رواية تاج الفهد
الفصل الثالث والثلاثون33والاخير
بقلم مريم مصطفي الجلاب
البارت الثالث وثلاثون والاخير
فهد: سليم؟؟
سليم بعصبيه:مش وقته صدمتك دي خالص
فهد وهو بينزل تاج ف الارض ووقف قدام سليم..
سليم: فهد انا...
ضربه فهد بالبوكس ف وشه فاوقع ع الارض
شهت تاج من تصرف فهد: فهد ليه كده
سليم وهو بيقوم وحاطط ايده ع بوقه: غشيم
فهد والعصبيه تملكت منه:كل اللي انا فاهمه وشيفه قدامي انك كنت بتلعب كل حاجه عندك سهله كده حتي الموت!
سليم: اسمعني...
فهد: بره بيتي ياسليم روح كمل لعبك ع حد غيري
سليم: يافهد والله انا عملت كده علشان ..
فهد بصوت عالي: عملت كده علشان تعرف حبك عندنا مش كده واكيد عرفت وانا بموت ف اليوم الف مره علشان خسرتك بقيت بندم ع كل دقيقه سبتك فيها لوحدك بتندم ع المشاكل والصرعات اللي كانت بينا... وف الاخر الباشا طلع عامل لعبه سخيفه زيه هو الموت بقا لعبه ياسليم؟
سليم: لااااا مش لعبه بس كنت مضطر اعمل كده علشان لو جيت قولتلك اللي سمعته مكنتش هتصدقني ولو كنت مشيت ورا دماغي واتصرفت كنت برضو هتعرف علشان المراقبه اللي عملها عليا كان لازم اختفي...
قربت تاج من فهد: اسمعه يافهد اسمعه اكيد عمل كده علشان هدف معين
هدي فهد نوعا ما وقعد ع الكرسي وحط رجل ع رجل: اتكلم انا سمعك ودي هتكون اخر فرصه اسمعك فيها
نزلت سيا ع السلم وهي ماسكه موز ف ايديها وبتاكل منه رفعت عنها لقيت سليم واقف مع فهد وتاج
سيا بندفاع: سلييم انت خلاص عرفتهم انك عايش هو ده الشغل اللي قولتلي عليه
سليم ف سره: يابنت الهبله عكيتها اكتر ماهي مامعكوكه
فهد بعصبيه:انتي كنتي عارفه انه عااااايش وشايفني بموت قدامك وساكته
سيا بارتباك: يا... يافهد انا لسه عارفه من فتره صدقني
فهد: انا زي متوقعتش حاجه زي دي كنت مستغرب حالتك اللي بقت احسن من الاول قولت يمكن لسه مستوعبتش الصدمه.. لا براڤو يامدام سيا...
سيا بعياط: انا مكنش قصدي اخبي عليك حاجه
فهد وهو بيرمي الترابيزه بكل اللي عليها بعصبيه: لدرجه دي مشاعري وحبي ليكوا لعبه عندكوااااااا
قربت تاج وحاولت تهدي فهد.. وسيا واقفه بتبص لسليم بحزن..
سليم: هيا ملهاش ذنب انا اللي اصريت عليها متقولش لحد
فهد بصوت مكتوم عصبيه: قول كل اللي عندك ياسليم وامشي بعدها منها وللابد كمان...
سليم: قبل ماابدا اتكلم لازم تعرف اني عملت كل ده علشانا وعلشان نرجع زي زمان
سليم بصوت عالي: حساااااااام
دخل حسام وهو ماسك مصطفي من ايدها وسماح وراهم
تاج بصدمه: انت ماسكه ليه كده ياحسام؟
سليم: هتفهمي كل حاجه يامرات اخويا دلوقتي
فهد بسخريه: م الواضح ان الكل كان عارف معدا انا
سماح: لا والله يابني انا لسه عارفه دلوقتي ومش قادره افهم هو ف اي
فهد: حسام باشا صديقي العزيز اللي شافني وانا بموت قدامهم ع فراق الواطي ده وسبني
بصله حسام بحزن وسكت لانه مقدر حالته كويس
فهد:وبعدين انت ماسكه ليه كده فهمونيييي ف ايييييييي
سليم: اليوم اللي مديت ايدك عليا في كنت حالف اني ما هسيك وفعلا اجرت ناس علشان يقتلوك واخد حق امي بس قلبي مطوعنيش زي كل مره حبك ف قلبي وذكريتنا منعتني ووقفت كل حاجه فاقررت اني هبدا اروح الشركه علشان اكون انجح منك واعرف اكبر ف السوق وساعتها هتحتجني اكيد روحت ع القصر ودخلت مكتب ابويا قعدت ادور واقرا ف الملفات لحد مالقيت ملف...
فلاش باااك...
سليم لنفسه: ملف اي ده شكله قديم
فتحته واول مافتحت لقيت عقود واوراق صفقه بين نصار ابويا وبين مصطفي الدالي ايام مكان لسه شركته اسمها بيعلا وافتكرت اننا متعاملنش مع الشركه دي ولامره غير من فتره بسيطه رغم انها من اكبر الشركات حاليا....
دخل نصار ع سليم المكتب
سليم: مين مصطفي الدالي ده حاسس اني سمعت اسمه قبل كده
نصار بارتباك: اها ده الي خد المناقصه من فهد علشان كده عمل معا الصفقه الجديده.. ماانت اصلك مش واعي لشغلك هتفتكر ازاي
سليم هو بيضيق عينه: لا مش قصدي صفقه اليومين دول ف هنا ملف عليه امضتك وكمان اتفقيه شركاء بينكوا زمان معني كده انك تعرفوا؟
نصار: اها... اها يابني اعرفوا عادي بس... بس
سليم بشك: هو انا ليه حاسس ان ف حاجه انت مخبيها عليا
نصار بجمود: هو مش سر بس انا هقولك... ده الي اتعقدت مع انا والسيوفي زمان
سليم بصدمه: قصدك ان ده سببب خلافاتك مع انكل السيوفي
نصار: اها هو كان بيتاجر ف السلاح وانا كنت عارف بس قولت مليش دعوه طالما هيجب لشركه صفقه كبيره ملناش دعوة باسلاح بس السيوفي لما عرف رفض وانا اصريت وكملت لحد ماالسيوفي خطف امك وقتلها
سليم: طب انا عايز افهم اشمعنا السيوفي اللي قتل امي مش ممكن يكون مصطفي
نصار: لا لاني شوفت ف ايده السلاح لما راقبته ورحت وراها
سليم ف نفسه: قلبي مش مطمن حااسس ان ف حاجه ناقصه علشان القصه تكمل
نصار: بتقول حاجه يابني
سليم: هاا.. لا اتفضل انت نام وأنا هروح مشوار صغير كده
نصار: خلي بالك ع نفسك... تصبح ع خير
خد سليم مفاتيح عربيته والملف بتاع مصطفي وراح لحسام المكتب*
حسام: سليم ياريت لو جي تخانق بلاش علشان والله هحبسك المره دي
سليم وهو بيقعد:مش جاي اخانق انا جي علشان تساعدني
حسام بأستغراب: اساعدك ف اي؟
سليم حكاله كل اللي حصل زمان وحكاله كلام ابوه..
حسام: هو فعلا ف حاجه غلط ليه عمو يقتل امك اصلا وكمان انا مصدقش ان هو كان يعمل كده مستحيل
سليم: هو ده اللي انا بدات اقتنع بي دلوقتي انا عمي سيوفي مكنش وحش علشان يقتل
حسام: خلاص يبقا لازم احنا نكشف كل حاجه ونعرف اي اللي ورا مصطفي الدالي ده
سليم: يعني هتساعديني
حسام وهو بيحضنه: احنا اخوات مينفعش اسيبك معاك للموت
سليم وهو بيطلع من حضنه: حبيبي ياصحبي
حسام: اقعد بقا علشان نخطط صح لان جتلي فكره كده هي اوڤر بس هتعجبك
سليم: قول ياعم الاوڤر
حسام: انت لازم تموت
سليم بتبريقه: اموت؟ انت بتقول اي هو انا جيلك علشان نكشف الحقيقه ولا علشان تخليني احصل امي!
حسام: اقعد واسمع للااخر..
