رواية جدايل حكيمة الجبايل
الفصل السادس عشر16
بقلم ايمان صالح
قبل الفرح بيوم ،،،
سلمان••إيوة يامتر عامل ايه خيير !!
المحامي••ايه ياسلمان بيييه !! إيه النصايب الكتيرة دياتي؟؟
سلمان ••نصايب إيه تاني؟؟ فيه إيه؟؟
المحامي••إنت مرفوع عليك جضيتين تانيين غير جضيه الورث،،
سلمان ••إنت بتجول ايه؟؟ جضايا إيه تاني ؟؟
المحامي ••واحدة شروع في جتل من قبل المدعو إبراهيم رشيد والسيده چدايل سمعان والسيده مروة البحاري،، والأخري دعوى بإجبار علي البغاء وتشويه سمعه،، زي رد شرف إكده،،
سلمان ••يادي المرار الطافح والحزن المجندل،، والعمل إيه يعنى ياريس؟؟
المحامي ••إهرب ياسلمان،، إهرب وحاول التخلص من الشهود دي بأي تمن لأنهم لو شهدو وصدر عليك حكم !! هتاخد أجل حاچه في تلات جضايا عشرين سنه دة بعد تخفيف الحكم،،إنما لو خارچ مصر !! راح يبجي حكم غيابي ومش هتعرف ترچع مصر غير بعد سجوط الحكم من عليك،، بس عتبجي برة وحر نفسك يعنى اجل الضررين وخير الامور اوسطهم،، النهاردة اول چلسه بعد ساعه،، وأكيد كلاتهم عيحضروا لازم وچودهم،، الأمر كلاته فيدك إنت،،
سلمان ••طب وفحين التخلص منهم؟؟ ماتبجاش دي جضيه تانيه؟؟
المحامي ••بس إخلص بس وچهز حالك وآني بعدين عتصرف،، يلا سلام،،
سلمان ••سلام يامتر،، أغلق الهاتف،، ياولد !! إطلع بسرعة البرج تحچزلي تذكرة طيران علي أي دوله عربيه وخليهم يچزولي شنطتي بحاچتي يلا خلص عجبال ماعمل تلافون،،
ماشي ياباشا،،
سلمان••خلص ياولد،، جدام البيت،، جدام المحكمه !! في أي داهيه،، عالعشيه أو بكرة تخلص،، لو عالتلاته يبجي زين الزين
رد الطرف الآخر،، حاضر يابيه،،
سلمان ••يلا ياولد شهل،، خلصوني عاااد،،
تفاجأ سلمان بقوة من رجال الشرطه يدخلون عليه،، هاته يابني إنت وهوا ودوروا علي أي سلاح موجود في المكان،، إنت دور فوق،، وإنت دور في الدور اللي تحت،،
سلمان ••فيه إيه ياباشا وآني عملت إيه عااد !!
الظابط ••هتعرف في القسم ياحبيبي،، يلا ياخويا يلا،، عاملي ذئاب الجبل؟؟ وسلاح ودنيا؟؟
أخذو سلمان وهو يصرخ ويستغيث بأي من رجاله ولكنهم حين دخول رجال الشرطه من البوابه هرب من هرب وأمسكو من أمسكو به،، وشحنو جميعااا علي البوكس،،
في منزل العروس،،
صباحااا باكراا،، تسحبت چدايل وإبراهيم معها وخرجواسويااا دون أن يراهم أحد حيث كانو في بدايه ضوء النهار حوالي الخامسه،، وكان الرجال المكلفون بحراسة المنزل من قبل سلمان لم يخرجوا من مخبئهم،،
چدايل ••شهل ياود عمي الله يخليك،،فوت بسرعه يابراهيم،، عاوزين نشهلو ونروحوا للبنته بدري جبل معاد المحكمه،،
إبراهيم ••أهو خلاص،، أدينا في الطريج،، كلها نص ساعه ونكونو هناك،،
بعد ما يزيد عن النصف ساعه،،
إبراهيم ••يلا ياستنا إنزلي،،نزلت چدايل وغطئت وجهها ودقو علي مروة خرجت وأخذوها سريعااا وصعدت ثانية للسيارة هي وچدايل،،
مروة••صباح الفل عليكم ياحبايبي،،فطرتوا؟؟
چدايل••ولا دجناه والله !!لما نرچعو عاد،،
إبراهيم••آني كل همي نخلصو المشوار دة الاول ونروجو،،وبعدإكده نبجوا نفكرو في وكل ولاشرب،،
مروه••ومين سمعك،،جدامنا جد إيه؟؟
إبراهيم••نظر للساعه،،يعني ياچي ساعه ساعم وشويه،،ومفروض إننا اول جضيه هتجابل الهيئه،،
چدايل••طب شهل ياخووي شهل،،وانتي يامروة لمن ننزلو تبجي تخبي وشك زين وآني كماني هعمل زيك زين،، عجبال مانشهدو ونطلعو بالسلامه
بالفعل سارت خطتهم مثلما رتبو لها بحذافيرها،، وصلو ودخلو دون أن يراهم احد،، إبراهيم يغطي وجهه بشال مقصب،، والسيدات كلاا منهم مغمغمه بالسواد من رأسها لأخمص القدم،، ولم يراهم احد،،
بعد حوالي الساعه التاسعه،،
بدأت الجلسه وأدلو بأقوالهم وعلمو بالداخل أن سلمان قد ألقي القبض عليه صرخت مروة بفرح وظلت تزغرد داخل المحكمه،، وخرجو بدن تخفي وهم يظنون أنهم أنتهو من شره،، وفوجئو بطلق ناري يصوب عليهم،،
مروة••يامري !! صرخت،، طاطي ياچدايل طاطي يابت عمي،، يالاااهوي !!
