رواية مع وقف التنفيذ الجزء الثاني2 الفصل الثالث عشر13
بقلم نجمة براقة
لم يزر النوم عينيه في تلك الليله، في انتظار قدوم اليوم التالي، ليذهب لمازن ويسألو عنها، ومع اول النهار، خرج من منزله وأتجه مباشرة
إلى منزله، لتجيبه والدته، وعندما يسألها عنه تُخبره انه نائم ليطلب منها ايقاظه لضروره، ثم تذهب
والدته اليه وعندما تخبره باسمه الذي اخبرها به ينهض بسرعه، ويدخل الحمام، يغسل وجهه سريعآ ويخرج
مازن = هو انت؟! ايه جابك؟!
يونس = شكلك عارف اللي حصل وهتوفر عليه كلام كتير.. فين نانسى؟!
مازن = عاوز منها ايه تانى؟!
يونس= عاوز اقابلها
مازن = مبتقابلش حد، قولي انا اللي عايزة تقولو ليها
يونس يتطلع به ليعقد حاجبيه= هي تعرفك انت ولا صاحبك؟!
مازن= وانت مالك
يونس= اممم، طيب شوف، انا كده كده اقدر اوصلها بيك من غيرك.. بس قول لصاحبك يبعد عنها، عشان حسابه كتر
مازن = يبعد عنها؟! ليه هو ايه اللي حصل؟!
يونس= هو مقالكش اللي عمله عشانها؟! مقالكش اتدخل في اللي ميخصهوش وخدها وهي اسمها خطيبتي
مازن = اااها، طيب وايه يعنى؟! برافو عليه، ونانسي مش هترجع،.. لانها هتكون مراتى
يونس = مراااتك، مرات مين فيكم انت ولا هو
ماشي = لا ياخويا مراتي انا،.. انا وهي بنحب بعض وهنتجوز
يونس يبتسم= انت عارف انها مبتحبكش وموعدتكش بحاجه.. بس ياترا عارف ان صاحبك هو كمان حاببها؟!، شكلك متعرفش
مازن يمسك به بغيظ = انت كداب،
يونس يفلت يده = صدق متصدقش براحتك
مازن يهدء قليلآ = عمل ايه ضياء علشان تقول كده ( قالها وانتظر الاجابة بترقب)
يونس = بيغير عليها مني
مازن = يغيير عليها؟! وحضرتك بقا اسامه منير علشان تفهمها دي
يونس= براحتك، هو مش بيحبها ولا تفرق معاه حلو كده،.. بس هتقول هي فين ولا أدخل اخوها فى الموضوع
مازن = مش هتوصلها، ودخل اللي انت عاوزة، وامشي من هنا
يونس = ماشي انا هعرف اوصلها ازاي
( قالها وذهب تاركه لشكه في ضياء ليعود لغرفته ويتصل به عدة مرات ولا يُجيب )
ـــــــــــــــــــــــــــــــــــــــــــــــــــ
كان في غرفته ينظر لسقف ويفكر في كلام سمر وشهد حتي قطع تفكيره صوت عنود لينظر إليها ويجدها تلبس ملابس الخروج
عنود= حبيبي
عمر = لابسة ورايحه فين
عنود = هنروح لدكتوره، ولا انت نسيت
عمر يعتدل= صحيح.. عشر دقايق واجهز ( تقدم خطوات ليقف جانبها ويتطلع بها) متحمسه للمشوار ده انتى
تطوق رقبته وتبتسم= ده انا بحلم انك تفضالي ساعتين علشان نروح مع بعض
عمر بتنهيده = تمام شويه وراجع
دخل الحمام استحم ثم خرج وارتدا ثيابه وعاد اليها
عمر = يلا
عنود = يلا
#عمر
دخلو الشكه في قلبي من نحيتها وكل ما ابصلها وادور علي حبة توتر بسبب كلامي، ملاقيش وشكلها مش فاهمه اي حآجه من اللي بيتقال... بس كله هيبان من الكشف، ولو طلعت مظلومه انا مش هقدر اسامح سمر علي اللي بتعملو، حتي لو بحبها مش هقبل اكمل مع واحده نيتها وحشه كده وميهمهاش مين هيتأذي
" عند الدكتوره "
الدكتوره = اتفضلي
تنهض عنود وتجلس امامها = ايه يا دكتوره
الدكتوره = تمام، البيبي صحته كويسه بس لسة بدري علشان تعرفي نوعه
عمر = وامتي نقدر نعرف
الدكتوره= في الرابع
عمر = هي في الشهر الكام دلوقتي
عنود تنظر له = ايه ياحبيبي ما انا قولتلك
يرفع يده في وجهها ويسكتها= في الشهر الكام يا دكتوره؟!
الدكتوره = شهرين تمام
يضم يده ويكظم غيظه= وكُبر بطنها ده طبيعي علي شهرين بس
الدكتوره = الحقيقه لأ بس هي ونسبه قليله بيكون بطنهم كبيره كده لكتر الميه حولين البيبي، وكمان هو بينمو بسرعه ما شاءلله
عمر يتنهد بضيقه = متشكر
الدكتور= العفو.. هكتبلك ادويه علشان ينمو بشكل طبيعي ويبعد عننا التشوهات ان شاءلله، ( تنظر لها وترفع اصبعها بالقلم) بس بلاش توتر علشان لا قدر الله ممكن يحصل اجهاض
عنود= بعد الشر دا انا كنت اموت
الدكتور= ان شاءلله مش هيحصل، بس نخلي بالنا وخاصه انت يا استاذ عمر
عمر يأوم ايجابآ= مفهوم
الدكتور = اتفضل... مع السلامه
عنود = متشكره يا دكتوره
الدكتوره = الف سلامه
نهضت وذهبو وهو يسبقها بخطوه لتنظر لدكتور وتشير لها بأبهامها بمعني تمام والاخره تأشر لها بأبهامها وسبابتها بمعني المال لتأشر لها بعينها ثم تذهب ويصعدو التاكسي
عنود = مالك حبيبي؟!
