رواية انا وبنت خلتي
الفصل السابع7والاخير
بقلم وعد حامد
ورد سمعت صوت ارتطام جامد علي الارض طلعت بسرعه وفزع لقيت مامتها واقعه علي الارض ورد بفزع : ماما انت كويسه ماما ردي عليا ماما
ورد بعياط وانهيار طلعت علي اوضتها ومسكت التليفون بايد مرتعشه و كلمت الطوارئ : الو الحقوني ماما تعبانه
مش عارفه مالها العنوان مش فاكره اه اه ********* تعالوا بسرعه والنبي
وطلعت بسرعه علي مامتها وهي بتحاول تقيس نبضها وتفوقها بأي شكل بس مفيش فايده بعد عشر دقايق قضتهم ورد في محاوله آفاقه كوثر وصلت الاسعاف اللي خدت كوثر علطول وورد ركبت معاها وهي بتعيط وصلوا المستشفي ودخلت كوثر اوضه الكشف و ورد قاعده برا تعيط ومنهاره ومستغربه برغم كل اللي مامتها عملتوه فيها وزعلانه عليها وفضلت تقول في عقلها: معقول برغم كل اللي ماما عملتوا معايا وانا خايفه عليها دا هي عمرها
ما خافت عليَّا ومشوفتش منها غير كل آذيه طلع الدكتور من الاوضه ورد جريت عليه بلهفه: خير يا دكتور ماما مالها
الدكتور بجديه: ضغطها ارتفع ودا سبب لها إغماء ياريت تخلوا بالكوا منها عشان ده ميتكررش تاني
ورد براحه : الحمد لله
قالتها ودخلت لمامتها: ماما انت كويسه انا آسفه علي الكلام اللي قولته مكنش ينفع اكلمك بالطريقه دي
كوثر : انت فوقتيني من حاجه كنت واهمه نفسي بيها واهم حاجه انك تكوني مسماحني يا بنتي
ورد بحزن: مسمحاك يا ماما
(بعد خمس سنوات )
كنت واقفه قدام المرايا وانا مبتسمه انا بعد الموقف ده كملت تعليمي وبقيت الدكتوره ورد واتعرفت علي زميلي في الشغل و حبينا بعض واتجوزت وخلفت يوسف ويقين ومبسوطه بحياتي جدًا ومبسوطه اني مستلسمتش كان زمان دلوقتي حياتي تعيسه تعالوا اقولكوا بقي حصل ايه لبنت خالتي اتجوزت وسفرها بره وباع جهازها كله وباع دهبها وكل حاجه وبقي مدمن ومقدرتش تعيش معاه وطلبت منه الطلاق وهو طلقها بكل سهوله ورجعت بيت مامتها ومعها بنتين و اتعرفت بعد كده علي شاب وحبته اوي وهو كان بيستغلها بدأ يشربها مخدرات ويدخلها في سكه الادمان وهي مكنتش معترضه وكانت حابه ده وكانت بتعملوه كل اللي هو عاوزه لحد ما بقت حامل ولما مامتها عرفت هربت من البيت مع عشيقها وماتت من المخدرات والادمان زعلت
اوي لما عرفت وفنفس الوقت زعلت انها عملت كده في نفسها وبالنسبه لاحمد واهم حسنات فعرفت انها فضلت تدور علي عرسان لابنها وتتشرط عشان الخلفه واكتشفت ان العيب منه هو ومراته سبته لما عرفت ومعدش حد قابل بيه ومامته نفسيتها اتدمرت لما عرفت الخبر ومستحملتش وماتت علي
طول بالنسبه لماما وبابا فبابا لسه زي ماهو مدمن وبينام ومش حاسس بحاجه في الدنيا وماما بعد ما طلعت من المستشفي وبقت بتعاملني كويس جدا ومعايا في اي حاجه اعملها ومعدتش بتجيب سيره بنت خالتي او الجواز ده لكن بصراحه انا مش
عارفه اسامح اي حد فيهم لانهم مأذونيش شهر ولا اتنين آذوني سنين وكونوا ليا عقد مش قادره اتخطاها لحد دلوقتي بس امي انا بعاملها كويس لانها امي
ودا حقها عليا بس من جوايا مش مسامحها وحابه اقولكوا في النهايه ان عوض ربنا دا جميل اوي عمري ما كنت اتخيل ان ربنا هيعوضني كده وحابه ا
قولكوا ان لا يمهل ولا يهمل وقدر يجيب ليا حقي من اي حد ظلمني وحابه اقولكوا انتوا كمان متيأسوش من رحمه الله ربنا قادر يبدل احوالكوا من حال الي حال ومتستنوش حد يخرب حياتكوا لانكوا هترجعوا
ومتركزوش مع كلام حد لو انتوا مقتنعين باللي انتوا بتعملوه ومبتغضبوش ربنا خليكوا مكملين وشكرًا
ستجد.كل.ما هوا جديد.حصري ورومانسى.وشيق.فقط ابحث من جوجل.باسم. الروايه علي مدوانة. كرنفال الروايات.وايضاء.اشتركو على