رواية مع وقف التنفيذ الجزء الثاني2 الفصل العاشر10
بقلم نجمة براقة
تذهب سمر وشهد عند محل لتصليح الهواتف لاصلاح التابلت
سمر = لو سمحت انا محتاجه اصلح التاب ده
الرجل يأخذه منها ويتفحصه ثم يعود لها= ده عاوز نص، بس للأسف مفيش من النوعيه دي عندنا دلوقتي
سمر = طيب ممكن تجيب منها؟!
الرجل = ايوه، بس مش قبل السبت الجاي
سمر = مينفعش قبل كده
الرجل = لا والله مينفعش
سمر = طيب انا هسيبه هنا لغيت ما تصلحو
الرجل = زي ما تحبي
سمر= اقدر اعدي عليك امتي؟!
الرجل = يوم الأحد الجاي
سمر = تمام... هيتكلف كام؟!
الراجل = تكلفته عاليه، بسعرها تجيب واحد غيره
سمر = كام يعني؟!
الراجل= 1600 جنيه
سمر بصدمه = كام
الراجل = دا ان لقينا ليه قطع غيار،.. انا عندي حاجه تنفع وبسرعة بسيط لو حابه
سمر = لا انا عايزة اصلح ده... وهجبلك الفلوس اللي طلبتها
الراجل = زي ما تحبي
سمر = ماشي متشكره... بس ممكن متدهوش لحد غيري انا او البنت دي
الراجل = حاضر
سمر = متشكره
ذهبت هي وشهد وظلت تفكر من اين تأتي بالمال
شهد = هتجيبي فلوس منين يا سمر؟!
سمر = مش عارفه، بس هتصرف
شهد = تليفوني ميكملش 700
سمر = وتليفوني انا كمان (تتابع بعبس) بس انا خايفه بعد ما نصلحه ميطلعش عليه حآجه
شهد = عليه، انا متاكده، ياسين كان بيقولي التابلت وكان عاوز ينبهني لحاجه
سمر = يارب يكون عليه حآجه
شهد = يارب
سمر = طيب قوليلي؟! مقابلتيش عمر؟!
شهد = لأ
سمر تخرج هاتفها وتتصل به = هتصل بيه
شهد = ليه؟!
سمر = لازم تعتذريله
شهد = انا لو قولتله اللي حصل يمكن يصدق بدال الاعتذار
سمر= مستحيل طبعا.. دي خبيثه اذا كان مشكش فيها لحظه. تبقا هتقدر تخرج منها.. وخاصه ان سمعتنا بقت علي كل لسان
شهد = صح
عمر يجيب = نعم
سمر= انت فين
عمر = عاوزة ايه يا سمر
سمر بتنهيده = محتاجاك جمبي
عمر = اه... طيب هعدي عليكي
تبتسم بخفه= انا مش في البيت، ممكن نتقابل في مكان تاني
عمر = يستحسن بردو
سمر = طيب انا هستناك في الكافيه القريب من محل بهاء
عمر = ماشى
اغلقت معه الخط لتبتسم بخفه وشهد تلاحظ ذلك
شهد= مالك
سمر = مفيش.. يلا بينا
شهد = شكلك بتحبيه، وهو كمان
سمر = وعرفتي ازاي يا فيلسوفه
شهد = باين عليكم
سمر بإبتسامه باهته= للأسف اتقابلنا فى وقت غلط.. قصتنا مع بعض كلها حزن ومشاكل، لكن بردو مش قادره انسا مشاعري نحيته
شهد= بقينا بنحب اهو
سمر تنظر لها = وبقينا بنركز في حاجات الكبار اهو
شهد = وانتي بعد اللي شوفته واللى بيتقال عني لسه مش مصدقه اني كبرت
سمر تضمها= انا عارفه ان اللي حصل صعب عليكي بس متنكريش انك كبيره من زمان وتصرفاتك مش ماشيه مع سنك
شهد= صح
سمر = طيب يلا عشان نلحق نوصل قبله
شهد = ماشي
سمر = وعاوزاكي تقنعيه انك قولتي كده من غيظتك منه علشان ضربك
شهد = حاضر
يصلو للكافيه ويجدوه يجلس هناك ينتظرهم وعندما يرا شهد معاها ينهض ليمشي لتقف امامه سمر
سمر = رايح فين؟!