سليم بضيق: ارغي
حسام: اولا فهد مرقبك وعارف تحركاتك..
*قطع كلام حسام رن موبيله*
حسام بإبتسامة: هااا مجبتش حاجه من عندي فهد هو اللي بيرن علشان يسأل انت هنا ليه!
سليم بعصبيه: اوف.. رد وقوله اي حاجه
رد حسام: اي ياكبير...
فهد: سليم عندك ف القسم بيعمل اي ف حاجه حصلت
حسام: لامتقلقش ده جاي يعتذر مني ع اللي حصل امبارح انت عارف سليم قلبه طيب
فهد: تمام...
سليم: كمل
حسام: لازم تختفي عن عيون فهد وكمان لو فعلا مصطفي الدالي ده بيتاجر ف السلاح يبقا اكيد رجل خطر ولو شك انك بتنكش ف الماضي هيقتلك
سليم: مفهمتش المفروض نعمل اي؟
حسام: لزم تعمل انك ميت ف نظرهم.
سليم: ودي هنعملها ازاي
حسام: متخفش انا هظبط كل حاجه حتي الدوله مش هيوصلها انك مت اصلا علشان دي فيها حبس لو اتكشفنا.... انا بس هخلي اللي حوالينا هما اللي يصدقوا..
سليم: كويس موتي هيكون ازاي
حسام: لازم العربيه بتعتك تعمل حادثه قدام عربيه المراقبه بتاعت فهد والاهم انك تروح مستشفي مصطفي الدالي
سليم: بس انا كده هعمل حادثه بجد انا عندي عيال عايز اشوفهم
حسام بغمز: تشوف العيال ولا تشوف ام العيال ياشقي
سليم: هقوم البس المكتب ده ف دماغك اخلص كمل
حسام بضحك: قبل مالعربيه تتقلب هتنط انت منها بسرعه وتقع ع الارض هيحصلك شويه كدمات وجروح بسيطه هتحاول تتحمل الوجع شويه وتغيب عن الوعي وانا هكون مظبط كل حاجه مع المستشفي طبعا هتيجي الاسعاف تاخدك ويعالجوا جروحك وبعد كده هتقعد عندي ف البيت لحد ماخلص لان لازم اكون جمب فهد...
سليم: بس لازم يكون ف جثه هنعملها ازاي
حسام: دي امرها سهل طول مانت معاك فلوس هتعمل كل حاجه متقلقش انت بس ركز ف مهمتك
سليم: وطبعا لما الدنيا تهدا هنراقب مصطفي؟
حسام: اكييد
بااااااك
سليم: ومع تالت مراقبه لمصطفي شوفته النهارده مع طنط سماح وهي بتقوله انها متأكده ان هو اللي قتل امي مقدرتش امسك اعصابي وقومت هجمت عليها لحد ماجبته هنا... واكمل بدموع: انا اعمل اي حاجه واعرض حياتي للخطر مقابل اني اجيب حق امي وارجع صدقتنا زي زمان
فهد: ليه مجتش حكتلي علشان اساعدك انا كنت هصدقك
سليم: كنت عايز اعرف الحقيقية بنفسي عايز اثبتلك اني لسه زي الاول
فهد:بس برضو مفيش دليل قدام الشرطه ان هو اللي قتل
سليم: مش مهم المهم اني خلاص صدقت واقتنعت ان عيله السيوفي كانت بتحمي امي وابويا لازم يفهم كده.. وبص لمصطفي واكمل: انما انت بقا هتلبس قضيه سلاح لان حسام جاب ادله بتاكد ان شركتك بتأجر ف السلاح وبكده هرتاح اني خدت حق امي منك ياكل....
تاج بعياط: لااا ياسليم ده مهما كان ابويا خد حقك زي مانت عايز بس بلاش تهينه كده انا مبدافعش عنه لاني معرفهوش غير من قريب بس مش عايزه اشوفه بيتهان قدامي كده
خدتها سيا ف حضنها ومصطفي بصلها بدموع
فهد: اها نسيت اقولك انا جبت فارس حيدر هنا واتاكدت ان تاج مراتي بنتك بس للاسف هي مش هيشرفها انك تكون ابوها...
دخلت جميله وهي مصدومه من كل اللي سمعته والهدايا اللي كانت جايبها لتاج وقعت من ايدها *كانت جايه لتاج وهي معاها زين علشان تعرفوا عليها وكما حست انها فيها حاجه ف الوقت ده*
جميله بصوت عالي وعصبيه: كمااان سلاح وقتل انت اييييي ياريتني ياخي فضلت بعيده عنك ومرجعتش...
تاج: جميله اهدي خلاص
*زين واقف يبص لمصطفي وعيونه مدمعه*
مصطفي:انا م هسمحلكوا تكلموا عني كده وولادي يكرهوني انا هتكلم واحكي كل حاجه مش هخاف حتي لو هيموتوني
جميله:لا بجد اخييرا يامصطفي باشا هتتكلم
حسام:بس اعمل حسابك كل كلمه هتقولها لازم تكون بدليل
مصطفي: معايا الادله
قعدوا كلهم وبدا مصطفي يتكلم
ف الوقت اللي نصار اتفق معاياع الصفقه انا فرحت جدا لانا شركه معروفه وكبيره.. بعدها بفتره لقيت السيوفي جايلي البيت وبيزعق واني لازم اوقف الصفقه دي علشان عرف ان شركتي بتاجر ف السلاح بس للاسف سمعته قدريه زوجتي التانيه وغلطت حياتي *بصله زين بنكسار*كمل نصار:وجت هددتني بحياه جميله وانها تقدر تقدر تقتلها لو اتكلمت او لغيت الصفقه دي فضلت ساكت.. حتي فلوس السلاح انا مقربتلهاش انا شؤكي كبرت من تعبي هي واخدها مجرد خلفيه وبس..واها هي اللي قتلت مرات نصار سمعت واحد من رجالتها بيقولها انه قتله لما عرف مكانها والسيوفي مقدرش يعملها حاجه..هي عندها ادمان الفلوس عايزه تعيش مرفه ع طول مش عايزه تتعب حبها للفلوس ضيعها..
حسام بتنهيد: معاك دليل يثبت كلامك ده
مصطفي: اها اخر مره حبيت استفزها علشان تعترف بكل حاجه وسجلتلها
حسام: فين التسجيل ده
مصطفي: معايا اهو ف الموبيل كنت ناوي اسمعه لسماح هانم بس سليم سبق...
خد حسام منه الموبايل وجميله بتبص لمصطفي بندم ع الكلام اللي قالته وزين بيبص بكسره مش عارف يفرح لبراءه ابوه ولايحزن ع تصرفات امه وتاج قاعده بتحمد ربنا انه طلع مظلوم ف كل ده...شغل حسام التسجيل والكل سمع اعتراف قدريه بكل اللي عملته حتي قتل ام سليم""""
سليم:يعني كده قدريه هي السبب ف كل ده ورحمه امي ماانا سايبها غير وحبل المشنقه حوالينا رقبتها *وقف قدام مصطفي واعتذار منه ع معاملته ليه*
مصطفي: مش زعلان منك يابني حقك انت اتحرمت من امك وكنت بتجيب حقها..
