رواية خلقت من اجلي
الفصل الثالث3
بقلم بسمله صالح
مصطفى: بص يا كنان يا ابني زي ما انت شايف شركتنا نزل اسمها خالص في السوق وبعد ما كانت في التوب واكمل مصطفى بغل وحقد وشر: بسبب شركه شاهين المهم اني عرفت انه وريثه محمود شاهين بنته الوحيده مريم شاهين مريم دي بقى عايز اقضي عليها خلت شركه باباها في التوب لا و حطمت اسم شركتنا واشتغلت شغل احسن من والدها واخوها ومسيطره جدا وقويه والكل بيخاف منها وبترسم تصاميم لبس وازياء ومعها اقوى المصممين ، وبتدي رواتب عاليه جدا للموظفين
ومش بتسمح بغلطه وغير كده سمعت انها صممت فستان جميل جدا هينقل شركتها ناقله كبيره لان في شركه هتتعاقد معها والشركه دي شركه كبيره جدا هيشتروا منها الفستان اللي هي صممته واللي عايزه منك انك تاخذ التصاميم بتاعتها وتدهاني وانا اقدمها باسمي واتعاقد انا مع الشركه دي وبكده شركتها هتخسر.
وشركتي هترجع احسن من الاول وسومعت شركتها هتدمر وهي حريصه جدا على التصاميم دي وانا سبت لك المهمه دي علشان عارف اللي انت قدها ولو اضطر الامر اللي انت تخطفها علشان تجيب تصاميمها انا موافق بس مش لازم تقدم تصاميمها للشركه دي لان كده احنا هنخسر جامد وانا عارف انك قدها بس انا مضطر اخذ تصاميمها بسبب اهلها وبسببها خسرونا جامد ولازم ننتقم ونخسر الشركه دي.
كنان بابتسامه: اعتبره حصل وعد مني هاقدم لك التصاميم وما تقلقش خلال اسبوع هتكون التصاميم قدامك استاذن انا لان لازم اعرف كل حاجه عن مريم شاهين،وابدا اخطط ازاي هاخذ التصاميم منها باي يا بابا.
وراح اوضته وقرر انه هيروح شركه شاهين ويقدم ورقه ويشتغل كموظف هناك ويقرب من مريم عشان يقدر ياخذ التصاميم ويعرف كل تحركاتها ويعرف الباسورد بتاع اللاب توب وخرج من بيته وراح شركه شاهين ووصل وانصدم من ضخامه وفخامه الشركه وجمالها وقبل ما يدخل لقى الامن في وشه.
و بيقول : على فين يا استاذ.
كنان : انا جاي اقدم على شغل انا مهندس تصاميم ودي بطاقتي الشخصيه اتفضل.
واخذ الامن منه البطاقه وبصوا فيها وفتشوه ودخل وهو بيقول في نفسه: شكلك يا مريم مش سهله وهتعب معاكي بس متشوق اشوفك بجد ابهرتيني ما فيش نفس في الشركه الكل بيشتغل وهو ساكت الكل بيشتغل صح وقرب من السكرتيره.
وقال: صباح الخير لو سمحت انا عايز اشتغل في الشركه دي وسمعت انكم محتاجين مهندسين.
السكرتيره : صباح النور يا فندم اتفضل حضرتك استريح وانا هابلغ المديره بقى اما تخلص اجتماعها هتعمل انترفيو مع حضرتك.
كنان: تمام شكرا لحضرتك.
السكرتيره بإعجاب:العفو.
وقالت في نفسها : ايه الجمال ده يخرب بيت جمالك.
قعد كنان يفكر هيعمل ايه وازاي يقدر يقرب من مريم ويخليها تثق فيه وظاهر على وشه ابتسامه خبيثه.
وقال في نفسه" لقيتها خطه ما تخرش الميه هاقدر اخذ التصاميم منها لان مش كنان الشرقاوي اللي يصعب عليه حاجه".
وبعد مده خلصت مريم الاجتماع ودخلت مكتبها ودخلت السكرتيره وراها وخبطت عليها واذنت لها بالدخول ودخلت.
