رواية صراع عائلي
الفصل السابع عشر17
بقلم رنا سليمان
نور:ممكن اعرف سبب الاستقالة دي؟!
حازم:اعتقد اني
مبقاش ليا لازمه في الشركه بعد ما حضرتك جيتي هنا
نور:مين قال كده؟!
حازم:حضرتك مش محتاجه تقولي حاجة…..افعال حضرتك كفايه اوي انها تخليني اقدم استقالتي
نور:وايه هي افعال حضرتي دي
حازم :والله لما حضرتك تلغي قرارتي اللي بقالي خمس سنين باخدها ومحدش بيقدر يتكلم معايا……حتي عبد الرحيم بيه لما كان بيجي هنا مكانش بيعارض
قرارتي لانه عارفني كويس اوي وعارف اني مش هضر الشركه دي واني اي حاجه بعملها بتكون لصالح الشركه…….وتأخري عن اني اجي الشغل في معادي دا علشان كان عندي اجتماع تاني وانا قولت لحضرتك……..الحقيقه ان حضرتك من ساعه ما وصلتي المكتب دا وانا اي حاجه بعملها لازم تعلقي عليها……..ف انا شايف ان انا مبقاش ليا لازمه ووجودي بقي غير مرغوب فيه هنا ولازم امشي
اتنهدت…….ابتسمت وشاورت علي الكرسي اللي قدامها…….اتكلمت بهدوء
نور:ممكن حضرتك تقعد علشان نعرف نتكلم
حازم:بس انا مش شايف اني في كلام ممكن يتقال بعد كده
نور:ممكن حضرتك تقعد يا استاذ حازم لو سمحت
اتنهد بعصبيه……قعد قدامها……فضل باصص قدامه
نور:بص يا استاذ حازم…….انا اول مره في حياتي اقعد علي كرسي رئيس مجلس ادارة شركه من شريكاتنا…….لا دا انا بقيت صاحبه كل الشركات والمصنع وكل حاجه استاذ عبد الرحيم كان يمتلكها بقيت ب اسمي انا…….ف الطبيعي اني اكون متوترة ومش عارفه انا بعمل ايه ولا بتصرف ازاي…….انا بعترف اني غلطت بطريقتي دي مع حضرتك…
….انا كل اللي اعرفه عن حضرتك انك احسن حد في مجالك وانك احسن واحد كان بيدير الشركه في غياب استاذ عبد الرحيم……..انا عارفه اني اللي عملته دا يعتبر غلط وانا بعتذرلك عن اللي حصل دا…….بس في نفس الوقت مينفعش حضرتك تجيلي بورق تعيين موظفه جديده وعايزه تبقي وجه اعلاني للشركه والمطلوب مني اني امضي من غير ما اشوف البنت دي ولا اعرف اذا كانت تنفع تكون وجهتنا ولا لا…….انا عارفه ان الكلام دا من شغلك انت وانك اكتر واحد هتفهم في الكلام دا بس في نفس الوقت
انا هنا رئيس مجلس الادارة واي حد لازم يتعين في الشركه لازم انا اللي اشوف اذا كان ينفع ولا لا …….وانا اسفه مره تانيه علي اسلوبي اللي اتكلمت بيه مع حضرتك الصبح
ابتسم وفضل ساكت …….ابتسمت وقطعت ورقه الاستقالة
نور:انا غلطت مع حضرتك وعلشان اعتذرلك اكتر عن غلطي دا حضرتك اجازه باقي اليوم
حازم:شكرا ……عن اذنك
نور:العفو……اتفضل
خرج من المكتب…..اتنهدت ورجعت راسها ل ورا بتعب
علياء:انا مش مصدقه اللي حصل دا……معقوله نور مبقتش بتثق في حد فينا لدرجه انها تسلم كل حاجه ل دادة رحمه وتعملها توكيل عام
زياد:نيتها ظهرت بدري اوي…….طلعت فعلا زي ما الكل قال عايزه تاخد كل حاجة ليها وتطلعنا احنا من غير اي حاجة…….اكيد فاكره انها لما تقعدنا
كلنا هنا وتشغلنا في الشركه ولا المصنع تبقي كده بتشفق علينا وكده هي طيبه اوي
علياء:علي فكره بقي انا شايفه ان معاها حق في اللي عملته دا
زياد:انتي اتجننتي انتي كمان……حق ايه دا يا علياء……انتي سامعه نفسك بتقولي ايه
علياء:يا زياد افهم……..نور لو اديت كل واحد فينا حقه الفلوس كلها هتضيع وتعب جدو هيروح علي الارض …….وبالذات بعد اللي عرفته عن كريم وداليدا وحاتم…….اكيد هي عملت كده علشان تحافظ علي الفلوس