عمر= هه، لا مفيش
عنود = شوفت البيبي؟!
عمر = مفهمتش شكله
عنود = انه لسه في البدايه لما نوصل للخامس هنفسر شكله أكتر
عمر يقبل جابينها ويضمها لكتفه= ربنا يجيبه على خير ( قالها ليشرد حتي وصلو العمارة ودخلو ليجدو هيثم يقف امام منزل سمر ويتحدث بالهاتف بصوت مسموع)
هيثم = يابنتي افتحي متخافيش محدش هيعرف اني جيتلك..... هزعل منك افتحي بقا انتي وحشتيني ( قالها ليتطلع إليه عمر بغيظ ثم يمسك يد عنود ويصعد وعندما يراهم يخفض هاتفه بسرعه ويبتعد عن طريقهم ليمرو بجانبه ويتجهو للأعلي مباشرة لتأشر له بيدها من خلف ظهرها وعند وصولهم المنزل يغلق الباب خلفه ويعانقها)
عمر = حقك عليه... انا اسف على كل حآجه
عنود = بتتأسف على ايه؟!
عمر = علي كل حآجه
عنود تربت على ظهره = انا بحبك يا عمر، ومش ممكن ازعل منك
عمر بضيقه = اوعدك كل حآجه هترجع زي الاول واحسن
عنود= حبيبي
عمر يبعدها ويمسك يدها= يلا علشان ترتاحي
عنود = انا مش تعبانه
عمر = طيب كنت هستأذنك النهارده هبات عند ماما علشان تعبانه شويه
عنود= سلامتها بس انا هخاف لوحدي
عمر = طيب ايه رايك تروحي تباتي عند بابا النهارده، علشان لازم اكون معاها
عنود= ماشي حبيبي اللي تشوفه
عمر = ماشى حبيبتي ارتاحي دلوقتي وعلي العصر هوديكي
عنود بإبتسامه= حاضر
( حملها الى الغرفه و وضعها على السرير ثم اعد لها كوب لبن و وضعه على الكوميدينو)
عمر= انا رايح مشوار وهرجعلك كمان ساعة
عنود= ماشي حبيبي
عمر = لو في حآجه كلميني
عنود = حاضر
( خرج من المنزل علي عجله ثم اتجه لعمل سمر، ليحدثها بالهاتف من الخارج ويطلب منها أن تخرج له وبعد وقت قصير تأتيه)
سمر= انت هنا ليه؟!.. حصل حاجه؟!
عمر بإبتسامه = وحشتيني ومقدرتش استنا ترجعي عشان اشوفك
سمر بإبتسامه = وانت كمان وحشتني، بس ايه الرضا ده، كنت زعلان ومش بترد علي اتصالاتي
عمر = مقدرش ازعل منك كتير.... وحشتيني يا سمر
سمر = وانت كمان
عمر= اممم عيد ميلادي بكره
سمر = ازاي ده لسه باقي اربع شهور عليه انا فاكره
عمر = دا اللي علي الورق، بس الحقيقي بكره
سمر = بجد! مكنتش اعرف... كل سنه وانت طيب
عمر = حاف كده مفيش هدايا
سمر= عنيا ليك، هعملك تورته تليق بيك
عمر يتأمل عينيها = عاوز حآجه تانيه
سمر = حاجة إيه
عمر = نكون مع بعض الليله
سمر = مش فاهمه
عمر = مش فاهمه ايه... احنا متجوزين،
سمر= قصدك؟!... لا لا ياعمر مينفعش خالص دلوقتي
عمر بخفوت= ينفع، انا بحبك وانتي بتحبيني ومتجوزين كمان... وانتي وحشاني... دا عيد ميلادي هتكسفيني
سمر بربكه = بس محدش يعرف اننا متجوزين
عمر= مش مهم اي حد.. المهم انا وانتي
سمر = مقدرش
عمر= خايفه اخلا بيكي ولا ايه
سمر = لا طبعاً انا واثقه فيك بس يعني
عمر = لو واثقه فيه بجد مش هترفضي، وانتي بنفسك هتيجي تطلبي ده
سمر بتنهيده = طيب وشهد، مقدرش
عمر = هنسهر عندي في الشقة
سمر = عندك ازاي
عمر = عنود هتبات عند باباها النهارده، انا قصدت اخليها تروح علشان احتفل معاكي
سمر = ماهو بس
عمر = عشان خاطري
(سمر تصمت بارتباك ثم تأوم ايجابآ)
عمر بإبتسامة= اخيرااا وافقتي
سمر = معنديش مشكله بس يعني محدش يعرف اننا متجوزين
عمر = متفكريش في حد، الليله انا وانتى وبس
سمر تبتسم بخجل = ماشي، بس هستنا تنام شهد علشان مش هينفع اقولها
عمر = هستناكي لصبح
سمر بإبتسامه = ماشي
عمر = طيب يلا ارجعي شغلك وانا هروح اجيب حآجه هتعجبك أوي
سمر = حآجه إيه؟!
