رواية مع وقف التنفيذ الجزء الثاني2 الفصل الخامس عشر15الاخير بقلم نجمة براقة
ذهبت "شهد" لمحل التصليح قبل معادها بساعتين، ولم تجده فتح بعد" لتنتظره ساعه، ولم يأتي بعد، ثم قررت ان تعود للإطمئنان على "سمر" و تعود إليه في معادها وعند وصولها تجد عمر أتي من فوق ليوقفها
عمر= جبتيه؟!
شهد= لقيته قافل
عمر= طيب ممكن يااااشهد تترزعي في بيتكم متفتحيش لحد النهارده، ممكن؟!
شهد= وانت مالك انت؟!
عمر= انتي حره
( قالها وذهب وهو يضع الهاتف على أُذنه بدون ان يتحدث الى أحد به، ثم يتجه مباشرة لمحل التصليح وعلي بعد مسافه يدير رأسه ليرا هيثم يتقدم نحو العماره، ليُكمل طريقة وهو مازال يضع هاتفه علي أذنه، ويسرع خطواته حتي وصل اليه ليجده فتح)
عمر = صباح الخير
الرجل = صباح النور
عمر = ايه الاخبار
الرجل= استناني عشر دقايق
عمر = ماشي
( وقف في انتظاره وهو يضع هاتفه على اذنه)
« منزل عمر»
(يطرق الباب لتفتح له)
هيثم وهو يقترب منها = وحشتيني
عنود = لا ياحبيبي النهارده بح، احنا النهارده هنشوف ست شهد عندها ايه
هيثم = حضن طاااايب الله
عنود = هييثم اسكوت خلينا نخلص قبل ما "عمر" يجي
هيثم= طيب ما تروحي تندهيها انتي عشان ممكن تصرخ وتفضحنا
عنود تضغط على اسنانها بغيظ = اتصرف
هيثم = طيب ما تيجي الاول، انتي وحشاني
عنود = لما نخلص هنتزفت
هيثم ينظر لبطنها= حبيب ابوك انت وحشني ياض، امتي بقا تيجي
عنود تضربه في كتفه= انت هتاخد الفلوس وتختفي، اقسملك يا هيثم بعد ما توصلك الفلوس ما اسمع حسك تاني لا اتويك
هيثم = امتي طيب هستنا كتير؟!
عنود= هتصرف بس خلصني روح هات البت
هيثم= طيب ربنا يستر
ـــــــــــــــــــــــــــــــــــــــــــــــــــ
يضع الهاتف على اذنه لتدمع عينيه ويضم قبضته ويرخيها وهو يشعر ان قلبه سينفجر ليتذكر شهد ثم يدور حول نفسه بتوتر
عمر بقلق= بسرعه لو سمحت
الرجل يأتي بعد دقيقه = اتفضل الصوت واللمس وكل حآجه تمام
خطفه منه ثم ذهب بعيدآ عنه وفتحه بيد متردده ثم يسرع ويدخل على الاستديو، ويفتح آخر فيديو ويشاهده بترقب وعيون متسعه ليراهم مع بعضهما في وضع مخل، ليختل توازنه ولا تحمله قدمه ف يجلس وهو يشاهد ويسمع ما يحدث ليعود بهاتفه علي أذنه ثم يتذكر شهد، لينهض ويركض بسرعه
« طرق الباب لتفتح له، ثم تضع يديها في وسطها، لينظر حوله ولا يجد أحد ثم يُمسكها لتصرخ صرخه واحده، ويسرع بوضع يده على فمها، ثم يحملها وهي تحرك قدميها بسرعه وتأن حتى وصل منزل عمر وتفتح له "عنود" ليدخل بسرعه ويتجه بها للغرفه لتأتي بحبل ويقيدوها.. وعند سمر تقاوم ما هي فيه عندما سمعت صرختها، لتنهض بصعوبه وتنزع عنها المحاليل وتستند على الحائط حتي وصلت للخارج لتنظر هنا وهناك وتنادي بصوت يخرج بصعوبه ولا يسمعه أحد وهي تموج برأسها
« عند عنود»
شهد تبكي وهي مقيده وهيثم يضع المطوه علي رقبتها، لتجلس عنود جانبها
عنود= من اول يوم شوفتك فيه وانتي كرهاني وعاوزه تخربي بيتي... ليه كل ده؟!
شهد تبكي بخوف= انا معملتش حآجه( قالتها وهي تنظر الي المطوه الموضوعه علي رقبتها، لتمسك عنود فكها بعنف وتدير رأسها إليها)
عنود= انتي عارفه، انك ممكن متمشيش من هنا عايشه، عارفه ولا لأ ؟!
شهد بخوف= عارفه عارفه
هيثم= طيب قولي ايه اللي تعرفيه؟!
شهد تاوم نافيآ= مممعرفش حآجه انا قولت كده وخلاص( تبكي) معرفش ونبي سيبوني
عنود= الكدب غلط، عمو هيثم ممكن يموتك، اتكلمي
يقرب المطوه من وجهها= هتتكلمي ولا تموتي
شهد ببكاء= هتكلم.... التابلت، ياسين، ياسين صوركم
عنود بصدمه= التابلت.... احنا ازاي مخدناش بالنا ( تمسك فكها بعنف) فين التابلت؟!
شهد ببكاء= عند التصليح
عنود= مين وداه؟! ومين يعرف غيرك؟!
شهد = انا وعمر وسمر، وعمر راح جيبه
عنود تنهض بصدمه= يانهار اسود.. يانهار أسود
هيثم = هنخلص عليه
عنود = ااااخرس اخرس، الله يخربيتك اخرس.....( تلهث بسرعة) هنعمل ايه؟!
هيثم= ملهاش حل تاني لأما هو يموت لأما انتي
عنود= خلص، اتصرف معاها انا همشي
هيثم= نعم ياروح امك
*********
اتا عمر يركض لداخل العمارة وسمر تستند على درابزين السلم ليصتدم بها وكادت ان تقع ليحيطها بذراعه
عمر= شهد فين ( قالها وهو يلهث)
سمر بدوخه= صرخت ( قالتها ليريحها علي الارض ويعطيها التابلت، ويركض للأعلي ويحاول فتح الباب بالمفتاح ولكن هناك مفتاح بداخل ليضرب الباب بقدمه بكل قوته عدت مرات لتأتي سمر تستند على الحائط، بعد ان وضعت التابلت داخل منزلها ، وهيثم خلف ينتظره يفتح والمطوه بيده، وعنود تخرج من الغرفة لتنظر حولها بهلع وهي تضع يدها على فمها،.. وشهد مقيده بالسرير تصرخ وفي تلك اللحظة يُفتح الباب ويدخل عمر ليراها امامه تتراجع للخلف، ثم يتقدم نحوها ويمسكها من شعرها ويحاول ضرب رأسها بالحائط لتتسع عينيه ويفتح فمه بسبب طعنة "هيثم" له في ظهره" وسمر تراه لتقع مغشي عليها" وعنود تنظر إليه بصدمه وهي تراه يقع امامها، ويريد هيثم ان يطعنه مره أخرى لتمسك يده
عنود بصدمه= لا لا بلاش
هيثم بغيظ= وسعي هخلص عليه، وانتي هاتي اللي وقعت دي
عنود بجسد يرتجف= لا مش هيموت ( دفع يدها بغيظ ليبعدها ولكن تأتي بعنقها وينحرها، لتتسع عينيها والدم يخرج منها بغزاره.. وفي تلك اللحظة يدخل سعد وتوفيق ليجدو سمر أمام المنزل فاقده وعيها، وعمر مطعون وملقي على الأرض، وعنود الدم يخرج من رقبتها لتهبط وتقع بجانبه وشهد تصرخ بالداخل، وفي لحظة كان الناس قد ملؤ امام منزل عمر، وداخله، ليتقدم سعد نحو هيثم الذي يصوبه نحوه المطوه وتوفيق يركض نحو عمر ويحمل رأسه على ذراعه ويبكي)
توفيق= عمر.. قوم ياحبيبي... الحق اخوك يا سعد
سعد يتقدم نحو هيثم بحذر = سيب دي
هيثم= لو قربتلي هرقدك جمبهم
سعد= هاات
يشوح بها = خليك مكانك ياض ( قالها ليمد يده محاول ضربه ليسرع سعد بمسك يده ثم شده ليلف ذراعه حول عنقه ثم يأخذ منه المطوه، ويرميها ليديره له اليه ويضربه برأسه في وجهه مرتين حتي وقع ليسرع الناس بمسكه وتكتيفه، وسعد يلاحظ وجود شهد بداخل وهي تبكي، ليتجاهل و يحمل عمر على كتفه ويسرع به لخارج العمارة، و وضعه بالسيارة ونقله للمستشفي هو و توفيق،... واحدى اهل المنطقه يفك شهد لتركض للخارج وتخطي من علي عنود ثم تنظر إليها وتصرخ، لتمسك بها روحيه وتضمها، ثم تأخذها وتذهب بها إلى منزلها وبعد وقت تهدء قليلآ لتركض نحو غرفة سمر لتجدها تغمض عينيها ف ترتمي علي صدرها حتى استعادت وعيها واخذت تنظر حولها
سمر بصوت خافت= عمر
شهد ترفع رأسها وتنظر لها وهي تبكي= سمر.. سمر انتي فوقتي
سمر= عمر فين؟!
