رواية شقيقتان ولكن مختلفتان
الفصل الرابع4
بقلم منه محمد
رحمه : ايوه ، مين حضرتك
المندوب : انا مندوب من شركه ...... ممكن حضرتك تمضى على انك استلمتى العربيه
(مش بنقول اسم الشركه عشان حقوق الملكيه 😂)
رحمه بصدمه : ايه عربيه !!
المندوب : ايوه يا فندم حضرتك اللى اشترى العربيه الاستاذ
صالح الدسوقى وطلب اننا تتكتب باسم رحمه صالح
رحمه : اه اه ده بابا تمام فهمت
وبتمضى" رحمه "على إيصال الاستلام وبتاخد مفاتيح العربيه بعدها بتفضل تتنطط وتصوت ف الشقه شبه الهبله
بتصحى امها واختها على صوت سريخه
الام : مالك يا بت المجنونه ف ايه ؟
رحمه : بابا جابلى العربيه
رباب : عربيه عربيه ايه ؟
رحمه : اصل انا كلمت بابا على موضوع العربيه دى الحمد لله متأخرش وجابها
الام : يعنى كلمتيه ما كنت هاكلمه انا
رحمه : مش مهم بقى ، انا هنزل اشوف العربيه
رباب : انت هتنزلى بالمنظر ده
وبتكون "رحمه" لابسه بيجامه النوم وعمالها شعرها حكحه وشكلها رايح ف داهيه عشان كانت لسه صاحيه من النوم ووشها معمصم وحالتها حاله
رحمه : هههه ايه سورى انا هاروح اغير هدومى ، وانت كمان ابت ارباب البسى يلا عشان اوديكى الدرس بالعربيه الجديده
بتتتحمس " رباب" هى كمان
رباب : حمامه
وبتجرى ع الاوضه عشان تلبس
الام وهى بتضرب كف على كف : لاحول ولا قوه الا بالله العيال اتجننت
بيرحوا البنات بعربيه "رحمه" عشان توصلهم الدرس
رباب : يا بت ايه يارحمه اقنعتى بابا يجبهالك ازاى ؟
رحمه بكبرياء : عيب عليكى يابنتى ، كلمت بابا واقنعته بطريقتى
............................................................................................
فلاش بالك:-
دخلت" رحمه" اوضتها بعد كلمت مامتها ف موضوع العربيه ومسكت تلفونها تقلب فيه عادى بعدين جالتها فكره
رحمه : الو ازيك يا بابا عامل ايه وحشتنى اوى اوى اوى
الاب : هههههه وانت كمان يارحمه وحشتنى اوى ، ايه بابت بقالك فتره مش بتسألى عليا ليه ؟
رحمه بكدب : غصب عنى يا بابا الكليه واخده كل وقتى
الاب : الكليه بردو (يخربيت يارحمه سمعتك زى الزفت مع كله 🤦🏻♀️😅)
رحمه : يا بابا
الاب بضحك : خلاص خلاص ، المهم عامله انت وامك واختك كويسين
رحمه : كويسين الحمد لله ، هما مش بيكلموك ولا ايه ؟
الاب : لا طبعا بيكلمونى هما زيك
رحمه بهزار : وبعديييين بقى
الاب : خلاص بقى يارحمه بهزر معاكى ده انت قفوشه اوى ، المهم عامله انت ف الكليه
رحمه : الحمد لله تمام
الاب : واختك عامله ف السنه بتاعتها دى بتذاكر كويس
رحمه : انا بتذاكر هى تقدر ماتذاكرش ده انا مراقبها
الاب : والله
رحمه : اه طبعا دى اختى الصغيره ولازم اخلى بالى منها
الاب : ربنا يخليكوا لبعض يارب
رحمه : يارب ، بابا كنت عايزه اطلب منك طلب
الاب : ايه يارحمه عايزه ايه ؟
رحمه : كنت عايزه عربيه
الاب بصدمه : اييييه !!