عمر = انتي مقولتيش ان حد جاي معاكي
شهد = انا اسفه ياعمرو
يتجاهل اعتذارها = انا ماشي وهكلمك بعدين
تمسك يده ليتطلع إليها = عشان خاطري
(يتطلع إليها مره والي شهد مره، ثم يعود لمجلسه وهنن يجلسان مُقابله)
عُمر = ايوة ياسمر قولي
سمر = انا وشهد عاوزين نعتذرلك
عُمر يتطلع لشهد = بما انها مش عايشه سنها و واضح انها فاهمه اكتر من الازم، ف انا مش هقبل اعتذارها بعد اللى قالته عن عنود
شهد = انا قولت كده علشان انت ضربتني
عُمر = انا ضربتك مش هي.. الكلام اللي قولتيه كبيره اوي ومينفعش يتقال
سمر = عشان خاطري متزعلش هي مش فاهمه
عمر = اتكلمي كلام يُعقل يا سمر... الكلام كان قدامك وسمعتي قالت ايه.. مفيش عيل مش فاهم هيقول كدا
شهد = انت هتسوق فيها.. قولنا اسفين
سمر = اسكوتي
عُمر = شوفتي الطفوله
شهد = مش شيفاه سايق فيها ازاي، ده بدل ما يشكرني اني بعتذرله
سمر= اسكوتي.. انا اسفه يا عمر حقك عليه انا
عمر = علشانك انتي بس
شهد= انا غلطانه اني سمعت كلامك وجيت اعتذرله
سمر = تعرفي تسكوتي
شهد = انا هقوم اجيب جيلاتي احسن ( قالتها وهي تعدل نظارتها وتمط شفتيها باشمئزاز وترمقه بنظرات سخط وتذهب)
عمر= البت دي لازم تموت قبل ما تكبر
سمر = اصلها متغاظه عشان ضربتها
عمر = انا ضربتها من خوفي عليها وعليكي مش تحكم وخلاص
سمر = عارفه والله
عمر = ولما انتي عارفه مديتي اديك عليه ليه
سمر= القلم ده عشان محاولتش تكلمني وسيبتني لوحدي
عمر = مين ده اللي محاولش، يابنتي مانتي كل ما اقربلك تهبي في وشي وتقولي مينفعش
سمر= ايوه قولت، بس كنت عاوزة انك تتمسك بيه حتى لو انا رفضت... انا محتجاك بجد ياعم
عمر يبتسم = ضربتيني علشان محتجاني، امال لو مش محتجاني هتعملي ايه
سمر = مش هفتكرك اصلا....( تتابع) بس انا لسه بحبك
عمر يمسك يدها = وانا كمان
سمر = ليها حل؟!
عمر = ليها، بس هيكسر قلب عنود
سمر= مش هنقولها ولا هتعرف
عمر = انتي بتفكري في ايه؟!
سمر= نتجوز
يترك يدها= عرفي؟!
سمر= عند مأذون بس منقولش لحد،.. ولا انت مش عايزني؟!
عمر= طبعا عاوزك،.. بس يعني
تمسك يده وتشد عليها = عمر!.... انا لو مش فهماك كويس كنت قولت انك بتلعب بيه... مينفعش تكون بتحبني وتخاف بشكل ده.. انا قولتلك نتجوز ومنقولهاش
عمر= طيب وانتي وسمعتك وسط الناس
سمر= ما احنا مش هنتقابل.. الجواز ده هيكون علي الورق بس
عمر = نعم.... طيب وليه الجواز اصلا لما مش هنكمل
سمر= حابه اكون مراتك فيها ايه دي
عمر = بالأسم يعني؟!.. اذا كان مش هقدر اجيلك لازمته إيه؟!
سمر = بعدين نشوف هتجيني ازاى بس نعدي الفتره دى عشان النااس اللى بتتكلم
عمر = انا مش فاهمك
سمر= هيقنعك لو قولتلك بحبك.. والعقد ده هيحسسني بالأمان
عمر = ايوه يعني لو حرامي دخل هتوريله العقد يعني ولا ايه
(سمر تأشرله بأن يقترب لتهمس في اذنه ف يبتسم)
عمر = حضن بس
سمر تضرب يده = بس بقا دا انت فضيحه
عمر= يعني هنكتب الكتاب عشان نحضن بس
سمر = اه... ما انا الأيام دي زعلانه علي طول ف بكون عايزة اتحضن، وياريت يكون بالحلال
عمر= ههههه ماشي يا سمر ( يتابع) انا هنسا اي حآجه وارمي اي حآجه ورا ضهري ونكتب الكتاب، علشان انا اصلا مش قادر ابعد عنك أكتر من كده
سمر بإبتسامه = ولا انا والله يا عُمر... انا لما بشوفك بحس اني قويه وقادره أكمل
(يمسك يدها لتاتي شهد وتنظر ليده ثم يتركها فوراً)
شهد= احنا في كافية احترمو نفسكم يا مراهقين
يزفر بزهق ويتمتم = طفله قوي
سمر = ههههه اقعدي
شهد تجلس= بس غريبه ان الأيد اللي لسعت وشي بتعرف تمسك ايدين عادى وتسبل
عمر = تحبي تجربي تاني
(تنظر له باشمئزاز وهي تتناول المثلجات)
ـــــــــــــــــــــــــــــــــــــــــــــــــــ
« منزل ضياء»
استيقظ من نومه ليتصفح الرسائل من جميع البرامج ليجد رسالة من جروب الدفعه برقم لبني الذي ما زال مسجلة عنده وكانت تسال عنه، ليدخل لها ويبعث رسالة
مازن = لبني؟!.... انا مازن، في ايه؟! سألت عليكي بقالي فترة ومعرفتش اوصلك.... يارب يكون سؤالك عشان نانسى
( بعثها ليدخل عليه ضياء ويجده يمسك الهاتف باهتمام)
ضياء = في ايه؟!