شهد ببكاء= شكلهم خدوه على المستشفى
سمر= اشوفه ( قالتها وحاولت النهوض لتقع مره اخرى)
شهد ببكاء= لما تخفي هنروحله
سمر بصعوبه= اتضرب قدامي،... عمر مات؟!( تدمع عينيها) عمر مات قوليلي؟!
شهد ببكاء= معرفش بس أكيد هو كويس شوفت واحد شاله ومشي بيه
سمر= اروحله ( تبكي) ساعديني
شهد= طيب لما تشدي نفسك هنروحلو والله بس اهدي
روحيه= مالها
شهد= مفيش
روحيه= عاوزة تروحله ليه بعد الفضايح اللي حصلت... ربنا يسترنا
سمر تنهض= وديني ليه يا روحيه عشان خاطري
روحيه= ياحبيبتي انتي تعبانه الناس تقول إيه
سمر بانفعال= تقول راحت تزور جوزها مليش دعوه بحد
روحيه= جوزها؟! يافضيحتي
شهد= ماشي يا سمر هنروح.. دقيقه واحده( قالتها واتجهت لدرج سريعآ، احضرت قسيمة زواجها من عمر، وركضت لصاله أمسكت بالتابلت و وضعتهم في حقيبة،)
ـــــــــــــــــــــــــــــــــــــــــــــــــــ
« منزل حسام»
ايمان= رايحه يا حسام
حسام= متتأخريش
ايمان= نص ساعه وهرجع
حسام= ماشي روحي
«بمحل عادل»
عادل= ادخلي
ايمان= مش فاضيه خد اهم بس يارب بعد ده كله تطلع ماتت والا والله اطلعهم من عينك
عادل= ماااتت
ايمان= انت روحت تاني هناك
عادل= لا طبعا وانا اهبل تلاقي البوليس بيراقب
ايمان= طيب خد
(يمسكهم منها ثم يشد يدها لداخل ويغلق الباب)
ايمان= مش وقته حسام في البيت
عادل وهو يقبلها= انسيلي حسام
ايمان= اممم طيب
( بدؤ بفعل ما يفعلوه ليُفتح عليهم الباب ف ينهض حسام بسرعه وينظرو اثنتيهم بصدمه لحسام الذي يقف ومعه مسدس)
ايمان بصدمه= ح حسام
عادل= استنا هفهمك
( قالها ليضربه برصاصه في صدره ف يقع على الأرض ويموت فوراً، لتنظر إليه بهلع وتصرخ ليقترب منها حسام ويمسك شعرها بعنف)
حسام= مكنتيش شيفاني راجل ومش مالي عينك
( قالها وهو يصوب المسدس على بطنها، ثم اطلق رصا*صه اختر*قت احشا*ئها، لتفتح فمها وعينيها لأخرهم وتنظر إليه)
حسام= وقعتي بيني وبين اختي ( قالها ثم اطلق رصاصه اخرى) شوهتي سمعتها وطلعتيها بتتصور لشباب( قالها ليضرب ثالث رصاصه وهو يضم فمه بغيظ وغل) جبتيه في فررررشتي اللي بنام عليها( قالها بغيظ ف اطلق الرابعه لتهبط قدميها ثم يتركها تقع ليميل عليها ويصوب المسدس على صدرها) ودي عشان دموع ابويا ( قالها ثم اطلق اخر رصا*صه في قلبها، ليعتدل وينظر إليها ويتنفس براحة، ثم يخرج هاتفه ويصورهم، ثم ينشرها، ويبعثهم لنانسي وبعد لحظات تتصل به)
نانسى بصوت اقرب لصراخ= عملت ايه يا حسام
حسام= تقدري ترجعي البيت دلوقتي
نانسى ببكاء= حرام عليك بابا ممكن يروح فيها
حسام= كلها كام سنه وهخرج من السجن ونتلم زي الاول ياختي
( قالها واغلق الخط ليخرج ويرا الناس امام المحل ينظرو لجثثهم)
حسام= انا قتلتهم، دي مراتي وعشيقها على فكره( قالها ليضحك بصوت عالي ويتابع) مسكت المسدس وطاااخ طاااخ هههههههههههه ااااه... هااا مين هيطلب البوليس بقا هههههههههه
ـــــــــــــــــــــــــــــــــــــــــــــــــــ
جلست محلها تبكي حتي دارت رأسها وغفت، لتستيقظ على رنة هاتفها برقم غير مسجل
نانسى= مين
مازن= مازن
نانسى= كنت هتصل بس مش عارفه رقمك
مازن= خير
نانسى= حسام قتلهم، وانا عايزة امشي تعاله خد مفتاح الشقه
مازن بصدمه = قتلهم
نانسى تبكي= وبعتلي صورتهم وهما مقتولين... اعصابي باظت بجد
مازن= اها، طيب هجيلك اخد المفتاح....ولا منفعش انا
نانسى= اي حد
مازن= اها طيب جايلك علي طول
( اغلقت معه الخط، لتقف في المنتصف تتطلع للمنزل، ثم تتجه لغرفة ضياء وتمسك دفتر وقلم، وتكتب له رسالة، وبعد الانتهاء تذهب لصورته المعلقه وتصورها بالهاتف عدة صور ثم تجلس وتنتظر حتى وصل مازن )
مازن= جيت
نانسى= كويس( تجمع حروفها ثم تتابع) مازن انا مش موافقه
مازن= علي ايه
نانسى= على جوازنا
مازن يأوم ايجابآ= اهاا، اوكى
نانسى= مش زعلانه
مازن= زعلان جداً بس كنت هزعل اكتر لو كملتي معايا ( يتابع) ملقتيش غير ضياء تحبيه....يونس مكنش كويس ويتحب؟!
نانسى= بتقول إيه؟!
مازن= متخبيش، انا مش غبي علشان مفهمش... بس نفسي افهم محبتنيش ليه.... فيه ايه يميزه عني
نانسى تدمع= انتو الاتنين كويسين، بس انا لقيت نفسي بحبه، مش بيدي
مازن= وهو يعرف
نانسى= لا ولا هيعرف، انا مستاهلش افرق بينكم
مازن بخيبه= لا كتر خيرك
نانسى= والله ما قدرت احبك، انت انسان كويس وساعدتني ومش ممكن انسا اللى عملته، بس انا مش مسؤله عن قلبي
مازن= عادي يا نانسى، مش زعلان، بالعكس انا عندي متحبنيش وتقولي احسن ما تكملي وانتي بتفكري في صاحبي
نانسى بدموع= انت كويس والله ومليون واحده تتمناك... بس عشان خاطري متخليش حآجه تبعدكم انتو حلوين مع بعض،
مازن= من غير ما تقولي، انا جاي دلوقتي علشان اقولك مش هكمل، بس انتي سبقتيني،... انا اخترته ولما اشوف هو هيختارني ولا لأ
نانسى= هو اختارك من اول ما عرفني... من وقتها وهو مش طايق يكلمني، علشان انت تكون مرتاح
مازن= وانتي مش زعلانه
نانسى= بالعكس، انا كده مرتاحه، بس بردو زعلانه اني مقدرتش احبك رغم اللي عملته عشاني وانتظارك ليه ( تدمع) انا مستاهلش يا مازن
مازن= ساهله... ولا يهمك، وهنفضل صحاب وزمايل بردو
نانسى تبتسم= اكيد.... يلا انا همشي، لازم الحق بابا
مازن= هوصلك
نانسى= ماشي
ـــــــــــــــــــــــــــــــــــــــــــــــــــ
« في المستشفي»
دخلت المستشفي وهي تستند على روحيه وشهد، حتى وصلو الي سعد وتوفيق وفاطمه ولبني الواقفون امام باب الغرفة، ليجدوها وجهها شاحب من التعب ودموعها على وجهها،
سمر= عمر فين
سعد= مين انتي
سمر بدموع = جارته... هو فين
سعد= في العمليات،( يتطلع لروحيه) ريحيها
سمر بدموع= لا لا
لبني= هي مالها؟!