رحمه : ايه يا بابا ف ايه انت كويس
الاب : كويس اه ، وعايزه عربيه ليه يا رحمه ؟
رحمه : بصراحه كده يابابا انا محتجاها اوى عشان اروح الجامعه واختى تروح الدروس
الاب : يا سلام ما انت على طول بتروحى مشواريك بالمواصلات ايه اللى جد يعنى
؟
رحمه : يا بابا انت مش فاهم زمان كنت حضرتك كنت موجود وكنت بتوصلى لما كنت بتأخر لكن دلوقتى حضرتك مش موجود ربنا يرجعك لينا بالسلامه يارب ف رباب بترجع متأخر من دروسها انت عارف بقى انها تالته ثانوى ومحتاجه حد يصولها
الاب : ما هى صاحبتها بتروح معاها وبعدين رباب مشتكتش
رحمه : يا بابا منا انت عارف رباب على طول ساكته وبعدين صاحبتها بنت شبها وبصراحه بقى انا بقيت بخاف من حوار المواصلات ده بقى فيه خطف وسرقه وتحرش ساعات انت متخليل يابابا
الاب : ياااه كل ده حصل
رحمه : اه والله يابابا
الاب : ماشى يارحمه هابقى اشوف الموضوع ده
رحمه : حبيبى يا بابا ربنا يخليك لينا يا احلى بابا ف الدنيا
الاب بسخريه : دلوقتى بقيت احلى بابا ف الدنيا
رحمه بضحك : لا طبعا يا بابا طول عمرك احلى بابا ف الدنيا
الاب : ماشى يارحمه سلام
رحمه : سلام يا حبيبى
بعد ما تقفل رحمه التلفون بتقول بحماس : يس يس يس
.............................................................................................
نكمل :-
رباب : يابنت الايه ده انت طلعتى عيله سوسه يخربيت خوبثك يا شيخه
رحمه : مش مهم المهم ان انا جيبت العربيه اخيرا
وبيوصلوا ع السنتر اخير
وهما طالعين من العربيه
رحمه : خلى بالك من نفسك ها ولو احتاجتى حاجه كلمنى ماشى
رباب بترقيه : انت مالك انت بقى خلاص جيبتى العربيه بقى والدنيا زى الفل
بتخمس رحمه ف وش رباب : الله اكبر الله اكبر ايه هتحسدينى
رباب بضحك : لا ياعم مش هاحسدك
رحمه : ما تيجى ادخل معاكى السنتر
رباب : ليه ؟
رحمه : مفيش عايزه اوصلك عادى واسلم على كام من اللى كنت باخد معاهم
رباب : اوكيه ، يلا بينا
بيدخلوا البنات وبتكون عندهم حصه تاريخ
واثناء ماهما ماشيين
مستر علاء : رباااب
بيبصوا البنات بيلاقوا " مستر علاء "
ريتاج ف سرها : اخييييه بقى عايزه ايه ده دلوقتى هو مش حصته كانت امبارح
رباب : مش عارفه ، انا رايحه اشوفه عايز ايه ؟
بيرحوا "رباب" و"ريتاج" يشوفوا المستر ، فنفس الوقت بتكون "رحمه " بتلف زى الهلبه ف الستنر (اسفه ملقتيش وصف احسن من كده 😅) وبستعيد ذكرياتها هناك بتشوف من بعيد "مستر علاء "
رحمه بصدمه : يالهوى ده مستر علاء بيعمل ايه هنا ده ورباب واقفه معاها ليه ؟
بتلبس "رحمه" الكمامه عشان تدارى وشها وبستنى لما يمشى من عندهم وبعدين بتروحلهم
ريتاج : ايييف انا بكره الكائن ده
رباب : وطى صووووتك انت عايزه يسمعك
ريتاج : ما يسمع هو ماله انت ذاكرتى ولا مذاكرتيش
رباب : فى يا ريتاج مالك بيسأل عادى الله
ريتاج : لا بقى مش بيسأل عادى ده عامل نفسه واحد من العيله
رباب : خلاص ياريتاج
رحمه : رباب
رباب : ف ايه يارحمه ومالك لابسه الكمامت ليه مش عوايدك تلبسيها !!