مازن = البنت اياها صحبت نانسي بتسأل عليه، يمكن عندها أخبار عنها
ضياء = طيب ما تكلمها مستني ايه
مازن = بعتلها رساله يارب ترد
ضياء = ما تتصل اتصال
مازن = لا خالها، اقصد جوزها رزل
ضياء = ياااه.. ههههه انا لغيت دلوقتي مش مستوعب اللي قولته عنهم
مازن = ايوه ياعم طلع متجوزها
ضياء = طيب مقولتليش هما عرفو مين كان السبب في الاشاعه
مازن = ولا هيعرفو.. اشاعه وطلعت بسبب تصرفاتهم هيعملو ايه... لكن انا نفسي افهم فيه ايه علشان بنات الجامعة كلها تحبه ده حتي رزل
ضياء = يمكن حلو وانت منفسن
مازن= ولا حلو ولا شافه اهو ( يفتح صورته من رقمه في جروب الدفعه ويوريه له ليتطلع به بتركيز)
ضياء = ايه ده؟!.... اسمه ايه
مازن باشمئزاز = سعد
ضياء يخرج هاتفه ويفتح البحث ليجده = سعد توفيق النجار
مازن = اه اسمه كده
ضياء = غريبه، ايه الصدفه دي
مازن = صدفه ايه
ضياء = اصل باربي كانت بتدور عليه
مازن = هي طلعت تعرفوه
ضياء = اه، قالتلي انه قريب صحبتها
مازن = هي اسمها ايه صحيح غير باربي المعفنه
ضياء = ملاذ
مازن = ملاذ... ايه الاسم الغريب ده
ضياء بتنهيده = كلها غريبه مش اسمها بس.... بت ساذجة اوي زي الغشيم المتعافي وفاكره انها بتفهم في الناس
مازن = هههه نانسى كانت كده بردو كانت هبله اوي بس طيبه ونضيفه من جوه
ضياء = علشان كده حبيتها
مازن = مش عارف بس طبيتها وهبلها جذبوني ليها ( يبتسم ويتابع) وعنيها... كانت دايما تقولي هعرف المجرم من كلامه من غير دليل... على قولتلك كانت غشيمه متعافيه زي ملاذ دي
ضياء يعتدل= هي في حقوق؟!
مازن = اه
ضياء = وهبله وغشيمه ومتعافيه
مازن يبتسم= اه
(ضياء يتطلع إليه ويشرد)
مازن= مالك
ضياء بربكه= مفيش بس يعني واحده هبله كده حبيت فيها اي... انا عن نفسى قرفان من ملاذ دي علشان هي كده ( يتنهد بتوتر) بكره النوع ده
مازن = يا ولاااا، عليه انا.. انت وقعت يا حبيبي
ضياء= لا لا، اقع في مين انت اهبل؟!، انا ضياء في ايه؟!
مازن = طيب ومالك متوتر كده
ضياء ينهض = مش متوتر.. انا رايح الشغل اتأخرت
مازن = في ايه طيب؟!
ضياء = هتأخر ويونس الرزل هيزعق ( يخطو خطوتين ليتوقف) ممكن تليفونك دقيقة
مازن = مالك بيه
ضياء = تليفوني مش عارف حطيته فين، هرن عليه
مازن = ارنلك
يتقرب منه ويشد الهاتف= بقولك هات
مازن باستغراب = ماشي ياعم في ايه
( فتح الاستديو وأخذ يبحث في الصور حتى وجد صورها ليخفي ربكته ويعطي الهاتف لمازن)
مازن = متصلتش ليه
ضياء = افتكرته هو فين( قالها وذهب لينظر اليه مازن باستغراب)
ـــــــــــــــــــــــــــــــــــــــــــــــــــ
«شركة يونس»
جلس في مكتبه وظل يفكر فيما حدث وهو يشعر بثقل هذا علي قلبه ليتنهد بضيقه وبعد وقت يراها ذاهبه لمكتبها لينهض بسرعه ويخرج من مكتبه، ويقف خلفها
ضياء وهو يضع هاتفه علي أذنه = نااانسى
نانسى تقف وتنظر له= ايوه( تشعر بربكه عندما ردت ولكن تلاحظ انه يتحدث بالهاتف ولم ينتبه لها لترتب نفسها وتذهب وهو ينزل هاتفه ويعود لمكتبه لينظر حوله بضيقه.. ويظل هكذا حتي اتا وقت الغداء ليخرج من مكتبه ويتجه للكافتيريا واثناء شروده تأتي هي وتقف امامه)
نانسى = مين نانسى اللي كنت بتكلمها
ضياء يعتدل= انتي ركزتي في المكالمة
نانسى = لأ انت كان صوتك عالي وانت بتناديها
ضياء = اه،.. دا واحد صاحبي كان بيكلمني عن واحده اسمها نانسى ف زعقت بأسمها
نانسي بشك= متأكد؟!
