رواية امتلكت حلمي وانت
الفصل السادس6
بقلم ياسمين الكيلاني
_سليم مالك قوم معايا قوم...
"حاولت اسنده وادخله الأوضة وفرح جت ساعدتني لما سمعتني بصرخ"
_ماله سليم اي حصل واي الشنط دي انتي كُنت ماشيه!؟..
_بعدين يا فرح بعدين اسنديه معايا...
"نام علي السرير وكان بيترعش جامد طلبت من فرح تقعد جمبه وتغير هدومه عقبال ما اكلم الدكتور.."
" دخلت وقعدت كان قلبي وجعني اوي وانا شيفاه تعبان بالشكل دا "
_خليكي جمبه اشوف الدكتور اتاخر ليه...
" عيني دمعت بمُجرد ما فرح مشيت هو انا ليه بيحصل معايا كده و اي بيحصلي؟ ازاي اذيني وببكي عليه؟ "
" حسيت فجأة بإيده بتلمس ايدي قربت منه بخوف عليه لقيتهُ بيبصلي بطريقه غريبه أول مره اشوفها وقالي بصوت مُتعب جدا: متمشيش... "
"مكنتش عارفه اعمل حاجه غير إني احاول اسكته عشان ميتعبش"
_ حـ.. و.. ر متمشيش ا..نا محتاجك جمبي... ارج..و..كي"
"غمض عينه تاني ودخل الدكتور وكشف عليه وفهمت منه انه دخل علي نزلت برد شديده لأنه قعد في المياه كتير؟ بس أي خلاه ينزل في البرد دا والساعه دي؟؟"
"قعدت مع فرح واضطريت اني احكلها اللي حصل وخدت منها تهزيق يا ما.. بعدين سمعت صوته بينادي عليها قومنا بسرعه نشوف ماله.."
_سلمتك يا ابيه إن شاءلله انا يا حبيبي...
_شششش بعد الشر عليكي وبعدين بلاش عياط انا كويس...
عدي كام يوم وانا بحاول اتجنبه لأني مقعدتش غير عشان فرح واصرارها إني افضل هنا..
_حور دخلي دول ل سليم معلش عشان مش فاضيه و ورايا حاجات كتير محتاجه اعملها...
_ايوه بس...
_يا حور مفهاش حاجه دول حبة ورق هو محتاجهم ضروري بس خلي بالك اوعي يتبدلوا انا بقالي ساعة برتب فيهم يلا...
"دخلت الاوضة وانا مرعوبه بقالي فترة بتجنبه وتيجي فرح علي الجاهز تبهدل برستيچي كده ماشي يا فرح.."
" ملقتش حد باين مشي ولا اي يلا احسن.. جيت اخرج بسرعه لقيته في وشي وباصص عليا أوي وبتركيز "
"خوفت وجيت ارجع بسرعه الورق كله وقع مني وكله دخل في بعضه بصيت بتوتر من اللي هيعمله فيا منا دايما حظي كده.."
" قرب مني جامد فتلقائي حطيت ايدي علي وشي من الرعب "
_والله ما قصد اوعي تحدفني من البلكونه أو تزعق والجنونه تطلع انا مش نقصه "
"رفعت ايدي لقيته بيبصلي بستغراب اي اللي انا قولته دا؟"
"لقيته قرب تاني مني وقالي بصوت هادي جداً: انتي خايفة مني؟"
" بصيت له بتوهان.. أول مره يكلمني بهدوء كده و أول مره ميتعصبش، ميهزقنيش الله فيه اي!؟
_عجبتك؟!
" استغربت جداً السؤال والابتسامة الساذجة دي معناها اي؟ "
_انت مغرور ليه كده ومين قالك إني خايفه منك...
_اومال ليه بتحاولي تهربي مني ما دام مش خايفه...!
_عشان مش عايزة مشاكل ولا محتاجه اتكلم معاك انا مفيش بيني وبينك حاجه ولولا فرح انا كنت سيبت البيت دا من زمان...
_قرب مني اوى وبصلي بغموض وتركيز: تعرفي إني أول مره اعرف إني كنت هخسر حاجه هندم عليها طول عُمري، يمكن أول مره اشكر الظروف اللي خلتني اتعب عشان دا يحصل...
_تق.. تقصد اي.. مش فاهمه...
_ابتسم بهدوء وقالي بثقه: بكره تعرفي...
" وقفت مش فاهمه حاجه بعد ما مشي غير اني محتاجه اخرج من البيت دا في اقرب وقت لحسن خلاص مش مستحمله جنون"
"عدي كام يوم وشوفت فيهم اغرب حاجات ممكن تيجي من واحد ذي سليم كان اخرها...