إبراهيم ••يانهار مغفلج،، شهلو شهلو نتداري،،
چدايل ••تقف مذهوله لاتعرف كيف تذهب يمينهااا ام يسارها،، تذهب تلك الناحية تارة وتارة أخري تلك الناحية،، وه يابووي !! انتو رحتو فين؟؟ بسرعه جذبتها مروة من يدها،،
مروة ••تعالي ياشيخه إهنه انتي مسطوله عايموتوكي؟؟ إتخشبتي عااد !!
وجروا بعيدااا عن المكان وقامت المحكمه علي قدم رجل واحد ليمسكو بمن يطلق الرصاص،،
إبراهيم ••يلايلا يلاا يابنات في الهوچه عالعربيه يلااا،،
وهرولو وراائه،، دخلو السيارة وطار الرجل بها ولايعلم علي سرعه كم يقود السيارة،،
في الطريق،،
إبراهيم ••الحمد لله،، الحمد لله،، تفتكروا إيه دة؟؟ هوا ولا حد تاني ليكي معاه عداوه ياست؟؟
مروة ••وه ياخووي ؟؟ ماتحسن خشمك وامسك لسانك عااد !!
چدايل ••هوا إيه اللي كان عيحصل ده ؟؟ هوا حجيجي ؟؟ وآني عمري عديت حد؟؟ الله يسامحك ياخوي،، بكت وكأنها إستيقظت من الصدمه واخذت تصرخ تصرخ،، من الممكن لأول مرة في حياتها ان تكون صرخت هكذا،، بعد ساعه اعادو مروة لمكانها ثم عادو لمكانهم،، ودخلو للداخل ثانية في حوالي الحادية عشر،، كانت البشر قد بدأت تأتي علي بين العروس،،
وكأن المنزل تحول فندقااا أو لوكانده من زحام الأحباء والأقارب،، أناس يخرجون ويدخلون،، أصدقاء العروس منهم من تزغرد ومنهم من تغني ومنهم من ترقص،، وچدايل تبدو عليها الفرحه بالفتاه بعدما دخلت، وبسرعه دخلت بخلسه لغرفتها وتحممت ووضعت الثياب التي كانت ترتديها ثم نزلت للأسفل لكي تتعامل وكأنه لم يحدث شيئااا،، أخذت تزغرد وتفرح مع صديقات الفتاه،،
الفتاه التي كانت تبدو مذعوره ومتوترة،، لاتتحمل كلمه من احد،، كانت تقف معها أمها وبعض صديقاتها،،
تهاني ••مبروك ياعروسه،، ربنا يتمم لنا بخير ياجلب أمك،،
إسراء••شهلي يما الله يخليكي،، جلبي مجبوض وخايفه،، معرفاشي فيه إيه !! اللهم أچعله خير يارب،،
تهاني ••إيه يابت مالك عامله كيف ماتكون خرچتك مش دخلتك !! ماتستهدي بالله عااد!!
إسراء••أنا عاوزة خاله چدايل،، ناديهالي عااد !!
تهاني •• عاوزة منيها إيه دلوك!! ماهي تحت مع الناس يابتي ماحدش فاضي دلوك !!