روحيه= تعبانه وشافت اللي حصل ف تعبت اكتر
فاطمه تنظر لها وهي تبكي= تعالي حبيبتي ارتاحي كتر خيرك تعبتي وجيتي
تنظر لها وتبكي= المهم اطمن عليه... طمنوني بالله عليكم
شهد تشد علي يدها= مش كده يا سمر
( قالتها لتترك يدها وتجلس بجانب الحائط وتستند عليها
والجميع ينظرو لها بأستغراب)
سعد = انتي اللي كنتي مربوطه في الاوضه انا شوفتك
شهد = انا
سعد= اسمك ايه؟!
شهد= شهد
فاطمة ببكاء= ايه اللي حصل، ليه ضربوه وليه عنود اد*بحت
شهد بغيظ= كانت بتخون عمر مع اللي د*بحها
(الكل ينظر لها بصدمه)
توفيق= انتي بتقولي ايه؟!
شهد تعطيهم التابلت = شوفو بنفسكم.. اول فيديو
(سعد يأخذ منها التابلت ويفتحه لينظرو اليه جميعآ وعندما يبدء يغلقه سريعآ، لتبتعد لبني بحرج، وفاطمه تضرب على وجهها وتوفيق ينظر لسعد)
فاطمه ببكاء= يادي الفضايح
شهد = وقتلو اخويا الصغير،... هو صور الفيديو ده قبل ما يموت بدقيقة... وماما ماتت معاه في نفس الساعه بسببهم
سعد= الله يرحمهم، احنا متأسفين بجد علي اللي حصل
فاطمه ببكاء= ياما حظرناه منها هو مصدقش
سعد= مش وقته دلوقتي
شهد= يستاهل اللي جراله
سعد= يا انسه هو دلوقتي في العمليات يخف ونشوف ايه مزعلك... انتي عندك كام سنه
شهد= 14 و8 شهور و20 يوم
سعد= وكام دقيقه...... واضح انك ذكية
شهد= انت اخوه؟!
سعد= اه
شهد تشير لسمر = ودي مراته اللي طلقها بعد جوازه منها بثواني اخوك استندل معاها وكسرها ومتكلمتش غير دلوقتي
الكل= مرااته
شهد تعطيه القسيمه= اهي القسيمه بس لسه مطلقهاش رسمي، لو عاش خلوه يطلقها... احنا مش عاوزينه
فاطمه تجلس بجانب سمر= انتي اسمك ايه
(تميل براسها ولا تتحدث)
شهد= اسمها سمر
فاطمه تنهض وتمسك يد شهد = تعالي احكيلي اللي حصل
شهد= ماشي
( ظلت تتحدث بكل ما حدث معهم من وقت قدومه لتلك اللحظة والجميع يستمع إليها حتى انتهت)
فاطمة ببكاء= الله يسامحك ويطمني عليك يا عمر... ياما نبهت عليه... كان مالها دي لو اتجوزها في الاول
سعد= الغلط مننا احنا، محدش فينا اهتم بيه ( يختنق صوته) لو حصله حآجه انا مش هسامح نفسى
توفيق= ربنا يجيب العواقب سليمة، هيقوم ان شاءلله
سعد باختناق= جالي نوم ازاي وانا شايفه بالحاله دي، ليه استنيت لصبح
توفيق= متلومش نفسك، انت عملت اللي عليك وزياده لغيت ما عرفت عنوانه
سعد= بعد ايه( قالها ليخرج الطبيب من الغرفه، ليجتمعو جميعهم حوله)
توفيق= طمنا يا دكتور
الدكتور= احنا عملنا اللي علينا والباقي على ربنا
سعد= يعني ايه يا دكتور
الدكتور= يعني ربنا كبير، ان شاءلله يشفيه عن اذنكم
(فاطمه تبكي لتحتضنها لبني وتبكي معاها وسمر تظل على نفس الحاله لتجلس جانبها شهد وتضمها )
« بعد اسبوع»
ـــــــــــــــــــــــــــــــــــــــــــــــــــ
« منزل ضياء»
عاد بعد ذهابها من المنزل بأسبوع، وعند دخوله يتطلع لجدران المنزل، ويتذكر ما حدث معاها، ويتجول بالمنزل حتى وصل غرفة النوم، ليجد دفتر، وبداخله قلم على الكوميدينو، ليجلس علي السرير ويمسكه ف يفتح الصفحه ويجد رساله منها
نانسى= معرفش عنوانك، ولا اعرفلك رقم تاني اكلمك عليه، وملقتش طريقة تانية اكلمك بيها غير دي، ،.. مع انك مش حابب كلامي بس كان لازم اشكرك، واقولك انك اجدع صاحب في الدنيا، ويابخت مازن بيك، واني اتمنا يكون ليه صاحبه في جدعنتك وطيبتك.. طيبتك اللي بتبان غصب عنك حتى انت وبتزعق من غير سبب على حاجات هايفه... انا عارفه اني تعبتك، وكنت السبب فى بهدلتك،.. وياريتك تعرف احساس الامان اللي كنت بحسه وانت معايا في نفس المكان، حتى لو في محادثه كتابيه،.... عاوزة بس اقولك اني خلصت من كل مشاكلي مره واحده.. وانت كنت اهم سبب علشان ده يحصل،.. وانا دلوقت ارتحت، مع حزني على ضياع مستقبل حسام،.... متشكره قوووي يا ضياء، هفضل فكراك، احسن صديق في الدنيا
انها القرائه ليبتسم بخيبه، ثم يقطع الورقه من الدفتر ويطويها ويضعها بمحفظته ثم يخرج هاتفه من جيبه ويتمدد، ويشاهد الفيديو الخاص بها، ويحدثها في نفسه
ضياء= عمرك ما كنتي صديقه يا ملاذ،.. حبيتك من اول لحظه شوفتك فيها... واتمنيتك من كل قلبى...لكن من اول مره اتقابلنا وفي حاجز في النص، مره يونس ومره مازن،...( يشرد ليتابع) انا عمري ما حبيت قبل كده ومكنتش مصدق ان في حآجه اسمها حب، لغيت ما شوفتك...حبيتك انتي بذات وكأن النصيب عاوز يعذبني بذنب البنات اللي ضحكت عليهم.... المشكله انى مهما كنت بحبك مقدرش اغدر بمازن، حتى لو حكايتكم انتهت، مينفعش انا وانتي نجتمع، دايما هيكون في عقده في النص، وفي قلق وتخوين،.. لو حصل مش هنكون مرتاحين، لا انا ولا انتي، حتى لو حبتيني.. وانا حاسس انك حبتيني، لا انا متأكد مش حاسس بس ( يشير لقلبه) انتي مكانك هنا وبس
#نانسى
في أشخاص مينفعش يكونو في حياتنا، يكونو في قلوبنا بس، لأن حكم النصيب ان يكون في موانع لوجودهم قبل ما نحبهم ولا نشوفهم.... عرفته فترة صغيرة، ومعرفتي بيه مكنتش أحسن حآجه بس قدر يخليني احبه
ـــــــــــــــــــــــــــــــــــــــــــــــــــ
« بالمستشفى»
كانت تأتّى كل يوم ولا تدخل الا اذا تأكدت من نومه، ثم تدخل و تتطلع إليه وهو نائم وتذهب.. لتأتي تلك المره وتخبرها لبني أنه غفا، وتتركها تذهب إليه. لتدخل وتنظر إليه للحظات وفي كل مره تتذكر ما فعله بها وتبكي، ليفتح عينيه ويراها
عمر بلهفه = سمر
( لم تجيبه لتذهب فوراً وتعود منزلها وتقرر بأنها لن تعود إليه مره اخرى)
ـــــــــــــــــــــــــــــــــــــــــــــــــــ
« منزل توفيق»
بعد يوم طويل مع "عُمر" في المستشفى، يعود سعد ولبني، ليأخذو اماكنهم فاطمة وتوفيق، لتدخل لبني الغرفه وترتمي بثيابها على السرير، ليأتي هو ويرتمي جانبها، ثم تدير رأسها وتنظر له
لبني= تعبت؟!
سعد= مش شايف قدامي
لبني= وانا مش قادره افتح عينية
سعد= خلاص نامى
(تستدير على يمينها وتنام بحضنه ليحيطها بذراعيه ويدلك فروة رأسها بيده لتبتسم)
لبني= سعد
سعد= امم
لبني= الخمس أيام خلصو من زمان، انا ايه دلوقتي؟!
