رواية غرام الاسد كامله جميع الفصول بقلم شروق محمد

رواية صراع عائلي 

الفصل الخامس عشر15

بقلم رنا سليمان

شيماء:انت مش عارف انا كنت خايفه ازاي لاحسن الموضوع يتكشف

طارق:متطمنيش اوي كده يا شيماء…….الموضوع دا مصيره يتكشف سواء دلوقتي ولا بعدين 

شيماء:انت كده بتطمني يعني…….ولا تكون فاكر الكلمتين بتوعك دول هيخلوني اخاف يعني

طارق:لا يا شيماء ما انتي لازم تخافي……اللي انتي عملتيه دا غلط وغلط كبير اوي

شيماء:اومال كنت عايزني اعمل ايه يا طارق يعني……ارجع للفقر من تاني…

…والمره دي مش هكون انا لوحدي لا……دا هيبقي  انا وابني واخليه يعيش عيشه الفقر والذل اللي انا عيشتها دي……مكنش قدامي حل غير كده……مكنش ينفع خالص اعمل غير كده

طارق:هو انتي لسه ليكي عين انك تتكلمي يا شيماء …….انتي متخيله لو حاتم قرر يتكلم ويعترف للكل بالحقيقه انتي وابنك مسيركم هيبقي ايه…….انتي عارفه لو كان حد يعرف ان خالد مبيخلفش اصلا كانوا هيعملوا فيكي ايه 

شيماء:يا سيدي الحمدلله الموضوع عدي علي خير ومحدش كان يعرف…….وبعدين حاتم خلاص يا حبيبي اتسجن ومش هيخرج منها وحتي لو حاب يتكلم محدش هيصدقه لانه معهوش دليل اصلا

طارق:انا بجد مش مصدقك……انا بدات اخاف منك بجد 

شيماء :وتخاف مني ليه……انا كل اللي بعمله دا علشان احمي ابني اللي لسه مجاش علي الدنيا انه يعيش نفس اللي عيشته من فقر وذل يا طارق…….اهم حاجة تسكت انت و اوعي تخلي حد يعرف حاجة عن الموضوع دا مهما كان مين

علياء:موضوع ايه دا اللي مش عايزه حد يعرف عنه حاجه شيماء ؟!

بصوا ناحيه باب المكتب بصدمه……رجعوا بصوا لبعض بخوف 

رحمه:مش ناويه ترجعي يا نور بقي……الكل هنا خايف عليكي وبيسأل عنك طول الوقت

نور:هو انتي كمان هتصدقي يا داده…….مين دول اللي خايفين عليا…….انا كنت فاكره انك اكتر واحده فاهمه اللي بيعملوه دا

رحمه:لا يا نور……ولاد عمك خايفين عليكي بجد…….وخصوصا علياء…….طول الوقت بتسألني عنك وبتطمن عليكي…….اكتشفت فعلا ان اللي كانت بتعمله معاكي زمان وكرهها ليكي كان غلط…….علياء اكتشفت انك اختها واكتر حد كان بيخاف عليها يا نور

نور:متأخر اوي الكلام دا يا داده…….انا خلاص مبقتش اصدق حد فيهم…….انا فقدت الثقه في كل اللي حواليا يا داده…….حتي هنا بقيت خايفه اتعامل مع حد واثق فيه يخذلني يا داده وكل دا بسببهم هما…….انا مستحيل اسامح حد فيهم من تاني

رحمه:طب ارجعي يا نور…….ارجعي واعملي اللي انتي عايزاه فيهم وخدي حقك منهم بس تبقي موجودة في وسطهم وعينك تبقي عليهم يا بنتي

نور:مش هقدر ارجعي يا داده …….انا مش ضامنه انا ممكن اعمل ايه لو قابلت اي حد فيهم…….وجودي هنا احسن حل للكل 

رحمه:طيب واختك يا نور…….اختك مرميه في الشارع من كتر خوفها بعد ما بلغت عن حاتم ولما لجأت لينا اديناها ضهرنا وسبناها…….انا مش عارفه ازاي قلبي طاوعني وخلاني اطردها بالشكل دا

نور:سبيها يا داده……هي اللي اختارت طريقها من الاول ولازم تتحمل نتيجه اختيارها…….فضلت ماشيه ورا حاتم لحد ما ضيعها وضيع نفسه…….خليهم يتحملوا نتايج اللي عملوه

رحمه:من امتي وانتي قلبك قاسي كده يا نور…….انا عمري ما شوفتك بالقسوه دي يا بنتي

نور:من اللي شوفته من يوم موت جدو يا داده…….لقيت اقرب الناس ليا واللي المفروض كانوا يحموني ويدافعوا عني هما اللي ورا كل حاجة وحشه حصلتلي