إسراء••بإنفعال،، هاتي خله چدايل دلوكيتي لاحسن والله هجولك مامتچوزة،،
تهاني ••يامري يااني!! هوا يوم باين من أولته !! حاضر حاضر،، ياچدايل !! چدايل،، إنتي فين عااد !!
وأخذت تلفلف عليها في المنزل،، حتي وجدتها،
تهاني ••انتي فين عااد ؟؟ البنته عوزاكي فوج،،
چدايل ••وه !! مالها فيه إيه؟؟ خير يارب؟؟
تهاني ••ماعرفاش،، متضايجه ومتحرحرة وراسها والف سيف تطلعليلها فوج
چدايل ••يلا طيب،، تعالي،،
وصعدو للأعلي،،
چدايل ••إيه ياسراااء مالك يابتي؟؟
إسراء••قامت من مكانها،، خاله چدايل،، أني مرعوبه وخايفه عااد !! الحجيني آني معوزاشي أتچوز،، بكت الفتاه،، معوزاش خلاص،،
چدايل ••طيب سيبونا لحالنا شويتين ياچماعه ممكن!!
تهاني ••طب يابنات إطلعو خمسه إكدة،،
إسراء••وإنتي كمان يماا،، أخرچي وياهم،،
تهاني ••بجي إكده ؟؟ ماشي يابتي ماشي،، خرج الجميع وبقيتا لحالهما،،
چدايل ••أديهم خرچو ياستي ومافيش غيري آني وانتي،، هه،، مالك عاد؟؟
إسراء••مالي ؟؟ جولي مش مالي،، مرعوبه وخايفه ومفهماش اي حاچه وااصل،، وجلبي كنه عليه حچره تجييله !! وأمي مافهمتنيش أي حاچه واصل سيباني ادخل بالبركه إكده وجولتلها بدي افهم،، أي حاچه !! جالت چوزك راح يعرفك،، كيف يعني راچل غريب عني اللي يعرفني ليله كيف دياتي وأمي لاه يعنى مادخلاش عليا واصل،، بكااء،، طيب أعمل ايه؟؟
چدايل ••ياجلبي يابتي؟؟ كل ده جواتك وماتتحدتيش؟؟ طيب تعالي لول إكده لچل اجولك حاچه،، هاتي ورجه ودبوس وتعالي حدايا،، تعالي جعمزي چاري اني هرجيكي رجوه وتبجي زينه وأفهمك كل حاچه انتي چهلاها،، وضحكت قائله،، كنت نصحت روحي آني لول يابتي،، ههههههه،، تعرفي آني كان شكلي يضحك وآني عروسه وكنت عموت من الرعشه،، ههه ودخل بوكي عليا شدني من تحت السرير،، وجعد يضحك لحد ماجال يابس،، تعالي يابتي،،
إسراء••بفستان عرسها،، خدي ياخاله وشهلي،، لسه المكياچ ولغمطه الوش ده،، جلست جوار چدايل لترقيها وأخذت تقرأ عليها الرقيه الشرعيه وكل آيات الحفظ من العين والحسد وقامت برقيتها،، ثم أنهت ماتفعل ثم حدثتها قائله،،
چدايل ••خدي بجي إحرجي الورجه دياتي،، هههه،، دى اللي أخدت العين إوراحت،، أمي كانت عما تعمل إكده معانا واحنا عيال،، طبعااا كلها خزعبلات،، الحافظ هو الله يابتي بس إحرجيها عشان حرام تترمي في الزباله،،
إسراء ••حاضر ياخاله،، وأحرقت الورقه،،
چدايل ••تعرفي يابتي؟؟ إن جول الرسول وأعلم ان لو إجتمعت الإنس والجن علي ان ينفعوك بشئ لن ينفعوك إلا بشئ قد كتبه الله لك،، وألو اجتمعو علي أن يضروك بشئ لن يضروك إلا بشئ قد كتبه الله عليك،، فعلااا حج جووي جووي،،
إسراء••ليه ياخاله ؟؟ فيه حاچه چرتلك؟؟
چدايل ••إيوة حصلي،، وأخذت تقص عليها ماحدث امام المحكمه في الصباح ،،
إسرااء••يابووي!! آني جلبي حاسس والله،، والموضوع خلص ولا لااه عاد؟؟
چدايل ••والله يابتي ماعرف !! المهم تعالي يابت يافچره انتي لما افهمك حبت حچات مهم في الليله الغابرة دياتي،، وضحكت هي وإسراء،، إسمعي،، أهم حاچه متخافيش واصل،، تبجي عاادي،، ووو،،،،، أخذت تتحدث معها وتشرحلها بعض الأشياء المهمه،، وظلت تضحك هي والفتاه حتي فات نصف الوقت،، وتركتها ونزلت حتي تتجهز وتلبس أطفالها وتستعد لميعاد العرس،،