سعد= انتي لبني
لبني= بتكلم جد، انا بنت اختك ولا مراتك؟!
يزيد في ضمها= انتي شايفة ايه؟!
لبني= انا عاوزة اعرف انت شايف اية
سعد يرفع وجهها إليها= انتي حبيبتي
لبني= ماشي، انا بسأل صفتي ايه
سعد= انتي أجمل حآجه في حياتى
لبني= غيرُه
سعد= وووو..... طيب قولي انتي بتعتبريني إيه
لبني= قولت كتير، عايزة اسمع منك مره
(سعد يتأمل عينيها ثم يضع يده علي وجهها بلطف ويتحسس شفتيها )
لبني= آية؟!
سعد= مفهمتيش؟!
لبني= عاوز اسمع
سعد بإبتسامة= مراتى
لبني تنهض= ههههه كنت حاسه
(يشدها اليه مره اخرى لتحيطه بذراعها)
سعد= حساسه من يومك
لبني= والله حساسه وبحبك
سعد= وانا كمان
لبني= وانت كمان ايه
سعد= بحبك
لبني بإبتسامة= كده انام مرتاحه
سعد = كنتي قلقانه قوي؟!
لبني= جداً...كنت خايفه مترجعش في اللي قولته
سعد= مكنتش هرجع في كلامي لغيت ما شوفتك بترقصي وانا نايم... ههههه رقصك حلو، مشفتهوش قبل كده
لبني= ههههه ارقصلك دلوقتي؟!
سعد بإبتسامة= لما عمر يخرج من المستشفى
لبني= ماهو بقا كويس دلوقتي مفهاش حآجه ( تنهض وتنزل من علي السرير) هرقص
سعد= انتي مش كنتي هتموتي وتنامي
لبني= فوقت.. دقيقة ورجعالك ( ركضت لخارج الغرفه وهو ظل بانتظارها حتى عادت بنفس الفستان، ليبتسم وينظر إليها حتي شغلت الاغنيه وبدأت بالرقص، ليعقد حاجبيه وهي تتميل امامه بإبتسامه ليغمض عينيه ويضحك)
لبني= ايييه ده بتضحك ليه؟! رقصي وحش؟!
سعد = ههههه بالعكس حلو قوي، بس اسلوبك مش بريئ
لبني بعبس= نجوي فؤاد بترقص كده
سعد= نجوووي فؤاد، يعني مش اسمها ايه دي الاجنبية
لبني= صافينار؟!
سعد= ايوه
لبني= طلعت بتبص علي رقصات اهو، وانا اللي فكراك وقور
سعد= ماهي اللي موجوده في كل حتة اعمل ايه انا
لبني= يعني بتركز في حركاتها اهو
سعد يبتسم= لا
لبني= امال جبت سيرتها ليه
سعد= دي كلمه في ايه
لبني= مش كلمه، انت بتركز مع الرقصات
سعد= ماشي حتى لو بركز فيها ايه لما اركز، ده رقص
لبني تطفئ الاغنية= والقرده اللي جمبك
سعد= مالها
لبني= بتبص لغيري ليه، رقص وارقصلك ( تهز خصرها)غنا اغنيلك... يااااليلي ياعيني...بتبص بره ليه؟!
سعد بإبتسامه= والله دا دورك اشغليني عنهم
لبني بعبس= ااايه ده انت طلعت منهم
سعد= هما مين
لبني= الحج متولي، وفواز الصياد
سعد= اللي بيتجوزو كتير دول
لبني= ايوه
سعد= لولو حبيبتي انا لغيت دلوقتي متجوزتكش علشان اتجوز عليكي
لبني= مش مبرر
سعد= هو ايه اللي مش مبرر، انتي بتقولي ايه
لبني= انا عايزة انام ( قالتها واتجهت لسرير وتمددت لتدير وجهها عنه، لينام ويحيطها بذراعيه)
لبني تستدير إليه= عاوز ايه يا بتاع صافينار
سعد بإبتسامة= عاوزك
تتطلع به= طلعت ساهي و وراك دواهي
سعد= ههههه كل ده
لبني= انا زعلانه بجد متضحكش
سعد= زعلانه قوي؟!
لبني= جدااااا
سعد= اممم ونعمل ايه دلوقتي، انتي زعلك وحش
لبني= خلاص هسامحك المره دي
سعد= مش مصدقك لازم اصالحك ( قالها وهو يتطلع لشفتيها لتبتسم)
( تأوم ايجابآ ليقترب منها ويقبلها، ويزيد في ضمها و قربه منها، لتشعر بيده تفتح سحاب الفستان، ثم يتوقف ويبتعد قليلآ)
لبنى= ايه؟!
سعد= خليها بعدين
لبني= براحتك، بس ليه
سعد= انتي مش اقل من الباقين علشان ميتعملكش فرح
لبني= اه.... ماشي بس امتي؟! في حالة خالي عمر مش هنعمل افراح قبل شهور
سعد= مش عاوزك تيجى بعدين تفتكري انك كنتى ناقصه
لبني= ده السبب ولا لسه مش متقبل علاقتنا؟!
سعد= انا لو مش متقبلها مش هلمسك أصلا
لبني= اها، ماشي
سعد= لبني!... والله بحبك ومش مستني بس انا عاوز اعملك فرح علشان متحسيش بالنقص بعدين
لبني= ماشي، مش مشكله
سعد= مش زعلانه
لبني تبتسم= طالما انت متقبلني ف مش زعلانه
سعد= طيب ايه رأيك لو كل واحد نام فى اوضه لوقتها
لبني تنهض= لا بقا انت كده بطفشني... قول انك مش عاوزني، وانا بفرض نفسي عليك
(سعد يشدها لتنهض مره اخرى ثم تنزل من على السرير )
سعد= انا بسالك بس.. مبقوليش تمشي
لبني= مش محتاج تقولها
( قالتها وغادرت الغرفه ليذهب خلفها إلى غرفتها ويجدها نائما، وترفع الغطاء عليها وتبكي بدون صوت ليجلس عندها ويشد الغطاء، ثم ينزع ملابسه امامها، ويحملها ليعود بها غرفته ويضعها علي السرير ثم يميل إليها ويطبع قبلاته على عنقها و وجهها ويلف ذراعيه حولها ويسحب سحابة الفستان ف ينزعه عنها )
« بعد وقت»
سعد= مبروك؟!
لبني بإبتسامه= الله يبارك فيك
سعد= اوعدك اننا هنعمل فرح يكون اطمنا على عمر
لبني بإبتسامة= مش عايزة
سعد= حقك
لبنى بإبتسامه= ماشي مفيش مشكله
سعد= اممم قومي ارقصي
لبنى= هههههههه
ـــــــــــــــــــــــــــــــــــــــــــــــــــ
بعد أيام
مازن = مالك؟!
ضياء = مفيش
مازن = مش باين
ضياء = بابا عمال يزن عليه عاوزاني استلم الشغل معاه، وانا مبفهمش في الشغل ده
مازن = غيره
ضياء = غيره ايه، هو ده بس
مازن = بكلمك بجد... اتجوزها، انا نسيتها خلاص
ضياء = مصمم تزعلني منك ليه؟! انت ليه مش مصدق اني مبفكرش فيها؟!
