رواية جدايل حكيمة الجبايل
الفصل العشرون20
بقلم ايمان صالح
إسراء••بجسد مرهق من الضرب قبل العمل الشاق !! إنت مش راااچل صح،، نهجت،، لو إنت رااچل امك مكانتش ضربت مرتك،،
عبد الباري ••أمي دي ست الدار،، وآني ودها،، ومش كمني مچلعك تجومي تفكريني عاركبك عليها !!
إسراء••بفم به بعض الدماء لاتعلم من أين اتت،، خلاص عبباري،، ولادلع ولا يحزنون،، شوف دلعك انت وياها بينزل مني كيف!! طلجني ياعبباري لو راچل،، لو راچل طلجني،،
بخيته ••إنتي شايفه روحك وحاسه حالك حاچه علي إيه عااد ؟؟ إنتي حيالله حتة بتاعه بدبلون مش معهد تمريض حتي كيف الدكتورة سماح بتي وبتتنططي علينا،،
إسراء ••تفتح الدولاب لتخرج حقيبه،، إلضاكطووره سيمااح !! إشحال لو مكانتش بتدي حجن في العضل يامرة !! إنتي كنتي عملتي إيه عااد لو دكتورة بحج وحجيجي!!
عبدالباري••نظر لأمه ثم لها بغيظ،، إتلمي بجي ياسراء لاحسن والله العظيم هنزل فوجيكي آني كماني مهخليلك ملامح،،
إسراء ••يلا ياسبع البرمبييه !! تبجي كملت عااد،، عشان تطلجني صووح،،
عبدالباري-•بعنف شد منها الحقيبه وهي تقاوم،، وتصرخ،، بس سيبها،، بس إنتي وإوعي،، ركلته بقدمها موضع ماطالت منه قدمه صرخ ثم قام هو الآخر بضربها،،
إسراء ••اااة،، ياإبن الكاالب!! جسمااا برب العباد إنك ماراچل !! ورخيص،،
بخيته••أبااي علي لسانك اللي عاوز حشه ! بجاش راچل بحج لو ماعرفتها المرچله وبطلت چلعك،،
إسراء••علي حماتها،، تفوو،، حسبي الله ونعم الوكيل فيكي يامبومه،،
رفع عبدالباري أكمام جلبابه،، ذلك الشخص المعدوم الرجوله،، ذات الفهم القاصر،، وفعل كأنه يشمرها للأعلي ثم قام بركلها في كل مكان من جسدها،، أسفل بطنها وعلي وجهها وبأقدامه والأم تقف وتقول له بتحفيز،، إديها ياولدي خليها تتأدب وتتربي،، ياجليلة الربايه يابت الناجصين !! وأخذ يطئها وكانها أرضااا إعتدي عليها المستعمر الغاشم !! بعد القليل،،إسراء تنزف بحق،، ليس كأول،، بل تنزف نزيفااا حقيقيااا من فمها ووجهها ومن أسفل منها،، وذراعها صار كأنه بالون منفوخ بالهيليوم،، مرتفع منتفخ،،
رأت بخيته منظر الفتاه وصرخت بهستيريااا،،
بخيته ••ياالاااهوي !! إنت اتغاشمت علي البنته إكده لييه !! إوعك توديها في حته لاهتوديك إفداهيه،،
عبد الباري••خدتلك حجك يمااا،، ولا تجلجي،،
إسراء تحاول النهوض بعينها الزرقاء المتكدمه،، وشعرها الحريري المنسدل صار مقطعااا وليس به واحدة طول الأخري،، ذرعها المنتفخ لايحملها،، دماائها التي تسيل تغرق الأرض،،
إسراء ••بصرخة واحدة،، ااااه،، اااه،، أني چيالك يمااا،، يااتهاااني !! بكاء إلحجيني يمااا،،
بنفس اللحظه،، في بيت رشيد،، تهاني أمسكت بقلبها،،
تهاني ••واااه !! بتي !! خير يارب،، جلبي،،
ربي••خير يابتي مالك فيه إيه عااد !!
تهاني ••بتي مش إبخيير،، جلبي واكلني عليها،،
ربي••طيب جومي دجيلها عالمحمول !!