_اي دا انت بتعمل اي؟!
_بحاول اعمل قهوه..
_تقوم سايب القهوه تتحرق علي النار من غير مياه..
_اعمل اي يعني أول مره ادخل المطبخ من بعد امي ما ماتت غير إن فرح عليها امتحانت والساعة ٥ الفجر مش هصحيها يعني...
" معرفش ليه زعلت من اللي قاله رغم أنه عادي عنده بس شعور صعب لما توصل بيك المشاعر إنك متبقاش حاسس ب أي حاجة رغم إنك مكسور اوي من جوه"
_طيب انا هعملهالك اطلع أنت...
" خلصت القهوة وطلعت لقيته واقف في البلكونة وباصص للسماء بهدوء معقول الشخص دا بيحس ذينا؟! "
" حطيت القهوة ووقفت جمبة وبصيت للسماء معاه يااااه لو نقدر نلمس النجوم بإيدينا؟ وليه متبقاش حياتنا بالعكس نكون احنا فوق واحلامنا تحت نقدر بسهوله نلمسها وفي اي وقت نحققها...؟! "
_هو ممكن الغلط نصلحه؟ وممكن حد يساعدنا اننا نصلح الغلط دا؟..
" استغربت جداً السؤال بس حسيته محتاج يقول حاجه بطريقة تانية ومستني الرد رغم أنه بيحاول ميبينش كده.. "
_ممكن نلاقي شخص يساعدنا ويحبنا كمان ما دام رضي بكل عيوبنا واستحملها يبقي اكيد هيكمل...
_مهما حصل منه؟ حتي لو كان شخص وحش جداً؟
_ابتسمت بهدوء: حتي لو كان وحش جدا منا بقولك مدام بيحبه واستحمل كل تصرفاته يبقي هيستحمل اكتر واكتر...
" لقيته بيبتسم بهدوء لأول مره يالهوي مهو بيعرف يفرح اهو اومال ماله؟ "
_هاتي القهوه...
"ادتهاله بهدوء وكُنت ماشيه بس وقفني صوته وهو بيقولي بكل اعجاب كان باين من كلامه..
_القهوه حلوه جدا تسلم ايدك... تعرفي انا أول مره احس إني مبسوط...
" كنت مستغربه اوى طريقته بس فضولي قتلني اعرف ليه"
_اوعي تكون فكرني قعدت هنا عشان اخدمك لا كرامتي مش هتبقي علي حساب سعادتك أنت فاهم...
"لقيته ساب القهوه وقرب منى ودا خلاني ارجع اخاف تاني بس مبينتش دا"
_ب.. بص انت... انت في حالك وانا في حالي و.. وانا شويه وهمشي مش هقعد كتير...
رد بصوت هامس جداً وهو بيبتسم: هتروحي فين...
_هسافر البلد عن اعمامي هما اه مش طايقني بس احسن من واحد ذيك يهزقني...
"وهنا ادركت انا قولت اي بس غصب عني منا شايله كتير منه... لقيته بيبصلي بحده وغموض وبعدين قالي:
_تعرفي إنك السبب في تعبي الكام يوم اللي فاته...؟
_ليه هو انا اللي قولتلك انزل في المطره..!
_تو... بس بسبب دا انتي موجوده لحد دلوقتي ودا سبب سعادتي...
_انا مش فاهمه منك حاجه منين كرهني ومش طايقني ومنين مبسوط إني موجوده؟؟
_" عشان محدش فاهم ليه الدنيا بتجمعنا اغراب وليه بتفرقنا لما نكون اقرب اتنين ذي انا وانتي! "
_انت قولت اقرب اتنين؟
"ابتسم بهدوء وبعد فجأه بعد ما سحرني بكلامه الغريب.. انا مش قادره افهم البني ادم دا بس ليه بحس الاحساس دا وانا معاه! وليه لما بيبعد بحس إني تايهه من غير؟..."
......................................
"مكنتش عارف ازاي قولت الكلام دا بس كل اللي حسيته إني فعلا مبسوط ودا اللي استغربته!
واستغربت اكتر عصبيتي ولما توهت في عينيها وهي شبه الاميرات وسط صحابها مكنتش قادر حتي
اصبر وكنت مصمم اعرف رأيها في ياسر! وخوفي عليها لما عرفت انها ممكن تكون لحد تاني
وانها هتمشي خلاص مكنتش عارف اعمل اي غير اني انزل في عز المطره والجو البرد عشان ناري تبرد....كنت بفكر ازاي اقدر اعتذر
وانا عمري ما كنت شخص ضعيف بس معاها هي؟؟.!
احساس غريب مش فاهمه لكن مبسوط ومرتاح ودا اللي مطمني...