ضياء = ايوه
نانسى = يعني انت متعرفش اني اسمي نانسى
ضياء باستنكار= اسمك نانسى؟!.. غريبه ايه جاب نانسى لملاذ
نانسى = اتكلم بصراحه علشان انا مش هبله لدرجة اللى انت شايفني بيها
ضياء = في ايه يابنتي، انا والله ما مركز في حآجه عشان احور عليكي
نانسى = لا بقا بتحور.. انت كنت قاصد تخليني ارد
ضياء = ملاذ فكك مني، انا معرفش انتي بتتكلمي عن ايه ولا في دماغي اسمك ولا حكايتك اصلا
نانسى تتطلع اليه للحظات= انا اسفه
( قالتها وذهبت وهي منفعله لتخرج من الكافيه علي الشارع وهو يقف بجانب باب الخروج وينظر إليها حتي توقفت وعادت بنظرها إليه لتجده يقف هناك ويتطلع اليها لتعقد حاجبيها بتذمر ثم تذهب وهو عاد لمقعده)
#ضياء
عمري ما كنت اتخيل اني اوصل للمرحله دي...بقا يوم ما افكر في واحده، تطلع مخطوبه، وكمان حبيبة مازن... ده كأن مكتوبلي وجع مضاعف
. ومش عارف اقول ازاي لمازن عليها وهي مخطوبه.. مش هيستحمل.. وحتي لو عدت وكانو لبعض انا هتعامل معاه ازاي وهي مراته.. ابصلها بأي طريقه
ـــــــــــــــــــــــــــــــــــــــــــــــــــ
عادت مكتبها وامسكت بالقلم وظلت تشخبط بسرعة على ورقة امامها وهي تفكر في تصرفاته الاخيره واحساسها بأنها يقصد ان يجعلها ترد وكأنه يعرف حكايتها، .. ليأتي يونس بعد لحظات ويدخل عندها
يونس = مالك؟!
نانسى = مفيش
يونس = امال بتتنرفزي علي القلم ليه
نانسي بتذمر= مضايقه من الوضع بتاعي .. عايشه خايفه حد يشوفني ولا يعرفني
يونس = خايفة وانا معاكي
نانسى= وانت هتمشي ورايا تحميني يعني
يونس يستدير عندها ويوقفها = ايه اللي حصل؟!
نانسى = مفيش حآجه بس انا قلقانه
يونس = فاروق كلمك تاني
نانسى = لأ ( تشرد ثم تتابع) هو عرفني ازاي صحيح... عرف حكايتي منين
يونس = انا قولتلك انتي مصدقتيش
نانسى بتنهيده = بس انا مقولتش لضياء حكايتي... ف عرفو منين؟!
يونس= انتي قولتي بيفهم في التليفون ومش بعيد يكون مخترق تليفونك
نانسى = لا ده نبهني مدخلش لينكات مستحيل يعملها
يونس = نبهك؟!..... نبهك ازاي بقا
نانسي = وصلني لينك من رقم غريب ف قولتله عليه وهو قالي ان ده إختراق
يونس = لا ياشيخه
نانسى = والله
يمسك معصمها بعنف ويضغط عليه = وبتقوليها في وشي كمان
تتطلع إليه بألم = في إيه
ينظر لوجهها عن قرب وهو غاضب= بعدت عنك بكامل بلد عشان تروحي تبعتيله هو
(تنظر إليه بصمت ليزيده استفزاز)
يونس يصرخ بوجهها = لما اكلمك تردي عليه
نانسى بإبتسامة = انا عملت ايه طيب ( تبعد يده) اهدا ممكن
يونس= مبهزرش
نانسي = مش هكلمه تاني
يونس = وتكلميه اولاني ليه
نانسي = كنت معتبراه صديق
يونس = وانا مش كفاية صديق ولا بتحبي الزحمه
نانسى = انت ازاي تكلمني كده.. يعني إيه بحب الزحمه
يونس = وعاوزاني اقول ايه وانتي بتقوليلي بكلمه.. وانا اللي سيباني مش عارف هتوافقي ولا لأ... قوليلي دلوقتي انتى عايزة مين
نانسى = يعني ايه عاوزة مين؟!.. شايفني ماشيه مع كل واحد شويه... ايه الشك اللي مالي حياتك ده... استاذ يونس انا مكدبتش عليك في حرف حتى اللي اتصورت معاه قبل كده قولتلك حكايته ( تتابع) وعشان تعرف انا بدور علي رقمه علشان اكلمه
يونس = كمان... طيب وناقص ايه تاني عشان تقولي مش عاوزاك.. قولي متخافيش ده ملهوش علاقة بشغلك ولا قعدتك معانا
نانسى = انا عاوزاك انت ( كان منفعل وعروقه بارزه ليسكن قليلآ وهي تتابع) بس انا كلمته وسمعني انا وبصرخ.. ف من الذوق اني اعرف اني بخير
يونس = افترضي كان لسه عاوزك هتعملي إيه
نانسى = مفتكرش، .. مفتكرش انه لسه عاوزني
يونس = طيب وليه مهتمه تطمنيه
نانسى = عشان انا معرفش هو عمل إيه، بعد كده.. مش يمكن ازوه او مشغول
