رواية رحم بديل (كامله جميع الفصول) بقلم زينب سعيد

رواية عشقته قبلها

 الفصل الثالث3الاخير

 بقلم اسراء ابراهيم 

 اتفاجأت فتون برائد بيشدها من ايدها جا*مد وبيدخلها 

من البلكونة جوة وهو بيقؤل بغيرة عامية :

اانتي اتجننتي ازاي تقفي بشعرك كدة في البلكونة ،،مش ممكن حد يشوفك 

فتون اتو*جعت من مسكته ايديها ودموعها نزلت وقالتله بأ*لم :

سيب ايدي لو سمحت ،، انا مقصدش ان حد يشوفني انا قولت اني في دور عالي فاكيد محدش هيشوفني 

رائد غمض عيونه بغضب وساب ايدها بهدوء فسابته فتون وجريت علي اوضتها ورائد مسح علي شعره بعصبية عشان معرفش يتحكم

 في غيرته عليها لمجرد تخيله ان ممكن حد يشوفها كدة غيره وبعدين اتنهد

 وراح وراها وفتح باب القوضة ودخل لقاها قاعدة عالسرير وحاطة وشها بين ايديها وبتعيط فقلبه وج*عه لشكلها كدة وقرب منها وهو بيقؤل بهدوء:

اانا اسف يا فتون ،، انتي متعرفيش انا اضايقت ازاي لما تخيلت ان ممكن يكون حد شافك كدة 

رفعت فتون وشها ومسحت دموعها بهدوء وهيا بتقؤله ببحة من العياط:

انا اللي اسفة ،، انا مكنتش اقصد اني اخلي حد يشوفني ،، صدقني انا مش كدة 

رائد ابتسم وقالها بهدوء :

انا متأكد من ده ،، يلا قومي بقي اغسلي وشك قبل ما نور تيجي وااه في واحد صاحبي جاي انهاردة هو ومراته يزورونا عشان يباركولنا وكدة لانه مقدرش يجي من بدري بسبب شغله 

ابتسمت فتون وقالتله وهيا بتقوم :

خلاص انا هعمل حاجة حلوة واحضر العصير عشان لما يجو تبقي كل حاجة جاهزة 

رائد ابتسم وبعدين افتكر حاجه فقالها بتحذير :

فتوون مش عاوز شعراية منك تبان فاهمة ،، وياريت لو متبتسميش كمان 

فتون حست انه بيغير عليها وفرحت اوي فحركت راسها بطاعة وقالتله :

حاضر بس لو مبتسمتش هيفهمو اني مش حابة وجودهم ودول ضيوفك وانا لازم اهتم بيهم واعاملهم كويس جدا 

ابتسم رائد علي كلام فتون وقالها بهدوء:

خلاص اللي انتي شايفاه 

فتون ابتسمت بخجل وفجأة سألته باندفاع :

هو انت حبيت فاتن بجد يا رائد 

رائد فجأة ملامحه اتغيرت وافتكر ان فتون حست بحقيقة مشاعره ناحيتها فقال بحد*ة وتأنيب ضمير :

طبعا حبيتها ولسة بحبها وياريت متدخليش في حياتي الخاصة ومتنسيش سبب جوازنا ايه 

قال رائد كلامه وساب فتون وخرج من القوضة وهبد الباب وراه وفتون دموعها نزلت بصمت لانها كانت فاكرة ان تصرفاته دي معناها انه حبها وكانت مستنياه يعترف ليها بحبه وعشان كدة سألته علي حبه لفاتن بس رائد صد*مها وخلاها فاقت من حلم لواقع مؤ*لم ،، فمسحت دموعها بهدوء وخرجت تجهز الاكل 

.........................

بليل كان قاعد رائد جمب فتون وجمبها نور  ومدحت صاحب رائد ومراته سيلا وكلهم كانه بيتكلمو وبيضحكو مع بعض الا فتون اللي كانت في دنيا تانية كانت حاسة انها مخنوقة ونفسها تهرب وخصوصا ان خلاص مبقاش في امل ان رائد يحبها وانتبهت علي سؤال مدحت لرائد وهو بيسأله :

فاكر يا رائد المهندس منير لما في مرة دخلت انت المحاضرة واتفاجأت بيه بيقؤلك انت جاي متأخر واطلع برة وافتكرك طالب عنده 

ضحك رائد وقبل ما يرد ردت فتون اللي كانت بتحاول علي قد ما تقدر تبين انها طبيعيه ومش مضايقة بس للاسف نسيت نفسها وهيا بتتكلم وردت علي سؤال مدحت اللي خلاه يستغرب جدا وخلي رائد يتصدم لما قالت بتلقائية :

