصلو تركيا وقضو اجمل شهر عسل في حياتهم وعجبتهم العيشه هنا فقرر سيف ينقل شغله هناك ويستقر باولاده
تمت