رواية جدايل حكيمة الجبايل
الفصل الحادي عشر11
بقلم ايمان صالح
كيف ماكون كنت بتلكك عااد،، بيني وبينك كنت حاسه فمصر إني غريبه وخايفه،، ولحالي علي طول،، كل هبابه أغير كالون الشجه الحزينه من خوفي لاطليجي يبعتلي حد يأذيني فيها، ومن كتر خوفي كماني عملتلها بوابه حديد،، أعمل إيه ؟؟ منا من غير رااچل!! المهم بدأ يطلع عيني ياخيتي،، متخرچيشي،، ماتاكليشي،، ماتتحدتيشي،، ماتلبسيشي دة،، ماتجلعيش ده !! وريني المحمول،، كل دجيجه وريني المحمول،، وياخده ويتصل بأرجامي الخاصه كلااتها ولجيها بنته كلاتهم،، مالجاشي عليا غلطه،، من غيظه راح جالي أنتي ممسكاشي محمول تاني،، وبدأت خطته بكده،، وجفته عند حده وجولتله حاچتي وملاكش فيها،، فضل يهدد فيا وعاوزني أعاود علي مصر،،
چدايل••كلات ده ؟؟ عشان الورته ؟؟ ياستي سيبيهاله ويشيل وجت مجابلة اللي خلجه !!
مروة••مبجاتش ورته بس ياخيتي،، نظرت للأرض بخجل، وبكت بحرقه،،
چدايل ••لاهو عمل إيه تاني أكتر من إكده ؟؟ يادي المر المجندل !!
مروة••كسر عيني ياخيتي،، كسر عيني لچل أتنازله عن حجي،، بكاء بنحيب،،
چدايل ••كييف؟؟ يامري الإكحل !!
مروة ••فضل الحال بيناتنا علي تهديده ليا ياهجتلك ياهفضحك وهاخد الورث كلاته ليا عااد،، جولتله لو جتلتني هاتتحبس والناس مش هتهملك،، لكن چديده حكاية أفضحك دياتي!! كيف راحا تعملها! جالي وجت ماحتاچها هتعرفي،، خليكي معنده وإنتي تعرفي،،
جولتله االي عنديك إعمله،، مكنش يورد علي مخي وعجلي أنه كلام صُح
جولت كلام فارغ ده خوك لحمك ودمك يابت كيف يإذيكي،، مهايكلش حجك مهمن كان،، وفيوم،، چه وهوا مغفلج وطافح سم من اللي بيبلبعه،، ودخل عليا وآني جاعده وجالي إنتي لو عطيتك ورتتك عما تعملي بيها إيه ؟؟ جولتله هاخد حجي من الفلوس عالجليل وأشتريلي فيلا إهنه ولا دار دورين حتي وأجعد چاركم،، لچل ابجي چار عزوتي وناسي،،
جالي خلاص،، هشتريلك الدار اللي نفسك فيها عااد وتخلي بجيت مالك وحجك لما ياچي معايا سيوله،، ماكنتش إمصدجه أنه عايحكي صُح حجيجي،، فرحت جووي وجولتله طيب وكمان تعملي حساب في البنك وتحطلي فيه رصيد حتي لو جليل وانا هعرف أعيش منيهم وافج وجالي ماشي وأنا جررت ساعتها إني هستكفي بكده وأهمله لحاله بس هاخد نسخه من الوصيه ليا،، وفضل يأخر يأخر لحد مامن يامين إكده بالظبط،، دج علي محمولي رجم غريب رديت طلع هوا،، جاللي تعالي حاالاا بعربيه بوكي لاجيتلك أرض لجطه وفمكان خيااالي،، بس تعالي شوفيها عشان هشتريها،، جولتله فين العلوان وآخد العلوان وأروح عالمكان ألتجي أرض صحراويه فااضيه،،، وواااسعه،، ومفيهاش ياخيتي صريخ إبن يامين حتي،،
چدايل ••يامري!! إستدرچك ؟؟
مروة••إيوة ياخيتي، بكت بشدة وكأنها طفله،، خوي إبن أمي وبووي يعمل فيا إكده!!
چدايل ••وبعدين كملي !!
