رواية حب الطفولة
الفصل السابع7
بقلم مديحة وائل
رهف نزلت واتصدمت
الجد : تعالي يا رهف سلمي على عريسك
رهف راحت عندهم وهي لسه مصدومه
الجد : احنا هنسيبكو تقعدو مع بعض شويه
وطلعو وسابوهم
رهف بغضب: انت بتعمل ايه هنا يا عمر
عمر بهدوء: جيت اتقدملك
رهف بغضب: هو مش انا قولتلك مش موافقة
عمر : بس انا بحبك يا رهف
رهف قامت بغضب : وانا مش بحبك
عمر : يعني ايه
رهف : يعني هاتخرج تقول إن إحنا متفقناش لاني انا مستحيل اتجوزك
عمر : تمام
رهف استغربت انو وافق بس مهتمتش كان بالنسبالها اهم حاجة انها مش هتتجوز
ودخلوا العيله
الجد : ها ياولاد اتفقتوا على ايه
عمر : رهف وافقت يا جدي وبإذن الله الخطوبة بعد بكره
رهف بصدمة: بس انا
قاطعها عمر
عمر : ايه يارهف مش احنا اتفقنا إن الخطوبة هاتتم وبعد ما تخلصي الثانوية العامة نكتب الكتاب
الجد : طب على الحمدلله ربنا يتممها على خير يله نقرأ الفاتحة
وقعدو يقراءو الفاتحة ورهف ماسكه دموعها بالعافية لان حصل غير اللي كانت متوقعاه
وخلصوا قراءة الفاتحة
عمر : هاستاذن انا بقى
الجد : خليك قاعد معانا شويه يابني
عمر : معلش والله علشان اروح اقول لاخويا الخبر الحلو ده
الجد : تمام يابني خلي بالك من نفسك
عمر : تمام سلام
وبعد ما مشي عمر
الجد : الف مبروك يا بنتي
رهف بدموع: بس انا مش موافقة ياجدو
الجد بغضب: ازاي يعني مش موافقة اومال مين اللي كان موافق من شويه ولا هو لعب عيال
رهف بدموع: بس انا موافقتش ولا قولت حاجة انا قولتله اني مش موافقة بس هو عمل كده وعايز يتجوزني غصب عني
الجد بغضب: وانا كلمتي مش هتنزل الارض الخطوبة بعد بكره ويله اطلعي على اوضتك
رهف بدموع: علشان خاطري يا جدو ما تدمرش حياتي بالطريقة دي
الجد : انا قولت اللي عندي ويله اطلعي على اوضتك
رهف طلعت غرفتها وقعدت تعيط
اما تحت
الجد : مالك بتبصيلي ليه يا ريهام
ريهام بهدوء: كنت هبقى مستغربه لو كنت قولت كلام غير اللي قولته لي رهف بس انا كنت عارفه انك هتقول كده بتعمل مع بنتي نفس اللي عملته فيا زمان بس للاسف انا عاجزة اني اعترض على كلامك علشان انت ابويا
الجد بسخرية: علشان ابوكي ولا علشان السر ما يتفضحش
ريهام: بجد انا مش مصدقه انت ازاي اناني كده ظلمتني وظلمت اخواتي وفرقت بينا ايه كمية الحقد اللي انت فيه ده
الجد ضربت بي الالم
الجد بغضب: اللي انا عملته زمان علشان مصلحه كل واحده فيكو ويله غوري من وشي
طلعت مامت رهف الغرفة
............
في غرفة رهف
رهف بدموع: بس هو ده اللي حصل
روان بصدمة: يعني العريس يبقى عمر اخو خطيبي
رهف بدموع: ايوه هو
روان بغضب: هو ازاي يعمل كده هو مفكر نفسه مين
رهف بدموع: انا مش عارفه اعمل ايه والخطوبة بعد بكره
روان: يوسف مش هايسمح بي كده صدقيني
رهف: يوسف مش هيقدر يقف قدام جدو
روان: انا ميهمنيش جدك انا اللي اعرفه ومتاكده منه انو يوسف عمره ما يتخلى عن حب عمره يا رهف
رهف بدموع: معاكي حق
روان: يله متعيطيش انا هروح اتصل بيه علشان نشوف هانتصرف ازاي
رهف : تمام سلام
.................
عند روان
يوسف بغضب: الحقير والله ما هسيبه في حالة
روان: يوسف اهدى علشان نعرف نلاقي حل
يوسف: طب هنعمل ايه
روان: انا عندي فكره
يوسف: ايه هي
..............: روان
يوسف باندهاش : بجد فكره حلوه بس المشكلة اني انا مش هقدر اشوفها مع حد تاني غيري
روان: لازم تستحمل يا يوسف علشان الخطة تنجح
يوسف: تمام انا هجهز دلوقتي
روان: تمام يله سلام
.....................
في الصباح
في غرفة رهف
رهف: مين بيخبط
مرات عمها : انا يا رهف
رهف: ادخلي يا مرات عمي
ساميه: يله يا بنتي علشان تفطري
رهف : ماليش نفس روحي انتي
ساميه: مش هينفع تفضلي من غير أكل يا حبيبتي
رهف : بجد ماليش نفس أكل حاجة
ساميه: علشان خاطري يا بنتي مينفعش يله
رهف : علشان خاطري انتي سبوني
ساميه بحزن على رهف: طب لما تجوعي ابقي قوليلي
رهف : حاضر
وذهبت مرات عمهاونزلت
الجد: رهف ماجتش ليه يا ساميه
ساميه بتوتر: تعبانه بس شويه وعايزه ترتاح
الجد : تمام سيبوها ترتاح علشان بكره الخطوبة
وبداؤ يفطرو
بعد ساعة
رهف وهي قعده في غرفتها باين عليها الحزن
الباب خبط
رهف : ادخل
مامتها: منزلتيش ليه يا رهف
رهف بسخرية: هو بعد اللي حصل امبارح هايبقى ليا نفس آكل
مامتها بحزن: علشان خاطري يا بنتي متعمليش في نفسك كده
رهف بدموع: يعني انتي عجبك وانتي شايفه حياة بنتك بتتدمر
مامتها بحزن: سامحيني يا بنتي مفيش في ايدي حاجة اعملها
رهف بدموع:اسامحك ازاي يعني ولا انتي ولا عمي قادرين توقفوا جدي ليه هو بيهددكوا بحاجة
مامتها بتوتر: ايه الكلام اللي بتقوليه ده
رهف بدموع: اومال ليه مش بتوقفوه عن اللي بيعملوا
مامتها : علشان مينفعش اعترض على حاجه بيقولها هو الآمر الناهي من بعد ابوكي لانو هو كبيرنا
رهف بدموع : عمري ما هسامح حد فيكو
مامتها بحزن: سامحيني يا بنتي
وخرجت وسابتها
في الليل كانت رهف قاعدة في غرفتها وبتعيط علشان خلاص حياتها بتدمر قدام عنيها بس وهي قعده سمعت صوت في البلكونة
رهف بخوف: مين بره
لا رد وسمعت الصوت تاني
رهف بخوف وهي بتقرب من البلكونة
رهف بخوف: مين هنا
راحت مالقتش حد جت ترجع الاوضة حد حط ايده على بقها
رهف حاولت تشيل ايد الشخص ده لحد ما سابها
رهف بصدمة: انت