رواية خادمة قلبي الجزء الثاني2الفصل السابع عشر17بقلم زهرة عصام

منه :- استهدي بالله بس يا منال و متقلقيش ، دي ملك برضوا و تقريباً مالك هيروح وراها على الحضانة

منال :- قلبي مقبوض والله يا منه أنا مش عارفه أول مرة أقلق على ملك كدا 

منه :- اهدي يا ماما ملك أكيد هتعرف تتصرف ، و شوية و جايين

منال هزت رأسها بايجاب و قالت:- 

أكيد خير أنا هقوم أصلي و ادعيلهم ربنا ييسر طريقهم و يهدي قلبي و يجيب العواقب سليمة 

منه :- أيوة دا أسلم حل تعملي و أنا هدعيلهم أنا كمان 

❈-❈-❈

ملك قالت بقهر :- 

طلقني يا مالك 

مالك يصلها بصدمة و قال:- 

إنتي بتقولي إيه ؟ يظهر إني دلعتك زيادة عن اللزوم ، من أول ما دخلتي حياتي وأنا مش عاوز أوريكي وشي التاني ، لكن لحد كدا و كفاية أوي

ملوك هزت رأسها بعنف و حطت ايديها على ودنها و بقت تصرخ

ملك بصت ليها و نزلت لمستواها و حضنتها و هي بتحاول تهديها

ملك شالت ملوك اللي مش مبطلة عياط و حاضنة ملك و جت تمشي راح مالك شاددها من اديها و هو بيقول:- 

راحة فين ؟ أنا لسة مخلصتش كلامي

ملك بصت ليه بحدة و قالت:- 

أنا بقي خلصت كلامي يا مالك ، و خلصت حيتنا مع بعض و لو فاكر إني ممكن أتراجع تبقي بتحلم 

مالك شدها من دراعها و ملوك بتعيط و ملك بتحاول تحتويها بس مش عارفه

مالك اخدهم على العربية و قال قبل ما يقفل الباب اللي خلي ملك تنكسر و تكسر اي أمل للرجوع من تاني :- 

هنشوف كلام مين اللي هيمشي يا ست ملك ، كان لازم أعرف إن دا كله هيحصل ، هستني اية من واحدة ترقية حواري و كانت بتشتغل خدامة عندي لازم يبقي دا أسلوبها

ملك بصت قدامها و حضنت ملوك جامد و هي بتقول في ودن ملوك :- 

هششش بس يا نور عيني متعيطيش ، أنا آسفة يا ملوك أنا اللي حطيتك في الموقف دا ، بس أوعدك كل حاجه هتنحل ، و هخليكي تعيشي مبسوطة طول عمرك ، بس يا حبيبتي

ملوك حاضنة ملك و مش راضية تسيبها و مالك ركب العربية و مشي قبل ما يبص عليهم حتي 

ملك طول الطريق حاضنة ملوك و ساكتة بس جوها صراع داير و أولهم سؤال :- 

يا تري أنا إخترت غلط ؟ و دي كلها لعبة

مالك بيعيرني أنا ؟ قولتلك قبل كدا متكسرش ثقتي فيك عشان مش هترجع تاني ، مش مسمحاك يا مالك 

مالك وصل البيت و نزل من العربية ، فتح الباب من ناحية ملك و شدها من  ايديها خرجها من العربية و دخل الفيلا

ملك شايلة ملوك و ماشية وراها بسرعة و كانت هتقع بيها كام مره بس لحقت نفسها

مالك فتح الباب و دخل لحد الصالون زق ملك على الكنبة وقعها عليها

رجل ملوك جت في بطنها فصرخت بألم و هي بتبص ليه بتبريقة و عيونها ملت دموع بس مش راضية تنزل 

منال أول ما سمعت الباب بيفتح جريب تشوفهم و شافت اللي عمله مالك

منال جريب عليهم و هي بتزعق و بتقول:- 

مالك إنت إتحننت ؟ 

مالك بص عليها بجمود و قال:- 

مش أنا اللي اتجننت يظهر إن بنتك اللي متربتش و لازم تتربي من جديد

منال وقفت قدامة و ضر.بته بالقلم و قالت:- 

إخرس أنا بنتي متربية أحسن تربية ، يظهر إن إنت اللي إتجننت و محتاج ترجع لعقلك من تاني 

