رواية زواج لم يكن في الحسبان الفصل الخامس عشر15بقلم امل احمد
يخرج الطبيب من غرفة العمليات ويقول:مين فيكم هنا تبع الحاله اللي جوه؟
اتجة علي نحو الطبيب ويقول : أنا أبوها يا دكتور طمني
الطبيب : الحمدلله قدرنا نوقف النزيف ، عندها كسر في الايد اليمين بس ف مشكله
على بقلق : مشكلة ايه ؟
الطبيب : المريضة هتدخل العناية المركزة لمدة أربعة وعشرون ساعة لو فاقت يبقي الحمدلله تخطت مرحلة الخطر مفاقتش هتدخل في غيبوبة
نادية بشهقة وبكاء وهي تجلس على الأرض : لااااا بنتي
الطبيب : أدعو لها الساعات دي تعدي على خير عن إذنكم
بعد مدة تخرج رغد من العمليات وهي محمله على الترولي فاقدة الوعي ورأسها يحاوطة الشاش الأبيض
يونس وهو ينهض ويركض نحوها ويقترب من وجهها بشده لدرجة أختلاط أنفاسهما معا يأخذ نفسه من أنفاسها التي تخرج من أنفها قال بوجع : أوعي تسبيني يا رغد زي مريم أنا لو وقعت تااااني في نفس الوجع مش هقوم منها تااااني وقبل جبينها وقال : أ نا آسف ......ولم يكمل حديثه بسبب الرؤية أصبحت مشوشة بالنسبة له مما أدى ذلك فقدانه لوعيه
محمد بفزع : يووووووووونس
ف الإسكندرية
أمام العيادةالنفسية
مي برعب : أنا خايفة
آسر بتهديد : متخافيش يلا تعالي أختاري السجن ولا تتعالجي
مي بخوف : لالا هتعالج ودلفت مع آسر داخل العيادة
بعد نصف ساعة أتى دور مي ودخلت عند الطبيبه
حبيبة : أهلا يا قمر اتفضلي ونظرت لآسر قالت : اذيك يا أستاذ آسر
آسر : الحمدلله ، مي خطيبتي اللي قولت لحضرتك عليها
حبيبة وهي تمسك يد مي قالت : مالك يا مي ببترعشي ليه ، مفيش داعي للخوف اعتبريها جلسة فضفضة
ونظرت لآسر مرةأخرى قالت : بعد إذنك يا أستاذ آسر انتظر مي برة عشان الجلسات النفسية بتكون سرية بيني وبين المريض مينفعش فيها طرف تالت أي كان مين
آسر بتفهم : حاضر
وتركهم وخرج
حبيبة : بصي بقا مش هقولك تعالي على الشاذلونج وجو المرضى النفسيين وورقة وقلم والكلام ده احنا هنتعامل كأصحاب اوك يا مي
مي وهي ترد بصوت مهزوز : أوك
حبيبة بتشجيع : يلا اتكلمي وانا هسمعك، قولي كل اللي عندك
مي وهي تأخذ نفساً عميقاً وتتحدث: الحكاية بدأت............
في القاهرة
في المستشفى
محمد بقلق : ابني ماله يا دكتور ؟
الطبيب : أبنك اتعرض لصدمة نفسية أنا أديته مهدئ ، متقلقش هيبقي كويس ، بس الظاهر كدة أن الصدمة دي موجودة من زمان بس الصدمة دي اتجددت لم أ تعرض لنفس الموقف أو موقف مشابه مقدرش يتماسك فده سبب له الاغماء ساعة كدة وهيفوق ويبقى تمام متقلقش
محمد بإطمئنان : ربنا يطمن قلبك يا دكتور شكرا لحضرتك
أمام العناية المركزة يقف كل من علي ونادية
نادية ببكاء : قومي يا رغد متوجعيش قلب أمك عليكي يا بنتي، يااارب رجعها لحضني ياااااارب، ونظرت لزوجها واكملت أنا واثقة وعندي حسن ظن بالله أن ربنا هيسمع مني وبنتنا هتعدي الأزمة دي
علي وهو يواسيها : ونعم بالله ، إن شاء الله هتبقى كويسه وتبقي احسن إهدي بقا عشان لم تفوق تكوني جمبها كفاااااية يا نادية عياط وادعي لها هي محتاجة الدعاء دلوقتي
نادية وهي تمسح دموعها : تفتكر يونس هو السبب عشان كدة مش عايز يعترف ويقول اللي حصل وازاي رغد جت هنا ؟ دماغي هتنفجر من التفكير رغد جت هنا ازااااي ولييه؟
علي: لا معتقدش يا نادية إن يونس السبب في حالة رغد أنتي مش شايفة حالته إزاي مستحيل يونس يكون بيمثل أنا قلبي وقع معاه لم طب ساكت مرة واحدة لم شاف رغد وهي خارجة من العمليات بكرة رغد تفوق بإذن الله ونعرف منها كل حاجة .
