رواية زواج اطفال الجزء الثالث3
الفصل الثاني والعشرون22
بقلم الكاتبة الصغيرة
فرحانه وعايشه الجو وحشتوووونيي😘❤❤
سلمت على مالك وابو العريس وبتلف تسلم عليه
قابلها بإبتسامة عريضه اظهرت وسامته كان لابس قميص اسود وبنطلون بنفس اللون
ايلين كانت في صدمه همست وهي واقفه.. يوسف!!
مد ايده وسلم عليها بعدين قعدت وهي مش مستوعبه لسه
سليم.. واحنا معندناش اغلي من ايلين
يوسف بصلها.. في عيني يا عمي مش هتوصيني عليها
مالك.. ربنا يقدم اللي فيه الخير لين قالتلي عنك كل خير هي وانس
يوسف.. انس ده اخويا مش صحبي بس وانا اكدلك انه عمرها مايزعلها
ابو يوسف .. وانا بعتذرلكم عن اي حاجه حصلت قبل كده كان طيش شباب بتمني نفتح صفحه جديده وانتي يا ايلين يابنتي حقك عليا واحنا دخلنا البيت من بابه والرأي رأيك
سليم.. اللي فات ماضي والكل بيتعلم من غلطه هنعتبره محصلش ويوسف شاب كويس جدا
يوسف.. تسلم ياعمي
مالك.. نشرب احنا القهوه سوا
ابو يوسف.. علي بركة الله
خرجوا وايلين ويوسف قعدوا لوحدهم
يوسف اتنهد بإبتسامة وسند ظهره.. واخيرا
ايلين.. يعني كنت بتختبر صبري يا يوسف؟
يوسف.. اي رأيك مفاجأة حلوه صح
ايلين.. علي فكره انت رخم جدا والله ليه عملت كدا انا اتضايقت منك كانت متعصبه وبتتكلم بسرعه
يوسف.. بحبك
ايلين سكتت ووشها احمر وهديت خالص
يوسف.. ياا خلاثي🥹
ايلين.. من امتي
يوسف قرب شويه.. من زمان يمكن من اول مره اشوفك فيها
ايلين.. ومقولتليش ليه
يوسف.. انتظرت الوقت المناسب
ايلين.. افرض كنت اتخطبت بقي لحد تاني فعلاً
يوسف.. مكنش هيحصل كنت هفركشها او هخطفك تاني
ايلين ضحكت.. تاني
يوسف.. وتالت ورابع المهم انك تكونى معايا
ايلين عدلت شعرها بإحراج
يوسف.. لا بس ايه اللون اللي لابساه ده اسود!!
ايلين.. ليه وحش
يوسف.. لا ياقمر ده الاسود ع الاسد بيمنع الحسد 😉
ايلين.. انت بتجيب الكلام ده منين
يوسف.. جامد والله بجد شكلك حلو في كل حاجه حتي كنتي حلوه في الهودي بتاعي انا بحضنه وانا نايم
ايلين .. يابني بقي معدتش قادره من الضحك حرام عليك
يوسف.. هو في ايه البيت الكئيب ده محدش هيسمعنا زغروطه انا غلطان اني مجبتش امي كان زمان نفسها اتقطع من الزغاريد
فتح الباب وهي راحت وراه خرج الصاله
يوسف.. هو في ايه يا جماعه مفيش زغروطه ايه يا تيتا
لين.. هههه والله لو قادره كنت مبطلتش
اروى بدأت في الزغاريد وكلهم بيضحكوا وايلين كمان
سليم.. انت بتفكرنى بنفسي لما كنت شاب كنت زيك كده فصيل وكل حاجه هزار
زين.. آه والله يا بني كان قارفنا مالك حبيبي اللي كان عاقل وهادي طول عمره هو وهمس
لين.. حتي مازن ابنه طالع زيه بالظبط
يوسف.. اه هو مازن فين مجاش ليه كنت عايز اتعرف عليه
اروى.. المره الجايه يكون موجود هو بس خطوبته قربت ف بيشتري شويه حاجات
زين.. قصدك كتب كتابه انا عارفه مش هيعمل خطوبه
لارا.. طول عمره تفكيره غريب
مالك.. هو حر بقي يعمل اللي يعمله
ابو يوسف.. صح هو دلوقتي راجل ومسئول عن قراره
يوسف.. طب ما يلا احنا كمان
ايلين.. يلا فين
يوسف.. نكتب الكتاب
سليم ضحك.. والله بتفكرنى بيا فعلاً
الكلام كان معظمه هزار وضحك والقعده كانت لطيفه
**********♡♡♡♡♡♡♡♡*************
مازن كان قاعد علي البحر وسرحان مع نفسه عدي اسبوع وهو متجاهل الكل وبيروح الكليه ويخرج ويجي على النوم
