رواية كان اخي
الفصل الحادي عشر11
بقلم نور محمد
اسلام: بص بقي انا اسلام عبد الرحمن حكايتي بدات من لما ابويا الله يرحمه اتوفي قعدنا انا وامي بس للاسف جه عمي وخ*رب كل حياتنا كنت وقتها لسه صغير ومعرفتش ادافع عن امي ثم تابع عمي اخد بيتنا وشغل ابويا خلانا خدامين عندو مش بس كدا لا ده اخد اختي الصغيره ومعرفش رامها فين قال اي مش بيحب البنات عشان عمتي زمان هربت مع حبيبها وجبتلهم الع*ار بعدها كان عندي 12سنه اخدت امي ومشينا ادبهدلنا علي م لقينا اوضه انا وامي فوق السطوح قعدنا فيها كنت بشتغل عشان اصرف علي نفسي وعلي امي ونفس الوقت كنت بدرس عشان اقدر اكون حاجه بعدين اتنهد تنهيده طويله وقال واهو دخلت كليه هندسه بمنحه سافرت بشتغل وادرس ف نفس الوقت وببعت فلوس لامي كل فتره عشان تمشي حالها واهو عايشن
زين: يااااه ده انت شايل يا اسلام والدنيا جايه عليك
اسلام: ربنا كان معايا وكل حاجه وحشه عدت مش جاي غير الحلو ثم تابع وانت بقي حكايتك ايه
زين: لا انا حياتي مفيهاش معاناه اوي كدا بس فيها بُعد وكسره بعني ابويا طول عمره كان بيعامل امي بطريقه مش حلوه وبعدين سابنا وهرب بعد م ق*تل خالتي وجوزها عشا.... وسكت شويه ثم تابع خالتى اللي اتوفت دي وصتني علي بنتها حبيتها من صغرنا بعدها سافرت اكمل دراسه برا مصر ورجعت لقيتها كبرت وبقيت 18سنه خطبتها وعشنا فتره حلوه بس بعدها لقيتها بت*خوني وتعرف حد غيري وقاله ع اللي حصل يوم فرحه بس وبعدها قررت اجي هنا وابدا شغلي هنا
اسلام: طيب ليه محاولتش تفهم منها هي ليه م يمكن سوء تفاهم
زين: مش عارف بس حسيت ان الغيره عمتني وقتها
يلا بقي عشان بكره عندنا شغل
اسلام: ماشي ياعم اتهرب براحتك
تسريع الاحداث
بعد شهر بالظبط
وعد اتقبلت ف كليه هندسه وريماس اتقبلت ف كليه تربيه ونفس الشئ نور وساره كمان اتقبلوا
منه: انتي يابت منك ليها قومي يلا النهارده اول يوم ليكم ف الكليه
ريماس بنوم: بس بقي سبيني نايمه
وعد: اقفلي الباب واتيسري يامنه
منه: طيب حااضر هتيسر
مشيت ورجعت تاني و باعلي صوت عندها ريمااااس وعدد الحقوا الشقه بتولع يابت يلهوي قوموا يلا
قامو الاتنين بسرعه ومش عارفين يعملوا اي ريماس بتجري نحيه الباب و وعد بتجيب ميه عشان تطفي الحريق 😂😂😂😂
منه و آلاء وقعوا من الضحك ريماس و وعد استوعبوا انو مقلب وقعدا يضربوا فيهم
منه وهي بتقوم عشان تروح شغلها: يلا بقي انتي وهي كل يوم في من ده لو مصحيتوش
قاموا لبسوا وجهزوا ومنه قالت انها هتوصلهم اول يوم
وعد قبل م تنزل فتحت الفون تقلب فيه لقيت صوره نور وساره
وعد: كان ده اليوم اللي بنحلم بيه احنا التلاته وحشتوني والله ونفسي اوي اني اكلمكم بس نصيب عينها دمعت وهي بتتكلم البنات لاحظوا كدا وجريو عليها وحضنوها
ريماس: خلاص ياوعد يعني انا مش زيها
وعد: زيها بس غصب عني هي الوحيده اللي كانت معايا من صغري هي بس
منه: يلا انتي وهي هتتاخروا يلا ياوعد
ريماس: يلا
نزلوا راحوا الجامعه دخلوا ياخدوا جدول المحاضرات
نروح عند نور وساره
نور: ماما انا نازله
ناديه: ربنا معاكي ياحبيبتي وخلي بالك من نفسك
نور: حاضر يلا سلام
ناديه: مش لو فضلتي ياوعد يابنتي كان زمانك نازله مع نور وفضلت تعيط
طلع احمد من اوضه
احمد: صباح الخير ي ماما خير في اي مالك بتبكي ليه
ناديه: ولا حاجه وعد وحشاني بس
احمد: وحشتنا كلنا وحالا ترجع حالا
وحضن ناديه ونزل
عند زين كان فتح شركته وبدات تكبر بسبب تميزه وتميز اسلام ف الشغل
زين: اسلام لازم نحضر لثفقه بكرا دي ثفقه مهمه جدا ولازم نكسبها ب اي تمن
اسلام: صحيح الثفقه دي هتنقل شركتنا نقله تاني خالص
زين: تمام هنجهزلها
عند وعد و ريماس ف الجامعه
وعد: انا مالي خايفه ليه كدا
ربماس: مش عارفه اي ده يمكن عشان اول يوم ومكان جديد
وعد: طيب يلا روحي انتي كليتك وانا هروح كليتي ونحدد مكان نتقابل فيه
ريماس: تمام
عند نور وساره
نور: يلا ياساره علي كليتك ونبقي نتقابل
ساره: تمام ماشي
راحت نور كليتها وثناء م هي ماشي خبطت ف شخص
الشخص: خير يا انسه الكل مشغول بالحب والكلام ف الفون مش فاضين تبصوا قدامكم
نور ساكته
الشخص: بكلمك انا اي خرصه مش بتتكلمي
نور: لا بس اتعب لساني ليه وارد علي واحد زيك يعني وسابته ومشيت
هو: اي البرود ده اول مره اشوف بنت كدا
ومشي
عند وعد خلصت محاضرات ورجعت من الكليه هي وريماس ونزلت الشغل ف المطعم
وعد: ازيك يا عمي علي
عم علي صاحب المطعم: ازيك يابنتي ها عملتي اي ف اول يوم ليكي
وعد: الحمد الله ياعم علي انا هبدا شغل عشان اتأخرت النهارده
بتعدي الايام و وعد بتروح كليتها هي وريماس وعد كانت متفوقه جدا ع الدفعه بتاعتها
وزين كان بيكبر ف شركته وبقي ليها اسم ف السوق
نور و ساره ماشين تمام في الكليه ونور كانت بتدرس وكانت شاطره جدا لكن ساره ل.........