سليم: ربنا يرحمها
بص مصطفي لجميله: انا عارف انك دبش وعصبيه بس طيبه تعالي ف حضني ياجميله انا مش زعلان منك انتي بنتي
جريت جميله ف حضنه وهي بتعيط: انا اسفه يا بابا اني شكيت يك غصب عني والله سامحيني
مصطفي: مسمحك يابنتي.*بص ع زين وشاورله يجي ف حضنه هو كمان.فارحله وفضل حضنهم هما الاتنين
مصطفي: تعالي ياتاج انتي زيهم يابنتي
بصت تاج لفهد بدموع فاضغطت ع ايدها بطمئنان
فهد: يلا روحيله
جريت تاج ع حضنه ولاول مره حست بشعور الابوه فضلت تعيط ف حضنه وهو يهديها بالكلام
مصطفي: متعيطيش ياقلب ابوكي واوعدك اني م هبعد عنك تاني ابدا
تاج: عايزه اشوف امي ارجوك
مصطفي: هتشوفيها هتفرح بيكي اوي
تاج: جميلة قالتلي انها تعابنه وعندها شلل وفقدان ف النطق
مصطفي: الدكتور بتاعها قال لو اتعرضت لصدمه هتتكلم فالو شفتك انتي وجميله مع بعض هتكلم
تاج: طب يلا نروحها يله احنا مستنين ايي
مصطفي: لازم الاول نشوف هنعمل اي مع قدريه علشان متذكيش تاني
حسام: قدريه خلاص قصتها هخلص والنهارده
*سيا قاعده ع الكنبه بتعيط ع العواطف اللي بين مصطفي وتاج وبتاكل موز*
سليم بهمس: انتي زعلانه ولاجعانه!؟
سيا: حاسه اني قعده بتفرج ع فيلم هندي فاقولت اتسلي بالموز ده
سليم بصوت عالي: شوف اختك اللي هتموتني دي ياعم فهد
فهد: هي بقت غريبه من يوم مابقت حامل تقريبا ولادك عملوا فيها حاجه من قبل مايجوا
ضحك الكل ع كلام سيا وسليم...
زين بمرح: تعالي ف حضني بقا ياتاج
فهد بغضب: نعممم! حضنك مين يالا دي مراتي
زين: ودي اختي يامعلم
فهد: لو حضنتي ياتاج هكسر دماغك
تاج: تكسر دماغي بقا كده؟
جابت كوبايه الميه من ع التربيزه وكبتها ف وش فهد
حسام خبط ايده ع وشه: تاني ياتاج
فهد: حسابنا بعدين مش دلوقتي
تاج: انا هروح مع ابويا واخواتي
فهد: انتي مش هطلعي بره القصر يحبيبتي
تاج: لاا
سماح: بطلوا شغل عيال وخلونا نفكر هنعمل اي مع قدريه النهار طلعو واحنا لسه معرفناش هنعمل
جميله: لا سبوها عليا بقا دي.... بس هحتاج مساعدت تاج معايا
تاج: وانا معاكي.*قرب زين وحط ايده ع اديهم وانا كمان معاكم وف ضهركوا *
فهد: بس انا مش مستعد اخاطر بحياه تاج قدام مجرمه زي دي
تاج: متخفش عليا طول مانت جمبي هكون بخير
جميله: وبعدين احنا هنلعب معاها لمده دقيقتين وبعد كده حسام باشا يدخل بالقوات بتاعته يقبض عليها بدليل اللي معاها
حسام: تمام اتحركوا انتو ومعاكوا سليم وفهد ونا هبلغ القوات تجهز
سيا وهي بتاكل موز: انا جايه معاك ياسليم
سليم: اقعدي انتي بالموز بتاعك ده والنبي
سيا: عد عليا انت بس
سليم: اعد عليكي اي ده انتي واكلها محصول مصر كله
حسام بضحك: كفايه انتو الاتنين مش قادر من الضحك
سليم: هيييي... طب يله نجهز العربيات علشان نتحرك
جميله: لا استونا الاول لازم البس انا وتاج فستان زي بعض
تاج: انا عندي فستان اسود ف منه اتنين
جميله: حلو استونا انتو هنا لحد ماننزل
طلعت جميله مع تاج ولبسوا الفستان والحجاب زي بعض ونفس الشوزات ونزلوا الاتنين وهما ماسكين ايد بعض.
جميله وتاج ف صوت واحد : هاا اي رايكوا
كل اللي واقفين فضلوا مصدومين ومحتارين مين تاج ومين جميله **
فهد بغرور وهو بيقرب من تاج: دي تاجي.. #تاج الفهد#
تاج وهي بتبرقله: انت ازاي عرفت تفرق بينا ده انا نفسي بتلغبط فهد بغمزه : عيونك فيها لامعه انا الوحيد اللي اقدر اعرفها
تاج بهمس: بحبك يافهد
فهد: وانا بعشقك ياتاجي
سليم: احم احم خلاص يعم عايزين نخلص بقا
فهد وهو بيجزع اسنانه: والله بعد مانخلص ماهحلك ياسليم طول عمرك بتقطع عليا اللحظه
ضحك سليم وبعد كده اتحركوا الكل ع العربيات .. سليم سائق العربيه وجمبي فهد وورا جميله وتاج
العربية التانيه حسام سايق وجمبي مصطفي وورا زين... وسماح وسيا رحوا لنصار علشان يمهدوا ليه ان سليم عايش ويحكوله الحقيقه كلها.....
******
وصلوا قدام ڤيله مصطفي واستعدوا القوات وفهد وسليم قاعدين ف العربيه قلقانين...
دخلت جميله لقيت قدريه قاعده ف الصالون بتشرب شاي
قدريه بسخريه: اهلا باجميله الجميلات
جميله: تعرفي ان الاسرار مسيره تتكشف ف يوم من الايام حتي لو فات عليها سنين وكل واحد هياخد عقابه اللي يستحقه
قدريه بارتباك : قصدك اي وعقاب اي انتي بتتكلمي كده ليه؟!
ظهرت تاج جمب جميله: بتكلم ازاي بس تؤ تؤ المفروض تكوني فهمتي قصدي اي
وقفت قدريه والفنجان وقع من ايدها ع الارض اتكسر.. قربت تاج وجميلة وهما ماسكين ايد بعض ولفوا حواليها
ف صوت واحد: كل اللي عملتي زمان
خلاص اتكشف كل حاجه اتعرفت خلاص حبل المشنقه وصوت مفاتيح الحبس بترن وبتفرح لقدموك ليها
قدريه حاطه ايدها ع ودنها: كفااايه انا اكيد بحلم لااا انا متاكده اني خليته يقتله فوقي ياقدريه فوقي انتي ف حلم مش كل االي بنيته هيقع مش دي هتكون نهايتي بالسهوله دي لااااا
تاج وجميله بضحك: لا هي دي نهايتك الي تستحقيها
دخل حسام وورا القوات بتاعته وامر بالقبض عليها
حسام: بسبك النهارده هيجيلي ترقيه كبيره اوي وكمان شحنه السلاح اللي كنتي هدخليها مصر النهارده اتمسكت هي واللي معاه وشركاك.. باي باي قدريه هانم.. خدوها
حط الامين الكلبشات ف ايدها وهي عماله تستحلف للكل.. دخل مصطفي وزين وفهد وسليم..
قدريه: زين ابني اسمعني
زين: انا سمعت واتاكدت خلاص .. انا مش ابنك انا امي ماتت من اول مانا جيت عالدنيا خلاص
مصطفي: ياما قولتلك حبك للفلوس هيخسرك كتير واديكي اهو خسرتي ابنك وخسرتي كل فلوسك اللي من الحرام عارفه ليه علشان مرضتيش بحالك.
خدوها ع البوكس وزين واقف بيدمع ع صوت صراخها بس خلاص مش هينفع يدافع عنها هي تستحق ده
قربت جميله وخدته فحضنه: انا جمبك امك واختك وصحبتك انت م لوحدك
طلعت تاج من حضن فهد وراحت لزين وجميله
تاج: انت فعلا مش لوحدك بقا عندك اخت كمن لا وكمان اي شبه بعض
حضنهم زين ومسح دموعه: وانا اوعدكم اني هفضل سند ليكو وعمري ماهزعل واحده منكوا
تاج وجميلة: واحنا واثقين من كده
فهد بضيق: مش كفايه احضان بقا ولاي
تاج بتضيق عين:ليه يافهد لما قولتلك قبل كده اي رايك ف شخصيه زين قولتلي انه بيحب الفلوس وكلام مش حلو عليه
فهد بكسوف:ده وقته الكلام ده..كنت غيران لما جيتي حكيتيلي عليه قولت اقولك اي سببب وخلاص
زين: غيران تقوم تقول عليا كده يابوا نسب بجد عيب عليك
فهد: انت لسه شوفت حاجه انا مش عارف انت طلعتلي منين علشان تشركني فيها
زين بضحك:من البخت طلعتلك ف بختك
سليم:شكلها هتولع الحق اروح لمراتي وابويا بدل ماسيا ام موز تبوظ الدنيا معا
حسام: وصلني ف طريقك بقا علشان اروح لاام ورد واتفق معاها ع معاد الفرح
فهد: فرح؟انت خطبتها ولا حتي فتحتها ف الموضوع علشان توافق عليك
حسام:هو انا اترفض برضو وحتي لو رفضت هخطفها
تاج بجديه:مبروك ياحسام مقدما انا واثقه انها هتوافق
حسام: شايفين الناس اللي بتفهم
فهد:ولااا خليك ف ورد ملكش دعوه بمراتي
حسام: خلاص ياعم.. يلا ياسليم نمشي قبل مايكلنا
سليم بضحك: يلا يا عبيط العبيط هيتجوز
حسام: امشي يابغل
خرجوا سليم وحسام وهما بيضربوا ف بعض وفرحانين
فهد: هما كده ع طول ناقر ونقير
مصطفي بإبتسامة: ربنا يخليكوا لبعض يابني
تاج: عايزه اشوف ماما
جميله: تعالي معايا
طلعت تاج مع جميله لاوضه امهم وهي مرتبكه من شوفتها لاول مره فتحت جميله الباب ودخلت وتاج فضلت واقفه بره
جميله: تعالي واقفه بره ليه ادخلي
دخلت تاج بخطوات بطيئه الاوضه..