تهاني ••امسكته،، ييييه !! مش إمعبي رصيد،، حد معاه دجيجه ؟؟
إبراهيم ••الوجت دلوك وجت عصاري مهتلاجيشي حد فاتح واني معاييش رصيد والله،،
تهاني ••يابوي!! إسترها معاكي يابتي،،
ربي••جومي بينا نروحولها !!
تهاني ••طيب عااد هلبس بس،،
في بيت عبد الباري،،
إسراء تلك المسكينة تحاول إستجماع ماتبقي بها من قوة لتقف علي أقدامها،، فتحت الحقيبه وأخذت تلقي بملابسها بها،،
بخيته ••تسحبها من يدها لكي تمنعها من الخروج من الذراع المتورم،، وأخذت الفتاه تصرخ وتصرخ وتصرخ حتي سمعتها زوجه الابن الآخر،،
إسراء ••ااااه،، ااااة،، يدي ياكاافرة،، ااااه،، إلحجوني ياخلج،، عااااااااا،، بكاء بصريخ،،
الزوجه الأخري دفعت الباب فتحته وذهلت من المنظر،،
زوجة ابنها••واااه !! يامري الطافح !! عملتو في البنته إييه !! أهربي ياسراء لايموتوكي،، أُهربي يابتي،،
بخيته ••للزوجه الأخري،، عما تعملي إييه ياهاتيرة إنتي راخره !! دي بتنزف عااد !! هتروح تحبسنا يابت الفرطوس إنتي رااخرة !!
الزوجه الأخري ••ماتتحبسي يامرة ياسو !!إنتي عامله فيها إكده لييه إنتي وهوا !!
عبد الباري ••بعدي يامرت خوي عاوز ألحج مرتي،، إوعي جبل ماتعمل نصيبه تأذينا،،
وقفت زوجة أخيه الآخر وفردت يديها يميناا وياسار لتحبسهم بعيدااا عنها في الغرفه ثم صرخت عليهم لتقول،،
الزوجه الأخري ••والله العظيم ماحد چاي يمتها،، سيبوها فحالها عااد !! منكم لله كنها كات حبلي وسجطوها بضربكم فيها،، منكم لله يابعدا إنتو الچوز !!
كانت قد حملت أوجاعها وتحاملت علي روحها ثم حملت الحقيبه بصعوبه بها بضعاا من المبلاس وذهبت تستند علي جدران المنازل حتي وصلت لبيت أبيها بشكلها الذي يثير غضب الناظرين،، اما عن بخيته فأخذت توولول وتلطم خداها بيدها من شدة لطمهما وهي تقول،،
بخيته ••يادهوتاااي !! إنتي اللي تخليها تنزل من بيد إيدينا وهيا حالها إكدة !! ولدي هيتأذي بسببها !! منيكي لله ومنها لله،!!
زوجه ابنها•• منك إنتي لله عاللي إنتي وولدك عملتوه فيها !! والله لو رفعت عليكم شكوي وطلبت شهادتي لهتدلي وأشهد معاها،،
تركتهم ونزلت غير قادرين علي لمسها لأن هذا الزوج الآخر يضع زوجته في موضعاا آخر،، غير مهين ولا مخذ!! لا يهينها ولاينهرها حتي أمامهم،،
بعد أن وصلت الفتاه أمام البيت تحاول الدق علي الباب ولكن الباب كان مردوداا فقط،، دفعه واحده وكانت داخل المنزل وهي من الأساس خاائرة قواها،، لاتستطيع تكملة الخطي،، بقدم تعرج عليها والأخري بها العرجاء،، وجدت نفسها امام من كانو يحضرون حالهم ليذهبو إليها،، سقطت الفتاة من طولها أمام عيني چدايل وتهاني،، ونظرت الإثنتان لبعضهما وصرختا في نفس واحد ثم جريتا عليها لينقذوها ،،
سراااء !! بتي !! جومي ياحبيبتي
الاخري،، مين عامل فيكي إكدة وانا أچيبلك روحه بيدي،،
تهاني ••لسه هنتحاكو !! الحجينا ياخيتي،،
چدايل ••إءء،، حاضر حاضر يابرااهيم !! تعالي إلحجني يااخووي !!
