CMP: AIE: رواية جبروت انثي وسطوة رجل الفصل الثامن عشر18 بقلم الاء الرحمن
أخر الاخبار

رواية جبروت انثي وسطوة رجل الفصل الثامن عشر18 بقلم الاء الرحمن

 رواية جبروت انثي وسطوة رجل

 الفصل الثامن عشر18

 بقلم الاء الرحمن

ونور بصت حواليها 

امال فين ندى وادم 

سلمى بسخرية :تلاقيهم في حتة ظلمة ولا حاجة 


كارما بغيظ :بتهزر بنتي بتحب الهزار 


نور بسخرية :حتى لو خدها الجن لاحمر مراته وعلى ذمته 


ادهم ضحك بسخرية وقام مدلها ايده :طيب تعالي يا مراتي افرجكك على الخيل ما وحشكيش 


نور بتردد :هااه


ادهم شدها معاه :هاه ايه بس ما تنجزي


ولسه هيخرجوا من باب القصر ادهم اتصدم بالشخص الي موجود قدامه


عمي مالك 


مالك فتحله دراعاته :ازيك يا وحش 


ادهم بابتسامة :نورت البلد يا كينج 


مالك بص لنور :مين المزة الجامدة دي 


ادهم بغيرة :عينك لافرمك ده انت حتى عمها دي بنت عمي نبيل وخطيبتي 


مالك فتحلها دراعه :لا تعالي هنا بقى 


ادهم مسك دراعها :تيجي فين اتلم يا عمي 


نور بصتله بابتسامة هو فعلا شبه خالتها بالزبط كأنها فوله واتقسمت نصين 


نور مدتله ايدها :حمدالله على سلامتك يا عمي مع انك صغير جدا على عمي دي


مالك :ههههههههه يختي يا ناس ايه الجمال ده وبص على ادهم انتي خسارة فيه لكن عايز افتنلك عنه حاجات كتير لما ارتاح بقى 


نور بضحك :هههههههه تحت امرك 


ودخل والكل اتصدم من مجيته 


سامي بصله بغضب واشتياق وخوف :مالك 


مالك قرب منه وباس دماغه وايده :ازيك يا حج 


فريدة لكارما :لا دي هتولع بقى 


كارما :مين ده 


فريدة :ده سلفي مالك لكن واخد قلب عمي كله طول عمره بره ومعاه فلوس بالكوم 


مالك سلم عالجميع 


ندى :الله يا عمي انت جميل قوي 


ادم بغضب :نعم يا روح امك ما تتلمي 


ندى بغيظ :على فكرة ده عمي كمان 


مالك :ههههههه انا جي اهدي النفوس يا جماعة وغمزها وانتي قمر وبص على والده هو لازم يعني ابقى عمهم ما ينفعش حاجة تانية دول خسارة فيهم 


نادر :ههههههه والله وحشتنا يا عمي 


مالك :كبرت يا اوزعة 


نادر :لا وهبتدي تدريب مع ادهم في الشركة اعجبك انا 


نبيل :وجي بقى على طول ولا يومين كالعادة 


مالك بص لوالدة:لا جي على طول خلاص مفيش حاجة افضل بعيد على شانها مش كده يا والدي 


سامي كانت عينه من نور الي عينها مش بتروح عن مالك 


.................................................

عند مازن وسيرين

دخل الاوضة وراها وقفل الباب 

سيرين كانت بتترعش جامد منه 


مازن قعد ببرود :ما تقعدي يا عروسة اصل المفروض احنا بنتعرف على بعض 


سيرين بدموع :انت ليه اناني كده عايز تسيبني في النار وتخلع


مازن بغضب مسك دراعها :لاني ما جبرتكيش على حاجة وانتي النهاردة بلي عملتيه اجبرتيني اتجوزك لكن اوعدك يا سيري اوعدك هتعيشي ايام تتمني الموت فيها وما تطوليهوش 

عايزة اتجوزك حاضر هتجوزك لكن هتكوني انتي والشغالة واحد عندي 

لسه الشغالين انا بحترمهم لكن انتي الاحترام مش هتطوليه حتى 


سيرين نزعت دراعها منه بغضب : ايه يعني بكده بتخوفني انا ممكن اطلع دلوقت واقولهم انت بتعمل ايه وجوازنا ليه واهي موتة وحدة وخلاص انا ازاي قدرت انخدع فيك ازاي فكرت في يوم انك بتحبني انت واحد اناني ما بيحبش غير نفسه وبس 