شافت تاج امها نايمه ع السرير اجزاء جسمها كلها مش بتتحرك
جميله: اي رايك ياست الكل ف المفاجأة دي تاج بنتك توامي
تاج: ازيك ياماما
صفاء وهي بتبص لتاج وجميله وعنيها بدمع
جميله:احنا الاتنين مع بعض اهو جمبك
تاج:اتكلمي حاولي عايزه اسمع صوتك عايزه اشبع منك سنين وانا بعيده عنك ياامي
صفاء:ااا..
جميله::ها قولي اتكلمي ياماما
تاج:ها يلا
صفاء:ب..بن..بناتي
جميله وتاج:ياقلب بناتك..قربوا منها وحضنه
صفاء بعياط:وحشتيني يافيروز
تاج:فيروز!
صفاء:اسمك كان فيروز زمان انا اللي كنت مختاره ليكي
تاج بحب:جميل اوي جميل ياماما
مصطفي واقف ع الباب بيبصلهم بحب ف دخل ليهم
مصطفي بندم:انا اسف حقك عليا ياصفاء عرفت قمتك يا حبيبتي
صفاء: هسمحك علشان جبتلي فيروز.. بس عايزه دكتور علاج طبيعي عايزه امشي عايزه ارجع للحياه تاني
جميله وتاج: هتعملي كل اللي نفسك في ياصفصفي
مصطفي؛ هجبلك احسن دكاتره وهتبقي احسن كمان من الاول
زين قطع كلامهم ودخل: وانا مليش نصيب م الاحضان دي بقا
بصتله صفاء بغضب وسكتت فالاحظت جميله نظراتها
جميله: ماما زين ملوش علاقه بتصرفات امه ده مسبناش لحظه وع طول معانا لازم تتقبلي
زين بحزن: خلاص ياجميله حقها تزعل مني عن اذنكوا
صفاء: استنا يااود انت
زين: نعم
صفاء: تعاله ف حضني كده
ضحكلها زين وقرب حضنها وضحكوا الكل
*********مريم مصطفي الجلاب
سيا وسماح حكوا كل حاجه لنصار ومصدقش غير لما شاف سليم قدامه.. وحسام اتقدم لورد وحدوا معاد الفرح بعد تلت شهور وسليم خد سيا علشان تعيش مع ف القصر وكل يوم يجبلها موز.. وصفاء حالتها بدات تتحسن اكتر.. وتاج للاسف مخلفتش علشان عندها مشاكل صحيه فهد بقا يحاول يعملها اي حاجه تفرحها علشان متزعلش..
******
سليم: كفايه ياسيا انا خلاص مبقتش بجيب غير موز البس الجزمه إمبارح علشان اروح الشركه القي فيها قشر موز يامفتريه
سيا:اللاه مش ولادك اللي بياكلوا ماتقوله حاجه ياانكل
نصار: ماتسبها يابني انت مالك بيها كلي يا حبيبتي اانا بعت محمد يجبلك تاني
سيا: هييح حبيبي ياانكل انت
سليم:بقا كده والله لااقوم البس واروح الشركه
سياا بخجل:بحبك ياسليم
*******
تاج:لا يافهد انت من حقك تجوز واحده تجبلك اطفال
فهد: لا ياتاج ومش كل يوم نتككم ف الموضوع ده بقا انتي بنتي وكل حاجه ليا محدش هيشل اسمي غيرك انتي حرم فهد السيوفي ومفيش واحده تانيه تقدر تملكه غيرك
تاج: كان نفسي اجبلك بيبي يشيل اسمك وتلعب مع انت عوضتني عن كل حاجه وانا مقدرتش اقدملك ولا حاجه
فهد: انتي عوضتيني عن كل حاجه انتي اجمل حاجه ف حياتي
تاج: بحبك
فهد: وانا بحبك ياتاج الفهد
****
عدا تلات شهور والنهارده فرح حسام وورد والكل بيستعد
تاج: زي القمر ياورد
ورد: بجد ياتاج امال انا خايفه ليه كده
تاج: ده طبيعي حاولي بس تسيطري ع خوفك
تاج بصوت عالي: يابنتي كفايه اكل موز بقااا وقومي كملي لبس زمانهم جايين
سيا: ماشي بس خلي الموز معاكي لحد ماخلص لبس
ورد بضحك: بقا دي سيا اللي كانت بتخاف تاكل للتخن
سيا: بكراا نشوف لما تحملي هتتوحمي ع اي
****
سليم: فهد لبسني چاكت البدله
فهد: هو انت صغير مانت شحط طويل اهو
سليم: يوم فرحك لما جيت ضربتك لبستك الچاكت قصد ياحبيبي اعتبر فرحي ع سيا النهارده ع سيا ولبسني
فهد: حاضر ياسليم
حضنه سليم: شكرا يصحبي ع كل حاجه عملتها علشاني
فهد: انت اخويا وكتفنا ف كتف بعض ديما
حسام: وانا كمان يافهد لبسني چاكت
فهد بضحك: ارضعكوا بالمره.. تعالها
حضنه بعض وبصوت عالي: اخواتي.. اخواتييي
****
راحوا كل واحد فيهم يجيب مراته وقدملهم ورد معدا سليم
سيا: عارف لو كنت جبت ورد زيهم كنت رميته ف وشك
سليم: هو انا عبيط علشان اجبلك ورد انا جبتلك موز
سيا: شاطر قشرلي بقا لحد ماننزل القاعه
سليم: ابو اليوم اللي اتجوزتك في
سيا: بتقول اي ياسليم
سليم: ولا حاجه يروحي بقول اقشرلك كام واحده
********
بدأ الفرح والكل فرحان لحسام وورد وتاج وفهد بيرقصو سلو ومعاهم حسام وورد
سليم: ماتيجي نرقص زيهم
سيا: ارقص ببطني دي ازاي وكمان انا باكل تاخد موزه
سليم بهمس: بقا دي سيا حبيبتي.. بس برضو بحبها
جميله: قفشتك مش هتبطل بقا تعاكس البنات اتجوز
زين:اتجوز!؟ انا زين الدالي اتجوز واحده تقرفني ف حياتي ليه هو انا عبيط
جميله:ربنا يوعدك بواحدهطلع عينك
زين:روحي انتي بس شوفي ماما وطنط سماح قاعدين بيشوفلك عريس من المعازيم وشكلك هيبق وحش
جميله:بغيظ:ماشي يازين والله لاقول لتاج
خلص الفرح وكل واحدروح ع بيته وحسام وورد طلعوا بيتهم
****
عدا شهرين والعلاقات بين العيله بقت اقوي وكل كابلز حبه بيقوي لبعض يوم عن التاني وورد بقت حامل..