عمر = لما تشوفيها علشان متتكسفيش
تخفض جفنها بخجل = طيب يلا امشي
عمر بإبتسامة = مش هقولك هتوحشيني علشان انتي ووووحشااني
سمر = طيب يلا بقا
يقبله اصبعه ويلمس شفتيها لتضرب يده وتذهب بسرعه وهي مبتسمه لينظر لها وهو يضم فمه بضيقه ثم يذهب لمحل ملابسه ويشتري قميص قصير ومكشوف، وهي في مكان عملها تظل مبتسمه ولا تستطيع إخفاء ابتسامتها لتنفخ بتوتر وتفكر فيما ستفعله
ـــــــــــــــــــــــــــــــــــــــــــــــــــ
استيقظ من نومه ليُمسك هاتفه ويجد عدة اتصالات من مازن ليعتدل ثم يتصل به
ضياء = الاتصالات دي كلها لأما بتموت وعاوزني الحقك، لأما وقعت في مصيبه وفي الحالتين فكك مني عشان مش هساعدك في حآجه
مازن = لا دي ولا دي... يونس جالي لغيت البيت بيدور على نانسى
ضياء = ايوووه... مالو بيها بقا
مازن = عاوز ياخدها
ضياء = متفتش عليه ليه؟!
مازن = اتف مين؛ انا قده؟!، .. دا انا بفكر اسيبهالو
ضياء= بتفكر ايه ياخويا؟!.... قول متخافش مش هغلط فيك يا ****** يا****** عارف لو انت قدامي كنت تفيت علي وشك يا *****
مازن = طيب ليه الغلط ده دلوقتي، انا بقول بفكر
ضياء = مازن اقفل ومتتصلش بيه تاني
( قالها واغلق الخط في وجهه ثم أغلق هاتفه ليعود لنوم وبعد وقت يستيقظ على ضرب الوساده علي رأسه لينهض بفزع ويجده امامه)
يشد منه الوساده= ابو امك ، ايه جابك
مازن = ابو ابوك انت والكبير في عيلتك يا***** بتقفل في وشي وتقفل تليفونك ليه
ضياء = علشان مش عاوز اعرفك تاني
مازن = غلطت في إيه انا؟! بقولك يونس حسين عاوزها ودا شراني انا مش قده
ضياء يتنهد= براحتك تدهالو' تخللها' تحطها على الشاي، انت حر بس وقتها انا مش هعرفك تانى... علشان مش انا اضحكلك على مرات اخوها والف حولين نفسي زي الأهبل ودراعي يتكسر، وانت تيجي تستعيل وتقولي خايف وهدهالو
مازن= انت عاوزني اتجوزها يعني
ضياء بضيقه = ياااااالله يابني انت هتشلني هو ايه اللي عاوزني اتجوزها امال انت قلبتها ميتم عشان مين
مازن = انا لسه بحبها وعاوزها بس انا مش قد يونس
ضياء = روح يا مازن ادهالو
مازن = يابني انا باخد رايك.. بس انا مش عاوز ادهالو
ضياء = انا برا..... مع نفسك بقا
مازن = وانت مش صاحبي والمفروض تقف جمبي
ضياء = انت حر يا مازن انت حر... والله ما ليه دعوة بيك تاني، شيل شيلتك لوحدك
مازن = طيب انت مضايق ليه دلوقتي
ضياء بنرفزه = يعني ايه مضايق ليه ، ملففنا حولين نفسنا ليه من الاول لما هتسبهالو ببساطه كده... ياعم ده انا قولت انك هتصور قتيل لو حد قربلها
مازن = يعني انت رأيك ايه دلوقتي.. اللي تقوله هعملوه
ضياء = والله ده مش رأيي بس العقل بيقول متسبهاش وتروح دلوقتي تجوزها... بس واضح انك تافه ومش وش مغامرات
مازن = ماشي انا هسمع كلامك وهكتب عليها بس ممكن تقنعهالي عشان بتقولي نتكلم بعدين ومعرفش اية
ضياء = وانا كنت امها عشان اقنعهالك، امال انت شغلتك إيه ما تروح تسبلها بعنيك وتقنعها
مازن = مش هعرف، بس انتو واضح انكم كنتو صحاب ف هتقدر تقنعها
يتطلع به = دلوقتي عاوزني اقنعها مش هي دي اللي خايف اخطفها منك
مازن= يابني كنت بهزر، وبعدين انا عارفك متبصش لحاجة صاحبك ( يتابع بتركيز معه) حتي لما يونس قالي انك بتغير عليها منه انا قولت انك كنت بتضايق علشان حد غيري هياخدها
يخفي ربكته ويبعد نظره عنه= اغير؟!... ههههه اغير علي مين ده باين عليه اهبل هو اللي كل ما حد يصبح عليها يبرق بعنيه زي العبيط
مازن= انا فاهم.. كلامه مفرقش معايا
ضياء = هقنعهالك
مازن = وافقت أخيرا ياعم،.. طيب يلا بقا علشان نروحلها وتقنعها قدامي
ضياء = نروحلها فين
مازن = الشقة
ضياء = لأ اعزمها بره ونتقابل هناك احسن
مازن = خلينا هناك احسن بعيد عن العين
ضياء = لأ مش هروح هناك غير لما تمشي
مازن = اشمعنا
ضياء = هو كده
مازن = ماشي قوم أجهز وانا هروحلها واكلمك اقولك هنتقابل فين
ضياء = ماشي
#ضياء
مكنتش حابب اشوفها تاني، بس لازم اقابلها واقنعها بمازن علشان ميحسش بحاجه، رغم تقل الموضوع عليه
ـــــــــــــــــــــــــــــــــــــــــــــــــــ
ذهب إليها مازن ليقف علي الباب
نانسى= تعاله
مازن = مش هينفع، اجهزي هنروح مشوار
نانسى = مشوار إيه ده
مازن = ضياء عاوز يكلمك في موضوع
نانسى = موضوع أيه ده
مازن = لما نقابله هتعرفي
نانسى = ماشي شويه وجيالك
مازن = مستنيكي في العربيه
تعود لداخل لتبتسم ثم تنظر لصورته وترفع حاجبها
نانسى = اممم مواضيع إيه اللي بينا يا "ضياااء يابت في ايه"... قال يا خبر بفلوس
ـــــــــــــــــــــــــــــــــــــــــــــــــــ
#مازن
واثق انه مش ممكن يخدعني بس كلام يونس قلقني، وكنت حابب اشوف هيقنعها ولا هيستحلا الكلام اللي قولته عن اني اديها ليونس وياخدها لنفسه... وهيبان من تصرفه معاها دلوقتي
« في احدي الكافيهات المطله على البحر يقف مازن بعيدآ ويراقب نانسى التي تجلس على احدى الطاولات و تنتظر قدوم ضياء حتى رأته أتي إليها وهو يتطلع بهاتفه ويحاول تجاهلها إلى أن وصل ونظر حوله بحث عن مازن»
ضياء = فين مازن؟!
