رواية طليقة زوجي الملعونه الفصل الاول والثاني بقلم هويدا زغلول
ايمان
ازاي تعملي كده يا ساره وانا وبابا مش في البيت
انتي مش فاهمه أن كده غلط
ساره
بقولك اي بلاش تكلمني بالطريقه دي وانا
عندي استعداد اخلي بابا يمشيكي من الشقه
من بكره دمعتين مني علي شويه خربشه في
وشي واقول انك انتي اللي عملتي فيا كده
وقبل ما نبدا الحكايه اعرفكم بنفسي أنا
ايمان اللي اتجوز زميلي في الشغل وكنت عارفه
أنه كان متجوز وطلق ومخلف كمان وفاكره
يوم ما كان جوزي سعيد واقف بيلبس
قدام المرايا وانا دخلت وقولت ليه
ايمان
ياه معقول شهر العسل خلص بسرعه كده
بجد زعلانه اوي ، وهو بص ليا وقالي
سعيد
انا ايامي كلها معاكي عسل ، معلش يا ايمان
انا كنت عايز اقولك حاجه معلش بنتي ساره
جايه انهارده هنا معلش هتقعد معانا يومين
ايمان
انت بتقول اي يا حبيبي ده بيتها تيجي في اي
وقت وبعدين هي اصلا المفروض تتربي
معانا هنا علشان تكون تحت عينك
سعيد
والله كنت واثق انك هتقولي كده يا حبيبتي
ربنا يخليكي ليا وهي والله هادئه جدا وهتشوفي
بنفسك
ايمان
حبيبي ربنا يخليها ليك المهم وانت جاي ابقي
رن عليا علشان اجهز الغدا ،
سعيد
ماشي يا حبيبتي يلا مع السلامه ، وبعدها بساعه
لقيت جرس الباب بيرن وفتحت وكانت ساره
وقالت
ساره
مساء الخير يا طنط هو بابا موجود ، وانا
دخلتها وقولت ليها
ايمان
لا يا حبيبتي مش موجود ادخلي تعالي مالك .وافقه ليه كده بقولك اي يا ساره انا
مش عايزكي تكون قاعده في البيت هنا
مكسوفه خالص انتي سامعه البيت ده بيتك
يا حبيبتي
ساره
شكرا لحضرتك ، بس الغريبه أنها كانت
عالطول قاعده ساكته وبتتكلم مع حد شات
علي الموبيل وانا قولت ليها
ايمان
بتكلمي مين يا ساره ما تخليكي معايا يا حبيبتي
شويه من ساعه ما جيتي وانتي ماسكه التلفون
ساره
انا اصلا كنت عايزه انام بعد اذنك يا طنط
وبعدها سابنتي ودخلت وفي الوقت ده سعيد
جه من برا واقعد جمبي وقال
سعيد
مساء الخير يا حبيبتي انا كلمت ماما قالت
أنها بعتت ساره هي جت
ايمان
ايوه يا حبيبي وفي اوضه الاطفال بس انا ملاحظه
حاجه غريبه البنت من ساعت ما جت وهي .ماسكه الفون في أيدها وبتكلم حد
بس لما سالتها بتكلمي مين قالت إنها
عايزه تنام ، وفي الوقت ده لقيت سعيد
قام وقف وقالي
سعيد
بقولك اي يا ايمان شغل مرات الاب ده مش هيبدا من أوله انتي سامعه ولا لا
ايمان
اي طريقه كلامك دي والله انا خايفه علي بنتك
مش اكتر وعالعموم أنا مليش دعوه
برحتك
سعيد
متزعليش مني يا حبيبتي بس ساره بنت
كويسه والله وعمرها ما تعمل شي غلط
ايمان
انا مقولتش كده بس هي في سن المراهقه
وانا خايفه عليها بصراحه
سعيد
عالعموم أنا هبقي امسك الفون واعرف
هي بتكلم مين يلا بقي حطي لينا الاكل أنا
جعان اوي وعدا كام يوم كنا قاعدين بنفطر
انا وساره وسعيد وبعدين قولت
ساره
ايه رايكم اعملكم مكرونه بالبشاميل انهارده
سعيد
تسلم ايدك يا حبيبتي اللي تعملي من ايدك
كويس ، وفي الوقت ده لقيت ساره بتقول
ساره
شوفت اللي حصل يا بابا مش سندس صاحبتي
باباها طلق مامتها ، وانا قولت ليها
ايمان
يا ساتر يارب ليه عمل كده بس
ساره
مافيش كانت كل يوم تقولوا وانت راجع
من الشغل ابقي رن عليا وفي يوم .تلفونه كان
