CMP: AIE: رواية ابن مراته الفصل الثاني2 بقلم هويدا زغلول
أخر الاخبار

رواية ابن مراته الفصل الثاني2 بقلم هويدا زغلول

 رواية ابن مراته 

الفصل الثاني2 

بقلم هويدا زغلول

الام _اخس عليك يا رؤوف بتقولي أنا الكلام ده 

يا حبيبي انا خايفه عليك والله البت دي 

شكلها مش سهله وكمان المفروض كنت تعرف سبب الطلاق اي 


رؤوف _هو انتي لسه عايزه تحرمني من الحاجه اللي بحبها أنا بحب امل وعمري ما هسبها ريحي 

نفسك بقي , وبعد كده سابني ودخل وانا 

كلمت هبه 


هبه _ايوه يا طنط خير يا حبيبتي فيه حاجه 


الام _معلش يا هبه كنت عايزاكي بكره شويه لو ينفع تبقي تعدي عليا في البيت بس يا ريت امل ما تعرفش اني عايزاكي


هبه _طيب خير يا طنط هو في حاجه


الحما _خير باذن الله يا هبه هتعرفي لما تيجي بالله عليكي ما تتاخريش عليا بكره


هبه _حاضر والله هخلص شغلي واطلع على حضرتك ، وبعدها قفلت السكه ودخلت 

الام اوضه هبه وقالت 


الام _ممكن اعرف بقى ايه اللي انتي عملتيه ده هو انتي مش عارفه ان حمات اختك ما تعرفش ان اختك كانت متجوزه قبل كده


هبه _وهو انتم هتفضلوا مخبيين لحد امتى ما اكيد في يوم من الايام هتعرف يا ماما في حاجات ما ينفعش ان هي تتخبى ما بني على باطل فهو باطل ، وفي الوقت ده دخلت امل 


امل _تصدقي ان انا غلطانه ان خدتك معايا  وانا بفرش الشقه ايوه طبعا انتي  غيرانه مني ان كل شويه يجيلي عريس وانتي اللي اكبر مني لسه لحد دلوقتي ما اتجوزتيش


مني _عجبك الكلام اللي هي 

بتقوله ده يا ماما كل شئ قسمه ونصيب 

وانا والله ما كان قصدي اقول كده قدام حماتك 


امل _تعرفي لو رؤوف سابني ما تعرفيش انا هعمل فيكي ايه ، وبعدها خرجت من الاوضه 


الام _ما تزعليش يا حبيبتي انتي عارفه ان هي متهوره شويه وبعدين انتي برده غلطانه ما كانش ينفع تقولي لحماتها الكلام ده


هبه _على فكره يا ماما ذنبي الست  دي هيكون في رقبتك انتي عارفه ان حماتها طيبه جدا وما تنفعش مع بنتك


الام _حياتها وهي حره فيها هبه احنا ملناش دعوه خلينا في حالنا 


هبه _جوزيها اي حد وسلام عشان عارفه ان بنتك اسلوبها صعبه وانتي مش هتتحملي تقعدي معاه 


الام _يووو انا سايبه الاكل عالنار ، وبعدها خرجت 

من الاوضه ، وتاني يوم الباب عندي خبط وفتحت


هبه _معلش يا طنط انا اسفه انا اتاخرت عليكي شويه بس كانت امل طالبه مني حاجات قعدتها اشتريتها لها وطلعتها شقه دلوقتي


الحما _ما فيش مشكله يا حبيبتي تعالي ادخلي اقعدي*وبعدها روحنا اقعدنا 


مني _بصي يا طنط انا عارفه كويس انتي عايزه تتكلمي معايا في ايه بس لو سمحت انا ما ليش علاقه بالموضوع ده ويا ريتك تطلعيني منه


الحما _حبيبتي هو مش من حقي اكون عارفه كل حاجه عن مرات ابني انا اتفاجئت لما هي كانت متجوزه قبل كده


هبه _انا اسفه والله في الكلام اللي هقوله ليكي بس هيفرق معاكي ايه ما هو ابنك عارف وموافق


الحما _انا عارفه يا حبيبتي والله الكلام ده بس 

هو مرايا الحب عاميه والمفروض انا اعرف 

الانسانه اللي هعيش معاها 


هبه _وحضرتك فاكره طنط ان انا ممكن اقول كلام مش كويس على امل انتي عارفه ان هي اختي وانا طبعا بحبها


الحما _بس برده عارفه ان انت بتخافي من ربنا

واكيد هتحاولي تفهمني اي شي 


هبه _كل اللي هقدر اقوله ليكي يا طنط يا ريت تعيشي في حياتك احسن ما لكيش دعوه بامل

ومعلش انا لازم امشي لان ورايا حاجات كتير 

اوي 


الحما _ماشي يا حبيبتي بس ياريت هي متعرفش 

ان قولتك تعالي مش ناقصه مشاكل معاها 


هبه _والله كنت لسه هقولك الكلام ده وبعدها 

مشيت ، وفي اوضه رؤوف كان قاعد 

بيكلم امل 


رؤوف _مش قادر اصدق ان انا وانتي بكره هنكون في شقه واحده وهتكوني مراتي


امل _بس عايزه اقولك على حاجه يا رؤوف ويا ريت تفهمني صح وجود امك معانا دايما هيعمل بيني وبينك مشاكل فاحسن حاجه ان هي تعيش في حالها واحنا نعيش في حد


رؤوف _ده اكيد يا حبيبتي هيحصل طبعا بس برده المفروض هنسال عليها من وقت للتاني مش كده ولا ايه يعني يوم تطلع تاكل معانا 

يوم ننزل برضه عندها 


امل _بس على الاقل مش في الاول علشان ما تتعودش ان احنا نكون مع بعض دايما يعني خليها بعدين اصل انا مش قادره انسي  حماتي الاولانيه واللي كانت بتعمله فيا


رؤوف _ما ينفعش تقولي عليها حماتك خلاص اللي كان بينك وبينها راح لو سمحت مش عايزه اسمع الكلمه دي تاني


امل _اكيد طبعا يا حبيبي المهم احنا 

بعد الفرح هنسافر صح 


رؤوف _لا تاني يوم معلش لان تذاكر السفر 

اتحجزت ل تاني يوم 


امل _مش هتفرق كتير يا حبيبي ، وتاني 

يوم كان فرح ابني وانا كنت وافقه فرحانه اوي 

وجت هبه قالت 


هبه _في ايه يا طنط مالك واقفه لوحدك ليه كده تعالي ارقصي معانا


الام _حبيبتي علشان تعرفي تاخذي راحتكم خليني  هنا انا مبسوطه اكثر


هبه _تعالي تعالي بس وبعدها روحت ومسكت 

ايد امل ورقصت معاها ولقيت رؤوف وطي 

عالارض وانا قولت أنه هيبوس رجلي فقولت 


الام _اسم الله عليك يا حبيبي لا قوم متبوسش  رجلي قدام الناس طبعا ، وبعدها لقيته 

وطي علي رجل امل وقالت 


امل _رجل مين يا طنط ده بيبوس رجلنا مش هكون مراته حبيبته ولا ايه ده انتي المفروض تفرحيلي أن ابنك بيحبني وبعدها أنا وقعت 

في الأرض وحصل

               الفصل الثالث من هنا 

لقراءة باقي الفصول اضغط هنا

تعليقات



حجم الخط
+
16
-
تباعد السطور
+
2
-