وليد سمع الصوت العالي جه جري و وقف مش فاهم حاجة

منه كانت على السرير قامت براحة و خرجت بره تتسند على الحيطة و بقت واقفة بعيد عنهم 

مالك بص لـ منال و قال:- 

لولا إنك ست كبيرة كنت دفعتك حق القلم دا ، و بص لـ ملك و قال:- 

و انتي متخرجيش من اوضتك مفهوم لا انتي ولا بنتك 

ملوك جالها حالة هياج عصبي و بقت تصرخ و تعيط و محدش عارف يسيطر عليها

وليد جري بعد مالك من قدمها و قعد قدمها و قال :- 

اهدي يا بنتي اهدي يا حبيبتي

منال بقت باصة لـ مالك بصدمة من كلامة و تغيره المفاجئ و قالت:- 

و اية كمان يا مالك سمعني

مالك :- و تتفضلي من هنا مش عايزينك بينا استكفينا من طريقتك على كدا 

ملك برقت و وقفت بألم و هي بتقول :- 

مالك إنت بتقول إيه ؟ 

مالك برق ليها جامد و حط صابعة في وسطها و هو بيقول أنا مش عاوز أسمعلك صوت إنت فاهمة ؟ 

ملك :- لا مش فاهمه هتعمل ايه يعني أكتر من اللي عملته ؟ 

وليد وقف و زعق ليهم و قال:- 

اسكتوا بقي على الأقل عشان البت الصغيرة دي 

مالك :- و هو حد جايبها ورا غيرهم 

وليد :- إسكت يا مالك و حضن ملوك اللي بقت تزق فيه و تمسك في ملك و تشد فيها ناحية الباب من غير كلام

مالك شافها كدا زعقلها و قال:- 

إقعدي ساكتة مش عاوزه أسمع صوتك ، أنا هربيكم من أول و جديد عشان اسلوبكم الز.بالة دا

ملوك خافت منه و اتخبت ورا ملك و ملك بصاله بزهول من كلامه

وليد بص على ملوك و خايف عليها لأنها بتكتم عياطها لجوة

جري بسرعة على الفون و طلب حازم 

❈-❈-❈

أعمل فيكي اية ؟ أعمل فيكي اية ؟ 

رهف ردت عليه بسرعة من غير تفكير:- 

حبني 

حازم برق و بصلها و هو بيقول:- 

اية ؟ 

رهف :- زي أختك حبني زي أختك يا حازم و بطل تمرمط في اللي جا.بوني كدا 

حازم :- بقي أنا ممرمطك ؟ طب يا رهف أنا هوريكي ملحقش يكمل كلامك و لقي وليد بيتصل بيه 

حازم رد عليه وقبل ما يتكلم سمع وليد بيزعق و بيقول:- 

في ظرف خمس دقائق تكون قدامي يا حازم البيت بيولع و أخوك بيته هيتخرب

حازم بص في التليفون و الضيق بان عليه أخد مفاتيح العربية و لسة هيخرج رهف قالت:- 

في حاجة وإلا اية 

حازم كان هيمشي بس رهف وقفت قدامه و قالت:- 

ممكن اجي معاك و مش هتكلم تقريباً في مشكلة عندكم

حازم هز رأسه بدون كلام و رهف راحت معاه 

بقي سايق العربية بسرعة و رهف ماسكة في الكرسي و بتتشاهد 

حازم أخيرا وصل و نزل جري من العربية و رهف نازلة دايخة وراه

حازم دخل لقي الوضع ميستحملش و شاف ملوك مستخبية ورا ملك جري عليها و رهف بقت واقفة مش فاهمة حاجة