يونس = ماشي يا ملاذ.. علشان بس متقوليش اني شكاك، هسيبك تكلميه لو وصلتيلوه،.. بس افتكر ان ضياء ده ميهمكش في حآجه علشان تكلميه
نانسى= مش هنتكلم تاني.. هو اصلا مش عارفه ماله مش طايقلي كلمه كده.. مع اني والله ما زعلته في حآجه
يونس = ملاذ.. نانسى... مهتمه ليه... يهمك في ايه زعلان ولا متغير
نانسى بإبتسامه = مفيش حد يهمني غيرك.. ارتاح بقا
يونس =؛ طيب اثبتيلي كده وخلينا نعمل خطوبه
نانسى = مش لما اعرف هيحصل أيه
يونس= دي خطوبه مش فرح.. لو عاوزاني صح وافقي عشان بعد كده الكل يعرف انك تخصيني وميبصلكش
نانسى تأوم ايجابآ بإبتسامه = موافقه بس علي الضيق بلاش حفلات
يونس = هنعملها هنا وسط الموظفين
نانسى = اشمعنا
يونس = كده وخلاص
نانسى = اللي تشوفه
يونس = ولا انتي مش حابه حد يعرف
نانسى = انت مش واخد بالك انك بتكلمني بشك كتير
يونس = نانسى نانسى، ده مش شك... اللى انا شايفه من الواد ده يخليني اقلق من كلامك معاه
نانسى = شايف ايه، احلفلك بايه انه ميعرفش فاروق
يونس = انا بتكلم علي حآجه تانيه
نانسى = حآجه إيه
يونس = ولا حآجه.. ارجعي لشغلك
نانسى = فهمني الاول
يونس = ارجعي لشغلك.. ( قالها وذهب لتنظر اليه بأستغراب ثم تجلس)
ـــــــــــــــــــــــــــــــــــــــــــــــــــ
« منزل حسام»
بغرفتها تتحدث بالهاتف مع عادل
ايمان = يالهوي ايه اللي عملاه في نفسها ده
عادل= البت بقت بتنور، يابت المضلمه، بأمانه ما يجلوكي ما تيجي ربعها
ايمان = جرا ايه ياخويا ما تلم الدور، وانت من جمالك يعنى....( تتابع) قولي مين اللى وقعت معاه ده
عادل= واحد بيه اوبها.. بتروح وتيجي معاه من بيته لشركة، وشكله كده متجوزها
ايمان= ياااحظها، شوفو البت حتي وهي هربانه وقعت في ناس حلوه.. جاتني نيله علي حظي الهباب
عادل= هه اهدى علي نفسك يا أمان، هيبوصولك على ايه الناس الحلوه
ايمان= قفل يا حبيبي علي السيره، كلنا ياخويا عارفين ريحتك منتنه ف متعيبش علي ستك
عادل= يوووه على لت النسوان... يا أمان خلصيني يا أمان انا مش طايق هدومي
ايمان تتنهد = طيب طيب.... وضياء ده؟! دوره ايه هناك
عادل = موووظف عادي
ايمان = طيب وجوزها ده او عشيقها يعرف انهم يعرفو بعض ولا مستغفلينه
عادل = شكلهم مستغفلينه اصلهم بيتعاملو عادى وهو بيناديها بغير اسمها....( يفكر للحظه) اسمها ملال ميرال، ... حآجه كده... لا لا، ملااااذ اسمها ملاذ
ايمان تشهق = ما اييييه.... نانسي الصفره بقت ملاذ
عادل= هو ايه ملاذ دي يا أمان
ايمان= زي مخبئ كده.... يعني لما تجيلك مصيبه تجري عليه
عادل= جُحر يعني
ايمان= ايوه... بس مش هندور ع معني الاسم وننسا الحلوه ورجالتها الكتير اللي كلهم حلوين( تشهق وتتابع) يخربيتهااااا وزعلت عشان خدتك منها دي المفروض تشكرني بدل ما كانت تتبلي فيك
عادل= غوري من خلقتي انا مش فايقلك
ايمان= استنا هتسيبني كده من غير ما نتفق هنعمل إيه
عادل = ابعتيلها اخوها يخلص عليها
ايمان = تؤ تؤ... بلاش حسام انا عندي حل تانى يريحنا كلنا
عادل = هو ايه
ـــــــــــــــــــــــــــــــــــــــــــــــــــ
« منزل توفيق النجار»
كانت تتجهز لذهاب الي المستشفى، واثناء تواجدها امام خزانتها بالبرنص، فتح الباب دون استأذن لتقف خلف باب الدولاب
لبني = بغير، اطلع
يتقدم لداخل ويدير ظهره ويحدثها= جاي لمراتى
لبني= متقولش مراتى انا مش مرات حد لغيت ما اشوف بابا هيعيش ولا لأ
سعد = انا كنت عاوز اعرف هتختاريني ولا لأ، وفي النهاية كنت هخليكي تروحي ... كفيانا زعل.. احنا من وقت كتب الكتاب مكملناش يوم مصتلحين... انتي متعبتيش