مازن = علشان انا فاهمك اكتر من نفسك.... مش هزعل يا ضياء روحلها
ضياء بتنهيده = مازن انت مش فاهم حآجه... متفتحش السيرة تاني ممكن
مازن = انت لسه اقرب صاحب ليا،.. بس لو انت خايف يكون في مشكله لو اتجوزتها، ف احب اقولك انها موجوده من دلوقتي... فيه حآجه انا مش قادر اتجاهلها، حتي لو عمرك ما شوفتها تاني، انا مش هنسا اننا احنا الاتنين بنحبها وهي حبتك انت.. المشكله حصلت يا صاحبي، لا انا هينفع احكيلك حاسس بأيه ولا انت هينفع تحكيلي، ف خليها بجملة العقد واتجوزها
ضياء بضيقه = ياحبيبي اسكوت انت بتفتي انا مش بتاع الحاجات دي، ... و انت غلطان انك سبتها
مازن = انا مقولتلكش انها اعترفت انها بتحبك انت
يدير رأسه لجهه الأخرى = مش مشكلتي، انا مبحبهاش
مازن = ياعم بتحبها، صدقني انا هنسا بسرعة، روحلها
ضياء = مانت لو عاوز تقطع علاقاتك بيه قول انا امشي مش تجوزني غصب عني
مازن = اقولك ايه بس
ضياء = دورلي على عروسه تانيه
مازن = ندور على عروستين ههههه
ضياء = طيب دور وانا داخل الحمام وجاي
مازن = ماشي ( قالها وهو يعلم بانه يتهرب، )
دخل الحمام ليفرج عن دموعه ثم يفتح هاتفه ويتطلع للفيديو الخاص بها
ـــــــــــــــــــــــــــــــــــــــــــــــــــ
كانت ممسكه بالهاتف وتنظر لصورته لتتساقط دموعها، ثم تذهب لمحادثة الواتس لتجده مازال لم يرفع الحظر لتنزل الهاتف وتبكي بدون صوت، حتى ناداها والدها لتمسح دموعها وتخرج له
نانسى = نعم يا بابا
الأب = قاعدة لوحدك ليه
نانسى = مفيش كنت بجهز الدفاتر عشان الدراسة قربت زي مانت عارف
الأب = ربنا يوفقك يابنتي
ـــــــــــــــــــــــــــــــــــــــــــــــــــ
خرجت من عملها لتجده ينتظرها بالخارج ف تقف لحظات تنظر إليه ثم تتجاهل و تذهب ليوقفها
سمر = ابعد عني
عمر = والله اسف، هفضل طول عمري اقولك اسف ومش هيكفي
تدمع = كويس انك عارف ( قالتها وذهبت ليذهب خلفها ويوقفها)
سمر = ابعد عني بقولك... انت خلاص بقيت حرام تلمسني .. امشي لا اصوت والم عليك الناس
عمر = انا رديتك بعدها بيومين
سمر = نعم؟! يعني ايه رديتني؟! ومين قالك اني عاوزاك، فهمني؟!
عمر = سمر! انا قدامك اهو ( يعطيها مسدس) اقتليني او اديني فرصه
سمر تصوب المسدس على صدره= اموتك ( قالتها لينظر لها وينتظر في صمت لتطيل في الضغط ثم تعطيه له)
سمر= لا هقتلك ولا هديك فرصه، وطلقني بدل ما اكرهك في نفسك، وانت عندك كتير تكره نفسك عشانه
عمر يخفض جفنه= اها ماشي، لو شايفه ان ده هيهديكي نحيتي انا مستعد اتحمل اي كلام تقوليه
سمر = لأ انا مش هقول كلام، انا هخون، اصلك انت بتتخان عادي.. ممليتش عينها، ف هتملا عيني ليه،.. مكنتش شيفاك راجل، خلت منظرك وحش قدامي وقدام الناس
عمر باختناق= اها.... كمان
سمر تدمع = مفيش دم؟! انت المفروض متطلعش من بيتكم بعد ما شوفت مراتك فى حضن واحد تاني.. هى راحت لغيرك وهى معاك علشان انت مش ماالي عينها، حتى اهلك مش شيفينك اصلا، لانك هايف يا عمر
عمر يأوم ايجابآ وهو يحبس دموعه= ماشي، اجيلك تاني بكره تكملي كلام.. حاسك بداتي تضايقي ( قالها وذهب لتنظر اليه وتبكي)
***
عاد من عندها ودخل غرفته وظل يبكي حتى اتا سعد وجلس عنده
سعد بقلق= في ايه يا عمر؟!
عمر يبكي ويمسح وجهه بذراعه= تعبت من كل حآجه... انا عيشت ليه تاني؟!
سعد يعانقه ليريح رأسه على كتفه ويبكي= قدرت تزلني يا سعد... عارفها مجروحه مني بس ازتني بجد،... ازتني ومقدرتش اعترض علي كلمه
سعد يربت علي كتفه = هي باين عليها بتحبك، وانت اللي عملته معاها مكنش سهل، دلوقتي تهدا وترجعلك
عمر ببكاء= والله مبقتش عاوز حآجه،... اطلع واقفل الباب عاوز أقعد لوحدي
سعد = طيب اهدا
عمر بانفعال = اطلع واقفل الباب، محدش يكلمني خالص
سعد = حاضر حاضر، روق ( قالها وذهب ليتمدد على سريره ودموعه تنزل بغزاره)
« غرفة سعد»
لبني= في ايه؟!
سعد = نفسيته متدمره
لبنى = عشان سمر؟!
سعد= اه
لبنى = اروحلها؟!
سعد = لأ هى تهدا وتيجي بنفسها
لبنى= اللي عمله معاها مش سهل مظنش انها هتيجي
سعد = هتيجي
لبنى = عرفت منين
سعد = هي جتله المستشفى رغم تعبها واللى عمله فيها، مش هتستحمل تشوفه زعلان
لبني = صح، باين عليها بتحبه
سعد = فعلاً
لبني= زي ما انا بحبك
سعد = بتحبببيني اممم، طيب تعالي عاوزك
لبني بإبتسامة = إيه
سعد = تعالي هو انا هخطفك
( حملها ليضعها على السرير ليميل عليها ويقبل عنقها وكتفيها ثم وجهها ليتطلع لعينيها)
سعد= لسه بتحبيني
لبنى= ههههه انا لحقت
سعد= دلوقتي بقيت جوزك والستات بتكره جوازها بعدين
لبني= احنا غيرهم، انت مش بس جوزي... انا فتحت عيني علي الدنيا شوفتك انت قدامي، انت حته منى.... زي القلب من غيرك اموت ( قالتها وهي تتنقل بين عينيه)
سعد= انتي اشطر مني في التعبير،... بسسسس، انتي حبيبتي وبنتي ومراتي وكل حآجه حلوه في حياتي
لبنى بإبتسامه= عارفه
سعد= ايووه ايوه هنتغر علي بعض
لبنى بإبتسامه= لا دي ثقه عارفة انك بتحبني
سعد بإبتسامة= طيب دقيقة
لبنى= رايح فين
سعد= دقيقة وحدة
( نهض واطفاء الضوء ليعود لها وهو يتحسس الطريق حتى وصلها)
لبني= ايه الضلمة دي
سعد= ضلمه ايه؟! امال شايف ضلمه ليه؟!
لبني= انت طفيت النور
سعد= امال النور ده جاى منين طيب
لبنى= نور ايه
يلمس وجهها= ده
لبني= هههههههههههه
سعد= اشششش، الولد بينهار جوه يقول علينا ايه
لبني= يااااحرام، خلاص وسع لما نطمن عليه(تنهض ليعيدها)
سعد= ماحنا هنطمن هو هيروح فين يعني،... قوليلي بقا منين النور ده
لبنى= ههههه لاني طيبه
سعد= اهييي
لبني= طيب والله زي ما بقولك
سعد= مصدقك
ـــــــــــــــــــــــــــــــــــــــــــــــــــ
« منزل سمر»
كانت تجلس بغرفتها تدون ما حدث وهي تبكي حتى دخلت عندها شهد
شهد= عينيكي يا سمر حرام عليكي
سمر ببكاء= قولتله كلام يدبح دبح
شهد= قولتي لمين
سمر= لعمر
شهد= انتي زعلانه عليه ولا منه
سمر= الاتنين، هو جرحني قوي وكان لازم يجرب،
شهد= طيب واتفشيتي ولا لسه
سمر=لسه
شهد= اتفشي براحتك
سمر ببكاء = اه بس انا جرحته قوي،
شهد= وهو اللي عمله ايه؟!، يستاهل اللي تعمليه فيه
سمر= انتي مشفتهوش وهو ماشي مزلول بسبب اللي قولته، كنت بقول الكلام وانا قاصده اد*بحه بيه، اخترت اكتر حآجه تأذيه وعملتها
شهد= طيب وهو حد قالك تقوليلوه كده؟! زعلانه ليه دلوقتي؟!
سمر= بقولك مشي مزلول قدامي
شهد= والله شكلك لسه بتحبيه
سمر بدموع= عمري ما حبيت غيره، حتي بعد اللي عمله مكرهتهوش
شهد = امال عملتي معاه كده ليه
سمر= علشان يستاهل
شهد= انا بقيت اكرهو الصراحه بس هو زعل عليكي قوي، وفضل يبكي كتير
سمر = خليه يبكي بقيت عمره مش هسامحه
شهد بإبتسامة = انا عارفه طبعا
سمر = مشششش هسامحه
شهد = طيب ما انا عااارفه
سمر= اسكوتي
شهد = وانا اتكلمت
سمر = بتلمحي
شهد = ههههه انتي اللي على راسك بطحه
(تمسك الوساده وتضربها بها)
ـــــــــــــــــــــــــــــــــــــــــــــــــــ
« بداية الدراسه»
هبطت من المترو واتجهت لطريق لتشعر بشيء يجعلها تستدير لترا احدآ يقف خلف حائط، ثم تتوجه إليه وعندما تراه ينظر بعيدآ
نانسى تبتسم بارتباك = انت هنا؟!
