الفصل الثالث3
بقلم منه محمد
وبالليل ف البيت
رحمه : ماما حبيبتى
الام : قصرى عايزه ايه ؟
رحمه : عايزه عربيه
الام: نعم ياروح امك
رحمه : ايه يا ماما الالفاظ البيئه
الام : بى ايه بييييئه الله يرحم لا هو انت يابت كنتى مولوده ف شرم !!
رحمه : خلاص ياماما ، المهم انا عايزه عربيه بقى
الام : ايوه يعنى هو انت شيفانى ماسكه اجنص وحايشه عنك العربيات
رحمه : لا ياماما مش اصدقى حاجه اصدقى كلمى بابا يجيبلى العربيه
الام : وانت متجبيش ليه بفلوسك ؟
رحمه : يا ماما ما انت عارفه انت مرتبى مبيكملش يومين
الام : طبعا ما انت بتصرفيه ع المكياج بتاعك
رحمه : يا ماما بقى
الام : امشى يا بت من هنا
رحمه : يووووه بقى يا ماما
وبعده بتمشى وبتروح اوضتها
__________________________________________________
وف الاوضه بتكون "رباب " قاعده بتذاكر ماده العربى وهى وبتحل الاسئله بيقف معاها سؤال من الاسئله ف بتبعت لمستر حازم ع الوتس
وبتدخل عليها اختها فجأه ف بتخاف وبتقفل التلفون
رحمه : اقفشتك مش بتذاكرى، بتكلمى مييين ؟
رباب : ايييه لا لا مفيش
بتسحب" رحمه" الموبايل منها وبتلاقيها باعته للمستر سؤال
رحمه : ايدا حتى وانت فاتح وتس بتسألى ف المنهج يخربيت الدح
رباب : خلصتى هاتى بقى التلفون وبتسحبه منها ، جايه ليه ؟
رحمه : جايه اقعد الله
رباب : ما انت عارفه ان انا بذاكر هنا
رحمه : يعنى املك ايه ، ما هى اوضه واحده بتاعتنا احنا الاتنين اروح فين ها ؟
رباب : متعقدى ذاكرى انت مش امتحانتك قربت بردو
رحمه : امتحانات ايه ؟
رباب : امتحانات الميد ترم يا رحمه انت مش بقالك شهر بتصيحى من ساعه م نزل الجدول
رحمه بصدمه وهى بتحط ايدها على راسها 🤦🏻♀️ : اااااااه الامتحانات ان كنت نسيتها
رباب : نستنى ايه ؟ ، يا شيخه ده مبتنسيش تهتمى بضوافرك ازاى نسيتى حاجه مهمه زى كده ازاى ؟
رحمه : خلاص بقى ادينى افتكرت
وبتمشى "رحمه" وبتكلم "جنى"
رحمه : جنى الميد ترم فاضل عليه اسبوعين ها نعمل ايه ؟؟ (والله احنا كنا بنلم الماده قبليها بيوم 😅)
جنى : اه صح احنا ازاى نسينا الموضوع ده (الصنف ايه ؟؟)
جنى : ايه نذاكر؟
رحمه : نذاكر يعنى ايه نذاكر لا طبعا ده انا مذاكرتش ف الثانويه العامه اذاكر دلوقتى
جنى : اومال هتعمل ايه ؟؟
رحمه : هنظبط حد من اللى معانا ف اللجنه يظبطنا
جنى : نظبط مين انت هتستهبلى هو احنا لجنا عمرنا جالنا فيها حد عدل
رحمه : صح عندك حق طب هانعمل ايه ؟
جنى : احنا لازم نذاكر
رحمه : يعنى مفيش حل غير كده
جنى بترقيه : لا مفيش
رحمه : هيييح طيب
________________________________________________________
تانى يوم و "رحمه" ماشيه ف ساحه الكليه لوحدها بتلاقى زمليها ف الكليه "مروان"
رحمه : مروان
مروان : ايوه
رحمه : مروان ازيك عامل ايه ؟
مروان باستغراب : كويس الحمد لله
رحمه : فى ايه مالك ؟
مروان : لا اصل مش عادتك انك تيجى تسلمى عليا
رحمه بضحك مصطنع : لا طبعا انت بقول انا بس عشان مبجيش الكليه كتير
مروان : طيب ، انا ماشى سلام
بتمسك" رحمه " " مروان "من دراعه بسرعه قبل اما يشمى
رحمه : استنى انت رايح فين ؟
مروان برعب : هو فى ايه ؟
"رحمه" بعد ما بتاخد بالها هى عملت ايه بتسيب ايده
رحمه : هههههه سورى مكنش اصدقى ، بصراحه يا مروان كنت عايزه اطلب منك حاجه
مروان : اطبلى
رحمه : كنت عايزه اشكتش المحاضرات بتاعك
مروان : بس كده يا سلام ده غالى والطلب رخيص ، ثانيه واحده بس اروح اجيبه من الشنطه
بيروح "مروان" عشان يجيب الاسكتش ، وبتبتسم "رحمه" ابتسامه انتصار وبتسمع صوت حد من وراها
جنى : انت هنا انا بدور عليكى من الصبح
رحمه : اه سورى يا جنى نسيتك
جنى : نستينى هو كتاب عشان تنسيه ياهانم ، وبعدين كنت واقفه بتتكلمى مع مروان ليه ؟
رحمه : لا مفيش حاجه كنت عايزه الاسكتش بتاعه بس
جنى باستغراب وهى بترفع حاجبها وحاطه ايدها ف وسطها : الاسكتش !! يعنى عايزه تقوليلى انك واقفه كل ده مع مروان عشان اسكتش بس كده !!
