رواية فارس القبائل
ف احدي الكافيهات ف القاهره يجلس مجموعه من الشباب والبنات يتحدثون
ويضحكون بصوت عالي نسبيا ويزعجون الاشخاص الاخرين الجالسين ف المكان
شادي: ههههههههه اه والله زي ما بقولكم كدا ومسكته ضربت. ه وخليته يقول حقي برقبتي
ريم: هههههه يستاهل عشان ميفكرش يبص حد ل شادي الدمرداش هو ميعرفش هو مين ولا اي
رامي: عندك حق يا ريم يستاهل
جميله: بس انا شايفه ان اللي عملته دا يا شادي مش صح
ليلي ومازن وسلمي: ايوا فعلا يا شادي
شادي: لي بقا ان شاء الله بتقولوا كدا
جميله: عشان دا ولد غلبان وبيشتغل دليفري ومكنش ذنبه يعني انه يخبط عربيتك وكان في زحمه وبعدين انت تقدر تجيب عربيه تانيه لكن هو الموتوسيكل اللي بيشتغل عليه مش بتاعه وهيضطر يشتري واحد تاني او يتخصم من مرتبه
شادي: هههههههه اي يا جميله من امتي وانتي بتدافعي عن حقوق الانسان كدا
جميله: طول عمري يا شادي ولا انت شايف غير كدا؟!
رامي: اهدوا كدا يجماعه احنا جايين هنا عشان نتبسط مش عشان نتخانق
شادي: لا طبعا نتخانق اي معقول اتخانق مع جميله حببتي لا انا بس كنت بهزر ومد ايده يمسك ايدها
ف التربيزه المقابله ليهم كان في شاب قاعد قصادهم شيك جدا وجسمه رياضي ووسيم يبلغ من العمر 28 سنه
لفت انتباه فارس الشله اللي قاعده دي ولفت انتباهه كمان شادي وهو بيمسك ايد جميله
فارس اضايق وقرر يمشي عشان بيحب الهدوء والمكان اللي كان قاعد فيه مزعج جدا
فارس حط الحساب علي التربيزه وطلع من المكان وركب عربيته
نروح عند الشله اللي في الكافيه
كان قاعدين يتكلموا وفجاه موبيل جميله رن
جميله: اي دا دي ساره اختي
جميله: الو يا ساره يحببتي في حاجه
ساره: جميله تعالي بسرعه البيت
جميله بخضه: في اي يا ساره يحببتي قلقتيني
ساره: تعالي بس يا جميله بسرعه
جميله: حاضر حاضر انا جايه اهو مسافه الطريق واكون عندك يحببتي
الجميع: اي في اي يا جميله
جميله: معلش يا جماعه انا لازم امشي دلوقتي نتقابل بعدين سلام
سلمي ومازن وليلي: استني هنيجي معاكي
جميله بصت ل شادي عشان مقترحش عليها انه يجي
جميله: وانت يا شادي انت وريم مقترحتوش يعني تيجوا معايا
شادي: ها لا يحببتي انا مقولتش عشان انا جاي اصلا من غير ما انتي تقولي او انا اقول يعني
ريم: ايوا وانا كمان
جميله ابتسمت بسخريه وقالت: اها طبعا كنت عارفه
جميله: تسلموا يجماعه ملوش لزوم انا هروح لوحدي ومعايا عربيتي سلام عشان اتاخرت
فارس وهو في العربيه لسه بيدور علي الفون في جيبه ملقهوش
فارس اي دا باين نسيت الفون جوا انا هدخل اجيبه
فارس كان داخل وجميله كان خارجه والاتنين خبطوا في بعض
جميله: معلش انا اسفه جدا مخدتش بالي
فارس بلامبالاه: لا محصلش حاجه وسابها ودخل
جميله: اي الرخامه دي شخص متكبر ومشيت وو..