ضياء يتطلع إليها = ازيك
نانسى = كويسة وانت
ضياء = كويس.... مكنتش اعرف اني ممكن اشوفك هنا
نانسى= امال جاي ليه هنا
ضياء = مستني واحد صاحبي
نانسى= اه... كويس
ضياء= انتي عامله ايه
نانسى تأوم ايجابآ= الحمدلله عايشه
ضياء= ارتاحتي دلوقتي
نانسى= ايوه.. بس زعلانين عشان حبس حسام
ضياء= كان لازم ده يحصل
نانسى= صحيح، الحمدلله علي كل حال
ضياء= اممم، شوفت رسالتك، متشكر
نانسى= ملقتش طريقه تانى اقولك الكلام ده غير بالطريقة دي
ضياء= حلو، زي زمان مكنش فى طريقة تانيه غير كده
نانسى= امم.. اه.... كويس
(يتطلع بها بصمت وهو يحاول جمع كلام يقوله)
نانسى= ايه
ضياء= مفيش حآجه
نانسى= تمام... طيب انا همشي
ضياء= اها ماشى
نانسى= محتاج حآجه
يأوم نافيآ= سلامتك... خلي من نفسك،.. و وبلاش تدبي مع اي حد
تبتسم= هحاول
ضياء= اعملي كده، متحاوليش
نانسى تتطلع اليه بتركيز= حاضر
( يبادلها النظرات للحظات صمت ثم يتحدث)
ضياء = طيب يا ملاذ تقدري تتفضلي
نانسى= احم.... ماشي مع السلامه
ضياء= مع السلامه
( قالتها وذهبت ويقف ينظر إليها لتقف في نهاية الطريق تنظر إليه لبعض الوقت ثم ترفع يدها له، ليرد عليها وبعدها تذهب)
ـــــــــــــــــــــــــــــــــــــــــــــــــــ
وصلت الجامعة وهي شارده حتى اصتدمت ب لبني لتنظر لها بذهول ثم تعانقها
نانسي= ههههه لولو وحشتيني اوي
لبنى= وانتي كمان... ايه التغيير ده يهدك معرفتكش
نانسى= مش انا قولتلك غيرت شكلي
لبنى= مكنتش اعرف انك اتغيرتي كده، بس بجد قمممر
نانسى= انا حلوه من زمان بطلي افترا... طمنيني عليكي بقا
لبني بإبتسامة = احم احم احم.... تمينا الجواز
نانسي = بتهزااااااري( تعبس لتتابع) اووووعي تقولي بوستيه انا بحذرك اهو
لبني = ههههه لا مش بوس... بس والله انتي ندله يا عرة الصحاب بقا كنتي فاهمه وبتتريقي عليه
نانسي = ههههه لقيتك عبيطه اعملك ايه
لبني = اشوف فيكى يوم يا بعيدة
نانسى= اديكي فهمتي من غيري
لبني= ابو شكلك .... اممم قوليلي بقا يونس ولا مازن
نانسى تبهت ملامحها= ولا واحد
لبني = ايه ده في ايه مالك
نانسى= مفيش بس ولا واحد فيهم ينفع
لبني = طيب والواد صاحبك ده ظروفه إيه
نانسى= ولا حآجه، حكايتنا انتهت وكل واحد راح لحاله
لبني= طيب مالك كده... انتي كنتي عاوزاه هو ولا ايه
نانسى= لأ
لبني= امال ايه شكلك مش مريحني
نانسي تحتضنها= ولا مريحني، اصله معايا بقاله فتره وقدم ههههه وحشتيني والله، تعالي بقا نقعد في الكافتيريا عشان تحكيلي حصل ايه، وازاي، وعملتي ايه
لبني = ههههه يلاااا
ـــــــــــــــــــــــــــــــــــــــــــــــــــ
كان يمر كل يوم بجانب عملها ليسمع ما تقوله له ويذهب علي أمل أنها تهدئ ويلتئم جرحها
عمر = اتأخرت عليكي، يلا انا جاهز
سمر توطئ رأسها= عارفه انك بتمشي من عندي مكسور بسبب كلامي، بس انا مش قادره انسا اللي عملته فيه، ياريت متجيش تانى
عمر= انا محتاجلك ( قالها باختناق) سمر والله انا بموت كل ليلة،.. بسبب اللي حصل، وبسبب اللي عملته معاكى، وبسبب كلامك.... عارف اني ازيتك، بس مفيش غيرك ممكن يساعدني
سمر بدموع= يعني تأذيني وتطلب منى اساعدك... دا انا لسه كلمتك بترن فى ودني.... انت دبحتني دبح يا عمر... انا كنت خايفه عليك لما تعرف، وقولت نتجوز، علشان وقتها اكون جمبك.... دا انا كنت لسه مش قادره افوق من صدمة امي وياسين، وانت جيت كملت عليه، اساعدك ازاي
عمر= واللي حصل معايا مش شايفة ان عقاب كافي ليه،... قوليلي اعمل ايه تاني علشان ترتاحي وانا اعمله... اعمل ايه يا سمر علشان ترجعي
سمر بدموع= ولا حآجه انا مش هرجع
عمر= اها ماشي يا سمر هسيبك على راحتك
( قالها وذهب)
« منزل توفيق»
عاد للمنزل وكعادته يدخل غرفته بدون حديث مع أحد لتدخل خلفه فاطمه وتجده نائم وينظر لسقف لتاتي وتجلس جانبه
فاطمه= ايه يا حبيبي
عمر = مفيش
فاطمه= قولي بس... احكيلي انا امك وافهمك
عمر = مفيش حآجه، عاوز انام بس... ممكن تقفلي النور وتخرجي
فاطمه تتنهد = حاضر يابني
( تركته واغلقت الغرفه خلفها، ثم تنادي سعد ليأتيها فوراً)
سمر = نعم يا ماما
فاطمه = عاوزاك توصلني مشوار
سعد = مشوار ايه؟!
فاطمه= عند سمر
سعد = مرات عمر؟!