نانسى = راح الحمام و جاي
ضياء يجلس= اوووكي.. اي الأخبار ( قالها وهو ينظر بعيد عنها تجنب النظر اليها لينعكس ضوء الشمس في عينيه ويزيدهم بريق)
نانسى = تمام.. مازن قالي عاوز تكلمني في موضوع، خير
ضياء يتطلع بها = صح،.... عاوز اقولك وافقي علي مازن
نانسى = ايه؟! اشمعنا؟!
ضياء= مش هتلاقي زيه
نانسى =مانت عارف ان مفيش مشاعر نحيته
ضياء = بلاش تفكير أهبل، مشاعر آيه؟!... مش كفايه هو بيحبك؟!
نانسى = مش كفاية، لازم اكون حباه
ضياء = ولما وافقتي علي يونس كنتي حباه؟!
نانسى = لأ عادي
ضياء = امال ايه لازم مشاعر دي
نانسى = مش عارفه بس انا مش مرتاحه لارتباطي بمازن
ضياء = وايه السبب؟!
نانسى = معرفش
ضياء = انتي قولتيلي انك هتوافقي على اللى اقوله؟!
نانسى = ايوه
ضياء = وانا بقولك وافقي علي مازن... اولآ عمرك ما هتلاقي حد يحبك ويخاف عليكي زيه.. ثانيآ علشان يونس يبعد عنك، ثالثا بقا علشان اخوكي ميقدرش يكلمك
نانسى = شايف كده
ضياء = ايوة
نانسى تتنهد = ماشي هوافق
ضياء بإبتسامة باهته = مبروك
نانسى = هو اتأخر ليه؟!
ضياء = هتصل بيه
نانسى = ماشي
( يطلب رقمه ويتصل به لينظر لمياه البحر لتنعكس اشاعة الشمس على عينية لتركز نظرها عليهم وتشرد وهي تراقب تعابير وجهه حتى انها المكالمة ونظر إليها و وجدها هكذا ليتطلع إليها ويشرد للحظات ثم ينتبه ويرمش سريعآ ثم يتطلع بهاتفه هو يراها بطرف عين ما زالت شارده، ليفتح الكاميرا ويسجل لها فيديو لا يتعدا الخمس ثواني ليغلقه سريعآ ثم ينزل هاتفه ويحدثها
ضياء = هيييي، شارده في ايه؟! مشوارك بعيد قوي كده؟!
نانسى تتنهد = هو مازن مجاش ليه انا زهقت
ضياء = بيقول جاي
نانسى تتطلع اليه للحظات ثم تتحدث = انت قولتله ياخد لبني في شقتك؟!
ضياء تتسع عينيه = مين قالك؟!
نانسى = سمعت
ضياء = اللي سمعتيه صح
نانسى = ومحستش انها حرام
ضياء = لا حرام ليه؟!، هي لو هتروح ف مفيش مشاكل،.. هو مش هيجيبها غصب يعنى
نانسى تضع مرفقيها على الطاولة وتميل للأمام= تصدق لدلوقتي مش عارفه انت كويس ولا وحش... منين واحد مش بيرحم ودايس في كل حآجه... بيساعد غيره كده من غير مصلحه؟!
ضياء = هجاوبك جاوب يريحك من الحيره دي
نانسى = قول
ضياء = هقولك ملكيش دعوه" وانا حر، وغلط لما تتناقشي معايا في المواضيع دي... ريحتك كده
نانسى = لأ
ينهض = مترتحيش راحتك متهمنيش
نانسى = طيب بلاش دي عاوزة اعرف حآجه تانى
ضياء = مش هقولك حآجه تانيه
نانسى = بس انا لازم اعرف، دا من حقي
يتنهد بضيقه = هااا
نانسى = بتصورني ليه
ضياء بربكه = صورتك امتي؟!
