رواية امتلكت حلمي وانت
الفصل الخامس5
بقلم ياسمين الكيلاني
سمعت دوشه كتير بره عرفت إن فرح والشلة وصلت جهزت بسرعه وحطيت مكياچ بسيط وعملت تسريحه كده
وكنت خلاص هخرج لقيته في وشي بيبصلي بطريقه غريبه
وبعدين دخل وقفل الباب، كنت مرعوبه والله ما عملت حاجه...
_مفيش خروج...
_يعني اي مفيش خروج انت هتهزر!!
_انا مش بهزر وههزر معاكي بتاع اي؟ انتي واحده هربانه يعني لو حد شافك هنا وشبّه عليكي هتروحي في داهيه...
_ايوه بس ازاي والعيد ميلاد والفستان!!
_انا قولتلك اللي عندي متعتيبيش من باب الاوضة غير لما الناس تمشي..
_ايوه بس اســ.....
"مشي!! يعني ازاي مش هخرج هتحبس هنا كمان!.. كنت علي وشك إني اعيط لولا إني لقيت فرح والبنات داخلين بيضحكوا حاولت اخبي الموضوع ومبوظش فرحتهم"
_حورررر وحشاني جدا جدا بقالك فترة مش بتيجي الكليه انتي صح كملتي الرسالة ولا لسه!
_كملتها يا هبه ومستنية اتعين عقبالك...
_حبيبتي ألف مبروك طب اي مش هتخرجي!
_هه لا قصد انا... انا تعبانه شويه اخرجوا انتو افرحوا...
_اي يا بنتي متهزريش دا فيه شباب بره ذي الورد..
_ما تتلمي يا دعاء انتي علي طول كده...
_اسكتي يا سارة انتي مش فاهمه يا حبيبتي دي حاجه كده مبتحصلش غير في المناسبات...
"ضحكنا جدا علي كلام دعاء اصلاها طول عمرها بتحلم بظابط فيوم ما حلمها يتحقق تلاقي كبشت ظباط.."
_طب يلا يا حور انا عيد ميلادي انهارده ومش هحتفل غير بوجودك...
_ايوه يا فرح لكن....
_مفيش لكن يلا يا بنات بينا علي بره...
_ايوه بس استني اناااا....
"لقيت نفسي وقفه مبلمه وسط ناس كتير معرفهاش يا لهوي انت دخلت السجن ولا اي!!....بصيت عليه لقيته مبرق والنار هتطلع من عينيه علي وقفتي دي"
"رجعت كام خطوه لوراء من خوفي بس لقيت فرح بتشدني عشان نطفي التورته"
"بدأ العد والنور اطفي والكل حاضر وكانت لحظه امنية فرح غمضت عينيها وغمضت معاها اكنه عيد ميلادي واتمنينا سوي"
" بعد ما خلصت حضنت اخوها بحب أوي ولما سألها اتمنيتي اي قالتله:
_عروسه حلوه تشبهلك تحبها وتحبك وانا كمان احبها وتعيشوا معايا طول العمر...
"معرفش ليه ساعتها قلبي دق جامد وفي نفس الوقت دمعتي نزلت لما شوفته بيحضنها وبيطبطب عليها اتمنيت لو كان ليا حد يحبني كده.. لو كان ليا اخ ذيه..
"مسحت دمعتي بسرعه لما لقيت فرح بتقرب مني وبتحضني جامد معرفتش ساعتها امسك دموعي وعيطت جامد عشان مش عايزة اسيبها... انا حبيت الدفء اللي هنا"
"بعديها وزعنا التورتة علي اللي قعدين انا وفرح وجيت عنده ووقفت.. قلبي بيدق تاني!
ادتلة الطبق بهدوء من غير نَفس، حتي هو كان ساكت متكلمش معايا نص كلمة"
_اي يا جميل سرحان في اي؟
_هه مفيش يا فرح بس مبسوطة اوى انهارده..
_عايزة اقولك هتنبسطي اكتر بصي علي دعاء كده...
"بصيت عليها لقيتها واقفه سرحانه في شاب من اللي واقفين مستحملتش وقعدت اضحك انا وفرح وسارة عليها جدا بس سكت بسرعه لما لقيته بص علينا بشر والبركان هيطلع من عينيه لو عليه كان قتلنا"
_بت يا حور اي رأيك في الشاب اللي منزلش عينه من عليكي دا...؟
_بس يا بت اتلمي
_طب والله الواد عينيه هتطلع عليكي يبختك الواد حليوه اوي..
_خلهولك
_شوفتي يا ست فرح صحبتك طب اقنعيها انتي دا ظابط...
_يا دعاء يا حبيبتي حور مش ذيك...
_قصدك اي بقا هه قصدك إني....
"لقيتها فجأة سكتت ومتنحه في حد بصيت لقيت شاب طول بعرض واقف وراء فرح وبيبتسم .."
_اي دا مش معقول ياسر باشا عندنا هنا..
_ازيك يا فرح عامله اي؟
_انا تمام يا برنس المهم انت اي اخبارك لسه سليم بيرخم عليك في الشغل...
_خلاص بقا متفكرنيش انتي واخوكي دا مستحملينوا ازاي مش فاهم... احم مش هتعرفينا...
_اه سورري دي سارة ودي دعاء ودي حور صديقة الطفولة والجامعة وكل حاجه كده...
_ازيك يا انسة حور اتشرفنا فرح مش بتتعلق بحد كده غير لما يكون انسان جميل ذيك...
_الشرف ليا هي فرح بس بتبالغ مش أكتر...