فاطمه = اه
ـــــــــــــــــــــــــــــــــــــــــــــــــــ
كانت ممسكه بكتاب وهي مبطوشه علي بطنها وتهز قدميها وتقراء حتى سمعت صوت الباب لتنهض
شهد = مييييين جايه اهو ( تفتح الباب لتجد فاطمه وسعد) ايه ده ... اهلا اتفضلو
فاطمه = عامله ايه يا شهد
شهد = بخير يا طنط وحضرتك
فاطمه = الحمدلله، امال فين سمر
شهد = في اوضتها اتفضلو هندها
فاطمه = انا هروحلها، فين اوضتها
شهد تشير إليها = اهي
فاطمه = شويه وراجعه يا سعد
سعد = ماشي
( ذهبت فاطمه لينظر لكتاب شهد ويأخذه منها)
سعد = اممم مثقفه بقا، وانا اقول ايه الأسلوب الغريب ده
شهد = انا بحب القرايه، وعندي مكتبه في اوضتي
سعد= برافو عليكي بجد
شهد= شكرا.... انت الدكتور صح
سعد = دكتور جامعي
شهد = ايوه ما انا فاهمه
سعد= شدي حيلك عشان ادرسلك
شهد = انت بتدرس ايه
سعد= انا بدرس في كلية اثار
شهد = طيب من غير حلفان الشغلانه بتزل، ومطلعتش طب ليه، ولا هي دكتره وخلاص... انا هدخل طب او هندسه او صيدله
سعد = ههههههههه والله
شهد = طبعا عندك الظباط درجاته مش قد كده بس بيتفشخرو علي بتوع الطب عادي... ملهاش علاقه بتفوق، هي كوسه أصلا
سعد= ههههه طيب انتي عارفه اني جبت 99 في الميه، في ثانويه العامه، وخدت إمتياز في كل سنين الدراسة
شهد بذهول = يخربيتك ولا باين عليك
سعد= لسانك الطويل ملهوش علاقه بالثقافه،.. في في فرق بين فصاحة السان عشان مثقفه.. وبين طول لسان علشان عاوزة قلم على وشك
شهد= لا ياعم دي غير دي، انا دلوقتي بتكلم معاك ك نسايب انما لو هندخل في مناقشه في اي موضوع هغلبك
سعد= ههههه عم.... ماشي ياستي، طيب وريني كتب بتقريها نشوف ذوقك، مع انه باين عليكي بتقري رويات بس ودي مش ثقافة دي هيافه
شهد = انت تيجي معايا احسن.. ومتحكمش علي حد قبل ما تعرفه ماشي ياسمك إيه
سعد = ههههه اسمي سعد، واتفضلي هاتي هنا مش هقوم
« داخل الغرفه»
فاطمه = انا لو مش عارفه انك بتحبيه والله ما كنت جيت، هو غلط وخد جزائه، دا كفايه انه مبقاش قادر يتعامل مع الناس
سمر= جيتك علي راسي، بس انتي مش عارفه هو عمل في ايه( تدمع) انا كنت شرياه رغم ان مراته قتلت اخويا، كنت متجوزاه علشان اقف جمبه في وقت زي ده، بس هو بالمقابل كسرني.... عارفه لو طلقني كان هيكون الموضوع هين بس لا، دا ضحك عليه وتم الجواز وقبل ما نقوم قالي طالق.... ترضيها لبنتك لو عندك بنات
فاطمه = مرضاش طبعا، بس والله بيحبك وما بيدوق الأكل... هو محتاجك، وانتي لو رجعتيلوه هيحاول ويحاول عشان ينسيكي اللي عمله،.. وهيكونلك عيله، ام، واب، واخ، واخت تانيه، كلنا هنحبك وانتي هتحبينا
سمر بدموع = انا حبيتكم من قبل ما اشوفكم ، بس مش هقدر
فاطمه = فكري وصدقيني مش هتندمي هتكسبي عيله تحبك وتخاف عليكي، يمكن مش هنعوضك عن أهلك بس صدقيني هتحسي ان ليكي عيله كامله
سمر = اكيد
فاطمه = شوفي يا سمر... انتي بتحبيه وهو كمان، انتي تيجي وتقعدو مع بعض فتره ولو مقدرتيش تنسي وتسامحيه ارجعي تاني وواهو بالمره الناس تعرف انك اتجوزتي
سمر تأوم ايجابآ= ماشي
فاطمه تحتضنها= حبيبتي ربنا يحفظك يارب... وشهد ليها اوضه لوحدها
سمر تبتسم = ماشي
فاطمه = طيب ياحبيبتي يلا اجهزي
سمر= مش النهارده خليها بكره علشان لازم اظبط الدنيا هنا
فاطمه = ماشي هستناكي بكره، لو مجتيش هجيلك تاني وتالت وعاشر لغيت ما تيجي
سمر بإبتسامة = هاجى بكره
فاطمه = طيب حبيبتي، أمشى انا عشان أفرحه
سمر = متقوليش غير لما اجي ممكن
فاطمه = ماشي.... انتي عارفه العنوان؟!
سمر = اه عرفاه
فاطمه = ماشي حبيبتي
ذهبت فاطمه وسعد لتجلس هي مع شهد وتخبرها بالأمر
شهد بفرحه = بجد يا سمر
سمر = فرحتي؟!
شهد = طبعاً... يعني هيكون لينا عيله بجد
سمر = لفتره مؤقته لو مقدرتش انسا هنرجع تانى
شهد = هتقدري، ده كفاية امه وضحكتها الحلوه ولا اخوه عسل أوي.. ومراته كمان حلوه.. وابوه.. كلهم حلوين
سمر = وهو
شهد = بصراحه انا مش طيقاه بسبب القلم اللي ادهوني.. بس الحق يتقال هو كويس.. واتبهدل، دا كفايه المطوه اللي خدها في ضهره واللى شافه مع مراته... وهو لو مش بيحبك مش هيستحمل اهانتك ليه الفتره اللي فاتت
سمر تأوم ايجابآ= تمام
« اليوم التالي»
كان نائم على سريره يضع ذراعه على عينيه ليسمع فتح الباب ويتجاهل ذلك، حتى سمع خطوات تقترب منه وبعدها أحد يمسك يده، ليرفع ذراعه عن وجهه وينظر لها ليجدها جانبه تبتسم وسط دموعها، ليبدء فكه يرتجف وهو يضم يدها ثم يعتدل ويأخذ ينظر إليها ويقرب يده لوجهها ويتحسسه ليتأكد انه لا يحلم، ثم يدير وجهه ويبكي لتعانقه
سمر بدموع = وحشتني
(يحيطها بذراعيه بقوه حتى كاد ان يخترق جسدها وهو يبكي لوقت طويل)
« بخارج الغرفه»
توفيق = نورتي بيتك يا دكتوره شهد
شهد بإبتسامة = متشكره
لبني = تيجي اوريكي اوضتك
شهد = اوووضتي؟!
لبني= هي اوضتي بس انا هسبهالك
شهد = وانتي هتقعدي فين
سعد = تقعد معايا
شهد = اه صح ايه الغباء ده ماهي مراتك
سعد = ذكيه أوي
شهد = بفهمها لوحدي
لبني= ههههه ، يلا تعالي شوفيها
شهد = يلا
«اخذتها لغرفتها»
لبني= ايه رأيك؟!
شهد بذهول = اااالله حلوه قوي، كنتى بتنامي فيها لوحدك من غير جوزك
لبني = اه
شهد = ليه
لبنى = اصله كان خالى
شهد ببلاهه= هه
لبني= ههههه تعالي احكيلك الحكاية
شهد = ماشي احكيلي
لبنى = شوفي ياستي
"**
جاء وقت الغداء لتانديهم فاطمه ليجتمع الكل علي الطاولة
فاطمة = مكسوفه ليه يا سمر ده بيتك ياحبيبتي انتي دلوقتي فرض من العيله
سمر بحرج= مش مكسوفه باكول اهو
توفيق= شوفو يا ولاد، انا قررت اننا نشتري ڤيلا ونسكن فيها كلنا
لبني = طيب والله فكره حلوه أوي
فاطمه= وانا موافقه
سعد = وانا موافق
عمر = وانا
توفيق = قولتي ايه ياسمر؟!
سمر بربكه= يعني ماهو
عمر = موافقه
توفيق = اسمعها منها
سمر تأوم ايجابآ= اللي تشوفه حضرتك
توفيق = على خيرة الله.... وانتي يا شهد
شهد = ههههه انا معاكم في اي حآجه ( سمر تنظر لها بحده لتوطئ رأسها)
سعد = متنساش يا بابا تعمل حسابك في مكتبه عشان اجاثا كرسبي دي
شهد = ههههه انت جعان ولا ايه، اسمها اجاثا كريستي، مش كرسبي
عمر= هي كده علشان قرتلها كتابين بتتمنظر علينا
شهد = بقولك ايه صوابعك لسه معلمه علي وشي اختصرني
فاطمه = ههههه وربنا انتي عسل
سعد = عسل اسود
لبني = بس بقا بتضايقها ليه
سعد = اصلها مبتفصلش
شهد = مضايق علشان قولتله، واخد الدكتوراه بالوسطه
سمر = شهد عيب
توفيق = ههههه سيبيها هو فعلاً خدها بالوسطه
سعد = ايه يا بابا انت هتيجي معاها عليه
فاطمه = كنا مخبين بس هي كشفتك
سعد = لاااا انا داخل اوضتي
لبني= كل الاول
يميل إليها ويهمس في اذنها= بتلكك علشان تيجي ورايا اصلك وحشتيني
لبني تبتسم ليذهب هو.. وبعد انتهاء الغداء وذهاب الكل لغرفهم تتبعه وبيدها كوبين من العصير، لتحرص على تقديم كوب منهم ناحيته ليبدو تصرفها ملفت
سعد= اشمعنا دي؟!
لبني= اصل دي بتاعتي سكر قليل
سعد= اممم، طيب اقفلي الباب كويس شايف نور داخل منه
لبني بإبتسامة = حاضر
ذهبت ليدير صنيه العصير بسرعة لتأتي وتقدم له الكوب ف يأخذه منها ويشربو سويآ وهي تتطلع به بإبتسامه خبيثه حتي انهت كوبها لتخرج لسانها وتمسح شفتيها، ليتطلع اليها بإبتسامه ثم ينهض و يميل إليها
سعد = بدلت الكبيات
تتسع عينيها بصدمه= إيه
سعد = ايوه.. وانتي شربتي الكوبايه بتاعتي
لبني بعبس= كوووونت حاطه فيها مخدر، ونبي احرسني لغيت ما افوق
سعد = ايه؟! ليه يابنتي عاوزة تخدريني لية؟!