نانسى = دلوقتي
ضياء يمد لها يده بالهاتف فوق كوب ماء مملؤ = شوفي لو لقيتي ليكي صور، نتكلم
تمد يدها لتأخذه ليتركه قبل لمسه ليقع بكوب الماء
ضياء يمسكه بصدمه = يانهار ابوكي اسود التليفون ااااه ايفون يا ظالمه
تبتسم = انت اللي سبته، وبعدين حبكت تدهوني فوق الميه
يجففه بالمناديل= انتتتي تسكوتي من يوم ما عرفتك وانا مشوفتش يوم عدل
نانسى بإبتسامه = انت قاصدها متمثلش
ضياء = ملاذ فكك مني.. قال قاصدها قال.. التليفون مش راضى ينطق
( تأخذه منه وتضغط على زره ليعمل ثم تمد يدها له.. لينظر بعيد بخزي ويمد يده لأخذه لتتلامس ايديهم ليشده منها بسرعه ويحاول ان يشتت تفكيرها)
ضياء = فلوسي حلال عشان كده اشتغل
نانسى بإبتسامه = طبعا
يجمع حروفه= احم... انا صورتك عشان بحب احتفظ باللحظات المهمه، ودي لحظة مهمه في حياة مازن.. بس انا ممكن احذف عادى الموضوع هايف
نانسى تأوم نافيآ= عادي
ضياء = هو الزفت ده اتأخر ليه
نانسى = هيجي دلوقتي
ضياء = ده مش هو اللي جه... بصي وراكي
(تتطلع خلفها لتجد يونس قادم لتنهض وتستدير إليه)
يونس = ملاذ لازم نتكلم
نانسى = مفيش بينا كلام لو لسة شاكك فيه بلغ عني
يونس = انا آسف ... الموضوع كان صعب بنسبالي
نانسى = بتتأسف ليه بقا، ولا يكون فهمت اني مش بخونك
يتطلع لضياء = من نحية الخيانة ف هو في خيانة فعلاً... دا قاعد معاكي يعمل ايه وصاحبه عاوز يتجوزك وانتي المفروض مخطوبالي اصلا
ضياء ينهض= جاي اخطبها لصاحبي، وهي مش خطيبتك.. مش رمتلك الخاتم بتاعك، طرقنا بقا
مازن يأتي ليقف بينه وبين نانسى = عاوز إيه
يونس = انا جاي اتكلم مع ملاذ انتو بره الموضوع
ضياء يبتعد عن الطاولة = مع نفسكم انا ماشي
مازن= هتمشي وتسيبني
ضياء= هي وافقت تجوزك، ودوري انتها، موتو بعض بقا ( قالها وذهب لتنظر إليه حتى اختفى)
يونس= لحظه لو سمحت، هتكلم معاها وبعدين همشي
مازن= بقولك خطيبتي وانا مش هسمحلك
نانسى= لحظه يا مازن لو سمحت، انا عاوزة اعرف هيقول ايه.. اتفضل يا أستاذ يونس
مازن بتذمر= نانسي
نانسى= عشان خاطري، خليه يقول اللي عنده
مازن يتنهد بضيقه= ماشي خمسة وراجع( قالها وذهب)
نانسى= ها قول
يونس= انا جاي اعتذر على الي عملته
نانسى= ماشي وانا مسامحه بس مفيش رجوع
يونس= ملاذ انا بحبك، لكن بسبب اللي مريت بيه بقا عندي قلق من كل اللي حولية، ورساله زي دي جننتني.. وانتي جربتي الخيانه وعارفه
نانسى= جربتها، بس مش مستعده اعيش حياتى كلها خايفه تفهمني غلط.. انا مضمنش ممكن تعمل فيه إيه... زائد اني دلوقتي في حكم المخطوبه لمازن وهو طول الوقت مستنيني وساعدوني هو وصاحبه
يونس= طلعتي تعرفي ضياء اهو
نانسى= لا مكنتش اعرفه خالص قبل ما يشتغل معانا.. ومعرفتش انه صاحب مازن غير امبارح
يونس= طيب انتي عارفه ان الاتنين بيحبوكي، هتختاري واحد والتاني يبصلك وانتي مرات صاحبه؟!
نانسى= ضياء صديق وبس
يونس= لا هو مش صديق... الولد هرب علشان ميبقاش طرف تالت.. وعشان كده انا مكنتش عاوزك تتعاملي معاه
نانسى= غلطان ودا مش موضوعنا.. انا مش هرجع
يونس= هسيبك وقت تفكري، مش هيأس
نانسى= يونس انت شكاك وحياتك كلها قلق، انا مسامحه في اللي عملته بس مش هقدر اعيش معاك وانت كده
يونس= اوعدك عمري ما هشك فيكى طول ما انا عايش، بس صدقيني انا انسبلك من مازن،
نانسى= حتي لو مش هتجوز مازن، انا وانت مننفعش، انا هبله وبتصرف بعفويه زياده وانت حريص وشكاك،.. مش هنتفق
يونس يأوم ايجابآ= ماشي يا ملاذ،... على راحتك بس كنت عاوز اقولك ان خطيبك القديم كلمني وشكلهم بيخططولك لمصيبه
نانسى بصدمه= ودول وصلولك ازاي
يونس= انا سهل يتجاب رقمي بس هما وصلولك انتي ازاي دي المشكله، واكيد مش هيسيبوكي في حالك
نانسى = طيب وبعدين
يونس= لو حابه اتكلم مع اخوكي انا جاهز
نانسى= لأ متكلمهوش،
مازن يأتي= ها خلصت
يونس يعطيها هاتفها= خديه
نانسى= مش عايزة
مازن= اتكل على الله ياعم بتليفونك ده
يونس يتجاهله= متنسيش انك ليكي فلوس تبع الشغل اعتبريه بدالهم
(تأخذه لينظر لها مازن بغيظ)
يونس= لو احتجتيني انا موجود في اي وقت
مازن= مش هتحتاجك انا معاها
(يونس يلبس نظراته ويمشي متجاهل حديثه)
مازن= إيه ده بقا
نانسى= الموضوع انتها معاه
مازن= امال ايه لو احتجتي حآجه انا موجود دي
نانسى= مفيش يا مازن الموضوع انتها بجد،.. بس دلوقتي في مشكله
مازن= مشكله آيه؟!
