قال هارون وهو يخلع نظارته الطبية: انا عاوز اجيلكم زيارة في البيت بعد اذنك طبعا ياام. هنا
ام. هنا: انت تشرفنا يابني اتفضل قي اي وقت
هارون نظر لهنا وقال: يناسبكم بكرة بعد المغرب
ام هنا: كويس اوي
هنا بعدم فهم: دة بيتك يادكتور
ابتسم لبراءتها وقال: انا هبعت معاكم المساعد يوصلكم للبيت
ام هنا: مش عاوزين نتعبك
ياامي مفيش تعب دة اقل واجب
اما مصطفى فهو سهران. كعادته في احدى الملاهي الليلية جالسا عند البار يشرب الخمر كعادته فاقتربت منه امرأة فاتنة جدا وقالت بدلال: بقولك ممكن توصلني بطريقك
لم ينظر اليها وقال: طريقي صعب
ضحكت بخلاعة: اقدر عليه
نظر اليها بلامبالاة وقال: متأكدة
خطفت من يده السيجارة وقالت: جرب وشوف
اسمك إيه
: دلال
انتي ريكلام
: لا طبعاً
امال انتي إيه
: زهقانه ووحيدة
انتي تعرفيني
بقلم مرفت السيد
: مفيش حد ميعرفكش
حظك حلو تعالي انا كمان زهقان
وذهبا سويا لمنزله وبالصباح استيقظ لم يجدها لم يعر الامر اهتماما وذهب لعمله
كان. عنده اجتماع مع اصحاب شركة تانيه لعقد صفقة مهمة وبمجرد دخوله قاعة الاجتماعات وجدها هي نفس المرأة دلال من سهرة البارحة امامه
نظر اليها وتماسك متجاهلا اياها وهي نظرت اليه وتظاهرت بعدم معرفته حين قدمهما احدى المديرين لبعضهما
مدام دلال يافندم صاحبة الشركة والمدير العام
مهندس مصطفى صاحب الشركة والمدير العام
تصافحا بأدب وبابتسامة ورائها الكثير
كانت هنا حاضرة بالاجتماع وكان مصطفى يعير كلامها وارائها اهتماما ملحوظا حتى اغتاظت دلال ولكنها لم تعلق وتمت الصفقة على خير
واثناء انشغال الموظفين قالت دلال لمصطفى: على فكرة انا شفتك قبل كدة
ضحك بصوت عالي وقال: لا محصليش الشرف الا لو بتروحي تسهري بكلوب نايت ومعتقدش يعني بيزنس وومن زيك وصاحبة شركة مقاولات هاتعمل كدة
ابتسمت بغيظ واستعادت رباطة جأشها وقالت: اه طبعا
بس على فكرة احنا هنتقابل كتير وهنسهر سوا ودة يسعدني
مصطفى همس لها: لما تحبي تلعبي بلاش معايا عاوزة نكرر ليلة امبارح تعالي دوغري وكلميني وقوليلي عاوزاك بغض النظر عن. مخططك انك عارفة اني صاحب شركة الهندسة الي هاتشتغلي معاها ومقولتيش بس ولايشغلني في شغلي مبخسرش ولا بخلط الامور
وغمزلها وانصرف عائدا لمكتبه وهي انصرفت مع موظفينها وهي بقرارة نفسها تتوعده
وفي المساء حضى هارون محملا بورد وشيكولاتة وخاتم الماظ مصطحبا عمه مجدي وابن عمه مازن الي بيت هنا بعدما فاتحهم رغبته بالارتباط بهنا ولان. عمه رجل محترم وطيب ويحب هارون ويرى انه رجل ملتزم ويحبه كابنه عكس مصطفى فهو يقاطعه لاعتراضه على اسلوب حياته
ام. هنا طلبت من شقيقها ومنعم هنا الحضور فلايصح ام تقابلهم هي وهنا بمفردهم
وحضرا فقط حتى لايقال ان العم والخال تخليا عن نسائهما واقاربهما
هنا رتبت المنزل واستقبلت عمها وخالها بكل فتور فهي تحترم رغبة امها ولكن هي لاتحترم اقاربها فهم تخلو عن امها وعنها
بعد. قليل اتي هارون وعمه وابن عمه
استقبلهم الخال والعم بترحاب وام. هنا ايضا طلبت من هنا اعداد المشروبات
تبادل الجميع التحية وتعارفو بكل ادب
قدمت هنا المشروبات وجلست بجوار امها
قال عم هارون: يشرفنا ان ابننا هارون يتقدم لطلب يد بنتكم هنا
هنا بحالة ذهول قالت وهي تغادر بخجل: عن اذنكم
وبعد قليل تحدث الجميع عن اخذ موافقتها
ذهبت امها اليها. وقالتلها: رايك ايه ياحبيبتي
هنا: مخضوضة مش عارفة
الام: ابن حلال وجد ووسيم وعنيه كلها حب ليكي وشاريكي ودخل البيت من بابه
هنا: الي تشوفيه