فاصل شحن ومرنيش رجع لقاه معاها
واحد ، وانا كنت دائما بقول ل سعيد الكلمه دي وبعدين قومت وقفت وقولت
ايمان
اقصدك اي يا ساره بقي ب كلامك ده
، وفي الوقت ده سعيد قال
سعيد
مالك فيكي اي يا ايمان البنت مش تقصد
حاجه وبعدين يا ساره لو صحبتك خرجت
اسرار بيتها برا مينفعش انتي تقوليها تاني
انتي فاهمه ولا لا
ساره
انا اسفه والله يا بابا مش اقصد حاجه ،
سعيد
انا نازل علي الشغل ، وبعدها نزل وهي دخلت
الاوضه وقولت اسمعها بتكلم مين
وكانت بتبعت ريكورد وبتقول
ساره
ههههه والله العظيم ل امشيها من البيت
هنا وبكره نشوف أنا هعمل معاها اي ،
وشويه ودخلت الحمام وانا دخلت واخد
تلفونها وبدأت اشوف المحادثات بس الغريبه
كانت ماسحه كله وف الوقت ده دخلت وقالت
ساره
هو حضرتك ماسكه تلفوني بتعملي بيه اي
ايمان
هو انتي كنتي بتكلمي مين من شويه
كنت سمعاكي بتبعتي ريكورد لحد فين
المحادثه دي
ساره
والله اظن شي مش يخصك انتي هنا علشان
بابا وبس انما أنا ملكيش دعوه بيا
ايمان
انا عايزه اعرف كنتي بتكلمي مين ، وفي الوقت
ده هي اقعدت علي السرير وقالت
ساره
بعد اذنك يا طنط وانتي خارجه ابقي اقفلي
باب الاوضه وراكي ،
ايمان
لا أنا وانتي مينفعش نقعد في بيت واحد لما
يجي سعيد لازم يوديكي عند جدتك ، وانا خرجت وقولت كلامي
هيكون مع سعيد ولقيته رجع من غير ما يرن
عليا وانا قولت
ايمان
اي ده هو انت جيت ليه يا سعيد من غير ما ترن
عليا ، ولقيته بيبص ليا وقالي
سعيد
هو انتي كنتي رايحه فين علشان كده كنتي
عايزه تمشي ساره من البيت
الفصل الثاني
وفي الوقت ده انا انصدمت من كلامه وقولت ليه
ايمان
لا أنا لو عايزه اروح اي مكان هروح مش لازم
امشي بنتك من البيت يعني وبعدين بقي بنتك
دي صعبه ومينفعش نعيش في بيت واحد
وبعدها خرجت ساره من الاوضه وقالت
ساره
بابا لو سمحت بلاش تعمل مشكله مع
طنط ايمان بسببي لو المشكله فيا انا همشي
من البيت ارجوك بلاش تزعق ليها
ايمان
لا والله حنينه يا يابت اسمع يا سعيد لو بنتك
دي فضلت في البيت هنا أنا همشي أنا تعبت
بقي ، وبعدها دخلت الاوضه ولقيت سعيد
قال ل ساره
سعيد
هو اي اللي حصل بالظبط يا ساره انا مش فهمت
منك حاجه لما اتصلتي بيا
ساره
والله يا بابا معرفش فيه اي هي كانت
بتتكلم في التلفون بعدها لقيتها دخلت وعامله
تزعق معايا وبعدين قالت ليا أنتي عالطول
قاعده في الاوضه لوحدك كده انا هكلم
ابوكي واقولوا انك لازم تمشي
سعيد
متعرفيش كانت بتكلم مين ومش سمعتي
قالت اي
ساره
لا موبيلها عندك يا بابا وتقدر تعرف انا معرفش
بس قولت يمكن قعادي في البيت منعها
انها تخرج ولا حاجه ارجوك وديني عند
جدتي
سعيد
لا يا حبيبتي علشان خاطري أنا خليكي هنا
وانا هدخل اتكلم معاها وباذن الله من هنا
ورايح مش هتعملك وحش
ساره
طيب يا بابا أنا كنت عايزه انزل اشتري حاجه
ممكن بعد اذنك تديني فلوس وانا هاجي
عالطول
سعيد
بوصي الفلوس اللي معايا مش هتكفي
خدي الفيزا وروحي هاتي اللي انتي عايزه وبعدنا
نزلت ساره ودخل سعيد عندي وكنت بلم هدومي
سعيد
هو انتي بتعملي اي يا ايمان هو انتي عايزه
تسيبي البيت ده ولا اي
ايمان
بقولك اي انت مدلع بنتك اوي وكمان بتسمع