لبني بدموع = شهر علشان تعرف هختارك ولا لأ، مكنش كفاية اسبوع علشان تعرف ... دا انت كانك قاصد توديني ليه علي اخر نفس ... ( تتابع) كرهك ليه عاميك، مع اني قولتلك هو اتغير، بس انت اهم حآجه عندك ترضي كبريائك
سعد = انتي شيفاني وحش قوي كده
لبنى= انا دلوقتي مش شايفه حآجه.. من فضلك سيبني لوحدي
سعد = لامتي
لبني= موت بابا او حياته هيحددو، انا مش هقدر اكمل معاك لو مات.. هيكون بيني وبينك دمه
يتجه لها ويتطلع بها باستنكار = هيكون بينا دم؟!.... وقدرتي تقوليها
لبني تأوم ايجابآ = ايوه، مقدرش اعيش مع واحد منعني عن ابويا ومات بسببه
سعد بعد صمت دام وهو يتطلع بها= شوفي يا لبني.... انا عارف اني غلطت وندمان اني منعتك تروحي ومستعد اراضي فيكي لأخر يوم في عمري.( يتابع بضيقه) بس الكلام اللي بتقوليه بيثبت اننا بجد مش هينفع حتي لو ابوكي فضل عايش.... خلينا زي الاول.. واوعدك هفضل زي ما انا اهتم بيكي زي الاول بظبط
لبنى = انت بتغلط وترجع تحاسبني على رد فعلي ليه... انا ولا انت اللي كان مع منار.... انا ولا انت اللي منعني اروح لبابا.. وتعب بسببه
سعد يأوم ايجابآ= اعترف اني غلطان مش هنكر، وندمت.... بس ( يتنهد بضيقه ويتابع ) بس انتي كل مره تقوليلي بطريقة غير مباشرة اننا مننفعش نكون غير خال وبنت اخته.... مش هننفع مع بعض بجد في مليون حآجه تمنع... السن، والتفكير، وسؤ الفهم اللي مسبناش لحظة من وقت ما غيرنا تفكيرنا،.. وكلامك في وقت الزعل، حتى لسانك مش قادر يبطل كلمة خالي..
لبني بدموع = ممكن بس نتكلم لما نطمن على بابا... دلوقتي مش عارفين بنقول ايه
سعد = قصدك لما تعرفي هيعيش ولا يموت ف تقرري تكملي ولا يكون بينا تار ( يتابع بخنقه) انا معاكي لغيت ما تشوفي هيعمل ايه.. بس عاش او لا انا مبقتش عاوز اكمل في الموضوع ده
لبنى بدموع = ممكن علشان خاطري نتكلم بعدين... لو ليه خاطر عندك نتكلم بعدين انا دلوقتي ملخبطه ( تتطلع اليه بدموع) خالى!.. علشان خاطري
سعد = انا هقف جنبك مش هسيبك.. بس في دي انا خدت قراري خلاص.( يتنهد ويتابع بعد صمت) انا هلغي العقد اللي بينا ونرجع زي الاول، دا لو حابه ( قالها وذهب وتركها تبكي)
بعد وقت من البكاء تجهزت وخرجت من غرفتها لتجده ينتظرها بالصالة وعندما يراها يتجه نحو الباب وهي تذهب خلفه، ليأخذها بالسيارة الي المستشفى ولم يتفوه اي منهم بكلمه، حتى خرجو من السيارة واتجهو لداخل ومرو بالطبيب ليخبرهم بأن هناك تحسن في حالته
تقف أمام باب الغرفه وتريد الدخول
لبنى = ادخل معايا
سعد يأوم نافيآ= هروح البيت و وقت ما تحبي تيجى اتصلي بيه
لبنى = خالي..... ( تتنهد وتتابع) انا اسفه
سعد بإبتسامه باهته= مش زعلان يا زهرتي، انا اللي مفروض اعتذرلك علشان منعتك عنه.... الف سلامة عليه ( يريد أن يذهب لتمسك يده)
لبنى بدموع= علشان خاطري
يمسك يدها = والله مش زعلان... انتي دلوقتي اللي من حقك تزعلي وانا اراضيكي،.. خالك بقا ولازم اراضيكي
لبني تبدء بالبكاء= انا قولتلك سيبني دلوقتي انت اللي مرضتش تمشي... انا قولت كده في وقت زعل.. واهو الحمدلله الدكتور طمنا وهيكون كويس
سعد بإبتسامه باهته= الحمدلله، انا كنت خايف يموت،.. مكنتش هقدر ابصلك تاني... بس دلوقتي اقدر ارجع اتعامل معاكي تاني ك خال بيحب بنت اخته ( يتابع) ادخلي اطمني عليه ( قالها وذهب فوراً)
#سعد
عارف اني غلطت في حقها وغلط كبير كمان، وصدقتها لما قالت انه لو مات هيكون بينا دمه، بس هي كل مره بتثبتلي اننا مش هننفع نكون زوجين
#لبنى
كل ما نقرب خطوه نبعد مية خطوه.. الظاهر ان المشاكل وسؤ الفهم مش عاوزينا نكون مع بعض
ـــــــــــــــــــــــــــــــــــــــــــــــــــ