ف يوم بليل صحيت سيا وهي بتصوت: اهاا سليييم اصحا هموت
سليم بفزع: اييي مالك ف اي
سيا: بولاد يابني ادم الحقني
سليم: حاضر هلبس
سيا: تلبس اييييي اخلص وديني المستشفي
شلها سليم بسرعه وركب عربيته وطلع ع المستشفي وبلغ فهد وتاج وراحوا ع المستشفي
سماح: اي ياسليم ولاده ولالسه
سليم بتوتر: لسه
فجأه سمعوا صوت عياط بيبي
فهد: مبروك ياض شكلها جابت موزتين
تاج: اخص عليك يافهد ده ولاد سيا اكيد هيبقوا قمر
طلع الدكتور وطمنهم ع حاله سيا والاطفال وجابت ولد وبنت
سيا وهي بتفوق من البنج: عايزة موز
سليم: بقولك يافهد اختك عندك وولادي معايا دي بتخرف بل للموز يعم
سيا: اها يواطي!
فهد: بطلوا خناق هتسمهم اي
سيا: هسمي البنت فيروز ع اسم تاج زمان
بصتلها تاج بحب: حبيبي ياام فيروز
سليم: وانا هسمي الولد فهد ع اسمك ابسط ياعم
فهد: ده مش بمزاجك ده غصب عنك يحبيبي
سليم بندافع: لما تجبلنا عيل والله لسمي سليم ع اسمي
دمعت عيون تاج وهي واقفه واستذانت منهم وطلعت بره
سليم: والله مكنش قصدي انا بس
فهد: محصلش حاجه انا هروح اشوفه مبروك ع القمرات دول
........
فهد: بتعيطي مش كده كلام سليم ديما مدب
تاج وهي بتمسح دموعها: لا خالص مفيش حاجه
فهد:بتمسحي دموعك مني ع اساس انا مش عارفك ياتاج اقولك حاجه انا م عايزه اطفال انتي طفلتي
تاج: انا بحبك اوي يافهد
فهد: وانا بحب تاج الفهد*
تاج الفهد
حلقه خاصه"سليم وسيا"♡
سيا بعياط:بس يروحي شوفي اخوكي صحي اهو ع صوت عياطك انتو بتعيطوا لي دلوقتي انا عملتكوا كل حاجه علشان تناموا..
سليم صحي ع صوت ولاده وصوت سيا وهي عامله تعيط لقيها قاعده الارض قدام سراير الاطفال وشايلهم ع ايديها وبتعيط معاهم
سليم بفزع: ف اي ياسيا هما مالهم بتعيطي ليه
سيا: مش عارفه انا رضعتهم بس مش عارفه مالهم كل ماواحد ينام التانيه تصحا وفيروز عماله تعيط انا مش عارفه اهتم بيهم ياسليم
سليم: انتي بتعيطي علشان مش عارفه تسكتيهم!! هو ف كده
سيا بصوت عياط عالي: انت بتتعصب عليا ليه انا مش عارفه اسكتهم ومن الصبح وانا بحاول وانت نايم وانا معاهم لوحدي
سليم بهدوء: خلاص اهدي ياسيا بس يا حبيبتي.. هاتي فهد منك شويه
سيا بحنان: انت تعبان وعايز ترتاح انا هاخدهم وهنزل الجنينه تحت
سليم: لا انا مش تعبان ولا حاجه والمفروض اساعدك ف رعايتهم دول ولادنا احنا الاتنين
سليم خد فهد وقعد جمبها ع الارض وهي شايله فيروز
سيا: طب هما بيعيطوا ليه
سليم بإبتسامة: بطلي عياط انتي الاول علشان هما بيحسوا بيكي فابيعيطوا ع عياطك
سيا: بس دول لسه بيبي هيحسوا ازاي بيا
سليم وهو بيبوس فهد: علشان يروحي الاطفال ف السن ده بيكونوا قريبين من امهاتهم اكتر بيعرفوكي كمان من ريحتك من لمست ايدك ليهم الام ياسيا بيكون ليها مكانه خاصه عند ولادها حتي بصي ع فيروز
سيا بتبص ع فيروز ف حضنه لقتها نايم
سيا: دي نامت!!
سليم: هي حست انك بطلتي عياط وانك خدتيها ف حضنك فانامت
سيا: طب هات فهد عنك بقا وروح ارتاح انت بقا شويه
سليم: لا خلي انا مبسوط وهو ف حضني كده حطي فيروز ف سريرها بس
سيا قامت نيمت فيروز ورجعت تاني قعدت قدام سليم
سيا بإبتسامة حب: بحبك
سليم: وهو بياخدها ف حضنه وانا بحبك ياسيا وفرحان اننا وصلنا لخطوه كبيره زي دي ف حياتنا عارف ان طريقه جوزانا ف الاول كانت غلط وعارف ان كان نفسك ف فرح وفستان زي ماكنتي بتحلمي واحنا صغيرين بس الظروف كانت ضددنا
سيا:كل ده اتعوض كفايه عندي ان بقا عندنا فهد وفيروز واني ف حضنك ده اهم مليون مره من فستان وفرح وحاجات ملهاش لازمه كل يوم الصبح لما بصحا والقيك ف حضني بينسيني اي حاجه صعبه احنا مرينا بيها
سليم بإبتسامة: فهد باشا نام هحطه ف سريره واجي اشوف احنا مرينا بأي
سليم حط فهد ف سريره وقرب من سيا شالها بسرعه
سيا:سليم نزلني
سليم:فكريني بقا احنا مرينا بمشاكل اي اصلي بحب افتكر الحاجات دي
سيا:طب نزلني وانا هفكرك
سليم تجاهل كلامها وحطها ع السرير وخدها ف حضنه
سيا:ها يسيدي عايز تفتكر اي من اول فين مثلا؟
سليم بغمز:لا عايز اعرف شعورك انتي اول ماعرفتي خبر الحمل زعلتي ندمتي مثلا اننا اتجوزنا من غير علم فهد
سيا بدموع لامعه ف عيونها:بالعكس كنت فرحانه اوي شعور الامومه شئ جميل ان ف حته شايلها في بطنها انا نسيت الدنيا كلها لما عرفت مهتمتش بمشاكلنا او بطريقه جوزانا حتي بس..
سليم:بس اي يا سيا؟
سيا بدموع:بس لما جتلك الشركه حسيت ان فرحتي اتكسرت لما لاقيت انك رافض الحمل ده وانك عملت كده علشان تاخد حقك من فهد
سليم:وانتي صدقتي حتي لو كنت بمثل عليكي
سيا:تصدق معرفتش اصدق قلبي كان رافض الفكره حاجه جوايا كانت بتقولي لا سليم فرحان اكتر منك
سليم وهو ايديها:فرحان بس انا كان نفسي اخدك ف حضني واروح لفهد اقوله وافرحه بس الحقد كان مالي قلوبنا كان غصب عني..
سيا: الحمدلله ان كل ده عدا واديني اهو مع بعض وعندنا اتنين بيعيطوا صبح وليل
سليم بضحك: هما برضو اللي بيعيطوا!!!
سيا:مانا بعيط معاهم علشان مبعرفش اسكتهم
سليم: ياسيا مانا قولتلك اجبلك حد يساعدك فيهم وترتاحي شويه
سيا: لا طبعا محدش يربي ولايعمل حاجه لولادي غيري وبعدين تاج يوميا بتبعت تاخدهم ومش بتجبهم غير ع النوم
سليم بحزن: ربنا يرزقها هي وفهد ويخلفوا حتت عيل
سيا: يارب.. ياحبيبتي الموضوع ده مأثر فيها اوي
سليم: نصيب بقا المهم انتي بس متحسسهاش بحاجه وحاولي تبقي تسيبي الاولاد معاها ولما تزهق هي تجبهم براحتها
سيا: من غير ماتقول انا بعمل كده ع طول بس محدش بيعوض حد عن ولاده ياسليم الامومه فانها تحمل وتتعب فيهم لحد ماتولدهم وتلمسهم باايديها وده اللي تاج عايزها
سليم: ربنا يعوضها هي وفهد ان شاءالله
سيا: طب ابعد بقا علشان اروح اعملك حاجه تاكلها
سليم وهو بيشدها عليه اكتر: مش عايز حاجه غيرك دلوقتي
__________________
فهد: مالك بس ياتاج مانا مابفسحك اهو وكمان اول مره امشي من غير حراسه علشان خاطرك
تاج بعصبيه: انت هتقطمني كل شويه علشان خليتك تسيب الحراسه خلاص اتفضل روحلهم انا عايزه اتمشا لوحدي
فهد: اسيبك لوحدك!! احنا ف النص اليل ياهانم
تاج وهي مديله ضهرها وباصه للبحر بدموع:واي يعني متخفش عليا
فهد قرب منها وحضنها من ضهرها: لو مخفتش عليكي انتي هخاف ع مين يعني
تاج : لسه بتحبني يافهد
فهد: لا انا بعشقك
تاج: بس انا مش عارفه اسعدك ولااجبلك بيبي حتي
فهد: ياستي انا طلبت منك اني عايز اطفال شوفتيني بحب الاطفال اصلا وبعدين احنا بقالنا سنه متجوزين ياحبيبتي
تاج بعياط اكتر: قصدك اي انت مبتحبش الاطفال يافهد
فهد: يادي النيله مش قصدي والله بس اهدي.. قصدي يعني انه مش مهم دلوقتي احنا عايزين نشوف حياتنا الاول وبعدين نخلف
تاج: وافرض مخلفتش هتعمل اي يافهد؟
فهد:ليه بتقولي كده لا ان شاءالله هتخلفي وهنجيب بدل العيل خمسه بس انتي بطلي نكد ياروحي
تاج وهي بتمسح دموعها:انا نكديه يافهد
فهد: مين قال كده
تاج: انت!