مازن ضربها بالالم وشد شعرها :اول حاجة هعلمهالك انك توطي صوتك وانتي بتكلميني 

وتاني حاجة عايز اقولك انا ما بتهددش انا لولا عملت خاطر لادهم عمري ما افكر اتجوز وحدة غلطت معاها 


وسابها وخرج 

سيرين مسحت دموعها :ان ما ربيتك انا يا مازن وعرفتك يعني ايه ذل الحبيب مبقاش سيرين العمري 


وخرجت وراه 


سيرين اتصدمت اول ما شافت مالك وجريت عليه :عمممي 


مالك بادلها الحضن :وحشتيني يا سيري عامله ايه 


سيرين :وحشتني جدا جدا يا كينج 


مالك :سمعت انك كبرتي وبتتخطبي 


مازن مدله ايده بابتسامة:ايووه وانا العريس 


مالك بادله السلام بود :خد بالك منها دي حبيبة الشعب دي


مازن بسخرية وصلت ليها :في عينيا 


عدا اليوم وكل حد طلع اوضته ومازن وعيلته روحوا 


ونور ليه هتخرج 

ادهم :استني يا نور 

ندى وادم اسبقوني على العربية 


ادم اتفهم وخد ندى ومشي 


نور اتنهدت وبصت لادهم وعرفت عايز ايه :مش عايزة اتجوز دلوقت يا ادهم انا مش مستعدة 


ادهم ببرود :ليه ايه الي ناقص وانا اكمله 


نور بسخرية :نفسيا مش جاهزة للجواز  مش عايزة يا اخي


ادهم حاول يمسك اعصابه عنها :نور انتي كده بتوصلينا لنقطة سد 


نور ببرود :والله انت خطبتني غصب وانا بحاول اتقبل الموضوع لحد دلوقت لكن جواز مش هتجوز غير لو كنت جاهزة نفسيا للموضوع ده 


ادهم بنفاذ صبر :خدي وقتك وانتي معايا وفي بيتي واوعدك مش هقربلك غير لما تكوني جاهزة


نور بغضب :خلصنا يا ادهم قولتلك مش وقته وسابته ومشيت وهو حتى ما حصلهاش طلع اوضته متعصب جامد وبيفرغ طاقته وغضبه بالرياضة 

زبعت مسج لادم (وصلهم ما تسيبهمش يروحوا لوحدهم )


ادم قرا رسالته وشاف كل حاجة حصلت :نور لو تعرفي ادهم بيحبك ازاي مش هتبعدي يوم عنه صدقيني مش هتلاقي حد يحبك ربع الحب الي بيحبهولك


نور طنشته :يالله يا ندى اتأخرنا 


ادم :هوصلكم مش هتروحوا بالليل لوحدكم 


نور :وبعدين هو امبارح اخوك والنهاردة انت ما انا من يومي بسوق بالليل 


ادم بغضب مكتوم :بتصرخي ليه كده اركبي عربيتك وانا هفضل وراكي بالعربية مع ندى تعالي يا ندى 


نور زفرت بغضب وندى ركبت مع ادم ومشيوا 


ادم بغضب :اختك دي مستفزة بشكل 


ندى :والله نور طيبه لكن هي مش متقبلة فكرة انها ضعفت وحبت انا عارفة اختي هي دلوقت بتحب ادهم ومش عايزة تعترف لنفسها بده وبالعناد بتاعها بتحاول تثبت العكس 


ادم وصل ندى واتفقوا ينزلوا يجيبوا الفستان الصبح 


نور طلعت اوضتها ودخلت خدت شاور ودموعها بتنزل مش عايزة تضعف 


لكن قلبها ابى انه يصدق انه الحب ضعف 

نور خطرت في بالها حاجة ومسحت دموعها وخرجت عازمة على تصميمها ومش هتسأل تاني عن حد غير نفسها 


...........................................