نانسى= ايمان وعادل عرفو طريقي
مازن= ازاي ده
نانسى= معرفش بس مش هيسكوتو غير لما يعملو مصيبة جديدة
مازن= انا هروح لاخوكي و اوريه الحاجات اللي تخصها
نانسى= مش هيصدق، انا عرفاه، دي محادثات يعني ممكن احنا نعملها عادي، هو لو مشفش بعينه مش هيصدق
مازن= طيب والحل
نانسى= مش عارفه
مازن= نتجوز وبعد كده محدش ليه دعوه بيكي
نانسى= مش هتجوز من غير بابا
مازن= لا والله؟! امال كنتي هتجوزي يونس ازاي
نانسى بتنهيده= انا اتخطبت بس لكن مكنتش هتجوز قبل ما المشكله تتحل
مازن= اممم، مقولتليش انتي وافقتي عليه باقتناع ولا ضياء ضغط عليكي
نانسى= مازن، انا محتاجه وقت افكر واعيد حساباتي ممكن
مازن= يعني انتي مش عاوزاني؟!
نانسى= انت انسان كويس ومش هلاقي احسن منك بس ده جواز
مازن= امال ضياء قال وافقت ليه
نانسى= موافقه، بس لازم ارتاح الاول ولغيت ما ارتاح انا هفضل قلقانه.. لكن لو دنيتي اتظبطت، هنتجوز
مازن= اها....نانسي انا نفسي اعرف، انتي ليه مش واضحة... انتي عايزة إيه بظبط، من وقت ما عرفتك وانتي مشوشه وتايهه مع التايهين
نانسى تشرد= معرفش يا مازن، وعشان تكون عارف.. انا لو اتجوزتك هتجوزك علشان انت عريس كويس مش علشان حب ومشاعر
مازن= اها... المفروض اقولك خلاص مش عاوز، بس انا عاوزك ومعاكي لغيت ما تحبيني
نانسى بتنهيده= ماشي( تتابع بتردد) مشي ليه صاحبك
مازن= عارف نفسه لو قعد كان مسك في خناق الزفت ده علشان كده مشي
نانسى= وانت بعته عشان يقنعني
مازن= ايوه
نانسى= ومجتش تقنعني انت ليه
مازن= كنت عاوز اطمن
نانسى= تطمن ازاي
مازن= حآجه كده
نانسى= واطمنت
مازن= اه طبعاً دلوقتي انا مرتاح
ـــــــــــــــــــــــــــــــــــــــــــــــــــ
«بالمستشفى»
كانت متجه لغرفة والدها لتصادف الممرضة خارجه من عنده وعندما تراها تبتسم
الممرضة= فاق
لبني بفرحه= بجد( قالتها لتدخل بسرعه وتركض إليه، تجده نائم على السرير ويضع جهاز التنفس لينظر إليها ويبتسم لتجلس جانبه وابتسامتها تشرق على وجهها)
لبني= حمدلله على السلامه
مصطفى بصوت خافت= الله يسلمك حبيبتي
لبني تقبل رأسه= قلقتني عليك
مصطفى= خوفتي اموت
لبني= طبعاً، بعد الشر عليك
مصطفى= شوفتي مني إيه علشان تهتمي لأمري
لبني= الوقت اللي قضيته معاك عوضني كتير، وانت مهما كان ف انت بابا
مصطفى يبتسم= ربنا يسعدك يابنتي
لبني= ويخليك ليا يارب... شد حيلك بقا كفاية نوم
مصطفى= علي الله
( بعد حديث عن صحته وعن ما حدث له)
مصطفى= امال فين سعد؟!
لبني= وصل مكان قريب وهيجي على طول
مصطفى= اصتلحتو؟!
تأوم نافيآ= لا،... او مصتلحين بس هو شايف اننا نرجع زي الاول، خال وبنت اخته
مصطفى= حصل ايه تاني؟!
لبني= لما تخف هحكيلك كل حآجه
مصطفى= من غير ما اعرف، هقولك حآجه
لبني= اتفضل
مصطفى= انتو مختلفين بالاضافة لفرق السن،... وكمان هو شخصيته جد وانتي عكسه تماماً، بس في حآجه مشتركة بينكم... انا معرفهاش بس انتي تعرفيها، حاولي تنميها
لبني= مش فاهمه إيه هي الحاجه دي
مصطفى= شوفي انتي،.. انتي اللي عايشه معاه وانتي اللي تعرفي
لبني= اها... كمل
مصطفى= وزي ماهو بينزل لمستوا تفكيرك عشان يرضيكي، اطلعي انتي ليه وافهميه،.. ودايما خلي نقاط الاختلاف بينكم في تفكيرك لما تحبي تزعلي، متبنيش بينكم سد
لبني = انا فعلاً مبركزش بقول ايه وقت الزعل ومش بفكر هو هيفهمها ازاي،
مصطفى= لو عاوزاه صح ركزي، ولو واخده ارتباطكم مراهقه ودلع.. انسحبي احسن وخليكي بنت اخته زي ماهو بيقول
لبني= لا يا بابا، انا بحبه، ومش عايزة غيره بكل الاختلاف اللي بينا
مصطفى= كويس... خلي الاختلاف ده قدام عينك في وقت الزعل وحرصي انك متقوليش حآجه تتفهم غلط وتعمل بينكم سد
لبني= فهمتك، حاضر
مصطفى= جدعه
لبني بإبتسامه= ربنا يخليك ليا
مصطفى= ويخليكي ليا
( ظلو يتحدثو حتي اتا سعد، ليتقدم نحو مصطفى بإبتسامة)
سعد= حمدالله على سلامتك
مصطفى= الله يسلمك، متشكر على تعبك معايا
سعد= مفيش تعب ولا حآجه، شد حيلك انت بس
مصطفى= علي الله
تتطلع اليه بإبتسامة= كل ده بتجيب الحاجه
سعد= الدنيا كانت زحمه شويه
لبني= كنت قولت انا الدكتور سعد النجار كانو فسحولك الطريق( قالتها لترفع حاجبها بإبتسامة ليحاول اخفاء ابتسامته)
سعد= مش كل الناس تعرف خالك يا لولو
لبني بإبتسامة= اجمل خال ده ولا إيه
سعد بجديه مصتنع= الف سلامة عليك يا مصطفى
( جلست على المقعد لتغافل مصطفى وتغمزله مره وترمي له قبله مره اخرى.. ليمسح لحيته ويبتسم لمصطفي وهو يحاول اظهار الامبالاه، وهي تستمر فيما تفعله ليضع يده على فمه ويحاول منع ضحكته ثم ينهض فجأه)
سعد = اطمنت عليك ولازم امشي بقا
لبني = لسة بدري رايح فين
سعد = ورايا شغل بكره ولازم أنام
لبني = طيب
مصطفى = خدها معاك انا عاوز انام وهي بترغي كتير
يتطلع بها = هتيجي؟!
