رواية احبني قاسي
الفصل الثالث3
بقلم ريهام كامل
محمد(بنظرات حاده)...بتقولي حاجه
يارا(بغضب)... ايوه بقول اني تعبت
محمد(بسخريه)... تعبتي من أول يوم لا أجمدي كدا انتي لسا معانا شويه
يارا.... مش عايزه حاجه
محمد... رايحه فين
يارا... هنام علي الأرض مكاني وشكرا ليك يا ابن عمي
وذهبت ونامي علي الأرض مجدداً
ترك محمد الطعام وذهب الي غرفه التمرين الخاصه به
محمد.... يا عم مالك زعلت ليه عشانها دي حته بت متجوزها غصب عنك يومين وهطلقها خلاص.. مالك بتفكر فيها كتير ليه
✨✨✨✨✨✨✨✨
ذهب محمد الي الغرفه وجد يارا نائمه علي الأرض ظل واقف مكانه لدقائق لا يجدها تتحرك قلق بشأنها اقترب منها
محمد.... يارا يارا
أخذ يحرك يارا ولكن لا فائده
محمد(بقلق)... يارا.. ايه دا درجه حارارتها عاليه كدا ليه
حملها محمد ووضعها علي السرير وذهب وأحضر لها كمادات وأخذ يطبطب علي خدها ولكن إجابه
محمد(بقلق)... طب اعمل ايه دلوقتي كله مني انا السبب انا نيمتها علي الارض في البرد
يارا(بتعب).... كح كح كح
محمد(بلهفه)... يارا انتي كويسه
يارا(بتعب)... كح ميه ميه
محمد(بسرعه)... اه اه ميه حاضر
محمد(بلهفه)... اشربي براحه
يارا(ببكاء).... محمدد
محمد.... نعم
يارا(ببكاء)... انا تعبانه
محمد(بحزن)... حقك عليا يارا يارا ردي
يارا....
محمد(بقلق).... يارا ردي
محمد.... يارااااا
✨✨✨✨✨✨✨✨
الام....حد سامع حاجه
ياسمين... ايوه مش دا محمد
الجد....قومو بسرعه نشوف في ايه
محمد... يارااا ردي
الام(بفزع)... ايه دا في ايه
محمد(بقلق)...أمي أمي اتصلي بالدكتور بسرعه
ياسمين.... في ايه
محمد(بغضب)... بسرعه بقول
ياسمين.. حاضر حاضر
✨✨✨✨✨✨✨✨
بعد فتره
الدكتور.... درجه حرارتها مرتفعه جدا بسبب انها نامت في البرد انا كتبت شويه أدويه تمشي عليهم فتره وهتبقي تمام
الجد... شكرا يا دكتور
الدكتور.... استأذن انا
الجد... اتفضل يا دكتور مع الدكتور يا ياسمين
ياسمين... حاضر
الام... ممكن افهم ايه اللي حصل
محمد......
الام... رد عليا
الجد.... رد علي امك يا محمد
خرج محمد مسرعاً خارج الفيلا وأخذ سيارته وهو غاضب من نفسه
الام... ربنا يهديه
الجد... يا رب خليكي معاها علي ما يجي
الام... هنزل اعمل شوربه خضار لها
الجد.... ماشي وانا قاعد معاها علي ما تيجي
✨✨✨✨✨✨✨✨
أخذ محمد يسوق السياره غاضباً بشده حتي وقف ونزل ومشي علي الرصيف يفكر في ما حدث
محمد... انا ليه حاسس بالذنب.. لا كلهم زي بعض خاينين
ست عجوز... ساعدني يا ابني
جري محمد اليها.... محتاجه ايه يا امي
الست.... ممكن تقعدني علي الرصيف شويه
محمد... حاضر
الست(بضحك)... انت قعدت ليه
محمد(بتوهان)... مش عارف
الست... انت محتار صح
محمد... صح
الست... مالك يا ابني
محمد(بحزن)... مش عارف يا امي بجد حاسس اني في غابه وتايه كدا
الست... الحب صح
محمد... حبيت مره وطلعت خاينه مش بتحبني طلعت بدور علي فلوسي وأملاكي ومش هاممها قلبي اللي كان بيحبها وخايف دلوقتي من اللي معايا
الست... اممم انت شوفت حاجه وحشه منها
محمد....ازاي
الست.. يعني مثلا تصرفتها زي البنت الاولي
محمد... لا خالص
الست... كدا مش زيها ايدا ولا هتبقي. صوابع ايدك مش زي بعض يا ابني وكل شخص في حياتك اديله فرصه مش عشان حد خانك ولا خدعك يبقي الناس كلهم زيه. حافظ علي الناس اللي معاك قبل ما يروحوا منك. الناس كلها مش زي بعضها في نوعين منهم
محمد...ازاي
الست... يعني في نوع يكون عايز مصحله منك وبعدين يرميك ونوع تاني يكون عايزك انت مش عايز حاجه منك
محمد... كلامك حلو اووي يا امي
الست... ربنا يخليك وروح شوفها محتجاك هي تقربلك ايه
محمد... مراتي لسه متجوزين امبارح
الست(بضحك)... دا انت بارد صحيح سايب العروسه لوحدها وجاي قاعد هنا قوم قوم دا انت عايز ضرب الجزمه
محمد(بضحك)... والله انتي عسل بصي تعالي ناكل دره
الست... وماله
✨✨✨✨✨✨✨✨
عاد محمد الي الفيلا وجد الجميع نائم ولكن وجد أمه تنتظره
الام... محمد
محمد... نعم يا امي
الام... انا مش هسألك ازاي هي كانت بردانه وتعبت كدا بس هقولك البنت طيبه وغلبانه سيبك مش شغل البرود دا معاها
محمد... حاضر يا امي
الام... اه صحيح أم يارا واخواتها جم وروحوا وبيسلموا عليك
محمد... الله يسلمك ويسلمهم بإذن الله قبل ما نروح اسكندريه هروح انا ويارا عندهم
الام... طيب يا ابني تصبح علي خير
محمد... وانتي من أهله
✨✨✨✨✨✨✨
صعد محمد الي الأعلي ودخل الغرفه وجد......