يخطف الشاب المنديل من فوق يد عمر و سمر
المأذون = مبروك
عمر وهو يتطلع الى سمر= الله يبارك فيك
شهد = مبروك يا سمر ( قالتها وهي تنظر لعمر باشمئزاز)
سمر بإبتسامه= الله يبارك فيكي
عمر= الله يبارك فيكي
شهد= انا بكلم سمر مش انت
« بالخارج»
تخرج امامهم وهي توطئ برأسها ليلحق بها عمر ويجدها تبكي بدون صوت ليقف امامها ويضمها لصدره
سمر ببكاء= انا مش مصدقه انهم مش معايا دلوقتي
عمر= الله يرحمهم، ادعيلهم... اهي المقروضه وانا جمبك
سمر ببكاء= حسبي الله ونعم الوكيل
عمر باستنكار= في مين
شهد= هي كده لما بتزعل بتقولها
تبتعد عنه= صعبان عليه اني بعمل كده دلوقتي وهما لسة مرتحوش في قبرهم ( تشرد وتتابع) بس هيرتاحو قريب
عمر= ادعيلهم
سمر= ربنا يرحمهم
عمر= نمشي
سمر= اسبقنا انت عشان الناس
عمر= هنمشي مع بعض
سمر= بلاش دلوقتى.. اسبقنا انت واحنا هنيجي وراك
عمر= وانتي هتروحي فين
شهد= ماقالتلك امشي انت صدقت انك جوزها بسرعه كده
يضع يده على وجهها ويبعدها= اسكوتي انتي.. ومش بنتكلم، انا لسه مش ناسي اللي قولتيه ولا اللي عملتيه
شهد= قد الحركه دي انت
سمر= خلاص يا شهد عيب
شهد= انا قولتلك انه مش هينفع وانتي اللي مسمعتيش
عمر= اطلعي منها انتي بس. وياريت تطرقي من البيت الايام الجايه
تمط شفتيها= نعم... يعني البيت بيت ابونا والاغراب يطردونا... ما تشوفي جوزك
عمر بإبتسامه= مسامحك عشان جوزك دي
سمر تضحك وسط دموعها = اهدو شويه قدرو حالتي
عمر يميل لأذنها = طيب امتي هنقعد مع بعض
شهد= بتقولها ايه؟!
يتنهد بضيق= وانتي مالك
سمر بشرود= قريب هنحتفل مع بعض ( تتطلع اليه) وهيكون ده يوم فرحي
عمر= مش فاهم
سمر= بخرف من الفرحة
شهد تتطلع اليه بسخط = من اولها خرفت ربنا يستر
عمر= انتي مش هتسكوتي غير لما تبوظي الموضوع... اطرقي شويه خليني اتكلم معاها
شهد= لاااا، مش همشي امشي انت
سمر بإبتسامه= الله يخليكم راسي وجعتني مش كده حرام عليكم
عمر= عشان خاطرك بس.... المدارس قربت وفي ناس هتروح المدرسه واقدر اجيلك
شهد= بتروح الشغل ياخويا ( تتابع بغيظ) انت فاكر ان القلم اللي ادتهوني هعدهولك بساهل
عمر= انا ماااشي وانتي ربنا بتولاكي علي ما بلاكي( قالها وذهب)
شهد بزعيق= عندك حق هي بلوووه فحلوقي
سمر= اهمدي احنا قولنا نجيبه لصفنا
شهد= ما ضربني
سمر= وانا ردتله القلم وحقك رجعلك
شهد= متفشتش بردو
سمر= بطلي بقا، لما نخلص الموضوع ده ابقا اتخانقي معاه براحتك
شهد= اول ما نخلص يطلقك انا مش موافقه عليه
سمر= ههههه بس انا عاوزاه
شهد= مش من توبنا يابنتي احنا اصحاب املاك هو علي باب الله
سمر= ههههه... انتي عارفه ان غني جداً ابوه معاه مجموعه شركات، ومعاهم عربيات كتير، واخوه دكتور جامعي
شهد بصدم = المقشف ده
سمر= اه هو المقشف ده
شهد= طيب وايه جابه عندنا وساب حياته
سمر= عشان نتبلي بمراته
#سمر
على قد فرحتي اننا اتجوزنا على قد حزني اني عملت كده دلوقتي وامي وياسين لسه مكملوش حآجه... واللي كانو السبب في موتهم عايشين مرتاحين... لكن كان لازم اتجوزه، علشان اعرف انتقم منهم
ـــــــــــــــــــــــــــــــــــــــــــــــــــ
« منزل ضياء»
عاد للمنزل ليجلس علي الكنبه ويتمدد ويغمض عينيه حتى أتي مازن وجلس علي المقعد الاخر وظل ينظر إليه
مازن= مالك
ضياء= تعبان شويه
مازن= ضياء يتعب؟!
ضياء يعتدل ويتهرب من النظر إليه= ومتعبش ليه؟! مش بحس؟!
مازن= بتحس بس في فرق بين تعب وتعب... ملاحظ انك من وقت ما بدات تشتغل وانت في عالم تاني
ضياء= اصلي مش متعود علي الشقا
مازن= بس
ضياء يتطلع اليه= بس..... البنت ردت عليك؟!
مازن= لأ خالص، حتي مفتحتش الرساله
ضياء = تفتكر من طرفها؟!