مروه••بعد ياچي ربع ساعه واجفه أتلفت حواليا يمين وشمال ملاجتش حد،، جولت همشي،، لجيته چاي من بعيد بعربيه كنها مش بتاعته،، ومعاه تنين رچاله غرب معارفاهمش،، جربو مني بالعربيه هميت عليهم واني بضحك ومبسوطه ان خويا چاي عشان يفرچني مكان سكنتي الچديده وأفرح،، لكن جايته مكانتش خير أبدااا،، نزلو وفيدهم بلاستيك تجيل كيف المواسير إكده وخشبه مليانه مسامير من كل چانب وعصيان زان،، وحاچات كاتييره مفكراشي من اللي چرالي،،
چدايل ••شهقت،، يامري !! عيهبب بيهم إيه دولي كماني؟؟
مروه••بدموع تغرق وجهها،، عايضربني بيهم،، يضرب لحمه ودمه،،
چدايل ••وه!! لايكون اللي فراسي صح تبجي مصيبه،،
مروه ••نظرت لچدايل،، خويا طلع وحش جووي،، إكلح من چواته،،
همو عليا وفيدهم الحاچه جولتله إنتو چايبين الحچات دى ليه؟؟ هوا الطريج ده واعر ولا فيه جطاع !! شردت مروه وهي تقص مايحدث وكأن عقلها إنتقل إلي موقع الحادث،،،،،،،،،،،
في وضح النهار،، علي قارعة طريق يبدو أنه مقطوع وبأحد جانبيه صحرااء قاحله وبالجانب الآخر جبال صخريه يغطيها رمال الصحراء تقف سيده في العقد الثالث من عمرها، مرتديه عباءة فخمه وطرحه موضوعه علي جانبي كتفها،، تكشف نصف شعراتها التي تهفهف وتتطاير مع الهواء،، خمرية البشره عيونها زيتونيه اللون،، تشبه في جمالها راني وخرچي بطلة الافلام الهنديه،، جماالها الفاتن الفياض بالأنوثه لايغني عن صفاء نيتها وطيب قلبها،، تلك النيه التي لم يكن بحسبانها ماسيقع بها من أذي وليس لنفس بشريه أن تتخيل ماسيحدثه أخيها بها،،
مروه من بعيد تري سيارة تهل عليها لتطمئن قلبها بعد أن كانت خائفه من الفضاء المحيط بها من كل مكان،، إقتربت قليلااا من السيارة وبالفعل بها أخيها وشخصين آخرين،، بيدهم عدت أسلحه يدويه الصنع،، مروه نفسها تحدثها هلمي وإلحقي بهم إنه درعك بالحياة وحمايتك،، لكن عقلها يحدثها لم هذا المنظر من بعيد يبدو مرعباا؟؟ بدأت مروة تتقدم ناحية أخيها وتحدثه بنفس صافيه،،
مروه ••إيه ياخوي إتأخرت عليا هبابه ليه إكده؟؟ المكان مجطوع،، خفت،،
سلمان ••خفتي؟؟ خفتي منيه؟؟ دانتي عتجعدي إهنه علي طول يابت !!
مروه ••بس ياخوي المكان كلاته هو،، صحرا !! عتبني إهنه وأجعد إهنه؟؟ لاه لاه،، ممطمناشي للمطرح،، يلا بينا نروحو،،
سلمان ••يشمر أكمام القفطان الذي يرتديه عن يديه الإثنتين قاائلاا،، بعدما رفع الثوب عن كفوفه وبعزمه ضربها كفااا علي وجهها أطرحها أرضاا قاائلااا،، ماجولنا هتجعدي إهنه علي طولة يابه !!
صرخت مروة من هول القلم وشدته ومن قوة كف أخيها علي وجهها الرقيق صرخت متأوهه،، لتضع يدها علي خدها تجدها لطخت بدمها،،
مروه •• اااة !! إيه ده عااد اللي عما تعمله !! إتچنيت ولا إيه ؟؟
سلمان ••چن لمن يركبك يابت الفرطووس!! وطأ الارض ناحيتها ليسحبها من ثيابها موقفااا إياها،، إمفكرتيني عويل فيكي يابه !! هجتلك إهنه !! عاملة راسك براسي؟؟ ده مافيش رااچل علي وچه البسيطه جدر يتحداني !! إنتي عاوزة تغلبين عااد؟؟ واقفة أمامه غير مستوعبه مايحدث تنظر في عينيه المليئه بالشر ونزل بعزمه ثانية علي وجهها يميننا ويسااراا وضلت الفتاه تصرخ دون مغيث،، وهو مازال يضربها بعنف،،
مروه ••ااااه،، حرام عليك ياخووي !! وآني عملتلك إيه عشان تاكل حجي؟؟ دة شرع ربنا ياود بوي وأمي،، خليت إيه للغرب !! بعد إوهملني عااد !! وإديني حجي لچل اعيش بعيدة عنيك،،
سلمان ••مين يابت اللي مفهمك إن البنته في عيلتنا عما يورثو!! إنتي عبيطه ؟؟
أحد الرجال،، كفاية إكده عااد،، عتفرفر بلا فايدة ولييه ؟؟ إحنا چايين بإتفاج إومحصلش،،