وقالت: في مهندس بره وجاي يقدم على وظيفه بقاله ساعه منتظر حضرتك.
مريم: تمام دخليه.
خرجت السكرتيره.
وقالت له يدخل خبط كمان ودخل بعد ما ازنتله مريم وكانت مشغوله بالتصاميم وهو بص كثير بيحاول يشوفها لكن ما كانش باين ملامحها لانها منزله راسها ومشغوله جدا.
لاحظت مريم اللي لسه واقف في رفعت راسها انصدم كنان من جمالها وشرد في جمالها ، وفاق من شروده على صوتها.
وهي بتقول بجديه: اتفضل يابشمهندس.
دخل كنان وقاعد قدامها وبص لمريم.
مريم بجديه: اتشرف باسمك.
كنان : انا كنان الشرقاوي.
مريم : عرفني عن نفسك ومعاك ايه وعندك كم سنه وعرفني كل حاجه.
كنان انا مهندس تصاميم عندي 29 سنه اشتغلت في شركه الحديدي بس ما ارتحتش معاهم بصراحه يشرفني اشتغل مع شركه حضرتك بعد ما سمعت عنها وانها شركه كويسه جدا وانك بتقدري تعب موظفينيك.
مريم: تمام وريني اوراقك وبدات مريم وتساله وهو يجاوب وعملت معه انترفيو كانت بتتكلم بكل ثقه وجديه وهو مصدوم من ثقتها وجديتها برغم صغر سنها الا انها قادره تدير الشغل وقد المسؤوليه وكان مصدوم ازاي البنت اللي قدامه دي في ست شهور قدرت ترفع شركتها بالشكل وفاق من شروده على صوتها.
وهي بتقول : تمام انت انقبلت يا باشمهندس وممكن تشتغل من بكره بس لازم تعرف القوانين، اولا ودا اهم حاجه النظام، ثانيا ممنوع التاخير على الشركه الساعه 8:00 بالضبط تكون موجود اي تاثير في الشغل خصم من المرتب ،ثالثا اي شكوى هتصدر منك لو عملت اي مشكله بالشركه او بقيت كسول وما بقتش تعمل شغلك على اكمل وجه هتترفد من الشركه اهم حاجه عندي تشوف شغلك كويس.
كنان بابتسامه : وانا موافق.
مريم : تمام وقع العقد بعد ما تقرا البنود.
وبدا يقرا البنود وجا عينه على المرتب.
وقال بصدمه : المرتب حلو قوي وكبير جدا.
مريم: اه انا عارفه لاني باقدر تعب الموظفين وعلى قد ما تتعب على قد ما هتتجازي في فلوسك وتترقى طبعا المرتب كبير لان الكل جد في شغله اي تاثير بخصم على طول.
كنان : انا بكره هاكون موجود ومضى على العقد وخرج وهو على وشه ابتسامه نصر.
وقال في نفسه: تم تنفيذ الخطوه الاولى بنجاح وعقبال الباقي الله عليك يا كنان الله على عقلك العبقري ده بس انا بجد مصدوم من مريم لها حق شركتك تبقى في التوب شخصيتها قويه ومسيطره جدا وجد في الشغل وبتدي كل واحد مرتب على قد شغله والكل بيحترمها برغم صغر سنها الا انها عملت نجاح عظيم.
وروح فلته بدا يشوف شغله ويصمم ازياء ويرسم ويخلص ونام.
وبعد مرور ثلاثه ايام كان كنان بدأ يشتغل ويستفسر من مريم على كل حاجه وعرف تفاصيل بسيطه عنها
وفي صباح يوم جديد راح كنان الشغل.
وبدا يشتغل ودخلت مريم والكل كان ساكت كالعاده وهو مبهور من شخصيتها وجمالها.
مريم : صباح الخير.
الموظفين: صباح الخير يا فندم.
دخلت مريم وبدات تشتغل
وفي نهايه اليوم طلبت مريم كوبايه قهوه فدخل كنان الكافيه ووووووو
استوب ياترى كنان هيعمل ايه واي مصير مريم وكنان؟؟؟؟