كان بيت عمران بيجهز لفرح انس ورحيم وخطوبة عز
ويوسف وايلين عملوا حفله صغيره لبسها خاتم سوليتير مازن حضر الخطوبه بتاعتهم بس متجاهل الكل حتي لمار كانت في الحفله وهو مش مهتم
في حوار بسيط دار بينه وبين يوسف واتعرفوا علي بعض
عمر كان بيكلم رحمه على طول من وقت للتاني ودايما برا البيت عشان معاملة الكل وحشه معاه
يوم الجمعه في اكبر قاعات الافراح يقام حفل زفاف
دخلوا من باب القاعه انس ببدله سوده ومصفف شعره بعنايه مع لين اللي فسانها هادي ورقيق ماسك ايدها بكل حب
انس.. شكلك حلو اوي
لين.. وانت كمان
انس ابتسم وباس ايدها وهي ضحكت بفرحه وبصت قدامها
كان يسبقهم بخطوات رحيم بدله سوده نفس انس ولا يختلف عنه في الجمال ماسك ايد رهف وكانت جميله جدا تضع تاج بسيط يزين شعرها البني الطويل كانت ماشيه جمبه بتوزع بوسات في الهوا لاخوها ريان وامها اللي واقفين في مقدمة القاعه
رحيم.. مفيش واحده ليا
رهف.. بطل بقي انت مبتزهقش
رحيم.. براحتك انا سايبك براحتك بس نرجع البيت ياقلبي
رهف.. مش مطمنالك
رحيم.. ايوه متطمنيش وغمز لها
عز كان لابس بدله هو كمان بس لونها رمادي وريناد جمبه بفستان رقيق من نفس اللون وتسريحة شعر مموجه
جه عز من جمبه حط ايده على كتفه.. ريح شويه الناس واقفه
رحيم.. روح اتلهي في خطيبتك وملكش دعوه مراتي وانا حر
عز.. عدي اليوم علي خير انا مش طايقك يلا
رحيم بإبتسامة مزيفه عشان الناس.. ولا انا وابعد من خلقتي متنكدش عليا ليلتي عشان انا متجوز اختك وانت هتتجوز اختي ف زي ما تعمل هعمل
عز نفخ بضيق وسكت
رهف.. مش هتبطلوا خناق بقي
عز.. اخوكي ده انا مستحمله عشان خاطرك بس خدي بالك
طلعوا قعدوا علي الكوشه
والكل في حالة فرحه وبهجه عمر كان بيبص لرهف بكسره معقول قاعده من واحد تاني وهو كان بيتخيلها معاه هو
عدي ربع ساعه و عز وريناد لبسوا بعض الدبل وكله بيبارك
والاغاني الصاخبه والمهرجنات شغاله وكله بيرقص
لمار كانت لابسه فستان ستان اوف وايت مفتوح للركبه وبأكمام قصيره وحاطه ميكب خفيف كان شكلها لطيف جدا
ومازن لابس بنطلون وقميص اسود شكله شياكه اخر حاجه راح حضن لين واشتغلت اغنيه
من يوم ما وعينا علي الدنيا مفارقاناش بعضنا لو ثانيه اختي حبيبتي وضي عيوني ..
سليم ومالك وزين ولارا واروي ولين كانوا علي ترابيزه واحده ونظرتهم ليهم كلها حب وفرحه
ايلين كانت لابسه فستان احمر ويوسف جمبها ببدله سوده
(الفرح كله سواد معلش 😂 بس هو اشيك لون)
ايلين دمعت
يوسف.. مالك ياحبيبتي في حاجه
ايلين.. افتكرت ان يوم فرحي معنديش اخ يعملي كده
يوسف.. هو انتوا بتدورا علي النكد وخلاص
ايلين مسحت دموعها وضحكت.. هخلي مازن يرقصها معايا
يوسف.. نعم؟ ويحضنك كده شايفاني سوسن
ايلين.. لأ بس هو اخويا علي فكره ومتربين سوا
يوسف.. اممم ربنا يسهل وقتها المهم اي الفستان القمر ده كل فستان احلي من التاني
ايلين.. ميرسي
يوسف .. انا هروح ارقص مع الواد انس بحب المهرجان ده خلع البليزر بتاع البدله وهاصوا بقي
لمار بتغني مع الاغنيه هي ويوسف وبيشاورا علي انس
مساااء النقص كله يقف مكانه 💃😂😂
وانس بيعملهم حركات اللي هو ماااشي
بتاع الديجي .. يلاااا يجماعه الاغنيه اللي مكسره الدنيا
رضا البحراوي بيقول ناس مني ومن دمي.. محدش فيهم شال همي محدش كان خيره عليا