في الليل،،
ليلة الحادث أو ليلة الزفاف،،، زحمه وزغاريد في كل مكان،، صواني محمله بالطعام تطلع وتنزل،، بيت مكتظ بالبشر،، الجميع يغرد الفرحه تبدو عليهم،، أمام المنزل شادرااا للافراح،، علي صوت المزمار ترقص الأحصنه والطبول تقرع والرچال بالخارج يحطبون بالعصا،، تلك الرقصه الشهيرة،، وهناك من يقف ممسكاا بمايك يغني بعض الأغاني الصعيديه من الفلكلور الصعيدي فوق مسرحاا،، حشود من البشر وكأنه مولداا،، إبراهيم يقف مستقبلااا ضيوفه،، واقفاا يرتدي أبهي ثيابه،، منظره يشرف تلك العروس،،
العروس التي هي في الداخل صنعت عالمااا آخر،، حيث جهزت سطوح المنزل بكاافة معدات القاعات وجهزت لها خصيصاا هي وصديقاتها البنات فقط وكأن بالأعلي قاعة أفراح،، كل النساء تأتي لتجلس بالأعلي في مكان مخصص لهن،، لايعتلي المسجد منزلااا آخر ولايراهن أحداا سوا الله،،
الفرحه تزين المكان بالكامل من الأسفل اللي الاعلي والعروس ترتدي فستانها متزينه فرحه ترقص بعزمها علي بعض الأغنيات الصعيديه الخاصه بالزفاف،، وتهاني تكاد تطير فوق السحب من فرحتها بإبنتها البكر،، چدايل تقف معها وكأنها أمها او أختها،، تفرح قلبها بوجودها معها بالأعلي،، ثم تنزل للأسفل لتقف وسط الرچال والمعازيم لتأخذ التهنئات من معارفها وتستقبلهم هي وتصلهم لإبراهيم حتي يقوم بباقي ضيافتهم علي أكمل وجه،، وفي وسط ذلك الزحام نزلت لها ربي ووجدت إبراهيم واقفااا وسط الرجال ليحطب فنزلت مقابله له كنوع من المزاح معه،، سحبت عصاا من أحد الرچال،، وضحك الجميع علي ماتفعل،،
إبراهيم ••بتعملي إيه عااد ياماا؟؟ عتفضحينيي !!
ربي••حطب إجصادي ياوااد،، صاح الجميع بالضحك،، هههههههه
عادت الجمله مرتين ثم دخل إبراهيم،، وظلت ربي تضحك وتحدثه بضحك وإلتفتت لچدايل،،
يلا ياكابيره،، ههههههه،، همت چدايل لتحدثها وحدث ماحدث في وسط الزحام،،
چدايل ••إيه ياخاله ربي !! عنهزروا؟؟
ربي••تعالي يابت حطبي جصادي خايفه لاتتغلبي مش إكده؟؟
چدايل ••أيوءء،،، صوت طلق ناري في الهواء،، أااااااااه،، الحجوني،، چتتي
بسرعة البرق إنقلب الزفاف وصوت الزغاريد إلي صوت صرخات وعويل،،،،
چدايل،، چدايل يااخلج أسعاف بسرعه،، إلحجوها،،
تفرق البشر والجمع من حولها بعضهم من التم حول چدايل والبعض الآخر إتجه ناحية الطلق الناري،، بسرعة البرق نقلت چدايل إللي الدار بالداخل،، والعروس تلطم وتَصَرُخ،،
إسراء••يامرك ياإسراء،،ياسوااد ليلتك ياإسراء !! بكااء ولطم وجه،،
تهاني ••ياسواد ليلتك يابتي،، أخذت تضرب علي رأسها،، وه وه وه وه وه،، بكاء وصريخ،،
چدايل ••بتنهد وأخذ نفسها بالكاد وتزفره بالكاد،، خلو البت تكمل ليلتها عاد !! متعكننوش عليها ليلتها يا خلج !! هاه هاه هااه،،
رُبي••إنتي فإيه ولا فإيه عاااد !! خليكي فحالك وفاللي إنتي فيه يابتي،،
چدايل ••دخلي البت،، خلصي الليله ياربي دخلي البت بالله عليكى،،
وغابت چدايل عن الوعي،،