تهاني ••من تراب الأرض ثم تضع علي رأسها،، يااويلي يابتي !! ياجلبي وحشايا يابتي !! لحج لحمك يابررااهييم،، بندب وصريخ جعلت إبراهيم يخرج مسرعاا من غرفته،،
إبراهيم••متلهفاا،، إيه ياولااءء!! وه !! يانهار مطين إبطيين !! مين اللي عمل في البنته إكده !!
تهاني ••هوا مافيش غيره عبباري وأمه،، والله لاشتكيهم ووديهم ورا السمس بس بنتي تفوج،، بكااء،، الحجووني ياخاالج،،
چدايل ••إتصرف ياخووي،، إلحجنا بإسعاف جواام،،
سريعاا ماهرول إلي الخارج ليجلب إسعاافااا،، وأتي به وأخذوها للمشفي بعيداا بسبب النزيف،،
في غضون الدقائق كان عبد الباري وبخيته عند المنزل هناك يحاولون لملمة الموضوع،، لكن بالطبع دون جدوى،، كانت حينها ربي وچميله بالمنزل وچدايل وتهاني بإسراء في المشفي هي ومعهم اخيها،،،،
الباب يدق،،
ربي••من الداخل،، ميين !!
عبد ااباري••بتهتهه،، إءء آني ياست ربي،،
ربي••بإحتقار،، عاوز إيه يانطع الزريبه ياناجص ؟؟
بخيته ••چرا إيه ياست !! إنتي هتجللي أدبك عاااد؟؟ بتنا چوة وعايزينها تروح معانا،، فيها حاچه دياتي ؟؟
بغيظ فتحت ربي وكادت أن تخلع حذائها لتنسله علي رأسها لكنها تماسكت في آخر وقت،،
ربي••أهلااا ياست هاانم !! يامعووچه عالخلج !! يابت الأصول ياللي معاتطلعشي من بيتكم العيبه !! عايزة إيه يا مرا ياجادرة إنتي؟؟
بخيته ••وه وه !! آني مرة جاادرة!! الله يسامحك !! نادميلي بتي لو تسمحي،،
ربي••بتك !! بتك مين ياظالمه يامفتريه !! بتك اللي چاية عما تشلب دمها من كل مُطرح !! كنها كانت في خناجه ولاعاركه حراميه ؟؟ منيكي لله عااد،،
بخيته ••وآني مالي ياخيتي !! اهو چوزها واجف چدامك أها،، وهوا اللي كان عما يأدبها،،
ربي••إيواااة،، هوا كان بيأدبها،، ودك إنتي اللي عما يأدب بت رشيد كبير الجبايل !! عموما ودك زمناته حاليااا بيتعمله محضر ضرب وتعدي وإنتي كماني نفس الكلام،، وإدعي من ربنا إن البنته تعيش ماتموتش،، لچل ماتتمرچحيش في حبل المشنجه يازينه مامليحه ياحييلوة ااانتي هييييه !! ومن غير بعد إذنكم،، بكل غل وما أوتت من قوة،، صكت الباب بقدمها بغليل زاائد حتي إهتز من مكانه واأغلق في وجههم وأخذوا يدقون ثانية،،
عبد الباري ••ياست ربي !! مايصحش إكده ياست إفتحي نتحدتو طيب !! طب فين المستشفي آنهي واحده،،
من غيظها چميله ملأت دلواا مملوئاا بالماء ومن أعلي السطوح صعدت وألقت الماء عليهم أغرقتهم الإثنان،،
بخيته ••بشهقة من البلل،، حااااه،، يابت الل،، فرطووس !! ماشي يابت الأصول مااشي،،
چميله ••مشي يامبومه من إهنه،، يلا ياوليه ماجصديش أدلج الميه عليكي،،
عبد الباري ••سحب الأم من يدها قائلااا،،، يلا يما هيبهدلونا مسخره عاااد !!
بخيته ••أخذت تجرجر خيبتها وتسير وهي تشلشل،، أمال هايعملو فينا إيه عااد بعد إكده !! يامرااي !!
في المشفي،،
الفتاه تصرخ من شدة الألم من الأسفل،، وجروحه تباغتها بالألم،، لا تعرف ماذا تفعل بعد ان فاقت من الوقعه التي وقعتها امام منزلهم،،
إسراء••اااه يماا،، لحجوني يانااس !! فيه تجل ساجط مني من تحتي يماا،،
تهاني ••والله يابتي بيچهزو الأوضه إهدي دانتي واخده مسكنات عااد !!