في يوم من الايام
الموظف: أنسه وعد استاذ مصطفي عميد الكليه عاوز خضرتك
وعد: حاضر جايه
ريماس: عملتي اي ي مصيبه انتي
وعد: مش عارفه هو في اي
ريماس: روحي وشوفي وانا هستناكي يلا
وعد بتخبط
العميد: ادخل
وعد: حضرتك طلبتني خير انا عملت حاجه غلط
العميد: اتفضلي ياوعد وانا هشرحلك كل حاجه
وعد: اتفضل حضرتك
العميد : بصي ياوعد انا..................
العميد: بصي ياوعد انتي طبعا عارفه المشروع القومي وبناء العاصمه الاداريه الجديده
وعد: ايوا حضرتك عرفاه وعرفت كمان ان مجموعه من الشباب هيدربوا ضمن المشروع ده وهيشاركوا فيه وهيختاروا شركات شباب تساهم ف المشروع
العميد: ماشاء الله عليكي متابعه ثم تابع طيب ي انسه وعد انتي هتكوني ضمن الاربع شباب اللي هيسافروا يشاركوا في المشروع
وعد: بجد انا مبسوطه ومش مصدقه شكرا جدا لحضرتك
العميد: العفو طبعا انتي اطالبه متفوقه ولازم موهبتك تظهر وصحيح كل تكاليف السفر ولاقامه علينا
وعد: تمام شكرا جدا يفندم
مشيت وعد واتصلت ب ريماس وعرفت هي فين
ريماس: عملتي اي يابنتي
وعد: تعالي نرجع البيت بسرعه وهقولك
ريماس: يابنتي في اي شوقتيني
وعد: اصبري بس
رجعت وعد البيت بعد م استاذنت انها مش هتنزل الشغل النهارده
منه: في اي يابنتي شوقتينا
وعد: بصو النهارده اتعرض عليا اني اسافر القاهره عشان اشارك في المشروع اللي بيحصل
آلاء: هتسبينا صح
وعد: حبيبتي انتو عيلتي انا لايمكن اسيبكم ابدا
منه: بس ياوعد هتعملي اي احنا بيتنا وشغلنا وكل حاجه هنا
وعد: بس انا فكرت ف كل ده بصي بقي انتي هتفضلي تشتغلي بالتاكس عادي بس ف القاهره هتقدري تشتغلي اوبر وفرصه الشغل هتكون اكتر وانا وريماس هننقل جامعه القاهره وبالنسبه للسكن بقي ف انا من لما بابا وماما اتوفوا والبيت بتاعنا مقفول هنفتحه ونقعد فيه ها قولتوا اي انا عارفه اني لخبط حياتكم بس والله ده حلمي وانتو اهلي ولا يمكن ابعد
ريماس: وعد ينفع تيجي ف حضني
ضحكتلها وعد وحضنتها وكلهم حضنوها
منه : طيب هنسافر امتي ياوعد
وعد: الاسبوع الجاي يابنات
منه: طيب يلا بقي نروح نقعد عند حور شويه نودعهم ولا اي يا ألاء
آلاء بزعل: يلا
نروح ل زين
اسلام ع الفون: ايوا يازين فينك
زين: انا في الييت في حاجه
اسلام: طيب انا جاي حالا
الباب بيخيط وزين راح يفتح
زين: خير في اي
اسلام: تعرف ان جتلنا دعوه عشان نشارك في مشروع وفي شركات كتيره مشاركه فيه وهيكون نقله لينا
زين: بجد وفين المشروع ده
اسلام بتوتر: هو يعني في مصر اه في مصر
زين: طيب جهز كل حاجه ونبدا
اسلام بدهشه: زين انت كويس
زين: اه كويس
اسلام بمياع*ه: ياعمري افتكرت تعبان ولا فيك حاجه ياحبييي"بصوت بنات جدا"
زين بضحك: يابني خلاص في اي
اسلام: طيب خلاص بجد اانت قولت انك مستحيل ترجع لمصر ف اي اللي حصل
زين: انا رايح شعل فتره وهرجع