ايوة ده كان مهندس غريب اصلا وقتها رائد اتصدم وقبل ما يرد عليه كنا كلنا بنضحك علي الموقف اللي حصل ووقتها المهندس منير زعق جامد وافتكرنا بنتريق عليه بجد كان يوم  كله مفاجأت حتي سهيلة صحبتي هيا اللي وقفت وقالتله ان رائد يبقي معيد هنا وده معاد محاضرته 

فتون استنبهت للي قالته لما لقت رائد  بيبصلها باستغراب 

 فقامت بتوتر وقالت بابتسامة :

ههجيب العصير واجي حالا 

دخلت فتون علي جوة ومدحت ورائد بصو لبعض باستغراب ومحدش اتكلم في حاجة وعدي اليوم ومدحت ومراته مشيو وفتون كانت هتدخل اوضتها علطول بس رائد وقفها بصوته وهو بيسألها :

اانتي عرفتي ازاي الموقف اللي حصل ايام الجامعة وفاتن هيا اللي كانت بتحضر اصلا

فتون اتوترت وقالت بتردد وكدب:

ماهي فاتن كانت حكيالي 

بصلها رائد بغموض وقالها بجدية :

ااولا فاتن كانت قايلالي انك مكنتيش قريبة منها وكانت دايما بتحاول تقرب منك وانتي بتصديها وانها مكنتش بتحكيلك علي اي حاجة ثانيا بقي انتي كنتي بتتكلمي  باسمك يعني قولتي انا مش فاتن قالتلي  ،، فتون ياريت تفهميني الحقيقة وتردي علي سؤالي 

فتون قعدت بقلة حيلة وهيا بتقؤل :

ما انا لو قولتلك مش هتصدقني 

اتنهد رائد بغضب وهو بيقعد قدام فتون وقالها بتحذير:

وبرضه لو معرفتش منك الحقيقة مش هكون مرتاح وتفكيري هيروح لبعيد فياريت تعرفيني 

اتنهدت فتون وهيا بتفكر في كل حاجه عايزة تعترفله وفي نفس الوقت مش عايزة تطلع اختها وحشة عالاقل عشان خاطر نور بنتها فقالت بكدب :

ااصل انا سمعتها وهيا بتتكلم مع صحبتها وبتحكيلها عالموقف وعشان كدة حكيته علي ان انا اللي كنت موجودة وقتها ،، عشان احس اني مكانها واني زيها في كل

قاطعها رائد وهو بيقؤم بغضب :

اه يعني غيرة وح*قد ناحية اختك ،،مفكرة نفسك عشان هيا ماتت يبقي خلاص هتاخدي مكانها وتعيشي بزكرياتها وحياتها ،، لا مش هيحصل ،، عشان فاتن مش زيك ابدا ،، فاتن احسن منك،، عمرها ما كر*هتك ولا حقد*ت عليكي ،،كانت دايما بتحاول تقرب منك وانتي عشان بتكر*هيها  كنتي بترفضي ،، اسمعي انتي عمرك ما هتكوني مكانها فاهمة ولا لأ 

كانت فتون بتسمع رائد وهيا بتعيط بح*رقة ،،كان كلامه صعب انها تتحمله فقامت وسابته وجريت علي اوضتها وبقت تعيط جامد وهيا مش عارفة ليه بيحصلها كدة،، ليه مش عايشة سعيدة زي اي حد ،، اتمنت لو كانت هيا اللي ماتت مش فاتن يمكن وقتها كانت هتبقي مرتاحة 

...........................

عدي اسبوعين علي اللي حصل كانت فيهم فتون مش بتخرج من اوضتها طول ما رائد في البيت ولما كان بيروح الشغل كانت بتطلع تحضر الاكل وتروق وتدخل تاني قبل ما هو يرجع وفي يوم الهام اامها جت تزورها وشافت حالتها وحشة جدا ولما ضغطت عليها وسألتها انها*رت فتون وحكتلها كل اللي حصل بينها وبين رائد وانها ضحت بشكلها قدامه عشان خاطر سمعة اختها قدام بنتها نور وكمان عشان رائد اللي كان شايفها ملاك،، رغم انها كانت مقررة تبين للكل حقيقة فاتن اختها بس للاسف مقدرتش تعمل ده لان مهما حصل فاتن هتفضل اختها ،، الهام اخدت فتون في حضنها لاول مرة وهيا حاسة بالندم جامد لانها هيا اللي عملت فيها كدة وحاولت تواسيها بس كان مقررة انها متخليش حياه بنتها تعيسة اكتر من كدة فقررت تروح لرائد وتحكيله كل حاجة وفعلا سابت فتون ومشيت وهي مقررة تصلح اللي عملته في بناتها  

.........................