دخلت عليها الممرضه،، فين چوزها ؟؟ فينه !!
تهاني ••عما جولك چوزها هوا اللي ضاربها هيچي معانا كييف؟؟
الممرضه ••خلاص تمضي إجرار بإن اللي هايحصل علي ضمانتك إنتي وكمسؤؤليتك،،
چدايل ••بحمقه وغيظ،، سحبت من يدها القلم بنتشه،، ياخيتي هاتي وعلي ضانتي اااني !! البنته هاتموت خلصينا يارايجه !! مضت ورائها تهاني،،
الممرضه ••بأسلوب فظ لچدايل،، إنتي إمضتك مالهاش عازة أصلااا،، إنتي تبجيلها حاچه !! مالك ومالها !!
تهاني ••خلعت حذائها،، وهوشت الفتاه،، غوري يابت إنتي من إهنه !! هيا ناجصاكي عااد !! غوري ياشيخه غووري،، وذهبت لطقم التمريض وبعلو صوتها،، چرا إيه يامستشفي هم إنتم !! البت تموت لچل مااتتوكد إنها بت ناس وأهل فيه إييه !!
وراائها چدايل أخذت تخرج للخارج وتدق علي معارفها الأطباء،، وقلبت المشفي رأسااا علي عقب،، ردت عليهم رئيسه الممرضين بعد إتصالات چدايل،،
الحكيمه ••لامؤاخذه يااچماعه لامؤاخذة عندي الواچب دة !! اللي مايعرفك يچلك ياكبيرة إحنا آسفين دى ممرضه چديده،،
چدايل ••ماتخشلناشي تاني البنته دياتي،، وأرچوكم إلحجو المريضه،،
الحكيمه ••حاضر حاضر،، يابنات لو سمحتو يلا بسرعه ونادمو للدكتور جواام،،
إنقلب الحال وتم بسرعه إدخالها إلي غرفة العمليات،،
بعد النصف ساعه،، خرجت،،
تهاني ••هيه يادكتور طمني كان فيها إيه !!
الدكتور ••إجهاض ياحجه،، حالة إجهاض وقطع جزئي في الرحم نتيجة ركله أو ضربه بآله حادة،، هوا إيه اللي حصل لإني إستدعيت الشرطه ولازم نعرف ملابسات الحادث اللي حاصل دة،، إيه اللي أدي للإجهاض وضرر الرحم بالشكل دة !!
چدايل ••والله يادكتور علمنا علمك،، هيا متچوزة وفبيت عليه ومرة واحده لجيناها جدامنا بتجع بالمنظر دة،، ياريت لو فيه حاچه تفيدنا بالأوراج سهلنا خروچها عشان لو حابين نشتكي،،
الدكتور ••تمام تمام،، التحقيق هيتفتح لما تفوق عشان اقوالها تتاخد،، ربنا يقومها بالسلامه،، تركهم وذهب،،
تهاني ••يارب،، ياارب !! نظرت لچدايل وهي تضع يدها علي فمها وعيونها مملوئتان بالدموع،، بتي ياچدايل،، هتروح مني عاد ؟؟
چدايل ••بأريحيه ومل تتطئطئ علي كتفها،، لااه ياخيتي ربنا هايسترها معانا عااد ماتجلجيشي،،
تهاني ••ياارب !! بتي سجطت،، والكلاب اللي كانو مطلعين عليها إشاعه إنها مفهاش للحبل،، بكااء بحرقه شديدة،، ياسواد حظك يابتي،، راسها بين يديها تندب حظااا علي الفتاه،، ااااه يابتي اااه،،
چدايل ••بتك اللي عمل فيها إكدة!! لااازمن يتحاسب،، لو كان مين حتي،، وإوعي تجبلي بأي مصالحات فاهمة !!
