رواية صراع عائلي
الفصل الثاني عشر12
بقلم رنا سليمان
فايز:خير يا عمي؟!......ايه اللي جابك؟!
رؤوف:هو ايه اللي ايه
جابني يا فايز......انت ناسي ان دا بيت بنتي وان طبيعي جدا ابقي هنا ولا ايه؟!
زياد:بنتك مين يا عمي......بنتك نور اللي كانت في المستشفى بقالها شهر وانت مكلفتش خاطرك واتصلت حتي تتطمن عليها ولو لمره واحده .......جاي دلوقتي تفتكر ان ليك بنت وجاي تقعد في بيتها
رؤوف:والله انا حر مع بنتي.......اسأل عنها مسألش دي حاجة ترجعلي انا وبنتي ومحدش تاني ليه علاقه ب اي حاجه تخصنا احنا الاتنين......وبعدين المفروض انا اللي اسألكم انتو بتعملوا ايه هنا........صاحبه البيت مش موجوده ومعتقدتش انها هتسمح ليكم انكم تقعدوا هنا اصلا
رحمه:ومين قالك كده يا رؤوف بيه.......بالعكس نور هي اللي قالت انهم يجوا ويعشوا هنا ويروحوا الشركه والمصنع ويديروهم كمان.......حتي لو نور مش موجودة هي كانت قايله الكلام دا قدام الكل......وافتكر كمان انها قالت ان حضرتك متدخلش البيت دا تاني ولا تقرب منه
رؤوف:الكلام دا كان قبل ما نور تختفي ومحدش يعرف عنها حاجه يا رحمه.......بس دلوقتي الكلام اتغير وغياب نور دا بيخليني انا المتحكم في كل حاجة هنا لحد ما نور تظهر........ولحد الوقت دا انا هقعد هنا والكل هينفذ كلامي انا وبس واللي مش عجبه يتفضل الباب قدامه.......عن اذنكم انا لازم اطلع اوضتي ارتاح لاني تعبان اوي
سابهم واقفين مصدومين وطلع علي السلم........كان هيطلع وراه بس هي مسكت ايده ووقفته
رحمه:سيبه يا فايز سيبه يعمل اللي هو عايزه.......هو عنده حق
فايز:هو ايه دا اللي عنده حق يا داده.......يعني بعد ما يسيب بنته مرميه في المستشفى وميسألش عنها يجي ويعيش حياته هنا وتقوليلي حقه؟!
رحمه:احنا منعرفش عن نور اي حاجة لحد دلوقتي.......هي فين وبتعمل ايه وعايشه ازاي وهترجع ولا لا.......ومن دلوقتي لحد ما نور تظهر او تتكلم ابوها هو المسئول عن اي حاجه تخص كل املاك نور
فاطمه:وافرضي نور متكلمتش يا داده……هيفضل قاعد هنا ومتحكم في كل حاجه مع انه اكتر واحد ميستهلش دا بعد اللي عمله مع نور
رحمه:نور هتتكلم في اقرب وقت……انا واثقه في دا وساعتها نقدر نتصرف معاه ونعمل اللي نور تقول عليه
الباب خبط…….قرب من الباب وفتح…….استغرب لما شافها
زياد:شيماء؟!
دخلت البيت……فضلت باصه عليهم وساكته…….قربت منها بعصبية
فاطمه:انتي ليكي عين تيجي لحد هنا بعد ما كنتي السبب في موت خالد؟!
شيماء:لو كنت فعلا السبب في موت خالد زي ما بتقولي مكنتش هبقي واقفه قدامكم دلوقتي
فايز:هو انتي معندكيش دم……مش كفايه اللي حصل من وراكي؟!…….جايه هنا عايزه ايه تاني
شيماء:عايزه حقي وحق ابني اللي ابوه مات قبل ما يعرف بيه اصلا
علياء:ايه الكلام اللي بتقوليه دا……ابنك مين وحق ايه اللي بتتكلمي عنه
شيماء:حق ابني……حفيد عبد الرحيم بيه…….انا حامل في الشهر التاني
بصوا ل بعض بصدمه ورجعوا بصولها……..اتكلم وهو مش مصدق
فايز:حامل؟!