ف العيادة النفسية
مي : من صغري وانا بتعرض للمقارنة وخصوصا من رغد لم عزلنا جمبهم ماما دائما كانت تقولي خليكي زي رغد اعملي زي رغد ، شوفي رغد بتعمل ايه لدرجة وانا كنت في تانية ثانوي يشاء القدر ننجح أنا ورغد ونقفل في المواد ونتقارب في المجموع في امتحانات الشهور واتكرمنا سوا وانا مبسوطة وابتسمت بوجع
تخيلي ردة فعل مامتي كانت ايه ؟
كسرت فرحتي وكسرت ثقتي بنفسي قالتلي أكيد رغد غششتك وساعدتك من اليوم دة والحب بدأ يتحول لكره ناحيتها رغد بالنسبالي عدوتي ، ظلي الأسود اللي عايزة اتخلص منه بأي طريقة قالت( آخر جمله بغل )
نعم عزيزي القارئ فشعور مي أمر طبيعي بسبب تكرار المقارنة بينها وبين رغد
مي ضحية والديها بسبب تفكيرهم أن المقارنة تعمل علي تشجيع ودعم ابنتهم ولكن كانت النتيجة عكس ذلك ، بسبب المقارنة أدت إلي تأثر الصحة النفسية ل مي وزرعت بداخلها الشعور بالاحباط والغيرة والحقد والكرة تجاه رغد.
فعقدة المقارنة هي ثلاث مراحل
المرحلة الأولي هي إنعدام الثقة بالنفس وتدني الذات والتقليل من أي عمل أو إنجاز
المرحلة الثانية هي فقدان الثقة في الوالدين والإبتعاد عنهم
المرحلة الثالثة هي الانتقام من الطرف المقارن ومحاولةالتخلص منه إلحاق الأذى به بأي طريقة ممكنه وهذة هي المرحلة التي وصلت لها مي
حبيبة وهي تتفهم شعورها قالت : أهلك فين حاليا ؟
مي : موجودين ، زي مش موجودين مفيش حنية مفيش دعم ، ولا حب ولا إحتواء أهلي فاكرين أن الماديات كل حاجة عملوا كل اللي عليهم كدة واجبهم.
فبعض الآباء يظنون أن الاكتفاء المادي فقط هو كل واجبهم تجاه أبنائهم
وأكملت بحزن :
من الناحية الماديه بالنسبالي أي شئ اطلبة بيجيلي لو طلبت نجمة من السما هيجبوها انا مكتفيه منهم ماديا لكن معنويا حاسه اني وحيدة دائما شايفين اني قليلة مهما عملت وبذلت مجهود
تصدقي لو قولتلك اني فكرت اسيب البيت وامشي بعيد عنهم
حبيبة : لا طبعاً مينفعش لو عايزين نحل مشكلة لازم نواجهها، لازم يبقي عندنا عزيمة وإرادة والأهم لازم تتقبلي نفسك أنتي مش قليلة أنتي جميلة يا مي كل شخص فينا عندة حاجة مميزة ومختلفة تميزة عن الباقي
مي : بجد يعني انا مميزة
حبيبة : طبعا يامي كل اللي انتي محتاجاة انك تعرفي الحلو اللي جواكي، وتعرفي ايه هي الحاجات دي وتستغليها صح وتتجدي ثقتك بنفسك صدقيني هتشوفي نفسك بوجهه نظر تانيه خالص
مي : حقيقي أنا ارتحت ليكي ومبسوطة بكلامك
حبيبة بابتسامة : طالما ارتحتي ليا يبقي تنفذي كل اللي هقولك عليه اتفقنا
مي : اتفقنا
ف المستشفي
يونس وهو يستكمل حلمه رأي مرة أخري تلك الفتاه التي كانت تبكي كانت هذه الفتاه هي رغد
يونس بصدمة : رغد
رغد وهي تبتعد عنه قالت : أمشي يا يونس من هنا
يونس : لالا مش هسيبك إحنا هنخرج سوا من هنا أنا خسرت مريم ومش مستعد أعيد التجربة تاني يا رغد وأخسرك
رغد وهي تنظر لقدميها قالت : مش هقدر أجي معاك
فنظر يونس لقدميها وجدها مكبله بسلاسل من حديد
وحاول فك قيدها ولكنه لا يستطيع ولا يعلم ماذا يفعل؟
انقطع حلمه مره آخري وهو يستعيد وعيه
وجد والده يجلس بجانبه
محمد : حمدالله على سلامتك يا ابني ، أنت كويس
يونس : رغد فاقت ؟
محمد : لسه يا يونس الدكتور قال بعد أربعة وعشرون ساعة
يونس بصوت مهزوز وتعب : رغد لازم تفوق يا بابا لازم وترجع معايا البيت
محمد : هتفوق وترجع معاك قول ياااارب
يونس : يااااارب .