تهاني ••مش لمن تجوم بالسلامه الأول،، يابتي اااه،،، بكااء،،
چدايل ••أخذتها في حضنها،، إچمدي ياتهاني ماتبجيش خايبه،، خير والله خيير،،
بعد أياام مما حدث،، بعدما إستعادت إسراء وعيها وأدلت بأقوالها للشرطه واخذوا الزوج وأمه للتحقيق،، بمعني الحرف عذبواا حرفيااا،، وكانت إسراء تتلذذ بوجودهم في القسم،، أحيل عليهم طوب الارض لتتنازل عن المحضر والقضيه،، لكن المقابل الرفض،،
بعد أربع شهور بنفس الطريقه،، چدايل تقف بالمرصاد لمن يحاول أن يعيد الفتاه لبيتها لكي لاتتعرض للإهانه ثانية،، في جلسة حديث بينها وبين تهاني،،
تهاني ••أهم حايلين طوب الأرض علينا كيف مانتي شايفه إكده،، وآني مش راضيه،،
چدايل ••ربك والحج ! البنته تجعد إهنه چارك ولا تاچيكي مجتوله تاني،،
تهاني ••كلام الناس واعر ياچدايل،، آني بدي يطلجوها وخايفه ومرعوبه من لسنه الناس يابت عمي !!
چدايل ••وه !! حديت الناس !! حديت الناس ولا بتك يابت الحلال!! ماهي هتبجي چارك،،
تهاني ••لااه،، فكريلنا فحل تاني،، خلينا نفكروا زين،،
چدايل ••حل زين !! مافيش غير إنها تطلع من بيت العيله وإنتي عارفه عند بيت فاروج الوضع ده يستحية آبداا،،
تهاني ••والله نعرضوا عليهم كيف مابراهيم بيجول ونشوفو ردهم،،
أبراهيم يأتي من بعيداا قائلاا،،
إبراهيم ••ياچماعه الحرمه مهما كانت مالهاش غير بيتها وچوزها،، يتحطله جواعد يمشي عليها وده المهم،، فكركم آني مرتي دي لو خرچت عن طوعي مهأدبهاشي!! لااه تتأدب،،
ردت عليه ربي،،
ربي••ومرتك دي لو خرچت عن طوعك وإنت ادبتها بالضرب والبهدله والجلة الجيمه مفكر إنها هتبجي إكده طوعك ؟؟ ولا لو فكرت إكده وحاولت تعمل إكده !! آني هسيبك تأدبها !! داني ابعتك طوالي لبوك يواد ياناجص،،
چميله ••بيدها علي كتف حماتها،، تسلميلي ياامي،، قلبت كتفها،، شايف الامهات ياراچل !! مش العرة بخيته !! خليكي يابت جاعدة وإطلجي،، وآني أجوزك محمد خووي،، أهو مطلج هوا كماني وبيدور علي عروسه،،
إسراء ••بس ياچماعه حيلكم حيلكم،، آني يستحيل بعد اللي شوفته هناكه عنديهم اعاود له تاني !! دة كنه يموتني هوا وأمه ياخلج !!
چدايل ••هاتتحل يابتي،، سيبيها لله،،
بعد عدة أشهر أخري،، تهاني تقابل زوج إبنتها وتجلس لتتحدث معه علي إنفراد،،
عبدالباري••إسمعي ياخاله،، آني كان ممكن أسيب بتكم إكده كيف البيت الوجف واروح أتچوز وأچيب عليها ضرة،، بس آني مارضيتش غير لما أجابلك ونجعدو نتحدتو بعيد عن چدايل وبراهيم والناس اللي عاوزة خرابها دياتي،،
تهاني ••بس دولي اهل بتي،، وعند الخلاص وكل واحد يروح لحاله هما اللي هيجعدو،،
قاطعها قاائلااا،،
عبد الباري ••آني مش هجعد مع حد ولابتاع،، آني يوم ماچيت تها خدتها منيكي إنتي وكلامي وإتفاجي معاكى انتى زين ولاشين ؟؟
تهاني ••چيب آخرك ياود بخيته،، ولو عچبني الحديت يبجي هشوف بتي إيه رأيها واجولك،، أخرج عبد الباري حقيبه مملوءه بنقود وفتحها أمامها دهشت من كثرة العدد،، واااه !! بتاعت مين دياتي!! سراج كماني !!
عبد الباري ••خشمك ياعچوزة،، دة مالي آني وأمي،، بجي بتاعك إنتي وسراء خلاص،، بس بشرط،، يانهاردة يابكرة تكون عندي بالكتير،،