زياد:انتي مصدقه الهبل اللي بتقوليه دا يا علياء…….يا حبيبتي دي واحده مش بيهمها غير مصلحتها وبس………غير كده هي مش بتفكر في حاجة تانيه اصلا…….اعقلي يا علياء و اوعي تفكري تتعاطفي معاها مره تانيه يا حبيبتي علشان لو وقفتي في صفها هتخسري كتير اوي يا حبيبتي
طبطب علي كتفها…….سابها قاعده لوحدها وطلع اوضته…….فضلت قاعده ساكته…….بتفكر تعمل اي ولا تقف مع مين…….مكنتش عارفه مين الصح ومين الغلط……..مش عارفه تقف مع مين …….فضلت قاعده مكانها بتفكر
قاعده في كافيه…….بتبص حواليها بتوتر…….قاعد قدامها حاطط رجل علي رجل ومبتسم……بدا يتكلم بثقه
فارس:قولتيلي هتجبيلي دليل علي كلامك ان اخوكي هو اللي قتل فرح بس انا مشوفتش حاجة لحد دلوقتي يا داليدا
داليدا:انا عارفه الدليل اللي بياكد كلامي دا فين بالظبط…….بس انا بصراحة خايفه اروح البيت ليكون رجاله حاتم مراقبين البيت ويعملوا فيا حاجه
فارس:والمطلوب مني؟!………انك تساعدني ادخل البيت يا فارس……..وانا اوعدك اني هجبلك الدليل دا اول ما الاقيه علطول
فارس:طيب ولو كلامك طلع غلط ومفيش دليل علي كلامك دا اصلا
داليدا:ساعتها اعمل اللي انت عايزه……لو عايز تقتلني اقتلني…….بس انا واثقه من كلامي دا ومتاكده اني هلاقي الدليل
فارس:ماشي يا داليدا…….هصدقك وامشي وراكي وهشوف اخرتها…….بس لو كلامك طلع غلط يبقي انتي اللي جنيتي علي نفسك ساعتها
واقف قدام الاوضه ……..مبتسم……بدا يخبط الباب…….فتح الباب ولقاه واقف
زياد:في حاجة يا كريم
كريم:ابدا يا زيزو……انا كنت قاعد زهقان قولت اجي اقعد معاك شويه…….اصل انا عارف انك بتحب السهر جدا
زياد:تقعد معايا انا؟!……اتفضل يا كريم
دخل الاوضه……قعد علي الكرسي …….قعد علي الكنبه اللي جمبه
كريم:بس غريب موضوع التوكيل اللي عملته نور ل دادة رحمه دا
زياد:وايه الغريب فيه يعني…….نور بتثق فيها جامد وعلشان كده عملت التوكيل دا
ليها…….خايفه علي ورث جدها من احفاده…..جديده دي
كريم:انا مش قصدي علي كده…….يعني انا كل يوم بتكلم معاها وبتحكيلي علي تفاصيل يومها…….وكنت قاعد معاها يومين كاملين ومجابتش اي سيره عن الموضوع دا نهائي
زياد:لا معلش ثانيه……..بتكلم مين وكنت قاعد معاها فين …….هو انت تعرف نور قاعده فين اصلا ولا معاك رقمها؟!
كريم:طبعا اعرف…….نور في ايطاليا ماسكه الشركه اللي هناك…….وانا كنت عارف من اول ما سافرت وروحتلها قعدت معاها يومين
زياد:ايه الكلام اللي انت بتقوله دا يا كريم…….هو انت فاكرني هضدق اللي بتقوله دا اصلا
كريم:ومتصدقش ليه يا زياد……..انا مبكدبش ولو فعلا مش مصدقني هديك عنوانها في ايطاليا وتروح تسألها ولو كدبتني اعمل اللي انت عايزه معايا…….بس هي عمرها ما تكدبني لانها هي اللي طلبت مني اني اروح معاها ونقضي يومين مع بعض في ايطاليا قبل ما تبدا شغل هناك…….بس تعرف ……انا مكنتش فاكر نور بتحبيني للدرجه دي بصراحه …….دا انا اول ما اعترفتلها ب حبي ليها هي كمان اعترفتلي بحبها ليا علطول
زياد:حبها ليك؟!
كان قاعد بيسمع ليه بصدمه وهو مش مصدق اللي بيسمعه
كانت رايحه جايه في المكتب بخوف وقلق…….الباب خبط…….اتكلمت بسرعه وهي باصه علي الباب
نور:ادخل
دخلت وقفلت الباب…….قربت منها……بدات تتكلم
هدير:نعم يا انسه نور
نور:هدير انا عايزاكي تحجزيلي علي اقرب طياره نازله مصر
هدير:مصر…….هو في حاجة حصلت في مصر ولا حاجة
نور:هو في ايه يا هدير…….انتي هتحققي معايا ولا ايه…
….قولتلك احجزيلي اول طيارة نازله مصر مش محتاجه اسئله كتير ……اتفضلي يلا بسرعة
هدير:تحت امرك
خرجت……قفلت الباب وراها…….قعدت علي المكتب وبدات تمسح
علي وشها بخوف وقلق