على بركة الله
ذهبت الام لابلاغهم
ابتسم هارون بفرح
قال الخال: بنت اختي يتيمة وانت عارف لان ابوها كان بيشتغل مع ابوك الله يرحمه
بس دة ميمنعش ان الي علينا هانجيبه
رد. هارون: بعد اءن حضراتكم جميعا
انا عاوز هنا وبس مش عاوز منها اي حاجة وكل الي تطلبوه انا نوافق عليه شبكة ومهر ومؤهر الي تحددوه
ابتسم العم والخال والام قالت: ربنا يكرمك ياحبيبي
قال عم هنا: وانت ناوي على الشبكه امتى
هارون: اخر الشهر شبكة وكتب الكتاب ودخلة انا جاهز هاتنزل معايا هنا والحاجة يختارو العفش بس
واخرج خاتم الماظ وقال: ودة هدية مني لهنا
قال الخال: اندهو هنا عشان نقرا الفاتحة
عم. هارون: تعالي ياعروسة ولامكسوفة
اتت هنا على استحياء قال عم. هارون: زي القمر الله أكبر
مازن: الفاتحة ياجماعة
الام: اقعدي جنب عريسك
بعد قراءةالفاتحة قال العم:خلي عريسك يلبسك الخاتم
زغرطت الام بسعادة شعر الخال والعم بغيرة ولكن سعادتهما اكبر انهما لن يضطرا لمساعدة الام بالجهاز
ابتسم. هارون وقال: مبروك ياهنا
هنا بخجل: الله يبارك فيك
قال عم. هارون: ممكن بقى نستاذنكم العرسان يخرجو يتعشو سوا
الخال: مفيش مانع طبعا بس بلا سبب تأخير
العم احنا عائلة محافظة وعارفين تربية هنا كويس وواثقين فيها وفيك انا اعرف ابوك الله يرحمه بس بعد. كدة مفيش نزول لوحدكم ام. هنا تبقى معاكم واهي كلها شهر وتبقى مراتك
عم. هارون: الله يفتح عليك واحنا نخاف عليها زيكم وهارون مبيحبش التنطيط ومش طايش زي الشباب
الام بسعادة: ربنا يتمم على خير يارب
قامت هنا وارتدت افضل ملابسها وتزينت بالقليل من المكياج وخرجت بصحبة هارون وسط مباركة الجيران المذهولين
وانصرف الجميع بنفس التوقيت عم. هارون وابنه بسيارتهما الخاصة
والعم والخال ايضا كلا بطريقه
انطلق هارون بسيارته مصطحبا هنا
اما ام. هنا فتوافد الجيران مستفسرين بكل فضول وسعدوا كثيرا كعادة المناطق الشعبية جاملو الام بالزغاريد والفرح
اما هارون فاصطحب هنا لاحدى المطاعم الراقية وهو يشعر بسعادة غامرة
وبعدما جلسا بترابيزة هادئة وطلبا عصير
قال لها: انا عارف انك اتفاجئتي بس صدقيني حبيت ادخل البيت ونتعرف بصورة رسمية بس انا حابب نتكلم برضه وتقوليلي احساسك
هنا قالت: اتفاجئت طبعا من الي حصل بس احترمت طريقتك انا قديمة شوية وشايفة ان الصح التعارف بالخطوبة
احساسي بقى انا خايفة ومش واخدة عليك نش عارفة اتصرف ازاي
: خليكي بطبيعتك انا عاوزك اي حاجة في بالك تقوليلي عليها
اتفقنا ياهنا
اتفقنا ياهارون
: تحبي تطلبي إيه
وبعد الاكل اصر هارون على طلب طعام تيك اواي لام هنا
وتوقف بالطريق امام سنتر ملابس وطلب من هنا انتظاره واكسسوارات ومكياج واشار لهم على هنا واشترى بعض الاشياء
وانصرف وهو يحمل حقيبة كبيرة
اوصل هنا الي المنزل وصعد. معها واطمئن على الام واستأذن منصرفا وقبل انصرافه قال لهنا اعطاها الحقيبة قائلا يارب ذوقي يعجبك
وعاوزك تخلي بالك من نفسك خصوصا مع مصطفى ولو حصل حاجه كلميني
:كلفت نفسك شكرآ بس فهمني
ماله مصطفى مش فاهمه
ماتزعلنيش انتي مسئولة مني مفيش حاجة كل الحكاية اني بخاف عليكي
تصبحي علي خير 🙂
: وانت من اهله
وبالصباح ذهبت هنا لعملها ولمحت زميلة هنا الخاتم وسالتها فاخبرتها هنا بخطبتها
فقالت الزميلة بصوت عالي باركو لهنا ياجماعة اتخطبت
دخل مصطفى الشركة فعاد الجميع لمكاتبهم بخوفط
لاحظ هو حركة الموظفين غير المألوفة بالنسبة له
وقبل ان يسأل السكرتيرة اخبرته بخطبة هنا
فقام مصطفى و............