رواية ابن مراته
الفصل الثالث3
بقلم هويدا زغلول
وانا لما فوقت لقيت نفسي علي سريري ومني جمبي وقولت
فاطمه _اي ده انا فين ومين جابني هنا
هو اي اللي حصل
مني _مافيش يا طنط انتي تعبتي شويه قولت
اجي واجيبك البيت هنا عامله اي دلوقتي
فاطمه _هو انتي سبتي فرح اختك وجيتي تروحني
والله يا بنتي فيكي الخير
مني _بامانه انا مش عجبني اللي حصل ده
وعلشان كده قولت مش هحضر ليهم
حاجه خالص
فاطمه _شوفتي اللي حصل يا بنتي معقول
ده ابني مش قادره اصدق اللي بيحصل ده
مني _لازم تخدي موقف يا طنط منها صحيح
هي اختي بس مش عجبني اللي هي بتعمله
ده
فاطمه _ هاخد موقف ازاي بس يا بنتي مانتي
شايفه اهو اللي بيحصل ابني مش شايف الا
اختك في الدنيا
مني _عالعموم يا طنط ربنا يقويكي عليها
انا لازم امشي دلوقتي لو عوزتي اي حاجه كلمني
انا تحت امرك
فاطمه _ربنا يخليكي يا بنتي ، وبعدها مني
مشيت وانا قولت ياربي يعني كان قدامه
بنت ادب وجمال سابها وراح للي اسمها امل دي
وبعدها بساعه رؤوف جه وطلع علي شقته
وبعدها رنت عليه
الام _انزلي يا رؤوف عايزك مفتاح الشقه من برا
لأن مش قادره اقوم افتح ليك ،وفعلا بعدها نزل ودخل الاوضه وقال
رؤوف _ معلش والله كنت قولت هعدي
عليكي بس لما اطلع امل الاول انتي عارفه
الفستان كبير واكيد مكنتش هتعرف تطلع
بيه لوحدها ها عامله اي ، وانا قومت وقفت
وقولت
الام _ازاي تعمل اللي انت عملته ده انت خلاص بقيت معمي بحبها
روؤف _يعني انتي خليتني اسيب مراتي يوم
فرحي وانزلك علشان تقولي الكلام الفارغ ده يا امي
الام _كلام فارغ يا ابني هو انت مكنتش مكسوف لما نزلت على رجل مراتك وبوستها قدام العيله كلها
رؤوف _لا اتكسف من اي واحد وبيحب مراته
ومحدش ليه دعوه
الام _يا بني مينفعش كده حتي لو بينك وبينها
بتسمع كلامها وبتعملها اللي هي عايزه
مش هيكون قصاد الناس كمان ، وفي الوقت ده
دخلت امل وقالت
امل_هو انتي ليه عايزه تخربي حياه ابنك ليه
عايزه تعملي مشكله بيني وبينه بقولك اي ريحي
نفسك رؤوف بيحبني وعمره ما يقدر يستغني
عني
الام _اشبع ب حياتك يا رؤوف بس انا مش هقدر
أشوف حرقه الدم دي مش عايزه اشوفك
انت ومراتك هنا في شقتي
امل _والله اللي يريحك يا حماتي انا هعمله يلا بينا يا رؤوف وبعدها طلعوا شقتهم ، وعدا شهر
وفي يوم كنت في السوق ورجعت لقيت امل
في شقتي
امل _حبيبتي يا ماما هو انتي لسه زعلانه مني
ارجوكي متزعليش مني
الام _هو انتي دخلتي الشقه هنا ازاي وعايزه
مني اي بالظبط
امل _والله صعبان عليا أن أنا عايشه في شقه
وانتي في شقه وقولت يا بت يا امل دي
امل جوزك يعني امك بس نفسي افهم هو انتي
ليه بتكرهني
الام _انا عمري ما كرهت حد والله يا بنتي بس
انتي اسلوبك مش عجبني
امل _طيب لو منك تغيرني تخليني اكون
انسانه كويسه بقولك اي أنا بعمل اكل
في شقتي تحبي اجيبه وانزل هنا ولا تيجي معايا
فوق
الام _سبحان مغير الاحوال ربنا يهديكي يا بنتي
امل _ربنا يخليكي ليا يا ماما ، وبعدها طلعت
شقتها وجه رؤوف من برا وقال
رؤوف _والله مش مصدق نفسي معقول انتي
هنا يا امي ربنا يخليكي ليا ويبارك في عمرك
الام _وحشتني اوي اوي يا رؤوف كده يابني
شهر بحاله مش اشوفك
رؤوف _يا ماما انا كنت بشوفك كل يوم وانتي
وافقه في البلاكونه عامله تبصي عليا
الام _اعمل اي يا حبيبي كنت وحشني اوي
وفي الوقت ده امل خرجت من المطبخ
امل _عملتك يا ماما الفراخ مسلوقه زي ما
انتي عايزه بالظبط علشان السكر يا حبيبتي
ربنا يخليكي لينا
الام _ويخليكي ليا يا مرات ابني ويهديكي عليا
يارب ، وبعد ما خلصت اكل قولت
الام _هنزل انام بقي في شقتي شويه
لأن حاسه ان تعبانه اوي
امل _والله ما يحصل ادخلي نامي جوا
اصل انا اخاف عليكي يا ماما تكوني تحت
ويحصلك حاجه يا حبيبتي
الام _ربنا يديكي يا بنتي علي قد اللي بتعملي
معايا وبعدها دخلت وكلمت مني
مني _والله كنتي لسه في بالي وكنت عايزه
اجي علشان اطمن عليكي عامله اي
الام _اسكتي يا مني مش هتصدقي اللي حصل
اختك نزلت خدتي وقالت لازم اقعد معاها
في شقتها
مني _انتي بتتكلمي عن مين امل معقول امل
عملت كده لا طبعا اكيد حضرتك بتحلمي
الام _والله يا بنتي زي ما بقولك كده بالظبط
ومش عايزه اي اللي غيرها معايا كده تفتكري
المصاريف بقت كتير عليهم وعايزني اساعدهم
مني _يمكن يا طنط المهم عايزكي تخدي
بالك من نفسك كويس
الام _مش مهم حتي لو اخدت المعاش كله
كفايه أن بشوف رؤوف كل يوم ، وفي اوضه
رؤوف كان قاعد هو وامل وقال
رؤوف _هو انتي متاكده من الكلام اللي انتي
قولتي ده معقول خالتي كوثر ماتت وكتبت
لماما ورثها كله
امل _اششش وطي صوتك قولتك ايوه امك
نزلت خرجت انهارده ولقيت حد بيبخبط علي الباب
نزلت وكان المحامي وقالي