الجميع بصوت عالي.. فييين خالي وفيين عمي 💃💃😂
كله بيرقص وهايص علي الموسيقي بتاع الاغنيه ومهيبرين علي الاخر
الجو هدي شويه وشغلوا ومالك طلع عند لين وابو رحيم كمان راح لرهف لان ابوها ميت وشغلوا اغنيه
بيقولو لي اني شبهك اني زيك حته منك روحي روحك واخده قلبك في المشاعر والكلام بيقولولي اللي شافوكي كتير لاقوكي بنت ابوكي دا في سلامه واهتمامه يا بختي قالوا بنت ابوها يا سلاااااام 🥹♥
مالك باس راسها وهي حضنته
الفرح كله كان شخصيات مهمه وشركاء عمران ومالك وسليم في الشركات
في جمب في الفرح
فارس.. جامده بجد يا اخي
اشرف.. يعم بيقولك هتتخطب للواد مازن ده
فارس.. هو ورانا ورانا هنا وفي الجامعه وبعدين دا حتي مشوفتوش ماسك ايدها ولا واقف جمبها حتي شكله كلام
اشرف وهو مركز في تليفونه .. براحتك انا قولتلك اني معدش ليا دعوه
فارس وهو بيطفي السيجاره.. اشطا اتفرج بقي على اللي هيحصل عدل الجاكيت ومشي كام خطوه
كان وقت الرقص السلو وكلهم مندمجين لمار كانت قاعده مربعه ايدها كده وبتبصلهم
مازن قاعد علي كرسي جمب مالك وسليم ولمح فارس جاي من بعيد هو عارفه لانه شافه كام مره في الشركه لما كان بيروح وبيشوفه في الجامعه
مالك.. مش ده فارس
سليم.. ايوه
مشي لغاية ترابيزة لمار وراح عندها ورسم ابتسامه
فارس.. قاعدة لوحدك ليه مش ده فرح اخواتك برضو
لمار.. ايوا بس عادي يعني هبط وقعدت اريح شويه وبعدين رقصة كابلز
فارس هز راسه .. اه اوك
لمار اومأت بإيجاب ومردتش عليه
كل ده ومازن متابع الموضوع
فارس مد ايده .. طيب ايه رأيك نرقص سوا
لمار بصت لايده بتوتر
مالك كان متابع نظرات مازن وهو مركز معاهم غمز لسليم فضحك
فارس.. ها تسمحيلي
لمار بإحراج.. سوري بس مش قادره بجد
فارس نزل ايده.. عادي براحتك ممكن اقعد طيب
لمار.. اتفضل
مالك.. ما تقوم ترقص معاها
مازن.. مع مين
مالك.. لمار هيكون مين يعني
مازن.. والمسها بتاع ايه وهي مش مراتي
سليم.. عاش والله راجل يلا
مالك.. طب ما تكتب كتابك
مازن .. مانا قولتلكم اللي انتوا عايزينه
سليم.. بس علي فكره البنت محترمه مرضتش تقوم معاه
مازن.. الواد ده مش مظبوط اصلا مبحبهوش
مالك.. شكله باين عليه فعلاً
بعد شويه قاموا يرقصوا تاني وريناد ورهف شدوا لمار معاهم وكله سلطه في بعضه
لين وايلين بيغنوا ويعملوا حركات وبعدين لين شاورت ل مازن
مازن عملها اشاره ب لا مش عايز بس هي اصرت ف قام
كان فارس ده واقف كمان معاهم وبيرقص مع عمر ورحيم وبعدين قرب ناحية لمار شويه وكل شويه يحط ايده علي كتفها وكده هي اتضايقت وبعدت وهو برضو وراها
راحت ناحية مازن وباين علي وشها الضيق وهو وراها بالقصد عشان يضايق مازن
مازن .. في ايه
لمار .. معرفش بس انا مش حابه الولد ده رخم كده
مازن وقف قدامه.. ما تريح شويه يا فارس وعدي الليله
فارس.. وانت مالك يا برو
لمار بعصبيه بس صوت الموسيقى كان عالي محدش سامع.. ماله ايه انت اللي مالك انا معرفكاش
فارس.. ليه مكنا حلوين وبنتكلم من ساعتها
لمار.. انت كداب انا متكلمتش معاك
مازن حط ايده علي كتفه.. عدي الليله عشان مبوظش فرح اختي بسببك
فارس .. ولو معديتهاش
لمار .. دا قليل الادب يا مازن وحط ايده عليا
لسه مكملتش الكلمه وكان مديله بوكس موقعه في الارض
الكل سكت بصدمه والموسيقي وقفت....