_فرح محتاجك لحظة عن اذنكم...
...................................
_انت بتقول اي مستحيل انت اتجننت..!
_انا عرفت كل حاجه يا سليم وانا راضي ب دا والبنت مفيش اي حاجه تعيبها بالعكس دي دكتورة وهربت عشان مجبرة علي جوازه مش عايزاها وانا حسيتها محتاجالي اكتر منك انت ليك اختك وشغلك ومش فاضي لمشاكل تاني وانا هحميها ومش هخلي حد يقرب منها....
_ياسر لو سمحت اقفل علي الموضوع دا عشان مخسركش..
_انا مش فاهم انت معترض علي اي وانت مش طايقها وطول الوقت بتعايرها ب دا...
_هي قالتلك كده!!!!.... تمام
......................................
_شوفتي قولتلك عينه هتطلع عليكي
_دعاء لو سمحت مش عايزة كلام تاني في الموضوع دا فاهمه...
" دخلت البلكونة وانا بحاول انسي كل الكلام اللي دعاء بتلمح لي، انا مش محتاجه اتجوز ولا محتاجه اي حاجه غير إني اعيش مرتاحة ومبسوطة و.. "
" قطع تفكيري لما لقيته مسك دراعي جامد وانا مش فاهمه حاجه واي اللي بيحصل "
_اي دا سيب ايدي انت اتجننت...
_اسمعيني كويس انا استحملتك كتير.. عنادك وعصبيتك وعدم سمعك الكلام وكل دا وعديته لكن حوار إني غصبك تقعدي والهبل اللي عملتيه مش هيدخل عليا انتي فاهمه"
_سليم انت بتقول اي انا مش فاهمه حاجه...
_اولا: لما تيجي تكلميني تقوليلي يا حضرت الظابط متنسيش حدودك؛ ثانياً: ضحكك وهزارك وتلميحاتك دي مش هتخيب عليا انا عارف صحبي كويس
وفاهم حركات البنات اللي ذيك بتبقي عايزة توقع اي شاب والسلام عشان تبقي حره لكن قذرتك دي مش هنا ترجعي مطرح ما جيتي ويطلبك من اخوكي لكن انا لا فاهمه ...
"مكنش فيه اي فرصة اقول اي حاجه غير إني أبكى من الكلام دا، غير اني انكسر تاني وارجع واندم تاني بس معرفش ليه كان وجع قلبي اكبر من اي وجع شوفته في حياتي يمكن عشان أول مره احس اني شخص مش مقبول!
_دموعك مش هتخيب عليا المره دي انتي فاهمه ياريت تمشي من سُكات ومش عايز فرح يتنكد عليها كفاية اللي هي فيه...
"مسحت دموعي بضعف ورديت بكل تعب وانكسار:
انا اسفه علي كل حاجه حصلت مني انا فعلاً عملتلكم مشاكل كتير اوعدك اني من اول النهار مش هتشوف وشي ولا فرح هتحس بحاجه ومش هنسي حدودي تاني يا حضرت الظابط عن اذنك احضر شنطتي... "
"دخلت اوضتي بهدوء عشان فرح متحسش بحاجه لكن كان جوايا تعب جدا، تعب لدرجة إني مش قادرة اعيط ولا قدرة اشتكي! احساس صعب لما بتلاقي كل شيء وياك وفجأة كل شيء يضيع منك وغصب عنك! "
........................................
_سليم!
_تعالي يا فرح...
_اي مصحيكي لحد دلوقتي؟
_أبداً مش جيلي نوم وانتي اي مسهرك؟
_كنت حبه افتحك في موضوع كده اخد رأيك...
_موضوع اي؟
_ياسر طل...
_عرفت.....
_وانت اي رأيك؟
_وانا اي داخلي هو انا اللي هتجوز ولا هي؟
_ايوه يا سليم بس هي ملهاش حد غيرنا وبعدين دي صحبتي
وبصراحة كده هي مش مايله للموضوع وانا مش عارفه اقول ل ياسر اي غير....
_مش مايله ازاي؟
_مهو هي مكنتش متقبله دا لما دعاء فتحتها في الموضوع ودخلت وسبيتنا من غير ولا كلمه حتى لما ياسر جي وكلمها مكنتش قبله دا ولما فتحت معاها الموضوع قالتلي انها مش هتتجوز ولا ياسر ولا غيره هي بس حبه انها تفضل معانا، هي بتحس بالدفء وسطينا غير إنك بتعوضها عن اخوها وانا بعوضها عن اللي شافته...
_فرح ممكن تخشي تنامي دلوقتي عشان محتاج اقعد مع نفسي شويه...
_انت كويس يا سليم في حاجه؟...
_مفيش يا فرح خشي انتي يلا تصبحي علي خير...
_وانت من اهله يا سليم...
" مكنتش عارف اعمل اي غير انها بعد ما مشيت علي طول قعدت اكسر في كل حاجه قدامي انا ليه كده؟ ليه عملت كده لييييييه... "
.........................................
"لميت حاجتي وبوست فرح بهدوء قبل ما امشي كنت ببص للبيت وبدقق اوي في تفاصيله منين مشيت من بيتي بإرادتي ومنين مش عايزة اسيب بيت غريب عليا واللى فيه مش عايزني؟ مسحت دموعي بتعب وكنت علي وشك إني امشي لحد ما...
_سليم مالك...
"اتنفضت اوي لما لقيته وقع فجأة وجسمه مش شايلة وهدومه
غرقانه مياه وبيتنفض بشكل مش طبيعي"....