رحمه : اه
جنى : اه !! ماشى ياصحبتى
ولسه بيلفوا ضهرهم عشان يمشوا بيسمعوا صوت" مروان " وهو بينادى عليهم وجاى جرى عشان يلحقهم
مروان : رحماااااه استنى
بيقفوا البنات عشان يشفوه
مروان هو بينهج : الاسكتش اهو اتفضلى
رحمه : ثانكيو ميرو
جنى ومروان بصوت واحد : ميرو !!
رحمه : اه ميرو دلع اسمع مروان ايه مش عاجبك
مروان وهو بيلعب ف شعره : لا لا طبعا عاجبنى ازاى مش عاجبنى يعنى
رحمه بضحك : اوكيه باى ميرو
وبعدها بيمشوا
مروان بفرح : ياسلاااااااام والله وقعت البت يا بن اللذينه
*****************************************************************
استووووووب :-
مروان : هو زميل رحمه ف الكليه و من اشطر الولاد اللى ف دفعتها و هو شاب حليوه كده وزى الفل بس لاسف مفيش بنت معبرها لان كلهم مركزين مع كريم
(هى كده البنات يسيبوا الشباب المحترم ويرحوا للباد بيوز 😒😅)
بيحب يلفت نظر البنات ومع ذلك بيفشل بردو
نرجسى وبيحب نفسه اوى وشايف ان مفيش منه
*********************************************************************
نكمل :-
جنى : هو ايه الحكايه ميرو وعايزه منه الاسكتش هو فيه ايه بالظبط؟
رحمه : الامتحانات قربت وانت عارفه مروان من اشطر الولاد اللى عندنا ف الدفعه ، فاااااا قولت اجر معاها ناعم ، انت عارفه مروان هايموت وبنت تعرفه
جنى : يابنت الذينه ، طب مقولتليش ليه انك هتعملى كده
رحمه : عشان يبان الموضوع طبيعى ف الاول
جنى : طب وهتعملى ايه بعد ؟
رحمه : الاسكتش بتاعه معايا وهبدا اعمل الاسكتش ده مسمار حجا عشان اقدر اقابله بيه
جنى : يابنت الايييه ده انت دماغ
رحمه : عيب عليكى يابنتى احنا هنجيب الميد ترم ده ف شوال
جنى : ربنا يستر
_______________________________________________________________
وفى مكان اخر
بعد ما بيخلصوا البنات درسهم واثناء ما هما طالعين
مستر علاء : رباب
رباب : ايوه يا مستر
مستر علاء : مالك كنت حاسك سرحانه ومش مركزه ف الحصه انهارده
رباب : لامفيش كنت مطبقه امبارح بس
مستر علاء : ليه كان فيه مشاكل عندكو ف البيت ، اختك كويسه
رباب : لا لا لا مفيش حاجه انا بس كنت مطبقه ع المذاكره كان عندى حاجات كتير كنت عايزه اخصلها
مستر علاء بغضب : تانى يا رباب مش قولنا قبل كده بلاش سهر ، السهر مش حلو حتى لو سهرانه على مذاكره
رباب : غصب عنى والله يا مستر كان عندى حاجات كتير اوى كنت عايزه اخلصها
مستر علاء : حاولى تعملى جدول تنظمى بيه وقتك عشان مفيش حاجه تتراكم عليكى ، وبلاش سهر تانى حتى لو على هتسهرى على مذاكره ماشى
رباب : حاضر يا مستر
وبعدها بتمشى هى و صاحبتها
ريتاج بضجر : ايه كل ده كان بيقولك ايه؟
رباب : مفيش كان ملاحظ ان شكلى كانت تعبان ف سألنى مالى قولتله انى كنت سرهانه ، ف قالى متسهريش تانى
ريتاج بعصبيه : ايه الحشيره دى وهو ماله اصلا
رباب : مالك يا ريتاج ف ايه وبعدين هو سألنى انا انت مضايقه ليه؟
ريتاج : بصراحه بقى يا رباب انا بحس المستر ده حشرى اوى وبيدخل ف حجات ملهوش دعوه بيها
رباب : لا عادى مدخلش ولا حاجه ده كان بس بينصحنى عادى، هو انت ليه مش طايقه يا ريتاج
ريتاج : مش عارفه مبحبوش بحسه متصنع كده ان طيب و بيدى نصايح للبنات على اساس انه قريب منهم وهو ف الحقيقه حشرى وبيتحشر ف حاجات هو ملهوش فيها
رباب : يا سلاااااام كل ده شوفتيه ، ياريتاج متكبريش الموضوع مش معنى انك مش طايقه يبقى تقولى عليه كده
ريتاج بعصبيه : انت اصدقك يعنى ان انا بتبلى عليه ، لا بقى هو كده فعلا وبعدين انت بدافعى عنه ليه ؟
رباب : ما عشان هو كان مدرس اختى وعارفه بلاويها كويس، وبعدين هو اللى ساعدنا ف اخر مصيبه عملتها رحمه وكانت هتتقفش
مبتقتنعش "ريتاج" بكلام "رباب" لكنها بتسكت وبتعدى اليوم
________________________________________________________________________
ف اليوم التانى بتصحى "رحمه " على صوت الجرس
رحمه بتتاوب : اااااه ايوه حاضر مين
وبتفتح من غير ماتعرف مين اللى بره بردو 😂 (شعب ال IQ عنده عالى 😂)
الراجل : حضرتك استاذ رحمه صالح
رحمه : ايوه ، مين حضرتك؟