رواية قمر والميم دال
الفصل الرابع عشر14
بقلم امنية يوسف
بعد ما هشام دخل الاوضه وشاف مكه لابسه لبس غريب اول مره يشوفها بيه مش عارف يحدد ايه دا
هشام باستغراب...اي دا جيبه دي ولا فستان ولا بنطلون ولا ايه ايه بالضبط؟
هنا مكه ضحكت وقالتله...لا دا لبس بلبسه لما أكون رايحه أرسم
هشام استغرب اكتر وقال...واو انتِ بترسمي
مكه بهدوء...طبعا وبكتب كمان بس برسم اكتر
هشام باعجاب...طيب انا هاجي أشوف بترسمي ايه واشوف رسمك واقيم
مكه بابتسامه...طبعا تعالي معايا انا حاطه كل الادوات في الاوضه اللي جمبنا دي
وفعلا راحوا هما الاتنين وعدا وقت كتير علي قعتدهم وكانوا فرحانين ببعض وبيضحكوا وبهزروا وهنا هشام اكتشف حاجه في مكه انها دمها خفيف وبتحب الضحك والهزار والفرفشه وعجبته اكتر بشخصيتها القويه ودا بان من المواقف اللي بتحكيها
هشام باعجاب...بس شخصيتك قويه يا مكه
مكه بثقه...اومال عاوزني ابقا حفيدة(..) ومبقاش قويه
هنا هشام ضحك وقال...ومغروره كمان
مكه ببتسامه...بعض ما عندكم يا باشا بس قولي انت كنت جاي ليه انا اتلهيت في الرسمه ونسيت انك كنت جاي وانت متعصب
هشام بهدوء...جدك
مكه بتوتر...ماله؟
هشام بهدوء...جدك عاوز يخلينا نتمم الجوازه دي
مكه بكسوف فهمت كلامه وقالت...وبعدين
هشام ...انا مش عايز اعمل كدا لغايه ما نشوف أخرتها انا وانتِ هنحب بعض ولا لا كمان عايز أعرف حاجات كتير عنك
مكه اخدت نفسها وقالت...فعلا لازم نتعود علي بعض انت كنت مسافر ومن ساعة ما سافرت وانا معرفش اي حاجه عنك اذ كنت اتغيرت او متغيرتش مش عارفه
وهما بيتكلموا
فجأه دخلت عليهم اخته وهي بتقول...الحق يا هشام جدك ناوي يمو..تك انزله حالا
مكه شهقت بخوف وقالت ...ليه حصل ايه
هنا هشام سابها ونزل جري ووراه اخته ومكه
الجد بغضب ....تعالي يا هشاااام بااشااا تعالي شوف مين دي وعايزه منككك ايه يا محترم يا دكتووور يا محترم تعالي
هنا هشام نزل وبص علي اللي واقفه بصدمه وقال....ايه اللي جابك انتِ؟
الجد بغضب...قولنا مين دي الاول
هنا هشام اتوتر ومعرفش يرد يقول ايه بس اللي صدمه كلام البنت لما قالت ببكاء...انا ابقا حبيبته واللي كان مفروض نازل عشان يقولكم عليا
وكملت الخبر اللي نزل عليهم زي الصاعقه
البنت ببكاء...والبنت اللي سلمت.. نفسها ليه وحامل منه وبصت علي جد هشام وقالت...حفيدك ضحك عليا ضحك عليا وسابني ومشي وانا حامل في ابنه ...يتبع
____الحمدلله
عند قمر وفهد كان فهد واخدها في حضنه وبيتكلموا
قمر ...فهد انت ممكن تخوني في يوم من الايام
فهد بصلها وقال بهزار...ممكن لو مدلعتنيش
هنا قمر ضربته في ايده وقالت...انا بتكلم جد يا فهد
فهد بحب...مستحيل يا قلب فهد ثانيا أخونك ليه ناقصه رجل ناقصه ايد وكمل بغمزه...وكفايا ال...هنا قمر حطت ايدها وقالت...
_اسكت بالله عليك اسكت انت امتي كنت قليل... الادب كدا
فهد بغمزه...من ساعة ما اتجوزتك يا روحي
قمر بكسوف...استغفر الله العظيم يارب صبرني يارب علي اللي مشحترم دا وزقته وقالت ...يلا علي شغلك يلا
فهد قام وقال بضحك وغمزه...حاضر يا قمري هجيلك بسرعه عشان عارف اني بوحشك
قمر باستهزاء...لا يخويا هنسافر انهارده انا وانت القاهره عشان عيدميلاد نور
فهد بتفكير...ماشي نسافر وماله
بعد أيام كانوا وصلوا القاهره وفي نهاية عيد ميلاد نور كان فهد بيمشي وهو دايخ وحاسس بصداع وشاف نور اخت قمر قدامه...
فهد بدوخه...انتِ بتعملي ايه في اوضتنا انا
نور بحب...فهد تعالي يا حبيبي
فهد باستغراب ودوخه...نور بتعملي ايه هنا
نور بحب وكذب...انا مش نور انا قمر يا فهد
هنا فهد قرب منها اكتر بهدوء وحضنها وقال _بحبك بحبك اووي وفي اللحظه دي دخلت قمر .
ضفت فهد وقمر تاني عشان الروايه اصلا علي اسم قمر فالبتالي لازم يطولوا معانا ♡