وصل الإسعاف ودخل ممرضتان ورجل دخلو الي الداخل وحملتها النساء وساعدهم الرجل من بعيد وحملوها إلي الأسفل ليذهبوا بها علي المشفي ووقفو قليللااا أمام الباب ليحملوها للعربه ،، أفاقت چدايل لتتأوه قليلااا
أما في الخارج،،
بعدما ذهبو ناحية الرصاص،،، عصبه من الرجال آتيين برجل ملتم مضروب من كل إتجاه،، سقط الغطاء من علي وجهه،، رفعت چدايل رأسها قليلاا وفجأه،، شهقت (حااااه)،،، صاحت الممرضات،، حملوها يلا إرفعو خلصو الكبيرة عتروح مننا يلااا،،، وحملوها علي العربه ثم ذهبوا بها وأنقلب العرس وليلته لليله حزينه جري من جري وراء چدايل ليلحق بها والبعض الأخر ذهب ليوصل العروس لمنزلها ،،
وقام رجال الشرطه البواسل بالقبض علي المجرم الذي اطلق الرصاص وأعترف أن سلمان هو من قام بالدفع له ليفعل ذلك،، وأخذوه علي المركز ايضااا،، أما عن چدايل فبعد مرور الساعات،،
قامو بالإسعافات الاازمه لچدايل وتم إنقاذها حيث أخذت الرصاصه في كتفها وكادت أن تصل للعظام،، لكن الأطباء أسعفوها،، وقامو بعمل اللااازم،،
في الصباح،،
قامت العروس علي أحلي صباح في حياتها،،يوم دلالها وتجهيز الفطور لها من قبل الزوج،، وظل عبد الباري يدللها حتي ذابت من فرحتها بين أحضانه ثانية،،
وفاقت چدايل علي إستجواب المحققين،،
المحقق••هاه ياست جدايل؟؟ يهمني اسمع منك كل حاجه،، إيه اللي حصل بالتفصيل،،
چدايل ••أنا كنت واجفه في الفرح كيف اي حد بكلم الست ربي،، جامت چاتني طلجه إهنه،، معارفاشي چتلي منين ألا لما لمحت وشه،،
المحقق••أيوة هوا مين بقي؟؟
چدايل ••واحد من رچالة المدعو سلمان البحاري كان واجف حارس عالبوابه يوم مارحنا عنديه لچل نرچعو حج احته اللي واكله فبطنه،،
وكيل نيابه مع المحقق••إحكيلنا كل حاجه ياجدايل،، أنا عرفت إن فيه قضيه انتي رفعاها عليه،، فاإحكيلي بالتفصيل عشان اقولك هتفيدنا في التحقيقات،،
چدايل ••حاضر ياباشا،، أني هحكيلك علي كل حچه من طجطج،، لسلام عليكم،، وأخذت تسرد الأحداث من اول يوم دقت بابها مروة في الليل،،
وكيل النيابه••عارفه ياجدايل انك فدتينا جدا في القضايا دي؟؟ كدة التهم لابساه لابساه بكل الأدله دي،،
چدايل ••اتمني من الله انه ياخد عجابه في أسرع وجت،،
بعد يومين تمامااا،، خرجت چدايل من المشفي بحالة شبه جيده،، وكان قد ألقي القبض علي الرجال المبعثرون حول منزلها بتهمه حيازة سلاح بدون تراخيص وأفعال منافيه للقانون،،
أما في منزل العروس،، ففي ذلك اليوم وكان اليوم الثالث من عرسها،، صعدت تلك الحما بخيته في الصباح لتدق علي باب شقة إبنها،،
بخيته••تخبط بعزم يدها وكادت أن تخلع الباب،،، عبد الباري !! ياعبد الباري،، إيه ياولدي نايمين في كهف؟؟ قامت إسرااء مخضوضه من الخبط والرزع،، قامت تجري نحو الباب،،
إسراء••فتحت،، إيه ياحماتي فيه ايه؟؟ فيه حد يصحي حد من نومته إكده ؟؟
بخيته ••ياختي النهاردة صحيتك بكرة لازمن تجومي لحالك في نفس المعاد تچهزي الفطور وتفطري إنتي وچوزك وتبجي تطلعي،، وإعملي حسابك من اول السبوع الچاي،، فطور وغدا وعشا،، وكلاته تحت،،
تركتها ونزلت للأسفل والفتاه في حالة دهشه وإنفعال