سلمان ••إكتم يااچدع وإستني نشوف راسها عتلين ولا لااه،،
الرجل الآخر،، وإحنا لسه عنستنو؟؟ خلص ياخوي ورانا زباين غيرك،،
سلمان ••بعصبيه ماجولت خلااص، هيا عتعجل عااد وتسمع الحديت زيين،،صح؟؟
مروه ••بوجه مجروح وينبع بالدماء،،، عاوز إيه يابن امي وبوي؟؟
سلمان ••إيوااه !! بدأت تفهم عاد أهااا،، عاوزك، تختفي من الصعيد،، كله،، ماشوفش وشك العكر دي!! إهنه تاني،، وإنسي، إنك، ليكي حج إهنه،، ولا ميلم عااد،، دي مالي وشجااياا،، فاهمة؟؟ كل كلمه بضرب وركل في بطنها والسيدة تصرخ من هول الضرب وعزمه،،
مروه •• آااااه،، أاااه،، بدأت قواها تخور،، لكن الراس العنيده مستمرة،، لااه ياود بوي وأمي،، مهعملش اللي رايده إنتا،، حجي وعاوزاة ومهتنازلش عنيه !! وهي لم تكمل الجمله بعنف سحب سلمان من إحدي الرجال تلك العصا المكسوة بالمسامير،، وصرخ،، اااااع،، نزلت علي تلك العبااءه بالملس الخارجي شجته الي قطع مهلهله،، كشف بعض جسدها،، وظلت تصرخ عندما دخلت المسامير خدشت لحمها،،
ااااه،، بقوة تلتقط أنفاسها،، مجدرااش،، ياظالم إنت عاتعمل فيا إيه ياود الشين !! عاتموت أختك عشان الورته اللي عاوز تاكله في كرشك !! والله لو كنت موافجه جبل إكده دلوك ماهسلمك حجي بيدي،، ولو بعد حين عايتچاب،، إبتعد عنها سلمان في حالة غضب وبسرعة بديهه لإمرأة تفكر كيف توثق مايحدث لها لم يكن منها وهي تمسك الهاتف مازال بيدها،، فتحت المسجل الصوتي وأدخلته في جيب من جيوب العباءة اللتي شجت ولأنها كانت واسعه وقع الهاتف واستقر وهو يعمل،،
سلمان ••يخبط علي رأسه بكفوف يده،، آاااه، ااااه،، وبدأ يركلها في بطنها بيده ثانية وماكان منها إلا أنا إستجمعت قواها وبدأت بزجه واصبحت من حالة دفاع ومضروبه لحالة هجوم ضاربه،، بدات تحاول ان تضربه بقوة،، جن أخيها ممكا تفعل،، صرخ بالرجال،، إنتو واجفين عما تتفرچوا عليها؟؟ كتفوهالي بت الكلااب،،
تكالب عليها الرجلان واخيها وأمسكوها كل رجل من يد وبدأ يمارس الضرب المبرح عليها ثانية ولكن دون جدوي للتنازل منها،، سقطت في الأرض غير قادرة علي التحرك من الضرب،، وأخذ الماسورة البلاستيك وبدأ يضرب علي جسدها بطريقة تؤلم ولاتجرح أو تكسر،، رمي الماسورة وأمسك بالعصي الزان وبدأ يتحدث وهو يضربها،، إنتي دلوك هاتمضي تنازل عن حجك ونسيبك تعيشي،، ولا لااه ؟؟
مروة ••التي لايظهر منها غير النفس الخارج والداخل !! رفعت رأسها في وجههه ثم بصقت فيه،، هاج ثانية وأخذ ينعق كالغرااب،،
سلمان ••ااااع،، ااااه،، تستاهلي بجي،، يلا يارچاله مش عاوزينها؟؟
ردو بقوة،، ااه عچبانا،،
سلمان ••طيب إچهزوا كل واحد بالدور،، أخذت مروة تحاول التملص عندما وجدت أحدهم تجرد من إنسانيته مع ثيابه والأخر يمسك بها حتي يتمكن الثاني منها وماإن تمكن الرجل منها حتي تجرد سريعااا من معالم الرحمه والإنسانيه وإنقض عليها الإثنان معاا ينهشون في برااءتها وعفتها،، وأخذ أخيها يضحك ويتلذذ بالمشهد الذي
يحدث أمامه وهو يقف بشموخ ليصور لشقيقته فيلماا منافياا للقيم الإنسانيه لكي يتخذه عليها ذله وذلااا لها،، من جحوده وقف يوجههم فيما يفعلون بها،، إيوة إعمل إكده،، سوي إكده،، والفتاة تصرخ تحت براثن ظلمهم وبشاعتهم الغير آدميه،، تصرخ ولكن بلاقوة لتدافع أو تبعدهم،، أي بني آدم أنت؟؟ أهذا مايشفي غليلك وحققت به إنتقامك؟؟ بعد إغتصابها بالتناوب وسوية،،
إحدي الرجال؛؛ علي فكرة يابيه،، دي ست نضيفه مش كيف منتا فهمتنا !! البت دياتي مهياش عطاطه ولا حاچه،، الرجل الآخر قاائما من ارض الجريمه يمسح عرقه،، فعلاا يابو عمو،، دي مليحه جووي !!