في الصباح 

دخلت نور عند خالتها 

مروى :ادخلي يا نور 


نور مسكت ايدها بابتسامة :عندي ليكي خبر يجنن كنت هقولك امبارح لكن كنتي نايمة لما رجعت 


مروى بأمل :حاجة عن ابني 


نور هزتلها بدماغها بأه :ابنك رجع يا خالتي امبارح شفتوا واتكلمت معاه وادي صوره اهي 


مروى كانت بتشوف صوره وهي مش مصدقه نفسها 


مروى بدموع :عايزة اشوفه يا نور ارجوكي 


نور :هخليكي تشوفيه وتكلميه لكن كل حاجة لازم تكون مترتبة كويس مش خبط لزق كده هتروحي تقوليله انا امك 

الي شفته امبارح انه جدو كل حياته وبيحبه جدا فمش هيصدق عنه حاجة بالسهولة دي انا مخطط لحاجة كده هتكشفهم كلهم صدقيني 


مروى مسحت دموعها :هثق فيكي يا نور وهصبر الي صبر السنين دي كلها يصبر الكام يوم دول 

انتي هتروحي الشركة دلوقت 


نور :لا عندي مشوار هروحه واخده اجازة من الشركة اليومين دول عندي حاجة مهمة وما تنسيش فرح ندى بكره هروح اجيب فستان وحاجات 


مروى :اهاا تمام طمنيني يا نور امانة عليكي 


نور :ما تقلقيش يا خالتوا كله هيبقى تمام 


نزلت نور تحت كان والدها ووالدتها وادم وندى 


نور :صباح الخير 


الجميع :صباح الورد


نور بصت لندى :على فين العزم على الصبح 


ندى :انتي ناسية انه بكره فرحي هقيس البدلة وسيرين هتروح معايا تختار بدلتها 


نور :اها تمام لو عايزة حاجة تكلميني على طول الكارد معاكي مش كده 


ادم بسخرية :ليه شايفة سوسن معاها دي مراتي وملزومة مني 


نور بسخرية مشابهه :بجد انا مكنتش اعرف والله 


نبيل :اييييه هتتخانقوا بصوا بقى انا عندي ليكوا خبر يجنن


منال مسكت ايده وبصتله بتحذير 


نبيل قرب عليها وباس خدها :هههه ايه يا حبيبتي ولادنا ولازم يفرحوا معانا 


منال استخبت في ظهر نبيل 


نور بشك :هو في ايه 


نبيل بابتسامة :مااما حامل 


نور وندى وادم :نععععععم 


نور بغضب :انتوا بتهببوا ايه مين دي الي حامل 


نبيل رفع حاجبه :ماما حامل ايه انتوا مش مبسطوين ولا ايه 


نور بصت لوالدتها :مبسوطة حضرتك ده انتي هتجوزي بناتك ايه العك ده 


منال بغضب مصطنع :على فكرة انا متجوزة ابوكوا 


ادم بضحك :لا والله جديدة دي صدمتيني الصراحة 


نبيل غمزهم :جامد مش كده 


نور بجنان :دول هينقطوني محسيني انهم هيجيبوا ميدالية لمصر مبسوطين اووي


نبيل :هههه لا هنجيب بيبي جديد لمصر انتوا ايه الي غايضكم بس 


ندى :بابا انت بتهزر الولد ده لازم ينزل ما يصحش كده الناس هتقول علينا ايه 


منال :ايه انتي وهي انا ابني مش هينزل عايزاه 


ادم مقدرش فطس من الضحك 


نور بغضب :ماما انتي واعية للي بتقوليه ده 


نبيل حضن منال:تعالي يا حبيبتي غلط توقفي مع الاشكال الزبالة دي وخاصة نور مش عايز ابني يجي شبهها 


نور بغضب :انتوا بتتكلموا جد 


نبيل وهو طالع مع منال : اقفلوا الباب وراك انت وهي 


ندى ضحكت :هنعمل ايه مجانين 


ادم :طب والله عمي ده جامد اما افرح ادهم وضرب عليه 


ادهم وهو مركز في الاوراق الي قدامه 


الووو


ادم بضحك :اضحك يا ادهم 


ادهم:في ايه انجز مش فاضي 


ادم :هههههه مرات عمك حامل 


ادهم رفع حاجبه  :مين انت اتجننت 


ادم :هههههه منال مرات عمك نبيل حامل 


ادهم بسخرية :طب والله جامد في الخير 


ادم :ههه والله لو تشوف خطيبتك هتفرقع 


نور بغضب :ما تخرس يا ادم انتوا مبسوطين هينقطوني دول 


ادهم ابتسم : يالله قول لنور عقبالنا وقفل 


ادم :هههه ادهم بيقولك عقبالكم 


نور بصتلهم بغيظ وخرجت 


ندى :هتروحي فين 


نور :عندي مشوار هخلصه وارجع هنا مش هروح الشركة اليومين دول وبسخرية هفضى لفرح حضرتك 