كلامها جدا انا مش عارفه اتعامل معاها خالص
سعيد
طيب وانا اهون عليكي تسيبي البيت وتمشي
انا مقدرش اعيش من غيرك
ايمان
طيب قولي انت رجعت ليه انت شكيت
في كلامها اللي قالتو ليك الصبح صح
سعيد
والله ابدا وبعدين هي قالت ليا انك عايزه
تخرجي واكيد وجودها هنا مش هيخلها
تعرف تخرج ارجوكي بقي اقعدي علشان خاطري
ايمان
انا نفسي تشوفها وهي برا البيت بتكون عامله
معايا اي والله بتكلمني بطريقه وحشه اوي
سعيد
عالعموم أنا هتكلم معاها وفين يا ستي
المكرونه بقي أنا جعان اوي
ايمان
حاضر يا حبيبي هدخل اعملها وفي الوقت
ده لقيت ساره بتخبط علي باب الاوضه .وبعدين
قالت
ساره
هو انا ينفع ادخل ، وبعدها دخلت وطلعت
هديه وقالت انا اسفه أن كلمت بابا
حقك عليا بس بجد انا نفسي تعاملني زي بنتك
ايمان
هو انا مش بحاول اعاملك زي بنتي بوصي
يا ساره انا بحبك والله وعايزكي تتغيري مينفعش
تكوني كده
ساره
اوعدك لو عملت حاجه تزعلك مش هعملها
تاني خالص ارجوكي متزعليش
سعيد
شوفتي يا ايمان هي بتحبك ازاي بس حلوه
الهديه دي يا حبيبتي
ساره
حبيبي يا بابا ربنا يخليك ليا اتفضل الفيزا
بتاعتك اهي وانا اخد 3000جنيه علشان
اجيب شويه حاجات
سعيد
ماشي يا حبيبتي اخرجي بقي واحنا جاين وراكي
وبعدها خرجت وانا قولت
ايمان
هو انت ازاي كده مش تسالها عايزه الفلوس دي في ايه وفي الوقت ده هو بص ليا وقالي
سعيد
يوه يا ايمان هو انتي عايزه مشاكل وخلاص ولا ايه بنتي وانا حر اديها الفلوس اللي هي عايزاها طالما مش بقولك لا على اي حاجه بتطلبيها مينفعش تكلميني على بنتي
ايمان
براحتك يا سعيد انا ماليش دعوه انا كل اللي بتكلم فيه ان دي بنت في سن مراهقه ولازم تسالها هي الفلوس دي بتوديها فين
بالضبط
سعيد
ارجوكي يا ايمان بلاش انا وانتي نزعل مع بعض وبعدين مش كفايه ان انا واخذها من امها ومش راضي يخليها تروح تشوفها
ايمان
خلاص يا سعيد ما فيش حاجه انا رايحه اخلص الاكل وبعدها انا خرجت وهو راح وماسك تليفوني وشاف ان في رقم غريب واتصل بيه لاقي مقفول وبعدها اخد الرقم عندو ،.وعدا
كام يوم وانا كنت قولت لسعيد أنا رايحه عند
ماما ووافق وبعدها دخلت اوضه ساره
وكانت بتتكلم في التلفون وقولت ليها
ايمان
ساره انا رايحه عند ماما تيجي معايا والله هتكوني مبسوطه هناك اوي
ساره
لا شكرا انا عايزه اقعد في الاوضه هنا لوحدي بس ياريت ما تتاخريش وبعدين بابا عارف ان انت خارجه
ايمان
ايوه يا حبيبتي بابا عارف ان انا خارجه طيب هتقعدي في الشقه هنا ما تفتحيش الشقه لحد لو سمحتي
ساره
وانا عيله صغيره هتقوليلي الكلام ده اتفضلي حضرتك شوفي رايحه فين ، وبعدها أنا هقفلت
الاوضه وفضلت وافقه وسمعتها وهي بتقول
ساره
ايوه يا ابني بقولك ايه هي نازله دلوقتي هابعتلك العنوان وتجيلي بسرعه وسكت شويه وبعدين
قالت هي رايحه عند امها اكيد مش هتيجي دلوقتي يعني يلا انت بس اخلص بسرعه
وانا سمعت الكلام ده وقولت
ايمان
اي ده معقول اللي سمعته انا لازم استخبي
واعرف مين ده وجاي هنا بيعمل اي وفعلا
استخبيت وبعدها جرس الشقه رن وفتحت
ساره وقالت
ساره
اي ده معقول انت يابنتي مقولتش ليه انك
مش جاي لوحدك ادخلوا ادخلوا بسرعه
قبل ما خد يشوفكم وبعدها قفلت
الباب وحصل