سلمان،، أخرج من جيب ثوبه مبلغاا يعادل عشرة الأااف للرجلان،، يلا ياخوي انتا وهوا،، إتوكلو علي الله إنتا وإيااه وانسو اللي حصل،، آني إكده ولا إكده وشكم مش ظاهر عالفيديو،، البطله هيا اللي طالعه ومنوره ،، ههههههه،، تم حفظ الفيديو،، يلايابت،، جومي عشان تمضي عالتنازل يابت !! جومي بطلي تمثيل عااد ؟؟ نظر الرجلان اللذان لايعلمان انها شقيقته عليهما ثما إرتدا ثوب خستهما وذهبا،،
لكنالفتاه الأخري ملقاة علي الأرض غير قادرة علي الحركه،، ولا التحدث،، وبسرعه أمسك بيدها لتمضي عنوة،، لكنها بذكاء عقلها هزت يدها ذهابا وإيابااا برعشه وشخبطه،، أفسدت التنازل،،
ضل سلمان يركلها ثانيه،،
سلمان ••ااااه يابو ياسو!! بوظتي الورج؟؟ عما ترعشي يدك؟؟ طيب يابت ابووي !! آني المرة دياتي بس أدبتك باللي عملته فيكي عااد ومسكت عليكي ذله بالفيديو ده،، يمين بعظيم توربي ناحية الدار وتطالبي بورتتك تاني لاكون مخرچ الفيديو ده إوفاضحك جدام كل الخلج،،هه هم بالإبتعاد بااحثا عن مفاتيح السيارة التي اتت بها أخته لكي يأخذها حتي لاتستطيع التحرك بها،، ولكنه لم يجدها،، لم يقف ليبحث عنها وتركها غارقه في الدماء وقاد سيارته وتركها وذهب،، ذهب وترك تلك المسكينه بملابس مهلهله،، جسد مممزق ووجه ممزق،، قلبااا مجروحااا مكسوراا في طياته ذكري لايمكن أن تنسي،، ذكري أصعب درس في حياتها،، وهو خيانة الأخ لأخته وعدم الحفاظ علي شرفها من أجل الورث،،،
في الغرفه،، چدايل تبكي من تلك الحكايه الغريبه ولاتستطع التحكم بنفسها،، مسحت دمعاتها ثم حدثتها محاوله إظهار بعض القوة امامها،،
چدايل ••الله يتنجم منه علي كل فعله شينه عملها فيكي
مروه ••لاازمن مهسيبش حجي،،
چدايل ••وجدرتي تتحركي كيف ولا مين نچدك؟؟
مروه ••ربنا،، ربنا بعدما وجعت جدامه كني ميته،، يمكن يكون هملني لأنه فكرني ميته،، مادريتش بحااچه بعد منظر العربيه ماتحرك جدامي وغغار وانا عما حاول أوجف علي رچليا ومش جادرة،، غبت عن الوعي،،، فجت علي شقشقة الفچريه،، لجيت الدنيا كلحه من حواليا،، وكن ربنا عطاني الجوة بس لچل أجوم وأتسند لحد ماوصلت لباب العربيه اللي الحمد لله إنه مفشفشهااش حتت،، وفتحت الباب واترميت چوه،، يدوبك إترميت چواها ومادريتش بحاچه تاني غير النهارده العصريه،، جومني صوت شي كنه بيعوي جومت لجيت حالي مرميه رميت الچيف،، بس النوبادي كنت ميته من العطش،، لحسن حظي بمشي بميه دايمااا،، شربت
وجعدت أفكر لوجتنا هذاا اتصرف كييف ؟؟ آني عارفه لو عاودت عيجتلني بصح،، جلبت معارفي بشرجها وغربها وكلهم تبعه،، يعني يبيعوني بلحظه،، وبعدين إتذكرتك إنتي لمن كان مرة بوي جالي إن عم رشيد من فترة توفي ومرته خدت المكبرة،، الناس كلها عما تجول إنك معتخافيش غير من اللي خلجنا،، دة صُح ؟؟
چدايل ••ووه؟؟ وانتي عما تخافي من مين غيره؟؟ دنتي بطل عالم في التحمل أهاا ا!!
مروه ••هاتوجفي چاري عتچيبي حجي؟؟
چدايل ••تنهدت،، هاااه،، جومي ،، جومي يابت الحلال لچل تتسبحي إكده وتاكلي لجمه ترم عضمك إنتي يامين بدون وكل،، والصباح رباح،،،