لبني بإبتسامه = هاجى لازم بابا يرتاح
سعد = طيب يلا
لبني تتطلع لمصطفي = هجيلك بكره بدري
مصطفى = ماشي حبيبتي خلي بالك من نفسك
لبني = حاضر
( ذهبو سويآ لتمشي جانبه ثم تمسك يده لتشعر به يضمها بلطف وهو يتحاشا النظر إليها لتنظر له بإبتسامة حتي وصلو لسياره وصعدو بها )
لبني = ممكن نتمشي شويه بلاش نروح على طول
سعد = ليه
لبني= نفسي نتمشي بالليل
سعد يدير السياره = ماشي بس نبعد عن المستشفى عشان تخنق
لبني= ماشي
( في طريق يخلو من الناس والقمر مكتمل في السماء يتوقف بسياره ويهبطو منها)
لبني = ياعيني على الرومانسيه ايه المكان ده
سعد = دايما لما اكون حابب اتمشي لوحدي باجي هنا، الناس هنا بينامو من العشا والجو بيكون هادي
لبني تتطلع حولها بإبتسامة خفيف ليتأملها بإبتسامة = حلو بجد والقمر كمان حلو الليله دي
سعد = صحيح
تتطلع إليه = مجبتنيش ليه قبل كده هنا
سعد = بقولك باجي لما احب اتمشا لوحدي هجيبك ازاي
لبني = طيب ما احنا واحد... اي ان كان نوع علاقتنا بس انا من غيرك ناقصني كتير... وافتكر انك انت كمان كده
سعد = صح... انتي حآجه أساسية في حياتي، مش بنت اختي
لبني بإبتسامه= طبعاً
سعد= اتفقنا على حآجه اهو
لبني= اللي تقوله انا هقتنع بيه حتى لو قولتلي ان ده هو القمر مش اللي فوق( قالتها وهي تشير اليه)
سعد = ههههه خبره في اللعب بالالفاظ يابنت اختي
لبني بإبتسامه= وانا اتكلمت
سعد = اممم لأ... نمشي؟!
لبني= خلينا شويه
سعد= خدي وقتك
لبني = ولا في حآجه عاوز تعملها في البيت
سعد = مفيش حآجه مهمه، هروح انام .. بتسألي ليه
لبني = شيفاك مستعجل على المرواح
سعد= محتاج انام بس
لبني= اهااا، محتااج تنام.... مفيش نوم الليله دي
سعد = ليه بقا؟!
لبني = كده
سعد = كدده ليه؟!
لبني = من غير ليه، الليله مش هتنام
سعد = ايه السبب؟!
لبني = افترا مزاجي كده
سعد = هتجبريني اصحا يعني
لبني = ايوه
سعد = ههههه، انتي عاوزة ايه من الاخر
لبني = انا اتكلمت؟! في ايه مالك؟!
سعد = انا اللي مالي بردو
لبني = اه بقيت غريب
سعد = غريب ازاي
لبني = غريب وخلاص
سعد = عيب تقولي علي خالك غريب، الخال والد
لبني تتطلع به = انت مبتتعبش
سعد = اتعب من إيه
لبني = من اللي بتعمله... حقيقي شايف نفسك خالي؟!
سعد = ايوه ايه اللي اتغير
لبني = كتير اتغير، انت عارف اننا مننفعش نكون كده تاني، عمرنا ما هنرجع نظرتنا لبعض زي الاول
سعد = اتكلمي عن نفسك، انا بنسبالي مفيش حآجه اتغيرت
لبني = يعني مبقتش تحبني
سعد = بحبك طبعاً هو في خال ميحبش بنت اخته
لبني = خالي ( تتنهد بضيقه وتتابع) سعد.. انت لو معاملتنيش بشكل المناسب انا بعد كام يوم هروح مع بابا.. ولا هكون بنت اخت ولا زوجه... بس عمري ما هقدر اشوفك زي الاول تاني، فاهمني؟!