حازم نزل لمستوي ملوك و حضنها جامد و قال:- 

ششش اهدي

ملوك شاورت على الباب و مش بتتكلم

حازم لاحظ كدا بس ظن إنها خايفة من مالك

بص ليهم لقي منال بتقول بصدمة:- 

إنت مديت إيدك عليها يا مالك ؟ 

مالك :- و اكسر رقبتها كمان 

منال :- لا بقي دا إنت زوتها أوي ، لحد كدا و كفاية أوي ارمي عليها اليمين 

مالك :- مش هطلقها و الي عندكم اعملوه

منال :- روحي لمي هدومك مش هتقعدي في بيت مش مكبرينك فيه 

ملك لسة هتتحرك مالك مسكها و زقها على الكنبة و قال:- 

قولت مش هتتحرك من هنا 

ملوك بصت عليها و مسكت في حازم و مبرقة

حازم بصلها و قال:-

 متخافيش يا ملوك محدش هيعملك حاجة بصيلي كدا و ردي عليا مش انتي بتحبي حازم 

ملوك هزت رأسها و متكلمتش

حازم :- ملوك ردي عليا إنتي خايفة 

ملوك عيطت و شاورت على بوقها و بقت تفتح بوقها و تقفلة و مش عارفه تتكلم

حازم دموعة نزلت و رهف إتصدمت من اللي بيحصل بصت على ملك و صوتت

الكل بص عليها و لقوها بتشاور على ملك اللي الد.م مالي هدومها

ملك بصت على هدومها و على ملوك و صرخت و قالت:- 

ولاااادي

مالك بص ليهم و برق على الد.م اللي على هدوم ملك جاي يقرب منها 

منال وقفت قدامة و قالت:- 

إبعد عنها إنت السبب في دا كله مسكت إيد ملوك و طلبت من حازم يوصلهم المستشفى

حازم بص لـ مالك اللي واقف مصدوم و جري على ملك شالها و جري بيها على العربية

منال أخدت ملوك و مشيت شافت منه واقفة تعيط من بعيد قالت ليها بصوت واطي:- 

أمي هدومك و هدوم أختك و بنت أختك و إبنك و تروحي على بيتنا معتش لينا مكان هنا 

منه هزت رأسها بايجاب و لفت تروح اوضيتها

وليد جري ورا ملك و منال شالت ملوك اللي بتنام من كتر العياط

حازم دخل ملك العربية من ورا و منال قعدت جنبها من ناحية و رهف جت تركب منال برقت ليها و قالت:- 

ساعدي منه في اللي قولت ليها عليه إخلصي نص ساعة و تكونوا خاصتوا

رهف:- بس يا خالتي

منال بحزم :- 

مبسش إخلصي زي ما قولت ليكي ، و مش عاوزة أسمع كلمة تانية ، نص ساعة و تكونوا هناك 

رهف قفلت باب العربية و وليد ركب جمب حازم و جريوا على المستشفى

مالك بقي واقف تايه لقي رهف قدامة بتقول:- 

أنا معرفش اية اللى حصل يا مالك بس اللي أنا متأكدة منه إن ملك مش غلطانه تعرف لية ؟ 

مالك بص ليها و رهف كملت :- 

عشان ملك بتعدي كتير أوي يا مالك ، بس اللي يجي على اللي يخصها تأكله بسنا.نها ، خالتي ربتنا إننا ناخد حقنا بإدينا عارف لية ؟ 

عشان من غير راجل يا مالك فكان لازم نبقي رجالة لنفسنا

أينعم ممكن تلاقي طريقتنا أوفر شوية بس دا لأننا كنا مطمع لناس كتير من بعد موت أبويا و أبوا ملك و منه 

منال و عيالها أطيب خلق الله لكن  الحياة جبرتهم يكونوا كدا ، في مجتمع بيدين الست في كل حاجة و مش بيجيب الغلط 

على راجل فكان لازم نبقي رجالة أو معني أصح نكون جامدين نا.كل اللي قدمنا قبل ما إللي قدمنا يا.كلنا 

زي ما انت عارف إننا عايشين في حارة ، بالك انت لو مكناش كدا واحد زي إبن إعتماد يتبلي عليا سمعتي هتبقي اية ؟ 

لكن تربية منال لينا علمتنا انتا تاخد حقنا و بزياده كمان عشان مش تجبر اللي قدامك يحترمك ، لا هو كدا كدا هيحترمك غصب 

عن اللي جا.بوة  بس لما يخاف منك ، لما يخاف منك هيعملك ألف حساب

يمكن طريقه تفكيرنا غلط و واخدينها فرد دراعات لكن بالنسبة لينا دا الصح

الصح إننا ناخد حقنا بإدينا ، الصح إننا منسمعش لأي حد يقلل مننا ولا حتى اللي بنحبهم

المثل بيقولك ظل راجل و لا ظل حيطة ، و إحنا للأسف ربنا مأردش يكون عندنا راجل فكُنا إحنا الرجالة

راجع نفسك يا مالك عشان المرة دي مش بس ملك اللي مش هتقبل اعتذارك منال قبلها ، و فكر في بنتك اللي اتأثرا بيكم و باليوم دا 