خارجه من المطار…….ماسكه الشنطه بتاعتها…….فضلت واقفه شويه…….بصيت حوليها واتنهدت بحزن…….كان صعب عليها انها تسيب كل حاجة ورا ضهرها وتمشي…….مقدرتش تتحمل طمع وغدر اقرب الناس ليها…….حاولت انها تستحمل كل حاجه تحصل لها علشان تنفذ وصيه جدها بس مقدرتش……..مقدرتش تعمل كده وهي معاهم وبتشوف وش كل واحد فيهم كل يوم في الوقت اللي هي عرفت فيه انهم كانوا السبب في موت جدها…….مكنتش قادره انها ترفع عنيها في عين ولاد عمها بعد ما اخوها قتل اخوهم……..هربت من كل حاجة وسابت كل حاجة وراها علشان تبدا بدايه جديده…….مكنتش عارفه اذا كانت هترجعلهم حقوقهم من تاني ولا لا……بس اللي كانت متاكده منه انها هترجع حق جدها منهم وباي تمن……بدات تمشي بخطوات بطيئة وهي مقرره انها هتكون انسانه جديده غير اللي الكل اتعود عليها…….انسانه مبتفكرش غير في نفسها وبس…….سمعت صوت بينده عليها…….وقفت وبصيت ناحيه الصوت…….ردت عليه ب ابتسامه
حازم:انسه نور
نور:ايوه……استاذ حازم مش كده
حازم:ايوه انا…….حمدلله علي السلامة يا انسه نور
نور:الله يسلمك…….انا اسفه اني هتعب حضرتك معايا……بس انا معرفش اي حد هنا ومش هعرف اتعامل هنا لوحدي
حازم:ولا يهمك……انا تحت امرك في اي وقت…….اي حاجة حضرتك تحتاجيها هتلاقيني معاكي و هساعدك في كل حاجه
نور:انا حقيقي مش عارفه اشكر حضرتك ازاي
حازم:انا اللي مش عارف ارد الجميل ازاي…….عبد الرحيم بيه الله يرحمه هو السبب في اي حاجة انا وصلتها ولو فضلت ارد جمايله دي لحضرتك لحد ما اموت هيبقي قليل
ابتمست وفضلت ساكته
حازم:تحبي نروح علي الشركه وتشوفي الشغل ماشي ازاي ولا اوصلك للبيت علشان ترتاحي ونبدا شغل من بكره
نور:يا ريت توصلني للبيت الاول……انا جايه من السفر وتعبانه شويه ومحتاجة اني ارتاح
حازم:اللي يريح حضرتك…..اتفضلي
اخد منها الشنطه……شاورلها علي العربيه……ركبت العربيه……حط الشنطه في العربيه وركب جمبها وساق لحد البيت
قاعده قدامه…….حاطه رجل علي رجل ومبتسمه…….باصص عليها بحقد وكره…….ايده فيها الكلبشات…….بدا يتكلم
حاتم:ليكي عين تيجي لحد هنا بعد اللي عملتيه دا
داليدا:وانا كنت عملت حاجة غلط يا حاتم يا حبيبي…….انا بلغت عن شخص قاتل وتاجر مخدرات كمان…….دي اكتر حاجة صح انا عملتها في حياتي
حاتم:هو انتي فاكره ان الموضوع هيعدي كده بالساهل واني هسكت عن اللي عملتيه دا
داليدا:هتعمل ايه يعني؟!…….يا حبيبي انت في السجن يعني مش هتقدر تعملي او تعمل ل غيري اي حاجة
حاتم:هتفضلي طول عمرك غبيه……هو انتي فاكره إني علشان في السجن مش هقدر اخد حقي منك يا دودو……تبقي غلطانه يا حبيبتي…….انا لو في السجن ومش هقدر اعملك حاجة ففي غيري بيتمني موتك ومستني اللحظه اللي ياخد حقه منك فيها بقاله خمس سنين…….افتكر انتي فاهمه قصدي كويس يا دودو يا قلب اخوكي
اتعدلت في قعدتها……جسمها بدا يترعش والخوف بان عليها……حاولت تتكلم بصعوبه وهي خايفه
داليدا:ان……انت قصدك ان
قطع كلامها وهو بيتكلم بثقه
حاتم:بالظبط…….تفكيرك صح يا حبيتي…….فارس عايش مماتش وانا كنت بحاول ابعده عنك طول الفتره اللي فاتت دي…….بس طالما انتي بداتي الخيانه…….انا بقي هوريكي الخيانه اللي بجد شكلها عامل ازاي
فضلت بصاله بخوف……بتهز راسها ب لا
حط الشنطه قدام الباب…….لف وبصالها ب ابتسامه
حازم:حمدلله على سلامتك مره تانيه…….انا حضرتلك كل حاجة ممكن تحتاجيها في البيت ولو احتاجتي اي حاجة خبطي عليا…….انا في الشقه اللي في وشك دي علطول……وانا من بكره الصبح هاخدك ونروح علي الشركه علطول
نور:شكرا ليك يا استاذ حازم……انا مش عارفه من غيرك كنت هعمل ايه بجد
حازم:علي ايه دا واجبي……عن اذنك
فتحت الباب ودخلت……قفلت وراها…..دخلت وهي بتبص علي كل مكان في الشقه…….سمعت صوته وهو بيتكلم
كريم:حمدلله علي السلامة يا بنت عمي
وقفت مكانها وفضلت باصه عليه ومش مصدقه نفسها
نور:كريم؟!