سعد = فاهمك بس حاولي تنسي انا مش هقدر اساعدك في الموضوع ده
لبني = طيب بصلي واحلف انك بطلت تحبني وشايفني بنت اختك
سعد يتطلع بها = شايفك بنت اختي
لبني = احلف
سعد = لبني احنا مش صغيرين على الكلام ده، اعقلي
لبني تدمع = اللي بنعمله ميعملهوش عيال في ابتدائي، بنعند وخلاص،( تمسك يده) ادينا فرصه تانيه وهتكون الاخيره علشان خاطري يا ( تصمت لتتابع) يا سعد
سعد = طيب ازاي وانتي لسة لسانك مش قادر يبطل خالي
لبني = مش هقولها تاني، صدقني مش هقولها ( قالتها لتتطلع به وعينيها تدمع لتمسك في ثوبه)
سعد بعد صمت= هنكمل الخمس ايام اللى طلبتيهم لو قدرتي تقنعيني انا هتنازل
لبني = انا مش عايزة الموضوع ده.... انا يهمني انك تبطل طريقتك دي
سعد = لو قدرتي تقنعيني هبطلها
لبني= اها موافقه هقنعك غصب عنك
سعد يبتسم = ماشي
لبني= هنروح؟!
سعد = نروح
ـــــــــــــــــــــــــــــــــــــــــــــــــــ
« عمارة سمر»
في وقت متأخر، نام الجميع بما فيهم شهد لتستحم سمر وتلبس القميص الذي احضره لها وفوقه عبائه ثم يتصل بها عمر
سمر = إيه؟!
عمر = كل ده؟!
سمر = جايه
عمر = مستنيكي
سمر = عمر
عمر = نعم حبيبتي
سمر = قلقانه بجد
عمر = تانى يا سمر
سمر تتنهد = انا واثقه فيك لأبعد حد، بس قلقانه من الطريقه دي
عمر = سمر احنا بنحب بعض وفي النهايه ده كان هيحصل،.. متفكريش في حآجه وتعالي انتي وحشتيني
سمر بتنهيده = حاضر جايه
عمر = مستنيكي
اغلقت معه الخط ليشعل الشموع في الغرفة ويهيئي جو رومانسي، وهو يضم فمه بغيظ حتى سمع طرق الباب ليتجه نحوه ويفتح ليستقبلها بإبتسامه ثم يشد يدها ويدخلها ويغلق الباب
سمر بتوتر= خايفه
عمر وهو يقترب منها = طول ماحنا مع بعض مش عاوز اسمع الكلمه دى ( قالها ليقترب منها ويقبلها ويقترب منها بتمادي لتستسلم له تاركه نفسها ثم يحملها ويدخل بها الغرفه )
بعد وقت
كانت تنام علي صدره ولا يغطيها سوا غطاء خفيف ليستدير نحوها ويحيطها بذراعيه ويظل يتأملها
عمر بخفوت= النهارده يعتبر اهم يوم في حياتي، والنجاح الوحيد اللي عملته... متتصوريش مبسوط ازاي( قالها وهو يتطلع لعينيها ويزيح شعرها عن وجهها بلطف لتنظر إليه بإبتسامه)
سمر= انا مش عارفه ده حصل ازاي بس علشان واثقه فيك وبحبك مقدرتش ارفض
عمر= وانا كمان حبيتك،.. واكتشفت اني محبتش قبلك، حتى عنود اللي سيبت كل حآجه علشانها طلعت مبهور بشكلها واسلوبها بس.. وثقت فيكى أوي، وكنت مستعده اعمل اي حآجه عشانك،..( تعبس ملامحه ليتابع) يوم ما اتحبستي والله كنت هقول ان انا اللي سممت الكيك علشان تطلعي منها ( تلاحظ اختناق صوته لترفع رأسها وتنظر له) واتحملت منك كلام يدبح وانا اللى كنت بساعد امك، بس بردو مبطلتش احبك ( تلمع دموعه في عينه) بس انتي مكتفتيش انك جرحتيني قبل كده، وجايه دلوقتي علشان تفرقي بيني وبين عنود تقولي كلام صعب علي اي راجل يتحمله، ومطنشه اللي بتعمله اختك مع هيثم كل يوم
(سمر تنهض وتغطي نفسها بالغطاء ليتابع ولكنها تتوقع الباقي)
عمر ينهض ويدفعها على الوساده مره اخرى ويقترب منها يقبلها ثم يهمس في اذنها= كانت ليلة حلوه اوووى، بس انتى طالق يا سمر
( قالها لتحبس الدموع فى عينيها وتشعر ان صوتها لا يخرج لتنظر إليه فى صمت وتتنهد بصعوبه ليبتعد عنها ويرتدي ثيابه ثم يقف بجانب السرير ويرمي لها ثيابها)
عمر= قومي النهار هيطلع
(تظل مكانها لا تتحرك وصوتها يتعلق بين حنجرتها لتضع اظافرها بين اسنانها وتنظر لسقف وكأن جسدها قد عجز عن الحركة)
عمر بانفعال= قومي امشي لا عنود تيجي تشوفك، الدكتوره قالت مينفعش تضايق، يلااا ( يقترب منها ويرفعها من نومها ويلبسها ثيابها وهي ما زالت في حالة الصدمه ثم يشد يدها ويسندها ليمسك مفاتيحها من علي الارض ليخرجها ويعيدها لمنزلها، يدخلها هناك لتخرج شهد على صوت فتح الباب لتركض نحوها)
شهد = سمر مالك يا سمر ( تنظر له) مالها يا عمر
عمر = لعبنا زي ما بتلعبي مع هيثم
تتطلع به = يعني إيه... رفعت عليها المطوه؟!( تفهم لتجلس جانبها تبكي)
عمر = اه رفعنا علي بعض المطاوي
شهد تقف امامه وتبكي = هيثم لما بيجي هنا بيهددني بالمطوه، ورحمة ماما وياسين ما بكدب
عمر باختناق= شوفي اختك ولما تفوق قوليلها هبعتلها ورقتها