آسفة إن كنت إدخلت في حاجة متخصنيش

رهف دخلت لمنه و سابت مالك يفكر ، لقت منه قاعدة تعيط  و شايلة مالك الصغير فحضنتها و قالت:- 

متخافيش كل حاجه هتتحل باذن الله يا منه 

منه بدموع:- أنا مش عارفه إية إللي حصل لدا كلة ، فجأة جم من بره و صوت مالك عالي و ملوك 

بتعيط و محدش فاهم حاجة و لما ماما إدخلت مالك سمعها كلمتين و كرشها من البيت 

رهف :- طب اهدي و قومي أكلي آدم صحيح منال قالتلك تعملي اية عشان قالتلي أساعدك

منه اتنهدت و قالت:- 

قالتلي ألم الهدوم و عشان احنا مش هنقعد  تاني هنا 

رهف :- خدي الجديدة بقي أ.مك قالتلي نص ساعة و تكونوا في بيتنا القديم

منه بصت ليها جامد و رهف ضحكت و قالت:- 

دا منال ناوية تربي التلاتة من أول و جديد و إستلقي وعدك بقي يا مالك عشان تبقي تعمل فيها فاندام و عاوزة تعملهم تصحيح سلوك 

منه ضحكت على كلامها و ساعدتها بس براحه في لم الهدوم

❈-❈-❈

مالك واقف تاية و باصص قدامه لحد ما عينة وقعت على صورة لية هو و ملك و ملوك ابتسم لما شافها و إفتكر الموقف

فلاش باك

مالك جاي من الشغل و ملوك جريت عليه و هي بتقول:- 

اخرت تييل ( إتاخرت كتير) 

مالك باسها بحب و قال:- 

معلش يا قلب مالك كان عندي شغل كتير 

ملوك :- 

ملك زعلانة و ملوك كمان

مالك بص على ملك و قال:- 

و اية اللى يرضي ملوك و أمها

ملك رت عليه و قالت:- 

هتشوي لينا النهارده في الجنيه

مالك:- أنا عارف إن همكم على بطنكم ، بس أمري لله موافق

ملوك سقفت و باسته من خده و قالت:- 

لوك حبك ( ملوك بتحبك ) 

مالك نزلها و غير هدومة و جهز حاجات الشوي 

ملك مسكت الفحم حطيته في الشواية بس عاص اديها راحت مسحتها في وش مالك 

مالك بصلها بدهشة و عاص ايده و حطلها على وشها

ملوك :- ينفع كدا ؟ 

مالك :- البادي اظلم يا روحي 

ملوك ضحكت و مسكت حتت فحم من الكيس و حطت على وشها

بصوا التلاتة لبعض و ضحكوا جامد و مالك اخدلهم صورة الذكري 

بالك 

مالك دمعه نزلت من عينه لما إفتكر منظر الد.م اللي على هدوم ملك و منظر ملوك و هي خايفة و مش بتتكلم

مسك مفتاح عربيته و جري وراهم على المستشفى

❈-❈-❈

ملك قاعدة في العربية بتقول لـ منال :- 

هاتي ملوك جنبي يا ماما 

ملوك كانت نايمة و منال حطيتها جنبها و هي بتقول:- 

خليها هنا عشان متتعبيش 

ملك مسكت إيد ملوك و قال:- 

تعبي ملوش قيمة جنب تعب بنتي ، وأنا مش مسمحاه يا ماما

منال :- اهدي و هنتكلم في الموضوع دا بعدين

ملك قربت ملوك منها

 و بدأت تغيب عن الوعي

منال بتكلمها بس ملك مش سمعاها و أغمي عليها

وليد شافهم فقال لحازم

 سرع شوية يا حازم

حازم داس بنزين و جري على المستشفىوو أول ما وصل فتح الباب شال ملك و منال شالت ملوك 

حازم ترولي بسرعة

الممرضات جابوا الترولي و أخدوا ملك و دخلوا غرفة الطوارئ

الدكت جه جري بص عليها و قال:- 

دي بتسـ ـقط بسرعة على العمليات 

ملك دخلت العمليات و منال قاعدة بره و شايلة ملوك في حضنها 

مالك جاي جري و منال شافته راحت مدت إديها بملوك لحازم و راحت ناحية مالك 

مالك عينه على العمليات

 و حاسس بقلبة معاها جوه و لسة هيقرب لقي منال في وشة تبقول