لبنى = كنت عايزة اعرف هيحصلك إيه ( قالتها لتبتسم ببلاهه) انا فين ههههه مين دخل المعزه دي هنا ههههه مااااء
سعد = ههههه يخربيت دماغك ياشيخه حبكت النهارده واحنا عندنا ناس،
لبنى تنهض وتمسك يده = قوم نرقص سلو
سعد = يعني انتي هتشربيني مخدر عشان ترقصي سلو
لبني تطوق رقبته= انت مبتحبش السلو
سعد = انا بحبك انتى
لبنى = طيب امتي هتبطل تقولي بنت اختي
سعد = ما انا بطلت اقولك
لبنى = امال مين اللي قال
سعد بإبتسامه = تعالى معايا
لبنى = لا انا هنام ( يحملها)
سعد= تعالي بس انا هفوقك دلوقتي ( اخذها ودخل بها الحمام ، ثم بداء بملاء البانيو وهي تضع رأسها على كتفه)
لبنى = ايه اللي جابنا الصحرا
سعد = حالا هوديكي البحر ( قالها ليحملها ويضعها بالبانيو ويغطس رأسها للحظه وتخرج تشهق وكأنها تغرق)
لبني= اااه هموت هموت
سعد = فوقي
لبنى = حاضر فوقت اااه، ايه ده احنا ايه اللي ودانا البدو.. ايدك ( تمسك يده وتشده معها)
سعد =اوبا... البدله يابنتي
لبنى بإبتسامة= مضيقاك
سعد= اتبلت
تميل عليه وهي تفك ازرارها= خلاص هاتها انشرهالك
سعد بإبتسامة = مش سهله انتي
« بغرفة عمر»
كانت تجلس علي السرير وهي شارده ليجلس جانبها ويمسك يدها
عمر= عارف انك مش سهل تنسي، وتبدئي معايا من جديد... بس انا هحاول لغيت ما ترضي
سمر= اهلك طيبين وانت كمان، بس محتاجه وقت علشان انسا
عمر= فاهم، خدي وقتك (يتنهد) احنا الاتنين محتاجين نتعافا علشان نقدر نبدء من جديد
سمر = صح
***
«بعد سنه»
#لبني
عدت سنه كانت احلي سنه في عمري، بقيت انضج فيها، فهمته وعرفت اوصل لتفكيره وبقيت اتلاشا اي حآجه ممكن تعمل سدود بينا، ولسه هو اهم شخص بنسبالي
« عند الدكتور»
الدكتور = اتفضلي
(تجلس امامه)
سعد= طمنا يا دكتور
الدكتور= هي والبيبي تمام بس هي مش بتهتم بأكلها
( ينظرو لبعض بصدمه)
لبني = بيبي مين، انا باخد مانع حمل
الدكتور = موانع ايه انتي دخلتي في الرابع
سعد = رااابع
الدكتور = حضرتك مش جوزها بردو
سعد = اه فعلاً بس يعني ( يتنهد ويتابع) مش مشكله
( بالسيارة)
لبني تضع يدها على بطنها= انا مش مصدقه
سعد بإبتسامة = ولا انا
تتطلع اليه = مبسوط؟!
سعد= جداً، بس كنت حابب تخلصي دراسه الاول.. لكن مش مشكله انا هساعدك
لبني تبتسم= وانا كمان اتصدمت وفرحت( تتطلع إليه) أكيد هيكون حلو زيك
يقبل رأسها= حلو عشان هيربطنا أكتر
لبنى بإبتسامه = أكيد
#سعد
سنه عدت بحلوها ومرها بس قدرنا نعدي اي حواجز بينا، وكملنا مع بعض من غير مشاكل وهي بقت انضج وبقت بتعرف تعدي اي موقف من غير تفخيم
#ضياء
سنه عدت وانا بشوفها من بعيد واقرا رسالتها كل يوم ، واشوف الفيديو بتاعها خمسين مره،.. كل يوم بيزيد اشتياقي ليها،.. وشايف مازن عايش حياته وخطب، عشان يثبتلي انه نسيها ويقنعني اني اروحلها،. لكن مش هينفع مينفعش يكونو هما الاتنين في حياتي، ولازم اختار لأما هو لأما هي
مازن= ياضياء متتعبنيش قولتلك نسيتها وخطبت اهو
ضياء= يوووه، يابني مش لما افكر فيها تقول كده، انت بتتخيل وخلاص
مازن= انت مبتتعبش؟!.. بقا لو مش بتحبها، هتقاطع البنات كده
ضياء= انت كده بتشجعني اجيب بنات تاني يعني
مازن= لأ أنا عاوزك تجوزها، والله هي كمان بتحبك ومتأثره جداً بيك
ضياء= مازن،... والله ما هنرتاح ، انا مش عاوز اخسرك....ولا انت عاوز تخسرني
مازن= مش هضحي بيك بس يعني
ضياء= مبسش قفل علي الموضوع
#نانسى
كل حآجه بتتنسي مع الوقت إلا الكلام في القلب، كان لازم يتقال ومقدرناش نقوله، الكلام ده بيزود الذكره مش بيمحيها،.. كل يوم في نفس الساعه ونفس المكان اللي شوفته فيه داخل محطة المترو بستنا اشوفه تاني،.. بنزل من المترو ابص ورايا يمكن الأقيه، ساعات بشوف خيال حد، وافتكره هو ولما اقرب ملقهوش،
هبطت من المترو لتنظر حولها كعادتها، ولا تجده لتكمل طريقها خائبه ك كل مره، ليخرج هو من خلف الجدار وينظر إليها
#سمر
الوقت بينسي الزعل والحزن، عدت سنه كسبت فيها عيله جديده كلهم بيحبو بعض، كسبت "ام" مفيش يوم بيعدي غير لما تاخدني في حضنها وتطبطب عليه... وأب كل فتره يندهلي ونتكلم مع بعض
ونتناقش بالإضافة انه شغلني عنده وبيساعدني عشان اعمل مشروع لوحدي... واخ زي سعد اللي تقريبا مش بنتكلم بس بيهتم بشهد وتعليمها ويساعدها بالكتب، وهي بقت تقولي انها شيفاه اب، وعلاقتها اتصلحت مع عمر وبقو صحاب ومش بيبطلو مناقره مع بعض.... وكسبت اخت زي لبني بنت جميله ودمها خفيف، وبقو صحاب هما وشهد طول النهار قاعدين مع بعض يرغو ويعملو اختراعات.... وبنسبه ليه انا وعمر، ف مكنش قدامي غير اني اسامحه، بس لسه بعاد هو بينام علي الكنبه وانا علي السرير، والنهادره قررت اني اكمل معاه في كل حآجه
عاد لغرفته في وقت متأخّر ليجد الاضائه خافته والطاوله عليها طعام وشموع مضيئه، وتورته مزينه بشكل مميز، و اوراق ورد على السرير، واغنية عمرو دياب،
ليبتسم ويدخل ويغلق الباب خلفه ويأخذ ينظر لشكل الغرفه ليسمع فتح باب الحمام ف يستدير ويجدها أتيه نحوه وهي ترتدي روب بالون الابيض وتتزين بمكياج خفيف يبرز ملامحها لتزداد جمال
عمر بإبتسامه= انا نايم وهصحا دلوقتي ؟!
تمسك يديه= لأ صاحي،.. وحشتني
يعانقها= وانتي وحشاني اوووي، كنت هعجز وانا مستني
سمر= من النهارده هنبدء حياتنا بجد
يبتعد عنها ويمسك يدها = والله ما مصدق اللي بشوفه واسمعه دلوقتي
سمر تقترب منه وتقبله ثم تبتعد= مصدق كده
عمر بإبتسامة = لا محتاج اثبات اكتر
سمر = ههههه
يتأملها= وحشتيني بجد
سمر= وانت كمان
هنا .في كرنفال الروايات. ستجد.كل.ما هواجديد.حصريورومانسى.وشيق.فقط ابحث من جوجل.باسم. الروايه علي مدوانة. كرنفال الروايات.وايضاء.اشتركو على قناتنا 👈 علي التليجرام من هنا
🌹🌹🌹🌹🌹🌹🌹🌹🌹🌹🌹🌹
تمت
لقراة باقي الفصول الجزء الثاني من هنا
لقراة الجزء الاول كاملة من هنا
هنا .في كرنفال الروايات. ستجد.كل.ما هواجديد.حصريورومانسى.وشيق.فقط ابحث من جوجل.باسم. الروايه علي مدوانة. كرنفال الروايات.وايضاء.اشتركو على قناتنا 👈 علي التليجرام من هنا
🌹🌹🌹🌹🌹🌹🌹🌹🌹🌹🌹🌹
تمت
لقراة باقي الفصول الجزء الثاني من هنا
لقراة الجزء الاول كاملة من هنا