بليل كانت فتون واقفة قدام المراية وبتبص لنفسها بحزن ولملامحها المكسو*رة ودموعها اللي علي خدها وقررت انها تتكلم مع رائد وتخليه يطلقها وتمشي من هنا وتاخد قلبها المو*جوع معاها وفي نفس الوقت سمعت فتون باب الشقة بيتفتح فعرفت ان رائد جه فخرجت عشان تتكلم معاه بس اتفاجأت بيه بيجري ناحيتها بسرعة وبيشيلها بلهفة وبيحضنها جامد  ،، فتون مكنتش مستوعبة اللي رائد عمله ففضلت متنحة شوية وبعدين قالت بهمس :

رااائد  ،، هو انا بحلم ؟

رائد كان بيضم فتون ليه وهو بيغمض  عيونه وبيتنهد براحة كأنه اخيرا لقي مسكنه وكانت فتون ساكتة ومستكينة بين ايديه ومكنتش مصدقة اصلا ان رائد واخدها في ح*ضنه وبعد شوية نزلها بين ايديه وبص في عيونها وهو بيقؤل بعتاب :

ليه يا فتون ،،ليه عملتي فينا كدة ،، انتي ليه مقولتليش ،،ليه مدافعتيش عن حبك ليا ،،ليه خلتيني عايش في وهم كل السنين دي 

فتون فهمت من كلام رائد انه عرف كل حاجة وان امها حكتله الحقيقة فعيونها دمعت وهيا بتقؤله ببحة :

مكنش ينفع يا رائد ،، كنت هقولك ايه ،، ان اللي كنت بتشوفها كل يوم في الجامعة كانت انا مش فاتن ،، وان  اختي لما عرفت اني بحب المعيد بتاعي بقت تروح الجامعة اللي اصلا مكنتش بتروحها ودخلتها عشان بتغير مني  ،، كانت بتخلي امي تعاقبني وتقعدني في البيت و تروح وتنتظم هيا عشان تقرب منك وتعرفك انها بتحبك وان هيا اللي كانت بتيجي واني انا الوحشة الفاشل*ة اللي مبتحبش تروح 

رائد باس ايد فتون بعشق وقالها وهو باصص في عيونها :

  تعرفي ان اول ما شوفت عيونك حسيت بحاجة غريبة كانهم مش غراب عني كأني عارفهم ،،كنت كل يوم بتشدلك ومشاعري تتحرك ناحيتك واحاول اكدب نفسي واقنع نفسي ان ده بيحصل عشان انتي شبهها ،، بس الحقيقة هيا اني عمري ما حسيت الاحساس ده وانا  معاها ،، وهو ده اللي كان مخليني حاسس بتأنيب الضمير ،،ازاي احبك بالسرعة دي ،، اتاري مكنتش عارف انك البنت اللي حبيتها من الاول 

فتون برقت بصدمة وقالتله بتهتهة :

انت بتقؤل ايه !! 

رائد ابتسم بعشق وقالها وهو بيلمس خدها بايديه :

اايوة يا فتون انا لما حبيت حبيت البنت اللي كنت بشوفها كل يوم قاعدة في وسط البنات وبتبصلي كأنها مش شايفة غيري  ،، حبيت البنت اللي كل ما عيوني تيجي في عيونها من بعيد كان قلبي يدق جامد وهيا كمان كنت بشوفها بتبص للارض بخجل كأنها حاسة نفس احساسي ،،عشان كدة لما فاتن جت كلمتني كنت مفكرها انتي،، البنت اللي شغلت عقلي وتفكيري وكياني ،، انا حبيتك انتي يا فتون ودلوقتي بعشقك اكتر من الاول بكتير اووي 

فتون ابتسمت بدموع وهيا بتسمع كلام رائد وفجأة دفنت نفسها في حضنه وهيا بتقؤل بعشق :

وانا محبتش غيرك يا رائد ،، انت كنت الحياه بالنسبالي 

،وروحي ردت فيا لما عرفت اني هكون ليك في الاخر  ،، بحبك 

                  تمت 

لقراة باقي الفصول من هنا

تعديل المقال