عدا اليوم 

نور راحت مشوارها وندى وسيرين اختاروا الفساتين والحفلة هتكون في القصر 


نور :الووو


لين  :كل حاجة جاهزة يا نور 


نور :كويس سلام 


ندى :بتكلمي مين 


نور :وحدة صاحبتي 


ندى :اها انا ليه حاسس انك مخبية عني حاجة 


نور بسخرية :ايه رائيك تهتمي بفرحك وتفكك مني انا مش طايق الجو ده كله 


منال :انتوا جاهزين 


نور بغيظ :لازم يعني ننام في القصر 


نبيل :اه لازم ومفيش اعتراض من حد 


نور :طب وخالتوا 


مروى :ما تقلقيش بكره هاجي على موعد الفرح تمام 


نور :تمام يا خالتوا 


ركبوا العربيات وراحوا القصر 


نبيل :مساء الخير 


سناء بصتلهم بكره خاصة بعد ما عرفت انه منال حامل 


فريدة بغيظ وسخرية :ايه يا منال سمعنا انك حامل في حد يعمل عملتك 


نبيل حضنها من كتفها :الي غيران منا يقلدنا 


كامل :هههههههه والله جدع يا نبيل 


نادر :ههههه عايز ولد مش هبقى الصبي بين بنات فاهمين 


سامي :هههههه ولو توم احسن 


نبيل غمزه :المره الجاية بقى 


نور بغيظ :ليه خو في مره جاية ولا فاكرين من عقلكم البيبي ده هيجي 


نبيل بص لادهم : يله انا مش قادر للبت دي ما تاخدها من عندي دلوقت احسن دي كاتمة عليا النفس مانعة عننا مية ونور


نور :لا والله 


نبيل :اه والله اتجوزي الواد وخلصينا 


ادهم قام ببرود وما بصش ناحية نور :عن اءنكم انا تعبان هطلع ارتاح 


نور ضحكت بسخرية وبنفسها : على اساس كده بيربيني 


سامي :ادهم ما لسه بدري 


ادهم اتنهد :عن اذنكم هطلع ارتاح بكره اليوم هيكون طويل 


ادم زعل على ادهم وكان هيطلع وراه 


ندى مسكت ايده :سيبه يا ادم خليه لوحده احسن 


ادم :ما تحاولي تقنعيها


ندى :حاولت صدقني لكن دي دماغها جزمة قديمة هي رافضة الفكرة كلها 


سيرين طلعت اوضتها ودموعها على خدها من جفا مازن ليها ليه بقى بلحظة كده 

هي بتحبه جدا 


سلمى باستفزاز : لكن يا خالتوا باين ادهم من فترة قرفان نفسه جدا ايه الي حصله 


فريدة بسخرية :من لما خطب بعيد عنك 


سامي بغضب :الي يدخل البيت ده يا يحترم اهله يا يتفضل بره قصري مش عايزه وخاصة الضيف يحترم نفسه فاهمين 

وقرب من نور 

سامي :اطلعيله يا نور وطيبي خاطره بكلمتين ادهم بيعشقك انتي بالنسباله ادمان وانا عارف حفيدي مش عايز يجبرك على حاجة 


نور اتنهدت وطنشتهم :عن اذنكم هطلع لسيرين 


نور طلعت تحت نظراتهم وخبطت على ادهم ما ردش فتحت الباب ودخلت 


ما كانش في الاوضة سمعت صوت مية في الحمام عرفت انه جوا 

بصت لاوضته وتناسقها قربت من البيرفن بتاعه واستنشقته بصت لصورها وابتسمت 


خرج ادهم كان بينشف شعره ولابس منشفه على نصه الي تحت 


نور شهقت ودارت وشها بسرعة:البس يا ادهم انت خارج كده ازاي 


ادهم اتنهد :اضن اوضتي وانتي الي داخلة لا احم ولا دستور 

خد بجامة مريحة ودخل لبس وخرج 

شغل المكيف على برودة منخفظة جدا 

ونور مستغربة 


نور رفعت حاجبها :ادهم انا هنا على فكرة 


ادهم قعد ببرود وشبك ايديه :وانا سامعك 


نور بغيظ :مش فاهمة 


ادهم :اتكلمي عايزة ايه ليه جايه الاوضة هنا اضن مش جاية تحبي فيا ولا ايه 


نور بصتله بغيظ واتجننت منه وندمت انها طلعتله :مش عايزة حاجة يا ادهم انا الي غلطانه اني طلعتلك اصلا وعبرتك 