فهد: لايروحي انا بقول انك قمر
تاج: بتضحك عليا صح
فهد: بضحك عليكي اي انتي مالك بقيتي بتقفشي بسرعه ليه كده
تاج: مزاجي عجبك ولالاء
فهد: عجبني ونص كمان انتي تعملي وتقولي اللي انتي عايزه
تاج وهي بتحضن فهد: بحبك اوي
فهد: وانا بحبك ياتاجي
قطع كلامهم صوت فون وهو بيرن
تاج: مين بيرن ف الوقت ده
فهد: هي فيها غيرها جميله ده انا كل ماقرب منك بلاقيها نطه ف النص ودلوقتي مش مهنياني ع حضن حتي
تاج بصوت ضحك عالي: خلاص يافهد دي بتحبك والله
فهد:بتحبني اوي الصراحه انتي هتقوليلي
تاج: طب استنا لما اشوفها عايزه اي
فهد وهو بيقعد قدام البحر وبيحط ايده ع وشه: وادي قاعده لحد ماتخصلي مع الهانم
تاج: الو ياجميله
جميله بصوت عالي: انتي فيبييين يابت دايره مع الواد ده ليه
تاج بصدمه: واد!! انا فاتحه الاسبيكر يخربيتك
فهد بعصبيه: فهد السيوفي بقا واد وحيات امك ماهعدهلك ياجميله الكلب انتي
جميله: بس يابابا ويلا هاتلي اختي ع البيت دلوقتي
فهد: دي مراتي ع فكره
جميله: مراتك اها بس توامي كمان
فهد: توامك دي بقا ايام ماكنتوا ف بطن الست الوالده دلوقتي مراتي ويلا سلام بقا علشان هنعمل شهر عسل جديد
جميله: انت قليل الادب... الو.
تاج: عيب كده يافهد انت قفلت ف الخط ليه
فهد: اهو العيب مينفعش مع اشكال اختك جميله دي
تاج: انا مش عارفه انتو مش هتبطلوا خناق ف بعض بقا
فهد: لا اختك لازم نجوزها حد يربيها
تاج: انت هتشتغل خاطبه بقا
فهد: انا علشانك اشتغل اي حاجه.. بس ابعد اختك عننا علشان هقت*لها هي وزين
تاج: وزين ماله ده حتي ف حاله ع طول
فهد: مش عارف يمكن علشان مش عايز حد يشغل تفكيرك غيري
تاج: انا مقدرش انشغل عنك يافهد من غيرك مكنتش هوصل لعيلتي ولاء لحاجه انت اساس اي حاجة يا حبيبي
فهد بخبث وهو بيشلها وحطها ف العربيه:احنا نروح القصر دلوقتي ونشوف بقا اي حوار اني اساس كل حاجه ده
تاج بإبتسامة:استنا بس انا عايزه اتمشا شويه كمان
فهد: لا احنا هنروح نرتاح ها علشان االخطر كله جاي بكره ومش هعرف اقعد معاكي من رخامتهم علينا
تاج بصوت ضحك عالي: والله انت فظيع دي بتكون احلا لمه لينا مع بعض كلنا
فهد: اها يا حبيبتي بتحبي اللمه انتي دي علشان بتهربي مني طول اليوم
تاج بتصنع الصدمه:انا!!واهرب كمان انت ظالمني يافهودي كده ديما
فهد:بريئة انتي صح!!وقولتلك مليون مره متقوليش الدلع المايص ده
تاج بدلع:مالوا فهودي يا حبيبي
فهد:مالك ياتاج قلبتي ليه كده الدلع مش لايق عليكي
تاج:سوق يافهد وبص قدامك انت ملكش ف الطيب نصيب
فهد بصلها بإبتسامة حب وكمل سواقه
__________________
عند حسام ورد..
حسام نايم ع السرير وف النص بنتهم وجمبها ورد
حسام: نيميها بقا ياورد علشان هنتجمع عند فهد وتاج بكره ونلحق نروح قبل ماسليم يسبقنا
ورد وهي بتشيل فريده *بنتها*وبترضعها: يالهوي عليك ياحسام مش هتبطل شغل العيال ده انت وسليم وكل تجمع لينا فهد يمسكوا انتو الاتنين يضربكوا
حسام اتعدل من مكانه واتكلم بحب: انا وسليم من صغرنا واحنا كده ومكناش نسكت غير لما فهد يجي يعلم علينا
ورد: حبيبي ربنا يخليكو لبعض
حسام قرب من ورد ومال ع راس بنته وباسها وبص لورد: ويخليكي ليا انا وفريده يا اجمل ورده ف حياتي
ورد قربت اكتر من حسام وبنتهم بينهم وحضنته لحد ماناموا..
_____________
تاني يوم ف الساعه الرابعه فجرا.
حسام بصوت عالي: مليش دعوه انا جاي قبلك ارجع بعربيتك يلا خليني ادخل
سليم وهو بيضرب كلاكس ومطلع راسه من الشباك: ارجع يابن ال****بدل والله انزل اربيك انا جاي قبلك بدقيقه
سيا بنفاذ صبر: ياسليم عيب كده خلي يدخل هو الاول وبعدين ولادك هيصحوا وفهد اكيد نايم ولو وصحي مش هيعديها علي خير
سليم بعند: اللي يحصل يحصل برضو هدخل القصر انا الاول
حسام وهو بيفتح الطبلوه وبيطلع مس*دسه
ورد: انت هتعمل ايييي
حسام: هنزل اربي الحمار ده..
حسام نزل من عربيته وضرب طل*قه ف الجو وقرب علي عربيه سليم شدوا منها
سليم: انت هتعمل عليا ظابط يلاا نزل البتاع ده بدل ماتعور يابيضه
حسام: ولاااااه انا مش قولت لااهلك ترجع بعربيتك انا اللي هدخل الاول.
عند تاج وفهد كانوا نايمين.
تاج بخوف: فهد اصحا في ضرب نار انا سمعت الصوت
فهد بنوم: هي الساعه كام؟
تاج: ساعه اي دلوقتي قوم شوف ف اي
فهد: يا حبيبي متقلقيش دول البهايم سليم وحسام انتي ناسيه ان النهارده يوم الزفت التجمع وطبعا لازم يتسابقوا علشان اللي هيجي الاول هياخد حلاوه فاجيين الفجر !
تاج ضحكت بصوت عالي:دول يجننوا بجد
فهد وهو بيقربلها:والله ماحد يجنن غيرك انتي
تاج بكسوف:يافهد مش وقته انزل شوفهم الاول
فهد:سيبيهم يولعوا ف بعض تعالي بس...
قطع كلام فهد صوت ضرب نار تاني في غمض عينه بعصبيه وهو بيستحلف لحسام وسليم..فتح عينه وباس تاج ف خدها
تاج:خلاص انزل شوفهم الاول وانا هلبس وانزل
فهد:ماشي ياحبيبي..