رحمه:انا مبقتش عارفه اقولك ايه يا بنتي……ربنا يهدي الكل 

نور:المهم يا داده…….انا اتصلت بيكي علشان ابلغك ان استاذ صبري المحامي هيجي بعد شويه  علشان في كلام مهم لازم يعرفوه……عايزاكي تكوني اول واحده قاعده بينهم وتركزي في كل كلمه يقولها يا داده ……..اهم حد لازم يحضر هو انتي يا داده

رحمه:اشمعني انا يا نور……هو في حاجه ولا ايه

نور:هتفهمي لما استاذ صبري يجي يا داده…….انا لازم اقفل دلوقتي وهبقي  اكلمك بعدين…….يلا سلام 

قفلت معاها……حطيت التلفون قدامها واتنهدت……حطيت ايديها علي دماغها بتعب…….الباب خبط…….اتعدلت في قاعدتها

نور:ادخل

دخل وقفل الباب وراه……وقف قدامها وهو في ايديه ورق……حط الورق قدامها……بدا يتكلم بهدوء

حازم:ممكن حضرتك تمضي علي الورق دا

اخدت منه الورق وبدات تبص فيه……بدات تتكلم وهي باصه علي الورق

نور:ورق ايه دا

حازم:ورق تعيين الانسه اميره مروان انها تكون الوجه الاعلاني بتاع الشركه في إيطاليا

نور:ومين اميره مروان…….انا معتقدش اني سمعت عنها ولا شوفتها قبل كده

حازم:انا قعدت معاها واتفقنا انها هتكون الوجه الاعلاني لينا ……وبصراحة انا مشوفتش احسن منها في كل اللي قعدت معاهم تكون لايق علي الوظيفة دي

ابتسمت وهي ماسكه القلم في ايديها……رميت القلم علي المكتب…….مسكت الورق وقطعته……بصلها بصدمه وعصبيه

حازم:ايه اللي حضرتك عملتيه دا

نور:المفروض ان انا اللي اقرر مين اللي يتعين في انهي وظيفه ومين لا مش اي حد غيري

حازم:ايوه بس

نور:عارفه انك قعدت معاها واتكلمت معاها واختارتها……بس كل دا كان قبل ما انا اجي الشركه…….انت ساعتها كنت النائب عن رئيس مجلس الإدارة بس في وجود رئيس مجلس الادارة ترجع لشغلك الاساسي وقبل ما تاخد اي خطوه اوي تعين اي حد في وظيفه جديده ترجعلي……مش تجيلي وتخليني امضي علي ورق تعين موظيف انا معرفش اذا كانوا مؤهلين للشغل هنا ولا لا

حازم:بس افتكر ان دا من اختصاصي انا مش من اختصاص حضرتك 

نور:لا يا استاذ حازم……دا كان زمان…….لكن دلوقتي كل حاجة اتغيرت وانا اللي بقيت مسؤوله عن الشركه مش عبد الرحيم بيه الله يرحمه……وانا بقي نظامي مختلف……بعد كده لو عرفت ان في موظفين جداد اتعينوا في اي وظيفه من غير علمي رد فعل هيزعل حضرتك……افتكر كلامي واضح 

فضل باصص عليها بعصبيه وساكت 

الكل قاعد قدامه مش فاهم حاجة……بدا يتكلم بهدوء 

فايز:خير يا متر……حضرتك قولت انك عايز الكل في موضوع مهم……ايه هو الموضوع المهم دا اللي عايز تتكلم فيه معانا

رؤوف:يا ريت تتكلم بسرعه يا متر علشان انا ورايا شغل كتير لازم اعملوه……يا ريت تقول اللي عندك بسرعه

صبري :الصراحة انا جايه لحضرتكم بخصوص الانسه نور

فايز:مالها نور يا متر……حضرتك كده بتقلقنا اكتر 

صبري:مفيش قلق ولا حاجة……..كل الحكايه بس ان الانسه نور اول ما فاقت من الغيبوبه بعتتلي انا اول واحد علشان تعرفني انها هتسافر وطلبت مني اني اعمل توكيل لشخص منكم علشان يدير كل حاجة في وقت غيابها لحد ما ترجع 

فاطمه:يعني حضرتك كنت عارف ان نور فاقت وكمان كنت عارف انها مسافره…….طيب ليه مقولتش لحد فينا علي الكلام دا يا متر

كريم:مش وقته الكلام دا يا فاطمه……كمل يا متر…….مين الشخص اللي نور وثقت فيه لدرجه انها تعمله توكيل عام بكل الاملاك اللي ليها دي

طلع الورقه وبص فيها وبدا يتكلم وهو باصص في الورقه

صبري :التوكيل اللي انسه نور عملته ب اسم مدام رحمه فؤاد واللي بيه تقدر تتصرف في اي حاجه ب اسم الانسه نور من غير ما ترجعلها……

.ودا هيكون لحد ما الانسه نور تلغي التوكيل دا وترجع علي مصر 

فضلوا يبصوا لبعض ويبصولها بصدمه وهما مش مصدقين 

          الفصل السادس عشر من هنا

لقراة باقي الفصول من هنا

تعديل المقال