رواية فارس القبائل
الفصل التاسع9
بقلم ندا سامي
جميله وهي خارجه من بوابه النادي شافت فارس هو صحابه واقفين وكانوا لسه
هيركبوا العربيه وحاولت تنادي عليه بس للاسف هو مخدش باله ومسمعهاش
جميله اضايقت اووي انها ملحقتهوش وركبت عربيتها وراحت الفيلا بتاعتهم
فهد وامير وفارس كانوا راكبين العربيه بتاعت فارس وفارس متعصب جدا
فارس: غبي غبي غبييييي يا فارس ازاي تسيبه كدا من غير ما تعلمه الادب البني ادم الق. ذر دا
فهد: فارس اهدي مش كدا يبني وبعدين المفروض مكناش نتدخل عشان هما شله في بعض وكمان هما الاتنين مرتبطين يعني واي اتنين مرتبطين او بيحبوا بعض لازم يتخانقوا سوا لي نتدخل احنا بقا
امير: فهد عنده حق يا فارس وانت عشان اخ لينا قبل ما نكون صحاب لازم ننصحك وبعدين كنت خليه يمد ايده كدا او يتجرأ ويرفعها عليك كدا واحنا كنا خليناها ميسواش اي حاجه بس عشان انت اللي غلطان يحبيبي لازم نقولك
فارس اضايق من كلمه مرتبطين وبيحبوا بعض دي جدا وفهد وامير خدوا بالهم وغمزوا لبعض وابتسموا
فارس بضيق: اي يعني مرتبطين ولا بيحبوا بعض وانا مالي ان شاء الله يولعو. ا مليش دعوه كل الحكايه ان كان في بنوته بتتهان قدامي وعايزه مساعده وروحت اساعده سواء طلبت او لا وتعرفني او متعرفنيش تمام كدا
امير: فارس هسألك سؤال وتجاوب عليه بصراحه عشان لما بتحاول تداري بنعرفك احنا نعرفك اكتر منك انت شخصيا
فارس بارتباك: قول يبني هخبي لي يعني
فهد: هنشوف يعم
امير: انت تعرف البنت دي صح وتعرف اسمها
فارس ضحك عشان عارف ان لو قال لا صحابه هيعرفوا
فارس: هههههه ايوا يعم اعرفها بس معرفش حاجه عنها وعارف اسمها
فهد: ازاي دا!!
امير: ايوا ازاي فهمنا
فارس: بص يعم انت وهو........
فارس بدأ يحكي لصحابه تفاصيل اليوم اللي قابل فيه جميله
فهد: طب مش غريبه يصحبي انك تعجب بيها يعني وانت متعرفهاش
فارس: اعجب بيها اي يبني بصوا قفلوا علي الموضوع دا مش عايز اتكلم فيه
امير وفهد عارفين ان مهما حاولوا يتكلموا مع فارس هيعمل اللي ف دماغه برضو فقرروا انهم يسكتوا
فارس: يلا انزلوا بقا وخدوا عربياتكم عشان انا يدوب اروح اخد شاور واغير واجيب الحج عشان جاي انهارده
فهد: ماشي يحبيبي يبقا سلملنا عليه لعند لما نشوفه
فارس: يوصل يغالي
فهد وامير نزلوا وفارس كمل لعند العماره اللي ساكن فيها طلع خد شاور وغير هدومه وخد مفاتيح العربيه والفون ونزل
فارس وهو نازل لقي عم ابراهيم البواب واقف مع ابنه وكانوا بيتكلموا
ابن عم ابراهيم: يا بابا انا محتاج الفلوس عشان المستر مش راضي يدخلني الدرس غير بيهم وكمان صحابي كل شويه يتريقوا عليا عشان بلبس نفس اللبس كل يوم
عم ابراهيم: يبني غصب عني والله هحاول اجيبلكخ الفلوس يحبيبي وبعدين بكره باذن الله لما ندخل الجنه ربنا هيعوضنا باكتر من دا بكتير وهتشوف يحبيبي
ابن عم ابراهيم: ونعم بالله يا بابا عن اذنك هروح اذكر
عم ابراهيم: روح يا ولدي ربنا يوفقك
ابن عم ابراهيم مشي وفارس عدي من جمب عم ابراهيم
فارس: السلام عليكم يا عم ابراهيم
عم ابراهيم: عليكم يا فارس بيه
فارس: بقولك اي يا عم ابراهيم
عم ابراهيم: اؤمر يا بيه
فارس: عندك ولاد غير ابنك سامح
عم ابراهيم: عندي بنت يا بيه
فارس: طب يا عم ابراهيم انا هتكفل بيهم وبتعليمهم وبكل حاجه يحتاجوها في اي وقت تعالي قولي ومتتكسفش انا ابنك التالت وخد دول كمان
عم ابراهيم: لا يبه مينفعش
فارس: متزعلنيش منك بقا انت مش عايز اكون ابنك ولا اي يعني
عم ابراهيم بدموع: ربنا يخليك يا ابني ويبارك فيك ويحفظك ويرزقك باللي تستاهلك يارب
فارس مسح دموع عم ابراهيم وابتسمله وقال
فارس: عايز حاجه يا راجل يا طيب
عم ابراهيم: عايز سلامتك يا بيه توصل بالسلامة
فارس: الله يسلمك
فارس ركب عربيته واتجه للمطار و.....