فهد نزل وطلع علي بوابات القصر شاف عربيتهم داخله ف بعض وحسام ماسك مسدده وحاضن سليم تحت دراعه وسليم لفف ايده حوالين رقبه حسام وحراسه فهد بتحاول تفصل بينهم.
فهد بصوت عالي:بس انت وهو ايييي الي بتعملوا ده
حسام زق سليم ف الارض وبص لفهد بنظره براءه: والله يابشا هو اللي عمل كل ده مش انا
سليم بصوت عالي: ياابن الكدابه
فهد: بس انت وهو اتفضلوا ادخلوا
حسام: هدخل بعربيتي انا الاول
فهد بنفاذ صبر: لاانت ولا هو كل وحد هيدخل ع رجله والحراسه هدخل العربيات
قرب فهد من عربيه سليم وخد منها بنتها فيروز وهي شالت فهد وراح لورد خد منها فريده ومشي بينهم فالنص
فهد وهو بيبوس فريده: والله انا مش عارف حبيتوا اي ف دول علشان تتجوزهم
سيا :لا يافهد سليم ده حبيبي متقولش عليه كده
سليم بضحك : علي الطلاق انتي اللي حبيبي
حسام: وانتي يوحش مش هتقولي حاجه تدافعي بيها ع جوزك ولااي
ورد: واقول ليه هو فهد غلط ف حاجه مانا فعلا مش عارفه حبيتك ع اي
حسام بهمس : احم احم ماشي ياحبيبتي لينا بيت نتلم في اصبري عليا
سليم: بيموته ف بعض الحب مقطع بعضه عندكوا اوي
حسام وهو بيجري ورا سليم: والله ماهسيبك يابن ال****
دخلوا كلهم القصر وتاج نزلت قعدت معاهم وبعدها سماح وشويه وجه نصار ومصطفي وجميله وزين وصفاء ام تاج وام ورد والعيله كلها اتجمعت مع بعض وطول الوقت سليم وحسام بيرخمه علي بعض وانضم ليهم زين..
تاج وهي قاعده جمب فهد وشايله فيروز وفريده: شوف تحسهم مش طايقين بعض
فهد: بنات وبيدلعوا بقا انما شوفي انتي الباشا ده مروق دماغه
تاج بضحك: خاله مين لازم يطلعلك اكيد
سليم: ده لوطلع زي فهد هيموت*نا كلنا كفايه نسخه واحده علينا ارحمونااا مش كفايه انه خد اسمه يبقا الطبع كمان!!
سماح: اخص عليك ياسليم هو في زي فهد ابني
جميله بسخريه: مين يشهد للعروسه بقا
فهد: لمي اختك بدل والله اعلهلقك ع باب القصر
جميله: تعلق مين يافهد اونطه انت
سليم بصوت عالي وهو بيقف قدام العيله:اسمعوني الاول وبعدين ابقي هاتوا شعر بعض.. بكره الفجر هنتحرك ع شرم الشيخ
الكل بصوا لبعض بهدوء وسكتوا..
سليم: اي يجماعه السكوت ده طب قولوا اي حاجه ف اي
فهد: انت عبيط ياسليم؟! شرم اي اللي نطلعها بكره وشغلنا وبعدين انت جاي تبلغنا قبل المعاد بكام ساعه محدش هيلحق يظبط حاجه
تاج: فهد عنده حق خليها اي وقت تاني
سليم: بس انا ظبطت كل حاجه بقالي كام يوم وحسام يقدر يكلم اي حد يعملوا اجازه لمده يومين وبس
نصار:ده انت مرتب كل حاجه بقا وعامل حسابك ع كل حاجه من الاول
سليم: بقالي اسبوع بخلص الدنيا علشان كده
مصطفي: طب و اي يابني اللي طلعها ف دماغك كده
سليم: هتفهمه كل حاجه لما نروح هناك
فهد: تمام نبدا نجهز بقا علشان كده الوقت اتأخر
سليم: الكل هيروح يجب حاجته ويجي هنا علشان هنتحرك بعربيتنا من هنا
زين: تمام
الكل روح بيته وبدوا يجهزه نفسهم وبعدين رجعوا ع قصر فهد السيوفي ناموا كام ساعه وصحيوا علشان يمشوا اتحركوا بعربيتهم ورا بعض.
حسام بص من شباك عربيته وهو سايق واتكلم بصوت عالي: واد يسليم هسبقك يلاااا بص دي
سليم: ده عندها بقااا
فهد كان ماشي وراهم بعربيته وتاج جمبه: شويه عيال هيودنا ف داهيه
تاج:ربنا يروق بالهم ديما ياحبيبي
فهد: والله انت اللي حبيبي
تاج بكسوف حاولت تداري بصت لفهد الصغير وهي بتلعبه
فهد: كنتي سيبي مع سيا بدل مانتي عماله تهتمي بي وسيبني لوحدي كده
تاج: انت بتغير من عيل يافهد!!
فهد: واغير من امه كمان
تاج: يا حبيبي فهد ده مش مجرد ابن اختك وبس ده ابني كفايه انه شبهك
فهد بغمزه: وعلشان كده انتي متعلقه بي
تاج: اي حاجه تخصك انا بحبها ربنا يعلم اني كنت بتمنا اني اجبلك حته منك ويشيل اسمك وافرحك بس مش بيدي يافهد والله.
فهد وهو بيمسك ايدها وبيبوسها:انتي عندي بمليون عيل وبعدين يا حبيبي انا مش قولتلك اني مش فارق معايا موضوع الاطفال ده وان شاءالله ربنا هيعوضنا بس اصبري وشوفي عوض ربنا
تاج:انا صبرا بس..
فهد بقاطعها:مبسش احنا رايحين نغير جو مش مسموحلك يااهانم انك تتكلمي ف اي حاجه تزعلك ولا حتي تشيلي الواد ده اول مانروح ترمي لا امه وتفضيلي انا مفهوم.
تاج بصوت ضحك عالي: مفهوم يافهد باشا
*ف عربيه سليم وسيا*
سيا:بس الرحله دي وراها حاجه قلبي مش مرتحلك
سليم:انتي قلبك ده مبيرتحش خالص
سيا:تؤ طول مانت بتطلع بمفجاتك الغريبه دي مره واحده قلبي مش هيرتاح
سليم بابتسمه ثقه: سيبي انتي نفسك بس وهتشوفي جوزك قره عينك هيعمل اي
سيا: يخوفي منك ياقره عيني.
الكل وصل اخيرا للاوتيل وكل واحد خد مراته وطلعه يرتاحه شويه.. بعد كام ساعه سيا كانت نامت وسليم خد فيروز ونزل وفهد مع تاج.. كلم الكل علشان يتجمعوا ع البحر ومن غير ماسيا تعرف وحذرهم ان محدش يقولها حاجه.
فهد بتعب: هي الفكره كويسه بس خليها بكره احنا حاليا تعابنين من السفر
حسام: فهد عنده حق بكره كويس
سليم: لا طبعا انا جهزت كل حاجه ع النهاردة قدامنا ساعتين لحد اليل
تاج: انا معنديش مانع والفكره عجبتني والكل وافق اصلا هات الحاجات وانا هطلع انا ورد وجميله نظبط الدنيا وفيروز وفهد وفريده يفضلوا مع ماما وطنط
فهد: مدام تاج وفقت وخطتط بالنيابه عننا كلنا يبقا مقدمناش حل غير اننا نفذ
جميله: اختشي مسيطره يجدعان
تاج بفخر: طبعا امال اي ورايا يبنات
حسام بهمس لفهد وسليم وزين: محدش هيبوظ الدنيا غير التلاته دول.
_____________________
تاج بصوت عالي: صحولي البت دي ومحدش يديها ولا موزه
ورد: سيا اصحي يابت يخربيتك اي النوم ده
جميله واقفه قدام المرايا وبتحط روچ: دي اخرها تنام وتاكل موز يجدعاان
تاج: بس يابت.. سيااااااااا
سيا بفزع: اييي ف اي سلييم فييين
جميله بسخريه: متقلقيش نن كبدك قاعد تحت مش هيطير هو
تاج: بس بقاا قومي يابت خدي دش جامد وتعالي بسرعه جميله تحطك الميكب
سيا: لي كل ده؟!