مازن= بيتهيالي، اصل لبني تسأل عليه ليه بعد اللي حصل
ضياء يفرك اصابعه بتردد= افرض لقيتها مخطوبه مثلا
مازن= مخطوبه؟!.... لا طبعا لو لبني جايه من طرفها ف هي اكيد مش هتكون مخطوبه... لو مخطوبه تسأل عليه ليه
ضياء بشرود = مش عارف....محدش فاهم حآجه كله متلخبط
مازن= انت بتتكلم في ايه ( يتابع) يابني مالك
ضياء بضيقه= عاوز اسيب الشغل... انا مش مرتاح، والمدير رزل مش بيبطل يكلمني بشك وكاني مدسوس عليه.... كله قرف ( يتنهد ويتابع) ياريتني ما اشتغلت
مازن= دا انا قولت انك هتتحمل مسؤولية وانا شايفك بتصحي بدري زي الناس الملتزمه
ضياء= كنت فرحان بالحياه الجديده،
مازن= طيب وملاذ دي هتعمل معاها ايه وانت كنت عامل فيها الصدر الحنين
ضياء= ملاذ مين؟! دي طلعت دوشه وزنانه، ومفيش مكالمة غير لما تجبلي سيرة واحد هتموت وتعرف طريقة، وعاوزاني انا اوصلها ليه،.. وانا قفلت منها بصراحه
مازن= طيب وانت هتوصلها ليه ازاي، وانت تعرفه اصلا
ضياء= لأ، ما انا بتهرب منها علشان مش فاضي ادورلها
مازن= تلاقيك مضايق علشان بتدور علي واحد تانى وانت بتكلمها
ضياء= تؤ لا مش كده، بس انا بقولك انها زنانه وغبيه، وانا بتخنق من النوع ده،.. بيقفلني
مازن= خلاص متزعلش نفسك فكك منها
ضياء= فكتني،( ينهض) هعمل قهوه، تشرب معايا
مازن= ماشى
(يذهب لينظر له بحيره)
#مازن
عمرى ما شوفته كده، والنهارده حسيته متلخبط ومش طبيعي... هو شكله وقع ومش راضي يقول،.. علشان دايما يقولي انه مش ممكن يوقع زيي..... بس هي مين مش عارف..... في الاول فكرتها ملاذ اللي بيقول عليها بس طلعت مش هي
#ضياء
دونآ عن بنات العالم كله وعن البنات اللي صحبتهم مقعش غير مع دي.... مخطوبه وكمان صاحبي هيموت ويلاقيها.. دي اول مشكله، والمشكله التانيه ان مازن لو شاف قرب يونس منها وتعاملها عادي ومش مهتمه بيه، هيزعل أوي عن ماهو زعلان
#نانسي
مجنيش نوم وانا بحاول افهم تغيره المفاجئ معايا... وكان قاصدها لما نطق اسمي ولا لأ، وعشان حيرتي زادت كان لازم اكلمه تاني مع اني كنت ناويه منقصش من نفسي واكلمه بعد طريقته دى
كان بالصالة يمسك هاتف مازن ينظر لصورتها، اثناء نومه حتى وصلته رسالة منها علي هاتفه هو
نانسى = ضياء لو سمحت عاوزة اتكلم معاك وبعدين اعمل بلوك لو حابب
ضياء = نعم
نانسى= ممكن تفهمني انا ضايقتك في ايه
ضياء = مش مضايق منك، انا قافش مع البنت بتاعتي شويه
نانسى= ولما انت قافش مع صحبتك زعلان منى انا ليه.. شيفاك عادي مع الكل اشمعنا انا
ضياء = انتي عارفه ان يونس بيعاملني بشك عشانك ، ف ليه انا اجيب لنفسي وجع الرأس
نانسى = كنت في الاول بدافع عنك واقول انه فاهمك غلط، بس النهارده انا حاسة انه هو عنده حق وانت وراك حآجه مخبيها
ضياء = انتي بذات متتكلميش عن الحاجات اللي متخبيه
نانسي = واشمعنا يعني... انا اه في حاجات مش بقولها بس مش بتضر حد... وبعدين قصدك ايه بتلمحاتك دي، ما تتكلم عادى
ضياء= ملاذ انا محتاج انام ،( يبعثها ليكتب غيرها) وبعدين انتي ايه مصحيكي مانتي بتنامي من المغرب
نانسى= منمتش بسببك... وحلفت اني مكلمكش بس مقدرتش مفهمش ايه الحكاية وعرفت اسمي منين. وتعرف ايه تاني عني
ضياء يدخل علي حسابها بالواتس ليجدها تكتب اسمها= انا شوفته على الواتس عندك انتي كاتبه نانسي مش ملاذ.. ف حبيت اتاكد مش اكتر
نانسى تعض لسانها = تصدق صح، يخربيتي اما بهيمه صحيح... وانا اللي فكرتك مهكر التليفون
ضياء= لا اطمني، يلا البنت بتبعتلي
نانسى= سلملي عليها
ضياء = ماشى
انها معاها المحادثه ليعود لنظر لصورتها ثم يبعثها عنده
ويحفظها في خزنة الصور