رواية حياه
الفصل الخامس5
بقلم شروق الجندي
_يازين فهمنى فى ايه بقالك ساعه ساكت من ساعة ما والدك كلمك طمنى هما كويسين حد جراله حاجه"نظر لها بهدوء_قلقانه عليهم_طبعا دول أهلى أنا كمان وربنا وحده يعلم بحبهم قد ايه"قال لنفسه_هه وهما كمان بيحبوكى أوى_هتفضل ساكت كده"أمسك كفها برفق_هما كويسين بس عمى تعبان شويا وهروح أشوفه_طب ثوانى هحضر الشنط وهنزل الولاد عند ماما"رد بفزع_لالا مينفعش تروحى أنا هروح لوحدى_لاطبعا الواجب اننا نروح سوا_خليكى أنا هطمن عليه واجى_زين أنت مخبى عنى حاجه_هاا لا ياروحى هخبى ايه انا مش عايزك تتبهدلى بس_ماشى بس لو لاقيته تعبان جامد قولى وأنا هاجى فورا"عانقها بحب وتنفس بعمق_خليكى دايما عارفه انى بحبك ومش هفرط فيكى الدنيا فى كفه وأنتى فى كفه"خرجت من عناقه ونظرتله_نفسى اعرف مالك"كيف سيقولها انه ذاهب ليتزوج بأخرى" مفيش حاجه انا هلبس وامشى عشان ألحق القطر_ترجعلى بالسلامه_الله يسلمك"منذ أن دخل القطار وهو لا يرى إلا وجهها يريد أن يبكى ويصرخ ولكنه تربى على مبدأ قاسى وهو أن الرجل لايبكى وهو الآن يدفع ثمن العادات والتقاليد الظالمه فمن قال أن الفتاة يجب أن تتزوج ابن عمها ولكنه ابتسم بخبث وفكر فى حيلة تخرجه من مأزقة