جميله: فرح سماح امك ماتخلصي يابت انتي لسه هتسالئ
سيا: بجد ف اي
تاج: ف حفله ياستي وسليم صمم انك تطلعي اجمل واحده علشان كده بعتنا نصحيكي ونجهزك وهو هيبعت الفستان شويه كده
سيا بقتناع: يا حبيبي ياسليم
جميله: يامحني ياما
سيا قامت خدت دش وورد وجميله حطله الميكاب وتاج عملتلها شعرها وبعد شويه الباب خبط وتاج فتحت خدت الفستان الابيض والكل انبهر بي حتي سيا.
ساعدوها انها تلبسوه ولبست الطرحه طويله وعليه تاج كبير
سيا بفرحه: انا كده بدات افهم
جميله: كل ده ولسه بتفهمي
ورد: بس بقا.. شكلك قمر ياسيا
تاج: اها مشاءالله قمر.
الباب خبط ودخل فهد وهو بيبص لاخته بحب قرب منها وخدها ف حضنه
فهد بدموع: ماتسيبك من سليم وتعالي اجوزك غيره
سيا بضحك: بحبه يافهد!
فهد وهو بيطلعها من حضنه وبيبصلها: كرامتك بقت ف الارض بسببه
جميله: يابني دي عروسه المفروض تقولها كلام حلو زي الاخوات مش جي تخرب عليها
فهد: لمي اختك ياتاج دلوقتي
تاج: خلاص بقا يلا يافهد خد سيا وانزلوا علشان تسلمها لسليم
فهد نزل ومعا سيا وسلمها لسليم ودخلوا القاعه سيا اتفاجئت ان الكل موجود حتي صحابهم من ايام الجامعه موجودين.. شويه وسليم قام وهو سيا يرقصوا قربها لي وضمها لحضنه
سليم: انا كنت عارف انك كان نفسك ف فرح وفستان ومقدرتش احرمك من الفرحه دي لانك تستحقي كتير ياسيا
سيا: انت وفهد وفيروز عوضتوني عن كل حاجه يا حبيبي
سليم: يعني بجد عجبتك تاج الفهد
حلقه خاصه"سليم وسيا"♡
سيا بعياط:بس يروحي شوفي اخوكي صحي اهو ع صوت عياطك انتو بتعيطوا لي دلوقتي انا عملتكوا كل حاجه علشان تناموا..
سليم صحي ع صوت ولاده وصوت سيا وهي عامله تعيط لقيها قاعده الارض قدام سراير الاطفال وشايلهم ع ايديها وبتعيط معاهم
سليم بفزع: ف اي ياسيا هما مالهم بتعيطي ليه
سيا: مش عارفه انا رضعتهم بس مش عارفه مالهم كل ماواحد ينام التانيه تصحا وفيروز عماله تعيط انا مش عارفه اهتم بيهم ياسليم
سليم: انتي بتعيطي علشان مش عارفه تسكتيهم!! هو ف كده
سيا بصوت عياط عالي: انت بتتعصب عليا ليه انا مش عارفه اسكتهم ومن الصبح وانا بحاول وانت نايم وانا معاهم لوحدي
سليم بهدوء: خلاص اهدي ياسيا بس يا حبيبتي.. هاتي فهد منك شويه
سيا بحنان: انت تعبان وعايز ترتاح انا هاخدهم وهنزل الجنينه تحت
سليم: لا انا مش تعبان ولا حاجه والمفروض اساعدك ف رعايتهم دول ولادنا احنا الاتنين
سليم خد فهد وقعد جمبها ع الارض وهي شايله فيروز
سيا: طب هما بيعيطوا ليه
سليم بإبتسامة: بطلي عياط انتي الاول علشان هما بيحسوا بيكي فابيعيطوا ع عياطك
سيا: بس دول لسه بيبي هيحسوا ازاي بيا
سليم وهو بيبوس فهد: علشان يروحي الاطفال ف السن ده بيكونوا قريبين من امهاتهم اكتر بيعرفوكي كمان من ريحتك من لمست ايدك ليهم الام ياسيا بيكون ليها مكانه خاصه عند ولادها حتي بصي ع فيروز
سيا بتبص ع فيروز ف حضنه لقتها نايم
سيا: دي نامت!!
سليم: هي حست انك بطلتي عياط وانك خدتيها ف حضنك فانامت
سيا: طب هات فهد عنك بقا وروح ارتاح انت بقا شويه
سليم: لا خلي انا مبسوط وهو ف حضني كده حطي فيروز ف سريرها بس
سيا قامت نيمت فيروز ورجعت تاني قعدت قدام سليم
سيا بإبتسامة حب: بحبك
سليم: وهو بياخدها ف حضنه وانا بحبك ياسيا وفرحان اننا وصلنا لخطوه كبيره زي دي ف حياتنا عارف ان طريقه جوزانا ف الاول كانت غلط وعارف ان كان نفسك ف فرح وفستان زي ماكنتي بتحلمي واحنا صغيرين بس الظروف كانت ضددنا
سيا:كل ده اتعوض كفايه عندي ان بقا عندنا فهد وفيروز واني ف حضنك ده اهم مليون مره من فستان وفرح وحاجات ملهاش لازمه كل يوم الصبح لما بصحا والقيك ف حضني بينسيني اي حاجه صعبه احنا مرينا بيها
سليم بإبتسامة: فهد باشا نام هحطه ف سريره واجي اشوف احنا مرينا بأي
سليم حط فهد ف سريره وقرب من سيا شالها بسرعه
سيا:سليم نزلني
سليم:فكريني بقا احنا مرينا بمشاكل اي اصلي بحب افتكر الحاجات دي
سيا:طب نزلني وانا هفكرك
سليم تجاهل كلامها وحطها ع السرير وخدها ف حضنه
سيا:ها يسيدي عايز تفتكر اي من اول فين مثلا؟
سليم بغمز:لا عايز اعرف شعورك انتي اول ماعرفتي خبر الحمل زعلتي ندمتي مثلا اننا اتجوزنا من غير علم فهد
سيا بدموع لامعه ف عيونها:بالعكس كنت فرحانه اوي شعور الامومه شئ جميل ان ف حته شايلها في بطنها انا نسيت الدنيا كلها لما عرفت مهتمتش بمشاكلنا او بطريقه جوزانا حتي بس..
سليم:بس اي يا سيا؟
سيا بدموع:بس لما جتلك الشركه حسيت ان فرحتي اتكسرت لما لاقيت انك رافض الحمل ده وانك عملت كده علشان تاخد حقك من فهد
سليم:وانتي صدقتي حتي لو كنت بمثل عليكي
سيا:تصدق معرفتش اصدق قلبي كان رافض الفكره حاجه جوايا كانت بتقولي لا سليم فرحان اكتر منك
سليم وهو ايديها:فرحان بس انا كان نفسي اخدك ف حضني واروح لفهد اقوله وافرحه بس الحقد كان مالي قلوبنا كان غصب عني..
سيا: الحمدلله ان كل ده عدا واديني اهو مع بعض وعندنا اتنين بيعيطوا صبح وليل
سليم بضحك: هما برضو اللي بيعيطوا!!!
سيا:مانا بعيط معاهم علشان مبعرفش اسكتهم
سليم: ياسيا مانا قولتلك اجبلك حد يساعدك فيهم وترتاحي شويه
سيا: لا طبعا محدش يربي ولايعمل حاجه لولادي غيري وبعدين تاج يوميا بتبعت تاخدهم ومش بتجبهم غير ع النوم
سليم بحزن: ربنا يرزقها هي وفهد ويخلفوا حتت عيل
سيا: يارب.. ياحبيبتي الموضوع ده مأثر فيها اوي
سليم: نصيب بقا المهم انتي بس متحسسهاش بحاجه وحاولي تبقي تسيبي الاولاد معاها ولما تزهق هي تجبهم براحتها
سيا: من غير ماتقول انا بعمل كده ع طول بس محدش بيعوض حد عن ولاده ياسليم الامومه فانها تحمل وتتعب فيهم لحد ماتولدهم وتلمسهم باايديها وده اللي تاج عايزها
تمت