رواية حب مخفي في قلبي
الفصل السابع7الاخير
بقلم اسراء ابراهيم
بعد ساعة قررت تذهب للمطبخ لكي تشرب، وعندما وصلت إلى المطبخ صرخت ووضعت يديها على فمها
نادت بسرعة على عمران وقالت: إيه اللي ساب التلاجة مفتوحة كدا؟
عمران بتوتر: إيه دا نسيتها ولا إيه؟ معلش يا خديجة كنت باخد شوية فاكهة وعصير وقولت هرجع أقفلها بس نسيت أصل الموبايل رن
خديجة بعصبية: خلاص أنت هتحكيلي قصة حياتك، ومشيت تغلقها، وشربت وخرجت
اما هو ينظر لها بغيظ، ودخل غرفته مرة أخرى
فات أسبوع على حياتهم دي، وعمران بيعاملها كويس جدًا، وبيساعدها في شغل البيت
كانت اتت من عملها دخلت غرفتها، ولكن وجدت ورقة على التسريحة
فتحتها بسرعة ووجدت رائحة عطر عمران
قراتها باستغراب وبعد ذلك ابتسمت، وكتبت له على ظهر الورقة
وذهبت لتضعها في غرفته وقالت في نفسها: هنشتغل بقى في الرسايل وكدا وماله شيء مسلي
وبقى الحال على هذا الوضع، وكل واحد بيعترف للاخر بكل ما بداخله من خلال الرسائل
خديجة: عمران بقولك عايزين نروح عند ماما، وكمان نعدي على مامتك
عمران: مفيش مشكلة، تعالي نروح دلوقتي ليهم ونعملهم مفاجأة أكيد هيفرجوا لما يلاقونا تقبلنا بعض أو أنتِ تقبلتيني يعني
بدل ما كل شوية يزرونا ويضايقوا من تصرفاتنا ويمشوا
ضحكت خديجة وقالت: ماشي، هدخل ألبس بسرعة ونروح
ذهبوا إليهم وكانوا فرحانين برؤيتهم، وإن ما بينهم تفاهم وخوف على بعض
أكلوا معهم وقضوا اليوم كله هناك
بعدها رجعوا مبسوطين برؤية أهلهم
فاتن لفتحية بفرحة: أخيرًا شوفناهم مرتاحين لبعض ومفيش مشاكل، حتى كنت مركزة معهم ليكونوا بيمثلوا علينا بس طلع العكس، وبتمنى تديم فرحتهم
فتحية بدموع الفرحة: فعلا يا فاتن، بنتي مش هترجع مطلقة وأخيرًا هتستقر في بيتها، ماكنتش متوقعة معاملة عمران ليها
فاتن: ولا أنا، معاملته قبل الزواج منها غير معاملته بعد الزواج حاجة غريبة، أهم حاجة يكملوا مع بعض
فتحية بتنهيدة راحة: صح أهم حاجة يكملوا مع بعض
في اليوم التالي كان عمران اشترى هدية لخديجة
دخل غرفتها بعد أن طرق الباب وقال: احم ممكن تقبلي الهدية؟
خديحة باستغراب: بمناسبة إيه؟
بقلم إسراء إبراهيم عبدالله
عمران: بدون مناسبة، هو لازم يعني نعطي هدية لحد لما يكون في مناسبة ولا إيه.... المفروض نعطي اللي بنحبهم هدية من وقت للتاني
ممكن مثلا عشان ندخل الفرحة لقلوبهم ونشوف ابتسامتهم، أو عشان ينسوا ولو جزء من تعب اليوم
خديجة بابتسامة: تسلم يا زوجي العزيز حقيقي فكرة إنك مهتم بأي حاجة تفرحني دي بالنسبالي حاجة كبيرة
عمران بابتسامة: طب افتحيها
فتحتها خديجة وهى متحمسة لترى ما بداخل هذا الصندوق المغلف بطريقة جميلة
فتحت عينيها بفرحة وقالت: إدناء ونقاب، بجد أنا طايرة من الفرحة
وقالت: تسلملي بجد أنا مش عارفه أقولك إيه أو أشكرك إزاي؟
عمران بابتسامة: كفاية فرحتك اللي باينة في عيونك دي
خديجة: طب هروح ألبسه
عمران: ماشي
ارتدته بفرحة، وبدأت أن تلف الخمار وترتدي النقاب
وهو يراقبها بفرحة
بعد أن انتهت نظرت له وقالت: إيه رأيك؟ حاسة نفسي حاجة كبيرة أوي
اقترب منها بفرحة وقال: فعلا
خديجة: طب يلا صورني بيه
وأخذ يلتقط لها بعض الصور ويريها إياها، وهى غير مصدقة أن أخيرا ارتدت النقاب
وأخذ معها صورة وهى تنظر له
هنا.في كرنفال الروايات. ستجد.كل.ما هواجديد.حصريورومانسى.وشيق.فقط ابحث من جوجل.باسم. الروايه علي مدوانة. كرنفال الروايات.وايضاء.اشتركو على قناتنا👈علي التليجرام من هنا
تمت بحمد الله
تمت بحمد الله