وليه هتمشي 

ادهم مسك ايدها وقربها منه ورجع خصله متمردة على وشها ورى ودانها وبص في عينيها :عايزة ايه يا نور اتكلمي 


نور تاهت في عينيه وباللمعة الي بتحسها في عينيه لما بيقرب منها 

ادهم بهمس وهو بيمشي صباعه على وشها برقة :اتكلمي يا نور 


نور حاولت تستجمع نفسها : انا انا مش عايزاك تزعل انا عايزة اخد وقتي بس 


ادهم بص في عينيها :بعشقك 

زقرب منها وخد شفايفها بقبلة خرجته من الضغط الي هوا فيه 

نور بعدته عنها بالعافية واتكلمت بالعافية :انت مش زعلان صح 


ادهم اتنهد ومسك ايدها وحطها على قلبه :هحاول اخلي قلبي يستحمل بعدك عنه يا نور انا مش عايز اجبرك على حاجة كفاية انك على ذمتي وبس 


نور ابتسمت وبعدت عنه برضى :ااسيبك ترتاح دلوقت 


نور خرجت من عنده وابتسامة خبيثة على وشها 


ادهم ابتسم ليها ونام 


..................................................

في اليوم التالي وهو يوم الفرح 


فاقوا البنات والميكب ارتست بتجهزهم 


ندى مسكت بايد نور :انا خايفة جدا 


سيرين :وانا كمان 


نور قربت منهم :ههه هو ده الجواز انتي وهي يا تتنيلوا ترضوا يا نفضها سيرة 


ندى بغيظ :اه ما انتي مرتاحة النهاردة لوحدك ومحدش بيضغط عليكي 


نور ضحكت بسخرية 


ادهم ضرب على نور 


نور :الوو


ادهم :ندى وسيرين اتأخروا ليه العالم كلها تحت 


نور :اهم خلصوا شوية وهينزلوا 


ادهم بتحذير :نور اوعي تكوني لابسة فستان محزق وملزق اقسم بالله ما هعمل اعتبار لحد 


نور بغضب :وانت مالك انت اوعى تقول انت هتتحكم بلبسي وقفلت في وشه 


ادهم شد على ايده بغضب :والله لاربيكي يا جزمة بتقفلي في وشي


خلصوا البنات 

كانت سيرين متألقة بفستانها الابيض الجميل وندى كذلك 


نبيل :في ايه يا منال مالك 


منال :نور من شوية كانت هنا مش عارف راحت فين لما بحتاجها مش بلاقيها 


ادم ومازن كانوا واقفين بيستنوا ندى وسيرين ونبيل ماسك وحده باليمين ووحده بالشمال 

وسلمهم لادم ومازن 


نبيل :دول امانة مش هوصيكم عليهم 


ادم :في عنيا يا عمي 


مازن التزم الصمت وأومأله بدماغه 

ادم اتصدم من جمال ورقة ندى وبصلها بهيام اتكسفت منه :تجنني يا ندى 


ندى بكسوف :شكرا يا ادم 


مازن بص لسيرين بلا مبالاة دمعت منها :مبروك 


سيرين بصتله بدموع 


ادهم قرب من منال :طنط نور فين 


منال :مش عارف الزفتة كانت هنا وضربتلها صاحبتها وقالتلي هطلع اكلمها ومش باينة


ادهم اتجنن من تصرفاتها و لسه هيلف ظهره طلع صوتها 


نور بابتسامها كانت بآخر السلم وبصوت عالي :ادههم


الكل بص ناحية الصوت وفتحوا عينيهم من الصدمة 


ادهم عينيه اتعلقت فيها كانت لابسة بدلة فرح بيضاء تجنن بأكمام شفافة واسعة ضيقة من الخصر وواسعة من تحت وفاردة شعرها ومكتفية بتاج وطرحة كانت اقل ما يقال عنها كتلة جمال حورية ونازلة من السماء 


ادهم اتصدم جدا زي كل الموجودين ومش مصدق الي قدامه ده حقيقة ولا خيال


                   الفصل التاسع عشر من هنا

لقراءةباقي الفصول من هنا


تعليقات



حجم الخط
+
16
-
تباعد السطور
+
2
-