رحمه : مش مهم دلوقتى ، مستر علاء عايز منك ايه ؟
بتحكيلها "رباب" ع الحوار اللى دار بينها هى و "مستر علاء"
رحمه : هو انت بتاخدى عنده ؟؟ (بيتكون رحمه متعرفش فعلا لانها متعرفش مين المدرسين اللى بتاخد معاهم اختها )
رباب : اه طبعا ما هو كان بيدكى زمان وبعدين شرحه حلو ايه المشكله ؟
رحمه : المشكله انه
وقبل ما بتكلم كلامه بينادى الراجل اللى شغال ف السنتر : يلا تالته ثانوى اللى عنده تاريخ يتفضل قاعه رقم ٥
رباب : انا لازم امشى دلوقتى سلام
رحمه : سلام بس لما تلخصى كلمينى
رباب : حاضر
رحمه بنبره قلق ف صوتها : ريتاج خلى بالك منها
ريتاج باستغراب : حاضر
رباب : فى ايه يارحمه ؟
رحمه : مفيش حاجه مفيش حاجه، انا طالعه ع الكليه سلام
واثناء ما "رحمه" طالعه بتخبط ف حد
مستر علاء : مش تحاسبى يا انسه
بتبص "رحمه "بتلاقيه" مستر علاء " وبتبقى خايفه تتكلم عشان ميعرفش صوتها فقامت عاطسه ف وشه وطلعت تجرى
مستر علاء بعصبيه : ايه ده ايه القرف ده
رحمه وهى طالعه جرى من السنتر وبتنهج : هييييه الحمد للله هربيت منه
بعدين بتكلم "جنى " صاحبتها ف التلفون
رحمه : الحلقنى يا جنى رباب طلعت بتاخد مستر علاء
جنى بصدمه : ايييه ؟؟
بعدها بيرحوا كافيه وبتحكى "رحمه" ل"جنى" على كل اللى حصل معاها
جنى : ازاى ده وانت ازاى تسيبها تاخد معاه
رحمه : مكنتش اعرف ، انا اصلا معرفش مين اللى المدرسين اللى بتاخد معاهم
جنى : طب و هانعمل ايه دلوقتى ؟
رحمه : مش عارفه مش عارفه ، انا خايفه اوى
جنى : اهدى اكيد هنلاقى حل ، هو عندها دلوقتى ؟
رحمه : لا مكنش عندها ، لكن انا شوفت صاحبتها وهى بتقولها انها اتخنقت منه وانه كل ما بيشوف رباب بيعقد يتكلم معها
جنى : مصيبه هو يعرف انها اختك
رحمه : مش عارفه
جنى : طب هاتعملى ايه دلوقتى ؟
رحمه : اول ما ترجع هأسلها بس هاحاول م اعرفهاش حاجه دلوقتى
جنى : ليه ؟
رحمه : مش لازم تعرف حاجه دلوقتى
وبعدها بيرحوا ع الكليه واثناء ما هما ف العربيه
جنى : هو انا عارفه انه وقت مش مناسب خالص بس مبروك ع العربيه الجديده
رحمه : الله يبارك فيكى يارب
جنى : بس يا بت الذينه جيبتها ازاى؟
رحمه : اقنعت بابا ، وبتحكيلها اللى حصل
جنى : ده انت ماغ
بعدها بيوصلوا الكليه وهما نازلين
جنى : هتعملى ايه ف موضوع اختك ده دلوقتى ؟
رحمه : زى ما قولتلك ها حاول اقررها من غير ما احسسها بالحاجه وبعدها ابقى اشوف ها عمل ايه
واثناء ما هما بيتكلموا بيجى "مروان"
مروان : هاى يابنات ازيكوا عاملين ؟
رحمه بمثيل : ميييرو عامل ايه؟
مروان باستغراب : الحمد لله وبسأل جنى فسره : مالها
بتعمل "جنى" حركها بوشها وجسمه انها مش عارفه (اللى هى دى 🤷🏻♀️)
رحمه : انا عارفه انت عايز ايه ؟
مروان : انا عايز حاجه ؟؟
رحمه : ايوه عايز الاسكتش بتاعك
مروان : بس انا مكنتش محتاجه دلوقتى خلى معاكى عادى
رحمه : لا انا مصره بقى ارجعهولك
مروان : طيب !!
رحمه : بقولك ايه ياجنى متروحى جيبلى حاجه اشربها
جنى : ليه ؟؟
رحمه ف سرها : امشى انت دلوقتى وانا هافهمك كل حاجه بعدين
جنى : اااااه اوكيه، وبتكمل كلامها وهى بتعلى صوتها : طيب انا هاروح اجيبلك انا بقى الحاجه اللى انت عايزها بس ممكن اتأخر بقى ماشى
رحمه : براحتك خالص
وبعدها بتمشى" جنى "
رحمه وهى بتبص ل مروان بنظره كلها حنيه عشان تلفت نظره : مرواااان ( بتتكلم بسهوكه)
مروان : اممممم نعم !!
رحمه بسهوكه : وانا بنقل المحاضرات من الاسكتش بتاعك فى كام حاجه مفهمتهومش كويس ممكن تشرحهوملى
مروان : طبعا طبعا تحبى تقعدى فين ؟؟
رحمه : عايز اقعد ف حته تكون هاديه عشان اقدر اركز ف الشرح
مروان : تمام
وبيرحوا يقعدوا ف المكتبه ، بيفضل "مروان" بيشرح ل "رحمه" الحاجات اللى قالتلو انها مش فاهمه